湄南.河泰式船麵 (已結業)

一講想食船麵首先就諗起呢度$56/3碗，有四款湯底/三款麵，幾款餸件任揀我知好多人話比起當地食貴但老實講句當地食我就真係唔敢🙈識食食河粉，滑滑溜，三四啖食晒船湯我個人至愛，香料味幾重但唔會過鹹或過甜，仲送炸豬皮麻辣同清湯都ok嘅，但講特色我一定推船湯扎肉，豬肉丸同魚蛋各有千秋最好咩都試下，咩combination都自己話事除左船麵，其他嘢仲好抵添海南雞喇沙摻摻，個湯頭幾有椰香豆卜索曬啲汁真心正😋海南雞有驚喜！今日仲中埋脾位😍滑中之滑，冇得頂呀！啖啖肉！！份量都ok，跟餐可加錢換一款小食同飲品咁就勁豐富兼一定飽香茅豬扒撈金邊粉同我想像嘅撈有少少出入我覺得似係炒金邊粉多過撈（我覺得好似我賺左添呀😝）個豬扒份量十足，香茅味弱左少少個金邊粉就勁好食，又大份除咗蒜片仲有啲櫻花蝦另外有一堆甜酸菜，又幾得意，出面少見小食種類都幾多，唔特別逐樣講喇比較驚喜嘅係個春卷，入面有粉絲㗎！加錢換購，都有咁嘅份量都幾抵食青檸梳打🍋飲品選擇就少啲，餐廳應該冇水吧冇港人至愛嘅凍檸茶係有少少sad泰式奶茶冇得選擇甜度，怕太甜冇叫到唔太好碳酸飲品嘅人士唯有飲水😂三個人食圍起每人唔洗一舊水講真商場嚟講真係抵㗎喇有機會會再

就過年🧨滿街都係人買過年野，🤴🏻剛剛5點幾放工早早地餐廳冇咩人先去食個飯再行街買！買！買！😁😁～～～正宗泰式海南雞🐥飯～～～雞🐥肉香滑口感適中唔會 ‘ 柴 ’ 口，有好香嘅雞🐥味😊😊，雞😂量亦比想像中多。😙😙飯嘅質地係偏 ‘ 淋 ’ 嘅黃薑飯，🤴🏻就覺得普通囉😂😂～～～美國牛🐮肉片大船麵🍜～～～美國肥牛🐮有三大片又長又有牛🐮味😄😄，當中蘿蔔亦都好入味，米粉朔晒D湯好濃郁唔會死鹹😚😚～～～泰式炸雞🐥棗～～～形狀細細粒，大約一隻手指公咁大👍🏻👍🏻，冇咩雞🐥味，似係冇咁鹹嘅扎肉味😄😄～～～泰式炸蝦🦐餅～～～炸皮香脆，熱🔥度適中，蝦🦐味一般，同埋細塊咗啲😅😅我同🤴🏻都覺得幾啱胃口會再幫襯嘅🥰🥰

寫食評係一個值得繼續嘅小堅持！睇返紀錄即刻知原來對上一次食呢間（嘅前身）係一年前一月頭！個次係禁晚市堂食前最後一餐，估唔到取消晒啲疫苗通行證之後又嚟呢間（雖然唔同咗⋯)座位唔係好多，但係都有好多顧客keep住嚟。我係一個貪心嘅人三小碗選擇好多，可以一次過試到多種口味，所以叫咗三小碗食！份量啱啱好，類似酒店自助餐排隊裝嗰啲，唔係得幾條，價錢又實惠，平民大眾化。仲要每小碗都俾埋一隻匙羹你，好方便。我係順次序由清湯食到濃啲嘅冬陰功湯底嘅。牛丸好彈牙，清湯就咁飲真係清啲，但係肉眼睇就同船湯顏色差唔多。豬頸肉大大件！外表睇落似油炸鬼，食落煙煙韌韌好香口，仲有啲芽菜、香蔥。冬陰功湯底充滿濃濃嘅香茅味，好泰國feel！除咗自己點嘅扎肉，仲有車厘茄，而且有好多菇。不過個冬陰功湯食嘅時候要小心啲辣椒籽，因為都真係有啲辣🥵酸辣無骨鳳爪沙律有洋蔥絲、紅蘿蔔絲、生菜同芫荽，少少酸，唔會太辣，好好食，呢個價錢（$22）值得加一份嚟試吓啊，下次仲想試埋青木瓜沙律正宗泰式海南雞飯擺盤好靚，啲飯好有泰國米with椰漿嘅感覺，隻雞好似黃油雞咁，食得出係雞髀肉，唔使掂醬都已經好好食，但係有少少鹹，相比之下三小碗比較出色肚

