港澳義順牛奶公司 (已結業)

行完始創,想食少少甜品,結果幫襯左義順牛奶,叫左一碗薑汁燩奶食,味道幾好,入口夠滑,算得上水準之作,薑味幾重,吃完口佈有股涼快既感覺!服務算ok,侍應斯文,價錢就高左少少,因為十五蚊一碗合理一點!

西多士,炸得很脆,牛油亦很新鮮,糖漿亦不膩.可惜今次芒果鮮奶只有芒果味,香蕉鮮奶則不夠香蕉味,激死!!!

之前除左食甜品，都覺得呢道ｄ豬扒好食，但今次，味道都ｏｋ但口感有ｄ似柴皮，而燉奶都係，味道同以前差唔多，但係好稀，唔通因為通漲，所以攪到咁？？不過呢道ｄ加央多士就幾好食！

飯後再嘗甜品, 但因方向弄錯, 不知不覺去了義順.入到店內, 食客依舊是多, 椅子還未坐暖, 我鎖定了來個雙皮燉奶, 熱的! 另外是薑汁撞奶~~雙皮燉奶依舊頗有水準, 白滑香甜, 偷吃了一啖隔壁的疆汁撞奶, 尚可接受, 略嫌薑汁不夠薑, 或是我的雙皮奶甜得來太嫩滑所蓋了味覺?

行街行到累，黎呢度吃吃甜品！薑汁燉奶(熱) - 薑汁味濃！好驅寒！滑到個口唔駛郁，燉奶自己跣入喉嚨~朱古力味燉奶(凍) - 味道似阿華田！都幾好~不過$21/碗真係幾貴！

心血來潮之下，這天到了義順來吃雙皮奶。現在有很多喜愛的食物，都是因為小時候跟著媽子四處逛時而養成了習慣，如奶茶、豆漿、朱古力花生等等小食都是因為她給我吃一點點而漸漸喜歡上了的，特別難忘的是現在的九龍城街市還沒重建前舊街市的食店，那一碗麻油香噴噴的碗仔翅、糖不甩等小食，到現在印象依然非常深刻。雙皮奶也是她喜好的其中一樣甜品，在香港來說，做得比較好更穩定的，也只有義順才廳做到。不過要吃到美味的雙皮奶，還是要有一點點"食神"才行，因為如果當你遇到剛完成的雙皮奶，那份滋味絕對會是一般的數倍以上。因為如果長時候蒸著的雙皮奶，是會有一點點"倒汗水"滴進了碗那裡，這樣的雙皮奶便會"水汪汪"了。今天看來運氣很好，雙皮奶是剛出來的，沒有大多的"倒汗水"。香、滑、嫩、微甜而帶著濃濃的奶香味，就算是剛吃飽了仍然可以照吃下去，因為它實在太美味了~ ^^在吃至"半路中途"，突然給我看到不該看到的東西- 餐蛋治。本來肚子只"預留"了位置給雙皮奶，而沒有其他依物，但是那煎得香氣四散又厚厚的午餐肉，那個仍有蛋汁的滑蛋.......到最後實在忍不住跟侍應要了一份....三文治一到我便立即吃一口，蛋味香、餐肉脆邊、麵包軟

佢個薑汁燉奶係我食咁多間最好食~就算0係順德食既都無佢咁滑咁正~不過價錢真係貴左d~成$21碗~記住要堂食~外賣凍左好難食!!!!!!!!!!!!

同BF分別叫左冰花燉蛋同雙皮奶覺得好普通..燉蛋好多水==雙皮奶望落好滑..不過成廿蚊碗覺得唔抵服務有點差..冷氣太大總之無下次囉~

$18一杯熱鮮啡，已經不能說是貴的呀。他們的咖啡我上回試過了，並不特別好喝，不過這個鮮啡嘛，反之感覺很不錯，可能是口味問題吧，吃朱古力要吃白朱古力，吃布甸要狂落花奶，當然喝咖啡亦要多奶，水吧弄鮮啡會比一般情況下得較多奶，故因此調對了口味而喜歡了。如果跟我一樣喜歡奶的話，大家千萬別忘要個雙皮奶($20)!

差唔多有成年無食過義順～今日特登帶個ｆｄ嚟食雙皮奶～點知勁甜～搞到個ｆｄ話以後都唔嚟．．．明明以前好好食架嘛＞＜～唔知係咪一時失水準．．．

琴晚同朋友出左旺角。因為晚飯一d都唔飽，所以就去左食宵夜。聽人講呢度d食物都唔錯，就試下啦。我叫左個豬扒通，朋友叫左紅豆雙皮奶。朋友個紅豆雙皮奶好快就黎到，之後就到我個豬扒通。d野食一黎到就即刻超想食，因為真係好香，加上我肚餓。XDDD豬扒通d豬扒切開一件件，食得好方便。d通就好彈牙。正!!一般茶餐廳23蚊一個豬扒通我就會覺得好貴，但咁好食豬扒通就好抵食喇!! =)

每次返工前都會經過太子而每次經過又唸唔到食乜都會去義順~但去義順我每次都唔係食奶類而係為左去食牛肉通粉,奶醬多同埋凍奶茶雖然牛肉通已經加左價(由二十蚊加到二十一蚊)貴係貴~但我都堅持要食～～因為實在太好味喇～～一上枱熱辣辣～～牛肉好味～　最重要係通粉粒粒都大大粒同埋無紋（至憎食Ｄ有紋０既通粉）仲好彈牙tim!!!另外，我仲會叫多個奶醬多～～當然都係即叫即整～～面頭Ｄ奶醬多到漏塊包又好食～　熱辣辣～！！正～！凍奶茶都正～最後一個人食晒咁多野～！！次次都有ＤＤ飽到想嘔。。但又忍唔住要食晒～哈哈～～

沈晚同BF行到有小小餓,諗起義順D牛肉通加凍檸檬茶,就拉埋BF入左去LA..我同佢每人叫左碗牛肉通,加左杯加凍檸檬茶,通粉依舊係奶白色,好大陣麻油味,但今次D牛肉小左D,不過都仲係好淋,好好味呀,真係想知道佢點樣整到D牛肉禁好味...,凍檸檬茶今次就麻麻地LA,平時D茶好清架,今次果杯有D深啡,仲有小小苦澀,可能D茶放耐左LA..太飽LA,食唔到佢地既招牌燉奶添,下次再過黎LA..^^

同男朋友叫左一個雙皮奶一個冰花燉蛋。雙皮奶好有奶味好滑, 好濃厚既感覺, 食完唔會覺得好"滯"冰花燉蛋好清甜, 唔太甜, 有蛋味, 好滑, 我覺得o岩o岩好之前有食過其他味既雙皮奶, 不過始終覺得原味最好。

o係新世紀廣場食飽晚飯, 諗住去石磨坊食甜品不過無開門, 就黎左義順大家都係嗌各式燉奶好香奶味, 味道幾好, 朋友話呢間既燉奶最好食我唔係太鍾意甜品, 不過我覺得ok