港澳義順牛奶公司 (已結業)

很久沒有來了...今天叫了一份蛋治和一碗雙皮奶. 雙皮奶水準一貫的好,但蛋治卻差了很多! 那個蛋超熟,完全不像以前較厚嫩滑還有少許蛋汁的. 是他們怕禽流感所以要把蛋煮得熟透嗎? (低分是給蛋治的)

和友人點了咖映多. 果占多同腸仔煎旦,友人認為煎旦很滑很正,我則覺得很普通..18元只有兩旦兩腸,有點貴.反而8元咖映多.很香很特別 回味無窮不足之處是人流太多,需要搭台,而且不好意思坐太久不是一個吃得輕鬆的地方結論是,咖映多有下次,但是一定外賣....

補回17-1-2009食評 記得兒時我們全家由澳門搬回香港後,老父很愛帶我們去"義順"吃早餐的,今天帶著我的小B女經過太子這間,便入來試試~我們叫了火腿通粉--->>這個仍然好滑~雙皮奶--->>吃不出兒時的味道了~奶茶--->>仲差過我自己沖的,茶餐廳形式的食肆,連茶都沖唔好,有點可惜~因為這兒沒餐叫的,埋單 $50元.

同朋友下完棋之後, 要談的事未完,便到義順當食甜品, 再聊.來到義順, 離不開其雙皮奶. 二人本來想食薑奶, 但! 都係雙皮奶好. 時正嚴冬, 當然要熱的雙皮奶.入夜了, 平日中午晚上的人潮大概已集中回旺角中心街頭. 店內人不多, 正好有個環境傾下計, plan行程. 義順的奶, 勝在奶味香濃, 每次黎都只顧雙皮奶, 而沒有一枝枝咁飲. (呢個下次到澳門飲). 熱雙皮奶, 比較少食, 其實食炖奶, 奶的Creamy口感要在熱食期間, 才能夠顯現出來, 奶滑如豆花, 那層不太大的皮, 正是奶之精華.是否先入為主, 或又是廚子的問題, 始終覺得澳門義順比香港義順稍勝一籌.

兩星期前, 乖女打包回家, 請兩老食義順雙皮奶, 還以為她去錯地方, 怎麼義順甜品變得如此不濟? 奶還奶, 水還水, 似飲緊壽星公煉奶, 乖女還解釋可能自己在途中把外賣包 "撞來撞去", 撞出水來吧昨天路經此地, 索性入去堂食, 點了燉蛋, 牛通及油多, 後兩者保持佐敦店水準, 但那碗燉蛋實在令人失望, 未食已出曬水, 無蛋味, 得個甜字! 問題係: 義順賣的是甜品, 主打傳統甜品都做不好, 乾脆改名茶餐廳好了 不知佐敦店水準如何, 還要再給它機會嗎??

I have eaten the dessert in the past. Things is very good.But service very crazy.....All staff seem haven't training, bad service, no smile. It is a very old company,but how come the service can like this. Even the thing taste good, but i never will try to eat anymore. Give money to eat but also want to get the service.

十二月六日(星期六)食過早餐沿住花園街遊走,諗住過對面馬路時見到義順牛奶公司我雙腿便不由自主地向前走...時間尚早,不算太多人坐低隨即叫左碗雙皮奶同薑汁奶(熱食)兩者看起來都像豆腐花,但吃的時候覺得很香濃幼滑卻以薑汁撞奶較為吸引,一來薑味濃烈,二則甜味適中反之雙皮奶因過甜而失分

平時食開雙皮奶，無諗過要叫紅豆雙皮奶，因為個人覺得原味係最好食既。有次同男友去食，佢叫左紅豆雙皮奶，我照叫返我既雙皮奶。佢話好似熱既紅豆冰一樣，好甜好好食。我一試，Ｄ紅豆真係又甜又好食　加埋熱辣辣既雙皮奶，真係好夾丫～所以我就偷左佢一半紅豆去我碗雙皮奶～嘻　真係好甜～本身雙皮奶，奶味夠，唔甜，只有濃濃既奶味，加埋甜甜地既紅豆，真係perfect! 紅豆仲起沙架~ ^_^ 正!!!!!