陪阿女去荃灣買嘢，經過千色匯，見到有間湄南.河泰式船，主打泰北食物和船麵。阿女話好耐都冇食過，想試吓呢間。泰國特色小食拼盤，有蝦餅、魚餅、炸雞棗、春卷。即叫即炸，熱辣辣上枱，蝦餅、魚餅香脆彈牙，春卷足料，外脆內餡惹味！正宗泰式海南雞飯，啖啖都食到泰國的風味， 皮薄肉嫩的海南雞， 雞肉的脂肪較少，油飯香噴噴且軟硬適中。傳統細船麵：細細碗可以品嚐多幾款粉麵。3小碗，魚蛋河粉，湯底有船湯、清湯、麻辣湯及冬蔭功湯選擇。我揀咗魚蛋河粉配船湯、豬肉丸米粉配船湯。鴨血金邊粉配清湯，泰式船麵湯濃稠帶有濃郁肉香，加上香料芳香，味道鮮甜層次豐富。配上各種粉麵甚滋味，泰式魚蛋、豬肉丸口感爽彈。清湯就比較冇咁濃郁，但都清甜，鴨血嫩滑。泰式香茅豬扒河粉清湯，香茅的香味與豬肉的味道好夾，香茅味濃清新，豬扒肉質鮮嫩，河粉掛上清湯，口感滑溜鮮美。凍泰式奶茶味道濃郁。雪碧逢星期六、日有「我要食十碗」船麵競食挑戰賽，上榜有$120 禮券送，活動完結的冠軍更享全年免費食麵，有興趣嘅就不要錯過啦！

荃灣食傳統泰式船麵 傳統細船麵三碗 $56河粉 船湯 泰式魚蛋金邊粉 麻辣湯 泰式扎肉米粉 冬蔭功湯(+$3）秘製泰式豬頸肉（+$5)雖然細細碗，但入面都有成四五啖，配菜又足，兩個女仔食三碗都會飽，又可以試吾好味，夠晒諗頭！最中意冬蔭功～船湯有啲似牛腩湯底 魚蛋勁彈牙星期六日重有競食挑戰賽 上榜有$120 禮券送，冠軍重可以全年免費食麵😆泰國特色小食拼盤（蝦餅、魚餅、炸雞棗、春卷) $98 另上泰式辣醬！最中意蝦餅 春卷皮薄超多料串串沙嗲牛肉（半打）$786串性價比幾高 如果有得一半牛一半雞就重開心🥳青檸梳打 $12凍泰式奶茶 $8湄南.河泰式船麵 (荃灣)荃灣眾安街68號千色匯1期2樓2031號舖

湄南.河泰式船麵🌸湄南大船麵$65⭐️⭐️⭐️⭐️⭐️船湯好重八角味，不過真係好好味船麵裡有好多材料，有美國牛肉片（嫩滑不痴牙，牛味都重）、泰式牛丸（爽口而有牛味）、豬肉丸（同樣爽口）、魚蛋（彈牙）、扎肉（彈牙）、鴨血（索晒湯汁）、蘿蔔（煮得好淋，索晒湯汁夠入味），傻婆T揀左金邊粉，配搭起來真係好好味！🌸正宗泰式海南雞叻沙摻摻 $68⭐️⭐️⭐️⭐️⭐️有半隻蛋、有一塊蘿蔔、四個豆卜，全部都煮到十分入味，米線同油麵都煮到好入味完全索晒d湯汁，而且叻沙味道甜甜地，不會辣，好香好正👍海南雞都幾多下，雞翅夠滑，其他位有點鞋，但都不太影響。🌸秘製泰式燒豬頸肉$88⭐️⭐️⭐️⭐️⭐️燒得夠香能鎖到肉汁，每一塊都好juicy，完全唔癡牙 。🌸泰式炸蝦餅 跟餐+$22⭐️⭐️⭐️⭐️☆蝦餅夠彈牙而且蝦味都好重，再配酸甜汁簡直絕配。🌸酸辣無骨鳳爪沙律 跟餐+$22⭐️⭐️⭐️⭐️☆夠酸夠辣，無骨鳳爪正常發揮。🌸青檸梳打 跟餐+$12⭐️⭐️⭐️⭐️☆一塊檸檬配泰國梳打。🌸泰國椰子水 跟餐+$8⭐️⭐️⭐️⭐️⭐️🌸忌廉$12⭐️⭐️⭐️⭐️⭐️餐廳環境乾淨企理舒服，光線充足，冷氣足夠，店員服務態度良好📣星期六、日有『我要食十碗』船麵競食挑戰賽，上榜有$120 禮券送，活動

