渝薌烤魚

营业中

休息中

心血來潮食烤魚，就揸車到九龍城食烤魚（係呀，九龍城除左泰國野，仲有間好耐歷史既烤魚😆）這間「渝薌烤魚」係上次路過後，收藏餐廳之一。店內環境一般，不算精緻，但坐得舒服。菜單只有兩款魚（鉗魚/ 鯇魚），有唔同湯底選擇，辣度當然有大、中、細。有別於一般烤魚原條奉上，餐廳有細半條/大半條/原條鯇魚選項。是日二人晚餐，細半條烤魚。但留意烤魚只送一款配菜，其餘配菜需另外叫的。今日配菜選左𧐢仔、蓮藕及水晶薯粉係香港食開烤魚，鯇魚比較少見。鯇魚新鮮，魚肉結實，但魚骨都算密，要小心咀嚼先吞落肚。今次烤魚叫左小辣，但應該叫中辣，因為烤魚比平時叫既辣度得少了些。配菜既𧐢仔值得推薦，𧐢仔細細但飽滿，煮完都唔係好縮，仲要量算多👍🏻水晶薯粉不如紅薯粉般煙韌，但薯粉與烤魚永遠是絕配😋總結：可encore 試中辣及鉗魚，或係午飯時間試佢地既兩人餐：有烤魚、配菜、小食及白飯。價錢都係二百幾，性價比高！

在YouTube看到有人介紹，很想朝聖一下，終於的起心肝一試😤😤！.午餐時段去其實沒有人叫烤魚，通常都叫魚湯米線/泡飯，全場只有我們叫🙇🏻‍♀️不過五時前有折，又送一份$23配菜👍🏻我們叫了香麻辣味烤魚🐟（$225），不能吃太辣的我們叫了小小辣，大半條。魚身鋪滿豆豉辣椒，辣油不會太多，辣度剛好😋，很香「椒」味和香料味，最愛那越吃越麻的感覺😍。魚肉結實不會煮散，飛過油外皮更脆更香口，不會有草青味👍🏻👍🏻薯粉是送的，吸了魚湯很滋味，還不易煮爛，很煙靭，差點想encore😝😝肥牛（$48）來貨普通，肥瘦肉不均勻，牛味欠奉，也只有四五片，不叫也可以🤭🤭蠔仔（$48）一定要叫！有足足十多粒，飽滿漲卜卜，新鮮又洗得乾淨，煮完也不會縮小很多，十分鮮味，一入口就爆汁，很過癮！🤤🤤職員服務很好☺️☺️又會添水，加湯，又主動幫我們剪魚骨，雖然交通不太方便，但想過辣癮絕對會再去👍🏻👍🏻！

第一次來九龍城食烤魚，估唔到呢度嘅烤魚都幾高質！呢度有2層，味道7點已經坐滿座地下個層，我哋要咗上面～ 因為唔係好食得辣，所以叫咗蒜香烤魚，條魚好大條，啖啖肉，魚骨唔算好多，就算有都係大骨多，不過如果辣嘅話會更加惹味！

服務差劣，食品不見得好食！問了四眼哥仔，有乜魚介紹不要多骨，點知啖啖都是骨！水都無杯招呼，問佢可否比5杯水/茶，慘過問佢攞錢！book 位5人！比4人枱！一句到尾，唔洗比錢我也不會再來！現在只可説貼錢買難受！

烤魚 好多地方都有 ，由內地紅極一時既探魚 好似多左人食烤魚呢間烤魚由我讀書果陣已經會食 果陣覺得好貴 所以唔捨得食🥺今次路過九龍城 再黎回味下以前既味道因為我同朋友 唔太餓 所以只係叫左大半條魚。味道其實係好食 料夠足 豆卜索晒汁 食得好過隱。魚都係新鮮就好食了 啖啖肉 ，今次冇留意係咩魚。 同大陸間探魚比 我覺得 香港烤魚冇咁重味精 好似無咁多化學野 又唔使排咁耐 。不過最重要既野係 呢度隔左咁多年都冇乜點變 陣回憶仲係度🤤。大家行過都可以試下

