渝薌烤魚

营业中

休息中

整個星期..日日都落雨係依兩日先好天少少~依日仲超級暴曬+勁熱昨日買定食材..朝早係屋企整Home Brunch順便避開猛烈陽光~等晏d先出去食飯+行街下午比兩間食店另一半選擇~1.烤魚 2.中菜館擺明兩款都係揀岩佢食既呢~最終佢揀"烤魚"反正去開九龍城~行完街就去"渝薌烤魚"食晚餐食店地方唔算大..但有2層~我地安排坐2人座檯比較細~基本上放條烤魚..其他野都放唔到咁滯烤魚有3款Size..原條($268)/大半條($199)/細半條($169)味道有4款.."酸菜味/香麻辣味/香辣味/泡椒味"(大/中/小辣)另送一款配菜~我地點"香麻辣味烤魚(大半條&中辣)"配大豆芽豉味醬好香..辣椒越滾越火辣~大蔥&芫茜多d更好阿姐話原條有2斤幾至3斤~2個人食大半條份量都夠魚肉好新鮮..鯇魚就比較多骨~煎過皮層帶焦香麻辣味方面~夠辣..但麻味欠少少~可以重一點好少烤魚店用珍珠米..夠粒粒黏韌一般配料($18/款)..部份豬皮/酸菜等($34/款)點金菇菜($18) & 蓮藕片($18)~金菇菜好入味..越滾越辣蓮藕片爽脆~另點啤酒($28 x2)另一半話暫時食過最好味既一間~加上佢本身唔lik

琴日同朋友去左九龍城，佢就熱烈推介去食烤魚，佢話黎到九龍城，點可以唔去食渝薌烤魚。咁就聽佢介紹，就去左食。入到去佢即刻推介話一定要試酸辣烤魚。最後，我地叫左一條烤魚、一碟豬耳同埋三碗魚湯米線。等左一陣，香噴噴嘅烤魚就送左上枱，聞到佢嘅香，口水都就快流曬出黎。夾開條魚，一陣陣煙係魚肉入面慢慢地漂出黎。食落去，魚肉嘅香再配上酸辣嘅味道，兩者簡直絕配，一甜一辣，兩者完美的說。真係世界級。呢一餐真係好好食，如果有下一次黎到九龍城，我一定會再黎幫襯！！

渝薌烤魚，之前仲住緊九龍城已經間中一路有食，覺得佢味道一直保持好好嘅水準。平時下午去食會平一啲，一個烤魚套餐都係200蚊左右。不過為咗同朋友一齊食所以夜晚去。有時呢間食店都幾多人幫襯，最好打個電話去留個位啦。我今次叫咗一條烤魚，小辣。其實小辣都只係吊味，鍾意食辣嘅朋友可以要正常辣或者特辣。烤魚十分香口，肉質嫩滑。另外仲有配菜可揀，我揀咗唐生菜，唐生菜可吸埋烤魚汁精華，正！另外每人叫咗個淨魚湯米線，個魚湯真係好味，食得出係真係用魚煲出嚟。最後我係飲哂啲魚湯。一邊食烤魚一邊食魚湯米線，其實食完都好飽。三個人食最後埋單都係$400左右，如果多啲人食可以試埋炒蟹添！

琴晚入左九龍城食烤魚，味道真心唔錯bo,而且唔使同人逼(其實呢個先係重點lol) 叫左細半條烤魚($159)，份量一d都唔細bo，而且送埋一款配料（可以揀薯粉烏冬生菜金針菇etc...)如果你再加配料，就每款$17。泡淑味道就相對唔辣(小辣左右) ，直情唔食得辣就可以揀酸菜味。D魚切得好厚身，所以啖啖都係肉，唯一缺點就係煮得愈耐會愈黎愈咸，早知早d加水la ……… 唔記得講，呢度唔收加一 ;)

