湄南 (已結業)

今日在某屋苑打網球，中途下雨腰斬，於是想起到此店吃。之前來過兩次下午茶覺得不錯。此店位於天晉3地層最入的位置，沿途經過其他餐館都有七成滿座，但卻發現此店只有四成，心想對我來說都是好事，因為下雨天不知要待多久才能回家。我叫了一客火車頭，五分鐘內已備上，但感覺是一堆食物胡亂放上就是了，這樣簡單的湯粉，只要用上少少心思，客人應該會滿意，但卻有點怠懶了，可惜。  有時我不明白，老闆花了那麼多錢裝修，餐館格調出來很好，餐牌亦做得頗用心，但往往在煮食和服務上不著眼，因為客人選擇再幫襯後兩者是更重要。

放假去了朋友家做house warming，打打麻雀，3點還未午飯，於是落樓找東西吃。朋友家住天晉，樓下便是天晉匯，看到這間湄南，我對越南菜很有情義結，不如就進去小休一下再血戰吧！我同男朋友兩人選了兩個下午茶餐，一份海鮮炒金邊粉、一份沙嗲牛肉串燒撈檬。下午茶餐的份量比我想像中多，有如午餐的份量，岩哂未吃飯的我們。海鮮炒金邊粉很足料，有魷魚、大蝦、魚片等等，特別加入蘿蔔酸絲，令炒粉吃下去的口感爽口，金邊粉亦滲透出濃濃鑊氣。嗜辣的我們加入酸酸甜甜的越式辣醬，吃起上來也更開胃。牛肉串大份且厚身，肉質尚算嫩滑，伴上的沙嗲汁不太辣，同時也甜甜地，牛肉燒得很香，燒烤味十分。撈檬加入蘿蔔絲、蒜片、椰菜絲、蔥油，吃下去爽口，比較驚喜是蔥油的蔥香點綴了整份撈檬，即使不加入魚露，也不會覺得淡口。兩款下午茶加起來只是 $100（加一），以這份量來說，非常抵吃！以這價錢吃的不止是越南菜，也是越南的一種格調～

今晚一家六口去了將軍澳!沒有在Popcorn搵食, 反而去了天晉那邊!越南菜都很合適大家口味!所以就選了這間"湄南"!安排了一張小圓檯, 唯一不滿是天花板不斷漏水😒而且滴到其中一張椅子上侍應沒有安排其他檯, 只是把檯推入一點, 放盆裝水🙅說回食物, 整體ok!👍我們點了4個餐, 再加串燒及粉!份量都多!如果侍應個反應及安排可以更好就更加分...評分: 5⭐最好食物: ⭐⭐⭐⭐環境: ⭐⭐價錢: ⭐⭐⭐服務: ⭐⭐

《湄南》🔹海南雞飯配中湯 包熱飲 $59———————————————————個油飯又幾好味 雞就唔算好嫩 但份量都夠個中湯會唔會太大碗😂😂整體不過不失啦 但唔會係推薦嘅食品有舊菠蘿係到🤨 好酸😖———————————————————byT: 5.5/10

食物方面，不過不失。河粉類選擇實冇死，加左個米卷小食，如果唔加醬，其實係冇乜味。最重要有魚類露，總之唔夠味就加。我自問冇得罪個阿姐，話曬第一次見，態度奇差，叫佢拎個碗仔姐，洗唔洗黑面！個段時間都冇乜人，咁得閒，拎d野俾個客洗死咩。

i was (un)lucky enough to try their afternoon tea set, was a terrible experience, portion was small and taste had nothing resembles Vietnam food and it wasn't cheap either. basically just a much localized Vietnamese food that has no where to be authentic nor worth the price they ask for. much rather just go to fastfood like cafe de coral.

以前同家人做冬多數去食自助餐，今次細妹建議可去試下這間東南亞菜（越南、泰國、馬來西亞）果然冇介紹錯，這裡的菜式真係有好多款，搞到我們樣樣都想試，好在今次成家人去食，可以試到好多款，而且今次下午仲有小食可加配非常抵食。特別喜歡海南雞飯及越南濱海配牛肉飯。那些加配的小食真的好好味，椰汁千層糕、蒜香牛油雞中翼及越南春卷小食，好有驚喜🤤。惟起菜起得太快，一次過上曬，很易凍左。除此以外，這裡還有好多2人套餐及精選下午茶餐。

今晚搵食到pop walk ，貪佢無咁多人，好多餐廳都唔使排隊，行過見到依間湄南唔使加一，都幾舒服，就撞入去試下，本身想食圖中的生牛肉河，幅相都幾吸引，但諗諗下次次都生牛肉河，不如今次轉下，最後揀左蕃茄牛腩河，個湯顏色好濃，食落幾好味，酸酸甜甜咁，不過奇在食落無咩蕃茄肉，好似唔多夠蕃茄的感覺，仲叫左個豚肉濱海，唔知係咩黎，所以叫黎試下，其實係好似啲米粉整成一片片，本身諗住係小食，點知份量都幾大，食到勁飽，用菜包住肉同濱海黎食，係好味嘅，仲有海南雞飯，水準之作，油飯不會太油，雞很嫩，不會太肥，整體環境好舒服，人不多又不會太嘈，又唔使加一，可以再黎食過。

又係下午茶時段，忽然想食雞，行過見到湄南就入咗去。餐牌第一行就係海南雞飯($63)，唔洗諗落咗個餐，店員話跟餐可以配小食所以加個越南春卷($18)先。海南雞飯賣相好靚份量唔小咬落都幾滑，可惜唔係雞脾。春卷咬落仲有小小脆，埋單共$81。

