湊湊火鍋‧茶憩 (K11購物藝術館)

营业中

休息中

湊湊火鍋，可以話係我最喜歡嘅火鍋店之一😍每次光顧「勵志鍋」都係我嘅心水選擇💓本人自問唔太食得辣🌶️只係食到譚仔10小辣嘅程度！不過「勵志鍋」嘅辣度我絕對接受到👍🏻而且這個湯底，還可以無限refill鴨血及豆腐兩樣都係我嘅心頭號🤤🤤🤤鴨血及豆腐吸晒麻辣湯底嘅精華！太正啦而且讚一讚職員嘅服務！他們好樂意Refill鴨血及豆腐😙有時唔需要我主動問～都會主動嚟問我要唔要加😅重點係，準備買單之前⋯⋯仲可以叫職員打包一些麻辣鴨血及豆腐，回家做宵夜😌😌又食又拎太抵啦📍湊湊火鍋 （K11 Musea)

一向都覺得湊湊火鍋好高質，又多花款🥰最鍾意佢好多款式嘅前菜、小食、水果同滷肉飯都係任食😋😋仲有無限添加嘅鴨血同豆腐😚😚今次就book定位食中秋節飯🌕提早慶團圓🥳🥘 酸菜白肉x台式招牌鴛鴦鍋($276)揀咗個鴛鴦鍋😙酸菜白肉湯底入面嘅腩肉好出色，吸收哂湯底嘅精華，滾得好入味😚酸菜亦唔會太酸😆台式招牌湯底賣相紅卜卜，好彩都唔太辣，啱哂唔食得辣嘅我😆入面有大量鴨血同豆腐，仲無限添加😍🦐 花好月圓海鮮拼盤($238)海鮮拼盤都好吸引🤤有鮑魚、帶子、蜆、魚片同海蝦🦐鮑魚好厚肉彈牙，全部都好鮮甜好食😋😋🐧 企鵝賞月($108)呢個由黑白墨魚滑整成嘅企鵝丸每次都係必叫😝今次呢個中秋節限定版本仲加埋大大個月亮造型嘅蟹籽蝦滑😍幼滑嘅蝦滑夾雜住粒粒爆汁魚籽，幾特別👍🏻🐟 新鮮白鱔片($78)白鱔片幾新鮮，薄切嘅鱔片唔需要淥太耐😉好滑而且唔腥😋🥩 美國精選牛肩胛肉($158)牛肩胛肥瘦均勻，肉質都幾嫩滑，肉味香濃🫓 爽口牛黃喉($58)牛黃喉幾特別，好大碟都幾爽口幾彈牙，似牛柏葉嘅口感😋🫘紅豆豆花布甸店員仲會不時送上驚喜🤭好欣賞今次送嘅甜品🍮呢個紅豆豆花布甸，食埋甜品清一清喉嚨，係一個好圓滿結束🥰🥰🍍菠蘿沙

臨近中秋節，知道餐廳推出咗中秋套餐，好啱同朋友家人一齊嚟食！所以我同我細妹係K11 行完街街直落B1/F 打邊爐！我哋2個人率先食下先！每次打邊爐我都會唸起湊湊火鍋，因為呢度嘅服務令我有家嘅感覺，當然食物質素絕對係Ichiban ! 我哋叫咗花好月圓海鮮拼盤、企鵝賞月、白鱔片、美國牛肩胛肉、爽口牛黃喉等。我想講個麻辣湯底，仲可以無限次refill鴨血同豆腐添！另外，海鮮拼盤同埋企鵝可賞月真係好岩中秋呀，嘅企鵝主要用墨魚材料做兩隻色黑白配。佢嘅茶飲，我哋分別叫咗雙柚愛玉茉莉冰沙同埋雙柚愛玉茉香茶，原來柚子配上茉莉可以咁夾，酸酸甜甜非常開胃特別適合打邊爐，入面嘅愛玉，令口感豐富，好chewy，當然佢嘅茶底非一般好飲。

