湄南 (已結業)

今日同啲兄弟黎食晏，諗住清清地食碗粉麵啦。午餐有13款可以揀，選擇都幾多。我要左碗：湄南生牛肉湯金邊粉（$58）金邊粉好厚身，而且唔夠滑，感覺一般。 牛肉呈半生狀態，不過不失咁啦。至於個湯底味道還可，有牛骨味。沙嗲串燒（牛/豬/雞）各要2串，每串套餐加配價$15/串。串燒擺盤就夠靚啦，有啲菠蘿墊底，但串燒賣相就...燒到咁燶都俾人食嘅？呢個唔得，仲要我地3個人每人叫左2串，好後悔。餐飲我飲鹹檸7（特飲加$12）：呢杯飲品勁多冰，鹹檸唔夠鹹，汽水唔夠氣。好後悔叫咗特飲，好貴。其實加加埋埋呢餐lunch都唔平，真係好一般。

真係好失望，我媽話想食而間，都好多人等位，點左一個海南雞飯同咖喱薯仔牛腩飯，侍應兩個飯都送來，其中一個唔係我們點，侍應兩個飯都收走左，再送來時佢黑哂面話：「咪你地架囉，都無錯」 ，佢嘅態度對我已經好失望。 海南雞飯：飯超乾身超硬，件雞賣相好靚，但係凍嘅，無乜味，感覺好似啲仿雞脾。貴.....咖喱薯仔牛腩飯：味道一般 份量都ok 同普通茶餐廳差唔多無咩特別。貴.....價錢唔平好似仲有加一，真係好失望，兩個人去都差唔多 $200/唔洗再去。

Popwalk都有越式菜，依家免加一，仲有室外坐，喜歡outdoor或帶竉物就最啱啦 。環境都幾優美，好多窗戶，自然光透入。鏡子的反射，增加深度，更有空間感。甚有越南風味的黑白畫。自行落單，印有雲石紋理的紙，很有心思。香茅豬柳湯濛粉($50)，豬柳酥酥的，肉嫩滑，濛粉唔會太稔，仲可以加青檸和辣椒食，更惹味。加$5凍奶茶，都幾順滑。越式雞絲炒邊粉($68)賣相吸引，有豐富的材料，包括雞絲、蝦、豬腩肉、蛋、蘿蔔絲、洋蔥絲、豆腐干、九層塔、九王和花生碎，令到口感很rich，炒粉唔會好油腻，冇黏在一起，食落層次分明。加左越式sauce，帶點甜酸味更好食！

湄南·本身對呢間野都幾大期望，點知係失望多啲😌✨珍寶大頭蝦粉絲鍋 hkd 218 個人覺得好一般..佢啲湯好油而且唔濃味，粉絲一大pat冇咩特色，唯一加分既係啲蝦都算多，有4大隻😄不過真係完全唔值218呢個價✨越式炒金邊粉 hkd78 可能因為我自己好中意食金邊粉，呢個係粉得幾好既😳甜甜地都幾夠獲味，仲會有啲海鮮係入面，ok既😉✨越式炸蝦餅 hkd58 呢個真係👎🏾👎🏾本身諗住佢啲蝦餅係一舊舊，點知就切到簿一簿好似食緊 魚片頭咁🙄係有蝦味但完全唔係蝦餅個回事囉😌✨湄南軟殼蟹米紙餅 hkd68呢個都係👎🏾賣相唔令之魚，仲要係難食個重。完全食唔出係軟殻蟹😳真係black list得✨馬拉盞炒通菜 hkd68 呢個都好啲，夠味既都好味既，不過真係太多油啦⋯⋯食都唔敢食得多，想試呢間既大家要三思諗諗佢啦🌚華田熱潮依然咁🔥呢間餐廳係popwalk新開既湄南，食泰國野多🌚menu上雖然冇必飲既龍眼冰，但就有呢個脆爆華田😂其實飲落話淡唔淡，但就好似冇乜華田味咁，而且啲脆脆勁小😩根本飲唔到就溶晒...唔可以話佢照騙，但我真係唔會再食呢間😌