訂了位，我們一行4人準時到達。麻辣魚皮: 拿最頂的一塊嚐嚐，已經感受到它的麻辣。口感很爽，而且那種麻跟辣和魚皮配合得很好，下次逛九龍城可試試外賣一份走!芥末蠔仔: 蠔仔有麻辣味或芥末味供選擇，因魚皮已選了麻辣，蠔仔我們就芥末一下吧!因為魚皮較辣的關係，吃這個蠔仔的味道十分refreshing! 芥末又不會嗆鼻，不錯不錯。燒茄子: 茄子一條，面鋪了蒜頭和蔥，沒什特別。麻辣烤魚小辣(大半邊) + 幼薯粉: 魚肉很嫩，但洋蔥大蔥都很少，跟大家所說的一樣，愈食愈辣，不能自已。17元跟烤魚我配菜我們選了幼薯粉。這個幼薯粉很QQ，像是咬不斷的，哈哈!因為這次有個朋友不太能吃辣才叫了小辣。下次跟嗜辣伙伴前來吃中辣吃個夠!!

又係同女友食，大家鐘意食辣，今次食個烤魚，之前食過油麻地某間幾好，所以試吓哩間。去到唔使等位。入到去坐低位置較窄，之後叫左半條小辣同麻辣魚皮，等左一陣都好快有，配料一般啦，因為多配料要加錢(幾貴唔抵),通常烤魚都好香，今次都唔例外，有個爐燒住，冬天食一流。食左啲魚，發覺無咩野味，只係魚表面層皮有味，魚肉無味，好似無乜味精，但都夠辣。另外麻辣魚皮唔差，舖頭重有其他野食，喜歡食辣野係不錯算擇，係條魚真係唔夠味

睇左openrice超過十年, 食評就睇得多, 從未寫過一篇, 今次真係唔寫唔得!!! 話說尋日同女朋友一早就買左好多嘢, 大約中午12:00左右, 一抽二"lung"入去食飯, 間餐廳只有一、兩枱食客, 大約有六、七枱四人枱空枱, 正當諗住坐過去, 嗰個阿姐就話: 「你地兩個人坐兩人枱啦!」其實本來都冇乜所謂, 不過你只得一張兩人枱, 張枱又細, 盤烤魚又大盤, 我地又一抽二"lung", 又大褸又羽絨咁, 又唔係冇位, 點解要迫人坐呀? 現場都有兩個人坐緊四人枱啦, 而且冇咁多嘢拎, 你唔叫佢地坐過去? 於是我地照坐四人枱, 起碼則邊可以擺下嘢, 跟住個阿姐就「警告」我地話:「 如果一陣有客都要搭枱o架!」大佬, 我又冇話唔俾搭, 只係想則邊有位擺下嘢啫! 講返Ｄ嘢食, 一個字:「唔好味!」我地叫左酸菜烤魚, 花雕雞翼麻, 兩個字:「魚冇魚味, 雞冇雞味」條魚唔新鮮, 味精重, 三個字: 「失敗!」到埋單時, 因我冇散紙, 諗住碌 card, 個阿姐好冇禮貌咁話:「我地不嬲都唔收卡播!」跟住我攞張一千蚊出黎, 個阿姐仲寸:「一千蚊都唔收! 你去出面睇下啦, 而家全部都唔收一千蚊

好味嘅麻辣烤魚, 試過咁多間始終最喜歡幫襯呢間, 因為唔太油(試過其他好似成盤油咁), 所以冬天必去渝薌烤魚~ 再加肥牛, 正!! (不過碟肥牛好少得幾塊)~另外推介d小食, 個荀好特別~

想食烤魚一段時間了見網上評語不錯專誠黎到九龍城我跟男友都是愛辣一族當然叫個麻辣烤魚我地叫左中辣大半條$149伴菜要大豆芽另加$16要左粗薯粉魚質不錯 很夠份量但麻辣略厭唔夠麻(餐牌上有香辣的 唔知有咩分別呢) 不過越食越辣 很有風味煮到一半時 還會加湯 一讚！不過始終係麻辣 會比較油另外粗薯粉實在太粗 煮到尾都唔冧 只好放棄了愛薯粉的 或者可試試普通幼薯粉或水晶薯粉

我覺得呢間烤魚會為你帶來驚喜，我兩個人叫左一整條，（佢其實有大半條同小半條選擇的。）叫左麻辣小辣的，但我覺得下次可以叫中辣，因為今次覺得唔夠辣。食魚之外你可以係魚旁邊滾下其他配料，（ 好似打邊爐咁）叫左肥牛，粗薯粉，蘿蔔同蠔。最值推介係蠔，d 蠔雖然細細隻不過好乾淨而且一d 都唔腥！講返條魚，我朋友說這魚叫“大魚”係淡水魚，唔算多骨，啖啖肉，一d都唔鞋，好滑！餐廳佈局一般，而且見客人通常係一班朋友黎食，有d嘈。不過一句講哂，一定會返黎！