餓底晏晝到荃灣千色匯開餐🥢Sawadee 🛺 傳統細船麵🍜亦有什錦#大船麵 滿足乜都想要嘅我🤭#湄南大船麵好足料 一碗有齊牛肉片 泰國牛肉丸 豬肉丸 魚蛋 蘿蔔 扎肉 鴨血 仲有邪惡嘅炸豬皮同炸蒜😈 湯底香濃又好飲 好抵食😋#雜錦叻沙摻摻有齊牛肉片 泰國牛肉丸 豬肉丸 魚蛋 扎肉 鴨血 蘿蔔 豆腐卜 半邊蛋😚叻沙摻摻湯底微辣帶耶香 可以暖暖胃😋Order粉麵飯可以優惠價加配小食👍#泰式蝦餅即叫即炸 入口香脆彈牙😋#青木瓜沙律材料新鮮 花生香脆 酸酸辣辣 夠曬開胃😚#秘製泰式燒豬頸肉豬頸肉燒得外層微焦 有脆邊唔算太肥 入口嫩滑有肉汁😋飲品 #青檸梳打 好🍋正🤩大胃王請注意由即日起至1月15日每逢星期六、日有《我要食十碗》船麵競食挑戰賽🤗在指定時間內完成10碗細船麵 上榜有$120.00 禮卷送 活動完結的冠軍更獲得全年免費食🍜

今日同妯娌食晏，我哋兩個都鍾意食泰式食物， 佢係地頭蟲，就帶咗我嚟呢度食泰式船麵。 光潔亮麗嘅小餐廳， 感覺非常舒服， 原來係專食泰式船面，好有特色。 我哋兩個大食怪， 點咗一枱嘅食物，都係兩百幾蚊，食到不亦樂乎，好開心好滿足。👍🤗🤗💥 第一好味海南雞🐔大碗船麵， 我哋揀米粉底 ，68蚊有一大碗牛肉湯米粉，加一大碟靚靚嘅海南雞， 碗米粉裡有一大舊好淋嘅蘿蔔，肥嘟嘟粗牙菜， 青bb嘅通菜梗， 仲有好香嘅九層塔🍃。米粉非常爽爽滑， 配埋海南雞嘅酸甜辣醬，滋味非凡， 平靚正。第二好味細碗船麵🍜， 58蚊有三碗。可以揀唔同嘅配菜，我哋揀咗牛丸扎肉同埋美國牛肉片 ，三碗細細嘅船麵，我哋揀咗河粉底，清湯牛肉湯一式三份，可以試唔同嘅味道同嘅粉麵真係好好嘅設計。 第三好味泰式拼盤小食，分別有香葉魚餅🐟，脆炸蝦餅🦐，雞肉丸🐔同埋咖哩春捲，全部都新鮮熱辣， 每種食物都各具特色，最特別就係檸檬🍋葉魚餅，獨特嘅香味 ，配合新鮮嘅魚肉， 帶出非凡嘅鮮味。 蝦餅夠脆夠爽，點酸甜醬開胃又惹味。最後一個就係木瓜沙律，木瓜絲有啲硬，但係就好好味，酸酸辣辣，加上仲有車厘茄🍅 ，炸花生🥜， 越食越好食，越 食愈辣 🥳🥳。食

今次聖誕節同朋友過嚟呢度，呢度坐得幾舒服，同埋可以叫好多小食！聖誕精選2人餐 ✨泰式炸蝦餅(8件）入邊唔係剩係得粉，都幾多蝦肉👍✨青木瓜沙律味道酸酸地，而且幾清新！朋友話青木瓜沙律可以減肥添！不過辣辣地所以唔食得辣嘅朋友仔都要注意下！✨正宗泰式海南雞飯雞嘅份量都幾多，值得一讚就係雞髀肉嘅份量係多過雞胸！而且雞胸都唔鞋👍👍雞肉幾滑，同埋仲保留住雞嘅味道！✨Maenam大船麵湯底見到深啡色都知道幾濃郁，河粉一啲都唔油膩！而且仲有好多餸，包括炸豬皮、扎肉同埋生牛肉片等等！✨泰式春卷（2件）✨泰式炸雞（4件）估唔到呢間雖然唔係專做炸雞嘅店舖，但係啲炸雞都幾脆同埋多汁✨泰式魚餅（2件）✨泰式炸雞棗（4件✨青檸梳打都幾大杯，抵飲！見到呢度都有啲宣傳係關於星期六、日有『我要食十碗』船麵競食挑戰賽，上榜有$120 禮券送，活動完結的冠軍更享全年免費食麵。搞到我都想禮拜六日過嚟挑戰下！#荃灣好去處 #荃灣搵食 #荃灣友 #荃灣千色匯 #綠楊坊 #荃新天地

