湊湊‧甄選 (AIRSIDE)

营业中

休息中

第一次食，有驚喜，可不斷添加鴨血+豆腐。好味，飲湯都夠飽食材新鮮，湯底夠濃郁再打邊爐之前已經差唔多飲晒麻辣夠麻，珍珠奶茶好飲唔會太甜，又有茶味仲有杯菠蘿沙冰飲簡直驚喜之作

新鮮食材，多樣選擇，美味無比！服務人員態度親切，熱情周到。湯底我地揀左台式麻辣同牛骨蕃茄 風味獨特，鮮香濃郁，讓人回味無窮。肉類嫩滑多汁，海鮮新鮮豐盛，蔬菜清爽爽口。環境舒適整潔，用餐體驗愉快。推薦湊湊火鍋給想品嚐豐盛美食的朋友們！新鮮食材，多樣選擇，美味無比！服務人員態度親切，熱情周到。湯底我地揀左台式麻辣同牛骨蕃茄 風味獨特，鮮香濃郁，讓人回味無窮。肉類嫩滑多汁，海鮮新鮮豐盛，蔬菜清爽爽口。環境舒適整潔，用餐體驗愉快。推薦湊湊火鍋給想品嚐豐盛美食的朋友們！

今日黎啟德行新商場，Airside九月開幕至今，吸引咗唔少人，商場設計新穎，空間感大，有好多唔同嘅餐廳，聽朋友推介，這裏6樓的湊湊，台式打邊爐👍🏻6:30嚟到，全場差唔多坐滿，睇嚟都好受歡迎。座位闊落寬鬆，環境都好靚，店員有禮，感覺很不錯😊叫咗鴛鴦鍋，一個係紅顏花膠雞鍋，另外一個係特色台式麻辣鍋。花膠鍋滿滿膠質，有好多雞肉粒，炸豬皮，可以飲碗湯先至落火鍋材料，非常養顏滋補👍🏻台式麻辣鍋，可以任添鴨血和豆腐🫶🏻豆腐非常入味，鴨血香滑，鍾意食辣嘅朋友唔可以錯過😋我哋叫咗以下食物，每一款都非常新鮮高質：牛百葉：爽口彈牙，打邊爐唔少得魔芋條：有兩款，一款係條狀，另外一款係切割面，兩款都好爽滑，健康之選精選羔羊肉：無羶味，紅白分明，肉香不錯美國頂級牛肩胛肉眼：好高質，油脂分布均勻，脂香十足，入口即化冬粉：爽滑煙靭，吸收了所有的湯底黃金鮮桔茶：酸酸甜甜，冰涼解渴，最啱打邊爐飲

是日，選了二人套餐，牛肉入口即溶企鵝墨魚丸得意，好味，海鮮新鮮環境幽雅，工作人員態度好又親切，略嫌份量較少，兩個女士吃也不夠，需要在加肉食，價錢尚算合理，經網上訂有八折優惠，但係要九點後先有＇希望星期一至四晚歺都能有折扣優惠😋😋

之前一直book唔到，平日Airside商場夜晚人流少左即日都book到環境同坐位寬敞舒服，唔會太嘈，窗口位景觀開揚空擴食物質素ok，亦有套餐選擇，我哋三個大人叫咗一個二人餐再用優惠散叫半價一碟靚牛肉。套餐既海鮮都新鮮，牛肉選擇亦多，質素唔錯o另外再叫左牛筋丸同午餐肉，牛丸彈牙爽口，應該係振興牛丸嚟嘅。不過蜂巢豆腐就比較硬身，煮咗好耐都唔淋。服務員態度良好友善，人手亦足夠如果自助bar選擇多啲會更好