男友一向喜歡吃烤魚，話之前同朋友食過覺得唔錯，今天帶我去試下!位於九龍城都幾易找，地方不大，但尚算乾淨企理，男友之前訂左6:30pm兩位，不過其實我地6點幾去到都未坐滿既。前菜方面，我倆點了芥末蠔，要給十個讚!!因為蠔真係大大隻，而且芥末味十足，醃得夠耐，但又不會奪去蠔的鮮味! 好似其他地方未見過此做法，總之辣得黎有鮮味，加上青瓜絲的清新，實在是非常好的配搭!男友點了白鱔串燒，我怕熱氣不吃，只有男友吃，佢話肉質嫩滑，而且冇骨，好啱怕魚骨的人食咁話!主菜方面，兩個人點了酸辣烤魚(微辣)，但只有鯇魚揀，因為屋企都已經成日食鯇魚，所以對我來說冇咩驚喜，不過魚都算新鮮。烤魚的配菜有芽菜、腐皮、蔥等大路野，我怕太辣所以只點微辣，但原來食落也不太辣，我想我應該可以挑戰到小辣。火鍋料方面，我又要食、又要減肥，所以只點以蔬菜為主的配料，有西芹、豆腐，食物都尚算新鮮，只有男友叫了白飯，而自己就冇食飯了。男友食完飯說未夠飽，而且不要浪費左d烤魚湯汁，便叫了出前一丁，一煮當然公仔面吸晒烤魚d精華好惹味啦!總體而言，環境、食物、服務都不錯，有三五知己出開九龍城，這裡都是不錯的選擇! 要進步的地方是魚款多d選擇

我地叫左麻辣魚小半邊，一碟海帶，一碟公仔面(餐牌寫"出前一丁)，一碟腐竹。講到震店的魚，唔係特別好味道，唔算係有新鮮魚的鮮甜味，加上味精比較重。 海帶淋淋地，點酸辣汁都可以，寫住出前一丁的公仔面，佢話係魚湯但係其實係味精湯，仲倒落魚到，搞到好喊好多味精。個腐竹好好味

曾经朋友推荐这间烤鱼店，所以和朋友們找來一起嘗嘗。點佐麻辣魚配（豆皮，蘿蔔，芹菜同埋寬粉）剛開始食魚，不是很辣，但是很鮮美。時間越久，辣味越濃啦。羅白，寬粉同埋芹菜是一早下進去的，越後來味道越濃啦，豆皮是想吃的時候涮一涮就好的啦 贊啊還點佐麻辣雞軟骨同辣子雞的味道好似，但是好吃過他啦跟住是涼拌青瓜用來解辣的麻辣牛展：不是很好吃。。。酸酸d總有紅油豬耳， 這個都是不錯的啦。

下午兩點幾去到，餓到暈，點左午式二人套餐，細半條酸菜魚，金菇，芥末豬肚，兩碗飯。單點一碟魚湯生菜。等左好耐，餓到過左已經五餓先上魚。酸菜魚五辣，放心食，但都有d油，驚驚，所謂酸菜根本係鹹菜，不過幾有味反而芥末豬肚好好味，驚喜之作，特別係下面既黃瓜魚湯生菜淡口咯下次試下米線

港九培靈研經大會後，與一眾弟兄姊妹到九龍城覓食，來到之前已光顧過，但又極度回味的餐廳。它的招牌菜是麻辣魚，當然要再吃啦。味道真的很好，加上有火在煲下保度溫度，能夠恒常地把熱辣辣的感覺帶出來。而因今次同行的人不少，所以也叫了另一鍋魚，是不辣的酸菜魚。估不到的是竟然比麻辣魚更勝一籌。魚肉很滑，很鮮甜。加上有蘿蔔一起吃，甜味盡收口中。一些麻辣小吃也是非常可口的：蠔仔、魚皮及木耳。每一味都辣也鮮，真的很回味。