漁八•壽司

营业中

休息中

今日經過麗晶商場，見到有間日本野，環境一般，所以打算叫個熱食，於是就叫左個原味章魚燒，點知咬落去入面係凍嘅，連粒章魚都係冰嘅，有啲舊粉都未熟，沒下次，熱食都咁，需要食魚生嘅自求多福。

值得推介嘅外賣壽司店嗌返屋企嗌去搞party依家一定會揀佢唔會揀其他壽司材料全部充足而且新鮮仲有埋送貨服務最重要佢CP值高最平幾蚊一件，但係超高質素水準壽司一定會再幫襯👍🏾

記得剛搬到啟德時已經想試店面小小 卻有多種壽司選擇吃過一次之後便停不了😂汁燒三文魚性價比超高！壽司飯較小但重點還是三文魚啦！很香很滑的三文魚連同汁燒更加滋味～左口魚邊相當肥美，油脂會滲出來的那種🥹不得不提的是這店的章魚燒！很多店的章魚燒都太淋或太粉，這家的讓我很驚艷！！就算外賣待了個十分鐘章魚燒還是脆邊的！入面吃到粒粒章魚粒很有咬口，軟硬適中今次試試黑松露章魚燒黑松露的濃味加上脆邊章魚燒想不到如此配合！！超級好吃～～

收我吞拿魚腩價錢但比赤身我完全係違反商品及說明條例，而且刺身也不是很新鮮。店員居然說這是中吞拿魚腩。完全不能接受，寧願他說是訂單弄錯了，都不要欺騙我說這是吞拿魚腩！這次用餐的經歷是十分之不愉快，令我不會再有想有下一次預訂的體驗，請不要相信他的點餐只上的吞拿魚腩，因為是吞拿魚腩的價錢，但收到的是赤身的質素。希望不會再有消費者收到不必要的蒙騙，令到自己有不愉快的用餐經歷及浪費了金錢，而且味道不是十分之好。

住喺啟德呢個美食沙漠，外賣嘅選擇已經少，好多都唔好食，呢間食完之後成為咗我嘅最愛。壽司可以自選，又可以揀set ；又有熟食，例如滑蛋豬扒飯，咖喱豬扒飯。仲有章魚燒同其他炸物。我今次食返咖喱豬扒飯，我成日都食，行咗10分鐘返屋企豬扒都仲係脆嘅，咖喱汁好濃味，送飯好香口；另外叫咗一個原味章魚燒，我食開嘅章魚燒都係淋嘅，呢個係外脆內軟，超好食！！！我之前試過黑松露味章魚燒，都好食，但黑松露有少少搶fo，對於我黎講原味已經好好食，下次再試埋其他味先！

昨天去麗晶寄一份文件，巳經諗定食漁八壽司啦，今次外賣自取order了蒲燒鰻魚飯，滑蛋豬扒飯，再加多兩個手卷：吉列炸蝦手卷同埋龍蝦沙律手卷。外賣拎到返屋企，打開外賣蓋，鰻魚佔了外賣碗接近1/2位置，分量十足。吉列豬扒炸到金黃色，脆口再配搭沙律醬，口感一流。兩個手卷味道調配得剛剛好，非常足料豐富的一餐。下次一定再來幫襯。😋

汁燒三文魚飯 $34Teriyaki Salmon on Rice 呢個價錢竟然有丼飯食，仲要質素唔差架😚 三文魚用火炙燒後，啲油脂被逼出，而且帶有微醺的軟糯😋 燒汁嘅鹹味可以減低魚油嘅油膩感，加埋沙律醬，青瓜，玉子燒同埋蟹籽就令口感提升，食到清新嘅味道👍🏼 壽司飯嘅調味適當，醋味足夠亦唔會太酸，非常開胃🥰Where else can u find a don at this price?! The salmon had been seared so the fish oil was more pronounced. The saltiness from the teriyaki sauce helped with the heaviness, as well as using cucumbers, egg and crab roe to elevate the freshness. The rice was well seasoned with rice vinegar, just at the right amount of sourness. 海膽碎吞拿魚腩飯 $62Urchin

壽司拼盤C $438九龍灣想叫外賣壽司又唔想再食超級壽司就試下呢間因為要嗌夠特定價錢先至送餐所以就揀咗呢個貴啲嘅拼盤味道唔錯送到嚟都唔會變壞仲算新鮮有機會都可以再食聚會嘅時候大家好快一次過就夾曬啲壽司證明幾好食呀