📍 湊湊火鍋•茶憩 香港～尖沙咀❤️嚟個中秋節限定❤️每次嚟到臭臭火鍋都必定食滷肉飯🍚仲要係食兩碗，依到啲滷肉醃得好入味之餘，啲豬肉仲切得好細粒好細粒，口感就好似入口即溶，而且每一粒都滲透咗滷肉汁～🌙🌙今次係湊湊｛中秋節限定｝🌙🌙唔係出月餅，而係有打卡一流嘅企鵝丸🐧啱晒大人細路🙆🏻‍♀️ 團圓飯之選，一家人可以一齊打邊爐心共聚晚餐時間，大家一齊烚吓烚吓，其實都係一件好開心嘅事❤️✨鴛鴦鍋（酸菜雞肉湯底 拼 台式麻辣湯底）呢兩個湯底拼埋一齊，一辣一唔辣可以食到食物嘅鮮甜，亦都可以食到好入味嘅麻辣味。麻辣湯底入面已經有齊豆腐、鴨血、花椒、八角，簡直係越食越麻🌶️奶白色既雞肉湯底帶有點雞肉鮮甜，係烚海鮮既最佳湯底🐟🐠🦐唔會遮蓋食物原本嘅鮮味，仲有啲酸菜，就咁食都唔會太酸🤲🏻✨花好月圓海鮮拼盤海鮮拼盤有北海道大元貝、新鮮海蝦、生猛鮑魚、脆鱔片，重點推薦鮑魚同脆膳片，鮑魚口感軟淋，帶點爽口。脆鱔片食落真係好脆口，唔會有草腥味🌊✨企鵝賞月中秋節限定❤️蟹籽滑🦀粒粒口感既蟹籽丸😋+企鵝造型🐧丸丸（墨魚漿製），打卡一流📸勁勁勁可愛😍中秋必食，必打卡📸✨新鮮白鱔片魚肉新鮮，質地爽口🐟✨美國牛肩胛肉食落好香，肥瘦均勻

湊湊火鍋•茶憩 K11 Art Mall，人均$100 就食到餐廳環境闊落，坐得舒適，裝修格局花過心思最鐘意多人可以坐正方形枱，聚會一流！呢度深具臺灣特色的飲食風格，融合［臺式火鍋-湊湊火鍋］和［臺式現搖茶-茶米茶］！一向都知道人氣王係臺式麻辣鍋和大紅袍珍珠奶茶！ 今次特登黎食台式半自助午餐套餐， 人均$100九份鹽酥雞飯，雞件炸得好嫩滑老壇酸菜魚小火鍋配烏冬，小鍋滾到咁上下酸菜魚入哂味，辣度適中！另有兩碟涼菜 肉燥娃娃菜配炸蛋，滷豆腐鴨血！如果唔夠仲有自助吧提供既台式肉燥飯，香辣魚皮，杏鮑菇，西瓜番石榴，包你食得滿意！

琴日同朋友去左尖沙咀K11 食Lunch,非常之抵食！ 用open rice book 有85折優惠👍🏻連埋加一都唔洗$170🤘🏻即場其中一位做返個會員仲可以免費食水果🍉、甜品🍮，時令前菜。新會員送左10張優惠卷有幾張係買台式飲品買一送一，非常抵買！Lunch Set: 1.寶島慢煮蕃茄牛肉小火鍋 HKD $88可以選擇飯或者要麵（烏冬）牛肉夠曬淋同好有台灣風味👍🏻2. 老壇酸菜魚小火鍋 HKD $88亦都可以揀飯或烏冬但我就覺得魚分量比較少，可以揀其他套餐試下。套裝會送埋兩款小食🤘🏻

八月份分別同唔同朋友去食飯，Musea分店可以即時享用生日優惠。於是我再約另一位朋友去k11 分店，K11 Art Mall分店職員話要預先訂先有，唔可以即場有優惠，我哋完全唔明白佢咩意思，我哋已經預先訂位，都話無優惠！！另外用apps 落單叫飲品，我已經叫咗2杯5分糖的大紅袍奶茶，但係訂單系統出錯咗一杯是全糖，同女職員反映。完全冷冷的無反應，我要自動問佢拎冰，怎知唔係碎冰！係大大舊用作墊牛肉嘅冰！就係呢一餐飯，我可以同湊湊火煱劃上一個句號。