今日本來想返深圳食酸菜魚，但因為一D原因，加上落左今年第一場紅雨最後取消左。於是同男朋友約出黎九龍城食晚飯。本來我想食泰國菜，但佢話想食魚，咁就搵下附近有無酸菜魚啦，點知又俾我地搵到一間食烤魚既店。餐廳裝潢簡單，原以為係一間唔起眼，無咩人幫襯既店。入座時差唔多7點，店面都未算爆，但我地坐低無幾耐就越來越多人，睇黎呢間店都幾有人氣咁wor。我地兩個人叫左唔辣既「酸菜味烤魚(鯇魚)細半條」，配料加左紅薯粉。奶白色既湯底好鮮味，再加上鹹酸菜，越煮越入味，正呀!烤魚肉質嫩滑新鮮，無魚腥味，魚皮好彈膠質十足，唔錯。唯一缺點係我唔係好食到烤過既味道。侍應姐姐上左一碗紅薯粉俾我地，碗紅薯粉有D水浸住，我地以為係普通既水等D粉唔會痴埋一舊，當我地落紅薯粉時，侍應姐姐話個D係魚湯，可以一齊倒哂落去煮，唔洗咁辛苦分開D粉同D水。呢樣野要讚下!紅薯粉吸哂湯底既精華，超級好食，強烈推介要點紅薯粉!我地另外叫左個「蒜泥白肉」，呢個真係超驚喜!「蒜泥白肉」一碟有六舊，五花肉厚薄適中，捲著新鮮既青瓜絲同芫荽，最正係佢個醬汁，蒜泥味濃而不火，帶微辣，仍然可以食到每一樣食材既味道，係非常有水準的一道涼拌小食。以為佢既烤

酸菜味烤魚 ($298整條/$219大半條/$189細半條)我地今日嗌左大半條既鯇魚首先講下個湯底 用左奶白色既魚湯去做成既湯頭 如果食食下唔夠湯 啲姐姐會好貼心咁幫你加魚湯 唔會愈食愈淡🤤🤤 另外 佢地一開始上菜既時候 特登唔加太多湯 令食客可以先品嚐烤到好脆既魚皮 之後先再落正常份量既魚湯🥰酸菜 係成個酸菜味烤魚既靈魂所在 份量夠曬多!而且唔會過鹹跟餐送左一份薯粉 呢樣真係必嗌😻😻吸曬魚湯同酸菜既鮮味 必點配料!!!!! 不過呢 如果有得加辣味就好

講返聖誕節，其實都係前兩星期嘅事，因為實在太正我要慢慢諗下點寫，首先約左個靚仔係九龍城食飯😍，因為出面怕多人，所以我地走左入九龍城搵食。佢揀左有好幾間餐廳，其中一間渝薌烤魚佢之前去過都推介，我唔想又去西餐廳，所以揀左去食烤魚。🐟🐟🐟我地都不吃辣，所以揀左＜酸菜味烤魚＞原條鉗魚上，再加配菜3樣，另外叫了個＜海海哲皮蛋＞，＜蠔仔＞，＜青島啤酒＞一支。＜酸菜味烤魚＞原條鉗魚上，再加配菜，放入熱鍋，好似打邊爐咁，都幾大條，都幾滑幾新鮮，2個人食唔晒，可以加少點配菜。海哲皮蛋，麻麻地，個芯有點霉，我都無食晒。蠔仔都新鮮，要滾耐點熟透才好吃。呢個聖誕大餐 都算，色，香，味俱全，但係色係被我個小鮮肉嘅

星期日冇book位情況下過黎，間野有兩層，好彩都係等左陣就入得，嗌左個香辣味，中辣，大半條，另外再嗌個薯粉，燒鱔串，燒豬頸肉同燒羊串條魚好出色👍🏼真係烤過架 超級香👍🏼👍🏼👍🏼好多地方真係食唔到，就算出名食麻辣四川野嘅佐敦一帶，都好難搵到呢質素，而且冇乜骨又有新鮮魚味，呢個價錢食到真係超值，係衰在九龍城對冇車人士係唔好方便左d，另外必嗌係佢嘅燒鱔串，又平又好食，真係食到燒左d魚皮嘅油香，不過另外嗌左嘅豬頸肉同羊肉串就正常味道，唔算話好出色，最終強烈建議大家嗌份薯粉，食到咁上下放薯粉，等佢索哂d烤魚嘅汁，真係好正😋😋😋😋。另外呢間都算係小店，每個員工都好忙好勤力咁做緊野，如果對服務要求極高嘅話會令你失望，因為人手唔多，唔會好似我地出連鎖食市咁長期有個人係你左近等你落命令