朋友想食清淡少少，今日帶左佢黎湄南。因為唔太肚餓，所以叫左4樣主菜/小食。星期一夜晚，我地可能早黎啦，幾乎包場咁濟。豚肉濱海，幾惹味，不過不失。豚肉雞肉串燒雞肉幾嫩滑，但豚肉乾身左D。朋友食埋件燒菠蘿，話都幾OK~再黎一個炒雜菜。幾搞笑，越南都興炒臘腸？調味加臘腸，個菜咸左D。最後，仲有蒜蓉包。真心驚喜！幾鍾意真蒜蓉，仲要多蒜蓉嘅蒜蓉包

平日放假，一個人的午餐都想食好少少。本身喜歡食越南/泰國菜，今次試下間開左幾個月的越南菜。餐廳地方開揚，有幾張枱對住落地玻璃。呢間餐廳平日中午都多附近工作的人來食，無論一個人或者一班人都岩食，抵在全一免加一。清清地，叫左碗生牛肉湯檬。個湯底幾清甜，試完幾啖原味湯，落d青檸汁，完全唔需要落酸辣汁，已經好鮮味。生牛肉厚得黎有少少根，好夠juicy。碗粉的份量非常足夠。

因為我嫲嫲是半個越南人，一直帶她外出食飯也只去中餐廳，因為帶她去越南餐廳基本都被批不如讓她在家煮。今次是因為她連日已吃了兩三頓中餐中秋飯，就打算試一試這間湄南。點了兩個假日套餐，大概每個$130，有頭盤(湯或泰式鳳爪沙律)、主菜(選了咖哩大蝦麵及菠蘿海鮮炒飯)、甜品或飲品。再另外單點了濱海，生牛河及蝦餅撈檬。其實食物不算貴，撈檬，河粉大概$5x~7x,因為帶了老人家及小孩，加上上菜速度太快，所以無時間拍攝，只有一張大合照。嫲嫲大讚菠蘿炒飯好飯，我們的原個菠蘿是非常甜，加上菠蘿汁令飯不太乾身。另外一定要讚揚個用來撈檬的魚露(我家不叫它魚露)，調教得比外面餐廳好，肯定是下成本，下功夫之作。食過不少差不多價位，甚至比這間貴的越南餐廳，也沒有這個好咖哩大蝦麵也好食，雖然沒有太越南感覺，但味道也很不錯。生牛河的牛肉都好食，牛肉片不少唯一不滿意就是環境超級嘈，可能是因為假日及中秋假，太多小朋友真的很嘈很嘈，而且不知是否趕住"翻檯"，上菜速度快得驚人，加上員工亦非常非常忙，不見得有服務可言，但也一切也是可以理解的，反正沒有因忙而態度差就算好了。

趁住放假，本來想同爸爸飲個茶，明明訂左位但去到都係要等好耐，所以就揀其他餐廳啦～其實除左酒樓之外，其他餐廳都有好多位丫～最後揀左呢間「湄南」假期都有lunch menu，食既野都幾fusion，午餐平均60幾蚊，可以加小食同飲品海南雞飯D雞都幾滑，飯係油飯黎，平時會跟D酸蘿蔔，但佢就跟兩件菠蘿，份量正常另一份係香茅豬扒拼炸蝦餅飯呢個飯既份量好似少D，但香茅豬扒都幾香 仲有馬來咖哩虎蝦炒油麵，呢碟望落去細細碟，但其實好多麵！上面有兩隻炸蝦，咖哩幾香，但麵就淋左D，而且有D膩，食左一半已經飽左 小食方面就加左兩份香茅雞翼（一份兩隻）同埋兩份春卷 （都係一份兩件）點左一杯珍多冰同埋兩杯滴漏咖啡但就有D失望，因為完全唔香，就算一開蓋都無咖啡香味。。。反而有少少燶味，仲要係無得跟餐用原價點，好失望囉三個人lunch食左300幾，普普通通啦，下次會試其他餐廳

同友人兩個食晏，行過嚟popwalk搵新餐廳試，發現價錢一般偏高，見呢間menu正正常常就揀咗而且香港人好鐘意食東南亞嘢，通常味道都唔會太差友人叫咗生牛肉河，牛肉份量幾多，上嘅時候會俾多碟辣椒粒同細細kai青檸俾你自己選擇落唔落辣個人就覺得自行決定好啲，不過都recommend落幾滴新鮮青檸汁，成個麵當堂邊得有風味咗至於我叫嘅香茅豬扒撈檬，有好多蔬菜絲，豬扒份量都唔錯，啱啱好個人鐘意乾身啲，通常唔會落太多汁cover哂成個粉，反而會落少少，撈勻佢令到每條麵都沾上汁就夠

今日放工之後去咗天晉地下新開嘅越式餐廳，整體環境唔錯，晚飯時間6, 7點亦唔使點排隊就有位。雖然都係兩個人食但係都叫咗幾多餸。首先點左食泰國越南嘢一定要叫嘅蒜蓉包，蒜蓉有炸過嘅香味，麵包亦非常脆。另外叫咗越南濱海，第一次試食越南濱海感覺都幾新鮮，配上少少酸甜醬，非常醒胃。主菜方面叫咗一個咖喱牛腩飯以及香茅雞翼湯金邊粉。咖喱牛腩飯重咖喱味，亦唔會太辣，牛腩亦都非常之腍，用嚟餸飯一流！反而對比之下香茅雞翼湯金邊粉略嫌較淡，而家亦都稍有血色，有待改善。