今日經過見到推出咗午市套餐，80幾蚊就有半自助餐，可以食一人小火鍋，仲可以加一杯台式飲品。抵，即試！自助餐區有前菜、生果，個辣魚皮好惹味😋小火鍋仲可以簡烏冬/飯，岩唔同人口味養顏女士推介經典紅顏花膠雞小火鍋（$88），可以補充下骨膠原。而鍾意開胃啲可以簡寶島慢煮蕃茄牛肉小火鍋（$88），哩個蕃茄汁夠rich, 配鳥冬一流而最讚一定係呢度嘅台式飲品，最出名係大紅袍珍珠奶茶🧋，想健康可以少甜少冰，仲可以加燕麥粒，飲完都冇罪惡感。最尾又可以去返自助區食飯後果，抵食又滿足。

翻工食午飯時間一定唔夠時間食自助餐，半自助呢種就好岩上班一族去食午飯。係尖沙咀呢間湊湊鍋，就有台式半自助午餐，性價比極高，自助部分有果同小食，個小食我超級愛，係魚皮同菇，味道辣辣地超開胃。老壇酸菜魚，連你鍾意食辣都覺得好辣，不過送飯或者烏冬都ok，啲魚肉好新鮮，仲有唔少酸菜。經典紅顏花膠雞，個湯好結身好有膠質，撈落烏冬食好好味。啲雞肉都幾嫩。$88食到呢高質既午餐非常開心，而且又坐得舒服，食飽仲可以食水果。

lunch想打邊爐可以平平地$88去湊湊食，份量多味道有保證！同晚市一樣，自助吧前菜、醬料、水果任拎。午餐有半價加配茶飲優惠，我就揀左熱燕麥珍珠奶茶，淡淡燕麥香，珍珠有咬口。水果有哈密瓜、芭樂同西瓜，好甜好新鮮。寶島慢煮蕃茄牛肉小火鍋落雨就係要打邊爐，茄湯香濃，慢煮牛肉入味又軟嫩，飲曬啲湯都冇覺得口渴，即係冇加味精🤣九份鹽酥雞飯鹽酥雞炸得酥脆肉嫩，配埋肉燥飯同埋炸蛋淡淡幸福！最緊要係份量都好夠。

今日嚟到尖沙咀k11呢間火鍋店～原來有唔同嘅lunch set!!都幾抵食～做埋會員仲可以任食自助區嘅小食同埋水果！🌸經典紅顏花膠雞小火鍋配烏冬 🍲呢個花膠雞小火鍋真係滋味滿分，湯底濃郁，花膠嫩滑，雞肉鮮甜～呢個set仲會配埋彈牙嘅烏冬同埋一碗蔬菜，係完美組合，食完暖晒～😋老壇酸菜魚配烏冬 🐟老壇酸菜魚開胃又醒神，酸菜嘅酸香滲透到魚肉入面，魚肉嫩滑，配上烏冬吸滿湯汁，酸辣得嚟又唔會太重口味，係冬日必備👍雲朵絲絨美人烏龍 🍵奶蓋烏龍茶🥹烏龍茶香氣濃郁，配上綿密嘅奶蓋，每一口都係豐富嘅味道享受，奶香同茶香完美融合，真係飲完仲想再來一杯！雲朵絲絨茉香茶 🍃奶蓋茉莉綠茶帶來獨特嘅風味，茉莉綠茶清香怡人，綿滑奶蓋增添口感層次，甜度適中🥰自助區 🥗自助區選擇超多，想食咩都有，唔論係熱食定係冷盤，都係新鮮又美味🏷️🍴哈密瓜 🍈｜西瓜 🍉麻辣魚皮 🌶️魚皮脆口爽滑，食落去好有層次