探望完親戚後來到Pop Walk 食下午茶，見湄南提供下午茶餐便進去試試。香茅豬柳湯金邊粉$42豬柳肥肉頗多，香茅味不足，可能是豬柳浸在湯內，味道變淡了。香茅咖哩牛腩飯 $56咖哩的椰香味濃郁，牛腩夠軟身。椰汁千層糕（+$20 配）賣相一般，像是色素糕，本以為是凍點，但原來是熱食，連碟都是熱哄哄的，配上椰汁，的確是另類體驗。整體而言，以下午茶餐來說，並不是便宜之選，主食大多以$40+，而且不包含任何飲品。

坐係到五分鐘都冇人黎比menu!!最後要自己拎都算...落單都等左好耐先有個阿姐行埋黎。野食就好快到，五分鐘內 心情都好返D 點知餐具入面得一支spoon (我地係12點半既中午時間) 都可以冇餐具真係無野好講。

住將軍澳既我 繼上次食完「樂糖」之後，又一大發現。趁個復活節假，同男朋友去左呢間湄南到食個lunch 休休閒閒的。其實我一直都以為popwalk無乜人行 通常都係popcorn多人 可以話係將軍澳既集中地啊! 不過呢個復活節真係令我好驚喜 原來popwalk 人流都幾高 我地大概2點鐘去到湄南 差唔多有9成滿!幸好，我同男朋友兩人 容易安排入座。我同男朋友兩個好似好耐無食過越南野咁 叫左dinner既份量首先 我男朋友叫左「海南雞飯」 HKD62呢到既海南飯雖然有骨 但雞肉肉質的確有水準睇圖已經可以見到 雞肉非常嫩滑 而且雞既份量都幾大再沾少許醬汁 味道更為突出而我就叫左「越式雞絲炒金邊粉」 HKD68其實本身去到餐廳 都係諗住叫D越南野但係pad thai真係無人阻到我估唔到呢到都幾多thai菜呢個比起海南雞飯既份量還要大！裡面既雞絲都幾不過金邊粉相對黎講 的確味道比較單一我就再叫多個香茅雞中翼雞中翼經油炸 聞落去有著陣陣既香茅味 味道唔錯飲品方面，我地兩個都叫左椰青飲！其實一開始考慮緊飲唔飲既時候就 已經好心痛因為thailand椰青實在實在太正 周街圍返起都只係5蚊個所以相比起香

今日去popwalk行街行行下見攰 就緊係搵野食啦見到呢間野裝修幾靚就入左去啦叫左生牛肉湯河D牛肉好味唔鞋串燒個汁好正 又夠辣個椰青都好清甜 消暑一流朋友叫既鳳爪都好夠辣非常開胃呀

一向鍾意食越南菜既我地，知道Popwalk開左呢間新派越南餐廳，必定要來試一次。裝修簡約優雅，餐碟都用上富有葡萄牙色彩的彩碟。軟殻蟹米紙卷 — 炸得香脆的軟殻蟹配上青瓜紅蘿蔔絲芒果，很清新的味道串燒 （雞牛豬）拼盤燒得好香既串燒，配上花生沙嗲醬，很好吃⋯⋯伴碟的燒菠蘿更是重點，微焦的表面，裡面還是很juicy。Tasty!菠蘿海鮮芝士焗飯 菠蘿裡的炒飯裝得滿滿的，有鮮蝦、魷魚、魚柳等，好足料，不少菠蘿粒混在炒飯裡。上面再加芝士整個焗，味道幾好。

唔會再幫襯，就算港式越南野，都無理由放柱候牛腩落火車頭度咁離譜呀？！我食到花椒八角囉，d河粉/金邊粉質地極差，d餸濃味，d湯淡味，咩事？！想做多款唔同口味但無一樣野做得好！