What a surprisingly fabulous Thai restaurant in TW which offers good food😍 I enjoy the lunch so much. Coz long time no Thai food la. We found the restaurant is new so we seat in. We ordered two lunch sets，one is 海南雞船麵 love it so much ❤️💖 😍 it is delicious! Worth give it a try 👍🏻 The chicken is 娕。We also ordered some snack. 泰式魚餅同蝦餅they look very yummy , crispy !!! I love the 泰式魚餅 so much . Perfect match with the 甜酸辣醬. Must order again. The 豬頸肉參參is a special one 👍🏻 love it so much. Put a highlig

今日去荃灣搵朋友食飯，朋友推介這間船麵，話兩個人都食到好多唔同款式嘅嘢，所以就試一試船麵款式算幾多，可以揀唔同湯、麵同埋配料，於是就叫曬三種湯配料同埋面， 57蚊三碗船湯係牛肉湯香濃有牛味， 冬陰功微辣，超鍾意船湯+鴨血+河粉清湯+魚蛋+金邊粉冬陰功+扎肉+米粉泰式海南雞叻沙摻摻， 湯底香濃，裏面有油麵+米粉，我自己就比較鍾意食米粉，因為米粉吸曬啲湯，去到最尾真係想飲曬所有湯朋友話可以食多幾款嘢，係因為原來小食可以叫細份，所以我哋又叫咗個蝦餅、 春捲、青木瓜沙律， 每樣都只係加22蚊因為乜菜食，所以最尾又叫多一個生菜包，真係好鍾意啲大大塊嘅生菜，又可以包好多肉，啲肉又唔會跌出嚟整體食物質素服、 侍應服務都非常良好餐廳環境都乾乾淨淨臨走見到門口有個牌寫住星期六、日有『我要食十碗』船麵競食挑戰賽，上榜有$120 禮券送，活動完結的冠軍更享全年免費食麵我覺得我可以食到十碗喎下次再嚟食過

我哋幾個人,冇乜挑剔,見有位就到了這間食店食晏晝。樣樣都叫啲,因為預計都會食得曬。無骨雞腳沙律。久違了的酸辣味,好清新。無骨雞腳淡淡肉,爽口彈牙的雞皮,加上凍食特別彈。半隻海南雞,皮肉分開,肉質好嫩滑、滋潤的感覺。雖然舊肉大舊啲但唔係覺得煙韌。大大啖咁食,夠曬過癮。一定要點埋啲海南雞汁,微微辣,更加好味。必食。船麵三小碗第一碗清湯金邊粉扎肉。清湯麵一碗,平平無奇,不過作為三小碗嘅開頭係必需因為製造咗一個起步去品嚐下兩碗。第二碗船湯米粉魚蛋。味道果然升級!船湯係牛骨湯,米粉沾上大部分湯,啜滑入口,特別好味。第三碗冬陰公鴨血河粉。冬蔭功湯好辣，河粉滑溜溜。我今次咁樣安排又清至到濃郁都係其中一種食法。一餐試咗三款不同味道嘅湯粉。雞沙嗲牛沙嗲。每串都有六粒,係多㗎。不乾不韌,每食一口都要點啲沙嗲汁先好食。好好味! 我個人鍾意燒到條邊有少少燶仲好味。青咖哩豬扒飯。微微辣,好易入口。豬扒都唔細件,滿滿一碗。看得見係煎過先至加青咖哩汁的。都幾香。青咖哩汁裏邊仲有豆角、矮瓜。男士加多一杯嘢飲,一餐足夠有餘。不錯的選擇。湄南河船麵。一大碗,我叫咗金邊粉。湯底好正,用牛骨牛肉淆製,好好味。可以說是全碗麵的