同朋友食完飯, 行行下, 朋友提議食甜品, 所以入了港澳義順牛奶公司。我和朋友都選擇了熱的薑汁撞奶, 很快食物到, 滿滿的, 表面看來不算滑, 但入口原來係非常的滑, 薑味o岩o岩好, 真係好好味呀! 好想食多碗, 但又怕太飽, 下次再幫襯啦!$21元一碗, 其實都幾貴, 但真係好好味! 諗起都想食啊!

好耐無食過燉蛋,趁尋日行完花園街,走黎抖一抖,食碗冰花燉雞蛋,好可惜...質素比以前差左好多喎!碗燉蛋得個甜字,真係好甜,但係無乜蛋味,佢既深黃色更多令人驚訝,真係得好緊要好深色,好似假野咁...食食下又好似生水咁喎...比出面某d甜品店,呢度似乎失色左d喎!有待改進!

今晚晚飯食完壽司仲係唔係幾飽，諗起義順就在附近，於是同老婆入去一人叫咗一碗薑汁撞奶。一端上來，雖然碗奶唔係好熱，不過味道都唔錯，薑味幾夠，甜度都適中，係好似稀咗d，而且價錢唔算好平，都要成$21碗。不過呢度話名係牛奶公司，以牛奶做賣點，收貴少少都算合理嘅，總比收得平但唔好食好啦。

上星期六10PM食飽飯後密友B仔想食雙皮奶, 佢係甜品痴.....咁我又諗起太子地鐵站附近有間燉蛋做左好多年....咪帶佢去試D好野........一坐低B仔就即刻叫左雙皮奶....我唔好甜品咁我想睇個menu有咩其他野食啦.....個呀嬋就係1分鐘內問左我兩次食乜, 我話"睇睇先"...佢就企左係我側邊唔郁等我......超煩! 原來唔食野要收10蚊...我又唔係唔食, 睇下menu都唔得....! 鋪頭又冇乜人... 最後係壓迫下是但揀左冰花燉蛋--- 普通過普通, 有蛋味既 BUT 好多水係底 + 太甜...B仔個雙皮奶仲大鑊....望落好似已經擺左好耐 -_-" .....佢食左一啖就話"嘩! 好難食...好甜喎...完全唔掂呀...好似隔夜咁...." 跟住佢默默食完佢碗野....我又默默食完我碗野....即走! 做左幾十年咁既態度同咁既食物質素真係要認真檢討下.....

午飯後覺得有點不舒服，便到了太子的"相熟醫生"問個究竟，原來是自己有點休息不夠才致不適。看完"病"後，跟女友在街上逛了一會，感到累了便進來吃個小點，順便休息一下。為了留肚應付一會的紫砂飯局，便只要了一碗熱的雙皮奶，而女友.....則要一件蛋牛治﹗雙皮奶一如以往的味道，在這食評不再詳敘了。而那份蛋牛治，煎蛋的火候頗好，有不少的蛋汁﹔而牛肉都是梳打牛來的，味道息怎樣也不如有醃製過的美味。整體上算不過不失罷了。物價飛漲，現在一碗雙皮奶也漲至廿多塊了，跟一個"碟頭飯"的價錢差不了多少﹔對我而言，是會減低了來吃的意慾......

正當呀媽去買花，我又想買野俾男友既時候，呀媽話不如試下呢間佢食開既舖頭。食左一個似早餐到爆既Lunch。雙皮奶 + 豬扒通粉@@"通粉湯澳洲濃佢好多@@"豬扒份量都較少（得三四舊＞.<"）通粉反而大份@@"豬扒都唔夠調味同較硬@@""要放湯......至於至愛的雙皮奶嘛@@"我都係覺得澳門較好食*因為＠o個度既味道較濃，雖然呢個都合格，都有奶香既=]呢度唔係差，但我可能先入為主左......@@"

薑汁燉奶：薑汁味算足夠！好滑！朱古力味燉奶：朱古力味道不會太濃，凍食似阿華田味道，有朱古力味唔會咁清，ok！雙皮奶：滑！香！幾好！紅豆冰、紅豆雙皮奶：同我想像中有點分別，麻麻地，紅豆仲幾硬下！餐肉蛋通粉：咸！