早幾日係網路見有人介紹食烤魚，所以今晚特登來試下。大約8:30到達，等了15分鐘就可以入座，烤魚可選辣或不辣，每各有幾種煮法我們要了整條香辣味的烤魚，味道幾好，另外送了一碟幼薯粉，還加了一碟肥牛，西洋菜和仔麵整體味道尚可。

如題，此餐廳的服務態度 十分惡劣，就算食物質素尚可，看著那昂貴的價錢牌，卻只換來不被當顧客尊重的待遇，可能因為過往餐廳業績尚可的因素吧，因此較不重視對待客人的態度，進食過程中也看見有對年輕情侶貌似因不滿服務態度而沒有點餐後便離開。總括而言，假如你想吃烤魚而又不重視性價比，更不重視餐廳的服務水平的話，這餐廳也可以接受。可是如果是我的話，不了，沒有下次！

今日經過九龍城，突然間想食米線，抬頭望之際見到有間聲稱係魚湯米線， 突然湧上魚鮮味所以就入咗去，價錢唔算貴，雙併37蚊，但係杯凍飲就好貴啦，要加十蚊叫咗肉碎肥牛米線，上枱之後眼都凸， 啲肉碎真係碎到差啲搵唔到，湯底完全冇魚湯味，同滾水無咩分別，唔會再幫襯

今日買完餸，又去街市對面街，「行前兩步」搵食，呢兩有D秋意，所以食條熱辣辣既烤魚配王老吉就fit 曬！ 呢間D枱係啡色木枱，小店格局有D似內地鋪頭，唔係靚裝，但係就帶點風味，下午茶人少少，店內都通風清爽，講返條魚先⋯魚味係好味既，可以用有陣清香撲鼻形容，魚肉唔鞋口，不過配菜（香菜，芽菜個D）太少，可以加多些少，令湯底更香，我偏愛濃郁，帶點麻辣湯底既烤魚多D。

呢間嘅lunch我同啲friend就食得多 夜晚就係第一次!! 我地都好鍾意晏晝過嚟食湯飯或者米線😛 成日食嘅時候睇到餐牌有烤魚 都好想試吓夜晚嚟食烤魚🐟我地大概七點去到 出奇地夜晚唔算太多人 去到大概八點地下嗰層先差不多滿晒 不過佢有兩層嘅 大家又唔駛太擔心冇位 😗 佢烤魚有七種口味 有啲有辣味嘅 佢有分大中小辣 可惜我有個朋友唔食得辣嘅 所以我地叫咗酸菜烤魚 而烤魚既份量有分全條 大半條同細半條 我地四個人就叫咗大半條 再配一樣$21嘅配料就$215 我地嗌咗幼薯粉 再加腐皮同唐生菜😋 我地貪呢啲配料吸味啲 魚質食落口好滑 但係就比較多骨 酸菜嘅味道同條魚都好夾👍🏻 好驚喜食到咁上下 好似都唔係太飽 所以我地要多咗個雞翼米線 雞翼米線係我地嘅最愛!! 雞翼分開碟上嘅 雞翼炸得香脆 食落仲好熱辣辣㗎!! 尤其係冬天食 真係好正🙊 雞翼米線晚巿食就貴少少 要$46餐廳唔收加一 全枱埋單都係$317 都唔算貴🤓 條魚太好食 下次會要全條🐟

第一次黎九龍城食烤魚, 估唔到比預期好味~開頭以為呢間鋪頭細細, 原來樓上仲有位, 所以唔係等左好耐就有位啦~麻辣魚皮魚皮好有咬口, 不過個汁就冇麻辣味我地叫左酸菜味鯇魚, 呢度係大半條, 比我想像中大條, 另外仲揀左金菇同紅薯粉食~個湯底好甜, 金菇一路浸住吸哂d湯係好好味我平時出街好怕食魚, 因為要挑骨, 好彩條魚d骨好大條, 唔會食得好麻煩, 而且呢條鯇魚都好好味, 我地2個人食份量真係岩岩好, 仲要食哂所有野呢間烤魚一定會再黎encore呀