之前一直嚟到凑凑都淨係食台式火鍋, 殊不知原來佢仲有午市套餐而且同平時風格一樣, 嚟食套餐都可以任食自助吧上所有野, 包括有任添蒜蓉辣椒芫茜醬油等調味醬料, 香噴噴既魚皮, 香菇小食, 仲有超級新鮮香甜的時令水果. 依家正值夏天, 餐廳提供咗西瓜, 蜜瓜同芭樂等消暑水果俾大家消暑嚟到尖沙咀店食野, 店面裝修就係凑凑一向嘅風格 - 低調, 奢華, 舒適, 座位寬敞無壓迫感. 喺咁舒適嘅環境食飯係一種享受. 仲有飲料區, 如果你鍾意飲茶飲, 可以試下佢地嘅手搖飲品, 一邊食飯一邊飲🍜高雄鮮蝦牛肉八寶黑輪麵 $98高湯配搭鮮蝦, 牛肉, 八寶袋, 芝士丸, 牛丸, 竹輪, 芝士蟹柳同蘿蔔, 味道就似一道熱騰騰嘅關東煮, 套餐麵底係烏冬, 質感潔白有光澤, 口感軟糯爽口, 烏冬烹煮得剛剛好. 一口美味高湯一啖烏冬, 清爽唔油膩, 係喺炎熱夏日食午餐嘅好選擇💛個人必食推介: 高雄鮮蝦牛肉八寶黑輪麵, 蜜瓜返食指數: 🥑🥑🥑🥑(5🥑滿分)#高雄鮮蝦牛肉八寶黑輪麵 ($98)@coucouhotpothk______________________________📍 湊湊火鍋‧茶憩 (K11購物藝術

兩日極端酷熱，又黃色暴雨，真係要入商場過過冷河，湊湊台式半自助午市套餐超抵$78起，一個人都可以黎個小火鍋♥️ 自助吧前菜、醬料、水果仼拎。午餐半價加配茶飲，推介大紅袍燕麥奶茶三分甜，燕麥粒粒有咬口，代替珍珠又可以自我感覺健康良好。是日主角：寶島慢煮蕃茄牛肉小火鍋，落雨天特別好食，茄湯香濃有加迷迭香，慢煮牛肉我俾十分，入味又軟嫩，啖啖都係幸福！配飯同烏冬都得，套餐有台式鴨血，滷豆腐，肉燥雜菜，滷水蛋（炸皮的！）自助吧今日有杏鮑菇同香辣凍魚皮，重點係仼食滷肉飯，熱辣辣新鮮煲起，滷肉汁好多肉碎，咸甜適中撈飯一流。今日水果有台灣芭樂、哈密瓜、西瓜，好甜好新鮮。跟餐有甜品：紅豆奶凍、菠蘿冰沙，好解暑，食完飽飽有番力。K11 Art Mall 湊湊啲梳化位有cushion墊腰坐得勁舒服，仲要播lounge music 🎶 係我杯茶。

這間火鍋店真係好正！我哋點咗花膠雞湯底同埋菌類湯底，兩個湯底都好香濃，充滿天然嘅鮮味。花膠雞湯底好滋補，而菌類湯底嘅菌香撲鼻。所有料都好新鮮，尤其係海鮮同牛肉，真係值得一試！

湊湊火鍋•茶憩係K11入黎，地鐵站一上去就係，我地試過佢嘅四人午餐套餐。折後價錢只需598蚊(未加一)，仲包括4杯飲品。佢嘅湯底選擇多樣，我揀咗鴛鴦鍋，一邊係臺式麻辣鍋，另一邊係胡椒豬肚雞鍋。湯底味道濃郁，麻辣鮮辣刺激，胡椒豬肚雞鍋則有濃郁嘅胡椒香味。食物方面，我地揀左美國特選級牛板腱同牛肩胛，肉質鮮嫩多汁，質量上乘。蔬菜拼盤新鮮多款，湊湊三寶包括魚豆腐、豆腐皮同肉丸，烏冬麵彈牙有嚼勁。鴨血同豆腐可以任加，自助吧仲有各種新鮮生果、小食同滷肉飯，滿足不同口味。呢個四人午餐套餐物超所值，星期五黎個happy lunch 一流