年初三雨綿綿，想吃點暖胃的。找了幾家，最後決定食湄南。咖喱牛腩 ～ 份量足、咖喱味夠香炒雜菜 ～ 馬拉棧夠香雞絲湯檬 ～ 雞絲好味今次較夜，大頭蝦沽清。下次一定會再去試試大頭蝦。

偶爾走到新開popwalk 商場發現這間越南料理餐廳。以越式餐廳來說，這間裝潢算不錯，木地板配梳化椅，光潔舒服。喜歡桌上的碟子，是葡萄牙式的花紋，很漂亮。點了咖哩牛腩煲，實物相比menu裡的圖畫份量較少，但味道真的不錯。牛腩炆得很腍，伴著洋蔥及粉腍的薯仔加上香濃的咖哩汁可吃上兩碗飯。香芒蝦米紙卷，芒果略嫌有點酸。牙車牙車，有鮮蝦雞蛋片青瓜什菜絲，很清新醒胃的沙律。生牛肉湯河，很清的牛肉湯，沒有油膩感。價錢唔算貴，會再光顧的

之前食過一間越南餐廳又貴又唔好食，所以對越南食物一直都沒有好感，今次慶祝朋友入伙將軍澳天晉，就落咗樓下天晉匯揾左間食越南嘢既餐廳食入伙飯入到黎餐廳環境裝修都幾好睇幾舒服，坐嘅位都算寬敞越南生牛肉河粉(沙嗲湯底)喺度嘅牛肉湯河都算幾大碗，生牛肉上淋上沙嗲汁，隱隱約約見到生牛肉有一絲絲粉紅色，在拎起塊牛肉原來係一整塊而且仲要係超大塊，（對上一次係其他餐廳食係碎濕濕完全冇口感）之後我趁佢未完全熟透先咬一口牛肉好嫩滑，沙嗲都好濃郁越南滴漏咖啡其實我想飲呢個咖啡好耐可惜一直都冇咁嘅機會，上邊用咖啡濾器隔住咖啡粉，再加熱水冧上去，讓咖啡嘅精華一點一滴留到下面的杯，而杯底有煉奶，整個過程都發揮出濃郁嘅咖啡香味令人精神為之一振，我建議先喝一口原味的咖啡，再將咖啡和煉奶攪勻，你就會嘗試到不同的咖啡味道蒜香牛油雞中翼雞翼外層炸到好鬆脆而且散發出陣陣嘅蒜香味道，一啖食落去雞肉汁流晒出嚟，好好食！

我和朋友約食飯既patten就是「擇日不如撞日」！交心的朋友不會拘泥於這些小節。聖誕節之前也沒有約過大家會出來食午餐，點知就在25號早上，朋友說：「Wei,有無興趣去天晉果邊食越南菜？」，碰巧我當日上午有空，所以就應承咗喇！😉這個蒜蓉包是跟套餐order的，好正喔！d蒜蓉汁「索晒」入個麵包內，好味道這碟越式春捲，又是在套餐內加單的（好似$15一碟兩件）這個春捲外皮不是很鬆脆，如果我下次再來吃未必會再點這款食物。炒飯這碟賣相不錯，不過味道一般。很少配料。炒貴叼炒貴叼上面加花生碎，加埋辣椒醬更加惹味！😋雞絲沙拉豬扒湯檬相比河粉，檬粉的質數比較好！但是這間越南菜館，每次都不會主動預備（紅辣椒絲和青檸仔）給客人。火車頭湯粉這碗火車頭湯河，河粉不夠滑，粉質比較厚。P.S 食越南湯粉一定要加幾粒紅辣椒，不要看輕這幾粒紅椒！它能帶起成碗粉既味道。下次食越南粉可以試吓這個食法。

今日同我的TKO食家朋友們去湄南越南餐廳開飯。食物顏色吸引，份量適中，場內枱與格間不會太密集， 蒜蓉包分量十分鐘 客有6件， 跟普通越南舖的蒜蓉包味道有點兒不同，非常惹味。整體服務態度 ok, 唔見有黑面神店務員。可改善地方是食物的溫度,可以加熱一點，到有些熱食上到枱已經涼了！