呢度裝修都好企理，平日來吃，12:30左右食客開始入來，眼見只坐剩一台2⃣️座位。酸辣無骨鳳爪🐔🦵🏽沙律🥗（近餐$22）酸辣🌶️汁味道條配得很好，酸味同辣味都出得到，好得平衡；而鳳爪凍凍地❄️，咬落好爽脆彈牙，我個人最鍾意呢一個。👍🏻👍🏻👍🏻😋😋😋千千沙嗲半打（牛肉🐮、雞肉🐔）$78 雞肉🐥要讚，因為肉質好𣺉滑 ，一啲都唔鞋。雞肉和牛肉都醃得好，燒得香口，火候🔥控制不錯。正宗泰式海南雞🐔半隻$118我最鍾意食雞胸，都覺得肉質好𣺉滑，醃得好入味。平時我唔食雞皮，但隻雞一啲都唔肥，所以試吓連皮一齊食，雞皮都好爽口，一啲都唔肥膩。好味！😍😍😍湄南大船金邊粉$65有美國牛肉片、泰式牛丸、豬肉丸、魚蛋、扎肉、鴨血和蘿蔔。個牛骨湯煮得好夠火喉，好鮮甜。小船面$56 小船麵較有泰國特色，係包三碗不同的餸， 湯底，和粉的小碗麵🍜，每碗麵大約有兩至三啖左右。我叫了泰式扎肉清湯金邊粉、泰式魚蛋船湯米粉和鴨血冬陰功湯河粉。個牛骨🐮湯好好味，我覺得配米粉🍜最好，因為米粉最幼身，可以掛最多啲湯。同樣都係🚢船湯底，但我真係覺得小船米粉嘅船湯好味過大船麵添。（你們也可以比較下）🤤🤤🤤泰式咖喱豬扒，配青咖喱👳🏻‍♂️飯 $65

雖然世界各地已通關，但系正值年尾公司鬼咁多野做走吾開😌，朋友見我未能飛泰國食野，佢話最近千色滙開了間食船麵泰國菜走去朝聖嚐一吓先，店舖裝修主打綠色好清新牆上畫滿泰國各式各樣特式小食非常有創意👍🏻小食▶️串串沙嗲牛肉(半打)$78牛肉粒泰式香料醃得好入味，香烤得吾乾有肉汁好淋，点埋個沙嗲醬更加惹味😋份量亦好大串食肉獸鐘意食👍🏻泰國特式小食拼盤$98蝦餅、鱼餅、炸雞棗、春卷各2件，炸物做得非常好吾油新鲜吾似翻炸，特别是個蝦餅好彈牙😆细船麵3碗$56细细粒、容易食3碗船麵可以自由配撘主料吾同湯底同麵食，我地叫左泰式豬頸肉冬蔭功金邊粉、泰式扎肉麻辣湯米粉、泰式鱼旦船麵河粉，一個價錢可以試倒3個吾同口味，冬蔭功湯做得佷出色酸辣分明吾會搶喉，聽講主厨泰北師父主理，船麵湯大骨湯底很濃郁冇味精清甜，麻辣湯就麻辣香口，船麵是泰國特式麵食值得一試👏飲品凍泰奶$19🧋係正常超甜奶茶、椰子水$16🧉總括而言食物質素吾錯價錢合理抵食，下次要再來試吓佢地個泰式海南雞。由即日起至2023年1月15日逢星期六、日，餐廳都會接受挑戰者鬥快食完10碗指定细船麵，上榜者费用全免並可獲得$120餐飲禮券，活動完结首名冠軍者更可

船麵 在荃灣有間唔錯，而且價錢又抵食，今日再同朋友嚟食，結帳每人$129傳統細船麵3碗同泰國食差不多份量，麵就選了河粉，而配和餸就可以各自選一款清湯配泰式豬肉丸味道正常。冬蔭公湯辣度不少好惹味帶少少椰汁香加$3都不錯，邊有少少微燶的泰式豬頸肉幾好食，如有小食散叫就更好。濃郁船湯配泰式牛丸，牛丸勁彈牙好食正宗泰式 海南雞 大船麪 要河粉，沒想到個雞會幾嫩滑，份量都可以，仲有脆脆配菜，河粉幾滑，湯底味濃但又不太咸剛好小食拼盤岩晒2人食，蝦餅，魚餅，炸雞棗，春卷，每款都新鮮而且炸得幾香口，啖啖料好味叫咗麵食仲有優惠價叫酸辣無骨鳳爪沙律$22，份量都幾多而且辣度十足勁惹味。飲品熱泰式奶茶，奶茶不太甜又濃泰式感，以$5來講幾抵飲星期六、日有『我要食十碗』船麵競食挑戰賽，上榜有$120 禮券送，活動完結的冠軍更享全年免費食麵。等我都問下朋友去唔去參加先