我和兩位朋友來嘗試，散叫食物，選了兩個湯底，湯底足料好味。食材新鮮，份數也多。朋友是月生日獲送玫瑰松板豬一份。環境舒適，雖然燈光較暗，但寧靚舒服。職員態度良好，有問必答，下次會再來！👍🏻

book 左位19:00，去到已經可以即刻入坐， 帶位同事好有禮貌，讚！ 我哋安排坐到近窗邊嘅卡位，座位好寬敞好舒服，望出去雖然好黑，但係有好靚嘅環境，因為佢哋有啲聖誕deco.我哋嚟到就叫咗一個鴛鴦鍋，台辣加蕃茄 ，台辣嗰邊啲鴨血可以不停refill， 個職員都經常過嚟幫我哋refill，正 ！番茄我哋覺得好淡，一般！ 肉類叫咗豚肉。豬頸肉同牛肉，我覺得豚肉係最好味，另外叫咗個生菜，不過佢畀西生菜打邊爐有啲怪怪🤣🤣同埋個烏冬，晤得，好硬，食咗兩啖我哋都冇食過喇，其他食物都不過不失。 職員都算有禮貌，但好明顯佢哋係好唔夠人，都比較難搵到同事幫手，可能我哋又坐得最入，都會有下次嘅 😊👍

今晚同好耐無既朋友聚會，揀咗airside既湊湊打邊爐。呢間火煱店聽咗好耐，食既都係第一次。由於平日夜晚而且我地早到，唔駛點等位就入到去啦！職員好有禮貌，服務優質。我地叫咗個2人餐，野食好新鮮好好味，湯底好足料，最估唔到係杯阿華田奶茶好好味！一定會再黎食！

1年1度朋友飯局，揀咗位於airside的湊湊火鍋。店外裝修華麗，店員有禮。2人餐好抵食，胡椒豬肚湯底相當出色，海鮮新鮮，牛肉好味。叫咗杯珍珠奶茶，意想不到咁好味，食得好開心的一餐。

有養生花膠雞湯底，啱晒我地d女士。好杰身，未開動前可以先試下飲湯底❤️2人餐夠3個人食，服務週到，難得新開唔洗點等位，坐位闊落。個企鵝丸好特別好cute cute, 不妨一試，寫食評重有飲品送添。

新店舖新裝修，地方寬敞，三五知己聚餐一流。與其他分店一樣，食物新鲜，湯底出色，讚! 值得欣賞調味料地方，弧型設計，取醬料方便得多，而且比較多選擇。另外員工服務照顧週到，常常問加不加湯，鴨血及豆腐，不用自己叫。加上近自己，必定常常來。

今日同朋友嚟到新開嘅商場食飯，見人哋推薦呢間位置闊落，環境整潔，坐得好舒服嘢食新鮮大份，都唔錯大推花膠湯底，好濃郁鮮味，入邊仲有好多料嘢飲都推薦，好多台式飲品揀，珍珠煙韌，特別推薦奶蓋好飲！值得一試！

又黎到我最愛嘅湊湊火鍋食飯，weekday黎叫咗個二人餐，可以有雙鍋先$2xx，我就揀咗2個要加$38嘅湯底，胡椒豬肚湯底同埋金湯酸菜魚湯底，勁多料，埋單先$400，抵食之選。服務態度都幾好呀，仲會介紹下，definitely will come back

此午餐非常抵食!!又好味，勁平，$298/2人，响食物方面，牛肉鮮嫩鴨血入味，酸菜魚湯底嘅魚好好食，無魚骨。出面小食魚皮爽滑，滷肉飯好味，西瓜甜美。下次會再嚟食

位於啟德新開的Airside商場的「湊湊‧甄選」，以其高質的台式火鍋風味吸引了不少食客。雙人套餐提供了多樣的選擇，我選了紅顏花膠雞鍋和胡椒豬肚雞鍋，湯底鮮美濃郁。主打的美國牛肩蓋肉肉質鮮嫩，帶有濃郁的牛肉香氣。海鮮拼盤豐富多彩，基圍蝦、鮑魚、帶子和蟶子王等新鮮海味應有盡有。每一口都彷彿置身於海岸邊，令人愉悅。企鵝丸造型獨特，外形像企鵝，味道更是驚艷。搭配豐富的醬料，每一口都充滿滿足感。餐廳環境舒適，適合與朋友聚餐。而且，餐廳贈送的芒果沙冰更是炎炎夏日的最佳解暑良伴。湊湊‧甄選絕對是品味台式火鍋的新潮流。