係麗晶商場嚟講呢間店都叫係我經常幫襯嘅一間,平時就會食下日式咖哩飯同埋滑蛋飯多,都係阿囡同我最愛,又平又大盒,超讚呢兩日屋企大掃除,執完嘢唔想再煮嘢,咁我就話不如食壽司啦,咁阿囡就話咁就當做節今日食好D咁就叫多D嚟惠勞下自己呢兩日執得咁辛苦啦,兩個人叫咗下面咁多嘢,但都食得曬外賣自取仲有85折,大阪有唔記得影相,食食下先記得影,份量同質數都好ok,大阪嗰個餐有20件壽司,有三文魚x2,三文魚腩x2,吞拿魚x2,帶子x2,甜蝦x2,赤蝦x2,鰻魚x2,加洲卷x4,赤貝x2,折咗都係$171,食完大滿足

蟹子三文魚魚生飯 $34因為住得近所以周不時都會食，之前有食過佢嘅壽司，今次見到外賣自取有優惠，就試吓佢嘅魚生飯🤤😋點知一試就愛上！ ！ ！除咗啲魚生好新鮮之外，連啲飯都好高質！仲有呀，Wasabi唔知點解特別攻鼻，又幾爽🤣🤣🤣喺啟德站落車嘅時候落單，唔夠5分鐘就發現訂單已經準備好，超級快手！唯一美中不足嘅就係拎餐點嘅時候，店舖人手唔夠，有幾個客人喺店內等，但係都冇店員出嚟招呼客人，不過對於專門做外賣嘅小店來講，服務態度尚算唔錯🤙🏿可以一試！

咁就嗌左外賣買咗一個魚生飯同埋另一個三文魚汁燒鰻魚飯，依兩樣嘢都冇乜問題味道正正常常，但係當我食完兩個飯諗住飲過麵豉湯嘅時候呢，好似水一樣溝水溝到淡到要講粗口去形容，如果個湯係送嘅話呢我都唔介意嘅但係嗰湯我係俾錢買㗎

呢日去咗麗晶買有機菜， 買完之後諗住返屋企唔煮嘢食， 買外賣算~ 咁就響麗晶商場行咗轉， 見到漁八呢間壽司魚生店，好似幾吸引， 同埋佢有熟食賣， 但係我都係想食魚生， 都係揀咗個蟹籽三文魚魚生飯， 我以為我睇咗， 34蚊。。。。 咁平嘅？！ 既然咁平， 等我叫多個手卷先~~~ 我就揀咗海膽手卷返到屋企，急不及待食個蟹籽三文魚魚生飯先~~ 睇吓34 蚊俾咩我食先都幾大碗，d三文魚生都幾新鮮， 都幾多三文魚， 34蚊真係抵食， 冇得輸 但海膽手卷都幾大舊， 食完個魚生飯都飯飯地， 再食埋個海膽手卷真係好飽 紫菜同飯卷係分開， 食嗰陣先卷， d紫菜唔會淋晒~ 正 入面嘅海膽都幾多， 唔錯呢間漁八真係好抵食，街坊價錢，下次去開附近都會再encore~~~

咁啱朋友生日🎂想嗌下壽司🍣食首先呢間價錢已經係超值 係連鎖外賣果間嘅價錢 💰 仲要嗌夠四舊水九龍區送貨免運費 足不出戶whatapps 㩒幾個掣就可以食到 📲 呢staff 仲好迅速同有禮貎回答我嘅訂單𠻹最重要嘅係全部壽司🍣刺身都非常新鮮超有水準 😋 唔會好似連鎖外賣果啲咁 一打開就feel 到好唔新鮮同雪咗好耐 😑全部都大大件非常足料 絕對唔會將貨就價如果想用超抵嘅價錢食到超高質嘅壽司🍣刺身 真心值得推介 下次一定會再嗌👍🏾👍🏾👍🏾👍🏾👍🏾

2020年1月1日晚上經app叫左外賣，價錢唔算多，$700內，1900比錢落單，一路等，等到2010，個外賣都未到，開app，張單冇左，無Miss call ，無短訊，親自打去餐廳打左5次都冇人聽，但當時app仲見到可以落單，搞左一大輪先聯絡到app客戶服務，又查左一大輪先知佢地已經收左工，電話都冇個通知，落到單，比到錢，但又冇通知客戶情況下取消張單，好似唔需要責任咁，2020第一日就咁，唔係下嫁！？

無意間係fb見到呢間壽司店有外送服務,咁岩公司開party咁就試下，打去落單既時候，因為佢地d壽司好多都冇圖片睇所以有d都要問下店員係d咩同有咩推介，都問得比較耐，有d唔意思添好彩店員都幾有禮貌，唔錯唔錯店員推介厚切三文魚腩壽司$15/件，送到黎緊係要試下啦真係有驚喜呀個三文魚腩係岀面好少見到，食落好肥美其他既壽司都幾抵食，比起出面d大品牌相對性價比大d小店黎講算好好，下次會再幫親 P.s如果下次有外賣碟提供埋就好喇