湘蜀人家

营业中

休息中

之前有一段時間都幾鍾意嚟食午餐，佢哋嘅麻婆豆腐，同埋回鍋肉都好唔錯，好惹味😊😊😊不過今次叫麻婆豆腐，味道好似同之前唔同左。好似少咗啲油，質地比較杰，同埋得個辣字，冇咁香🤔🤔因為真係好辣，好快就食晒成碗飯。另外，今次叫咗新野，薑蔥焗黑珍珠頭腩。其實我都唔知係乜嘢魚，冇乜肉，香係幾香，但係就唔係好好餸飯🤔🤔芫荽份量比較少，蔥都幾多，而且甜甜地。不過啲魚就越食越鹹。🤷🏻‍♀️🤷🏻‍♀️所以都係比較推介叫回鍋肉。

這次來灣仔搵川菜 在找尋的時候 看見很多評價都沒有菜單 所以這次 我特意為大家補上 可以看見價錢 心裡踏實d實際我才叫了2個菜 味道和份量都不錯 值得嘗試地鐵站附近 方便 大有廣場二樓 有興趣可以去試下

干锅肥肠真系好食到爆！ 很嫩很入味！第一次去食的朋友十分推荐这款同男朋友去食 两个人叫三个菜刚刚好 每样菜分量都好足够！真系好似返佐深圳咁 食佐美味的內地湘菜我們地估廚師應該都係個內地北方人「估錯就當我沒說哈哈哈」三款菜式都好入味啊 仲可以飲到內地的飲料加多寶 環境都算乾淨 整整齊齊 充滿中國風格 服務態度都好 啊姐好體貼幫我地整干鍋提醒我們時間可以食得我地會再去第二次 十分滿足哦 用心去服務客人的餐廳 值得大家去鍾意❤️

是日想來一趟川式麻辣午餐 ，以往人龍不斷現時難得可以預訂便一試。招牌水煮鮮魚$125這裡的麻辣是有點回甘的辣，辣過後帶點甘甜，鮮魚份量不少，魚很新鮮而且無骨，配菜包括芽菜、海帶、金菇、紅薯粉，份量足以二人共享。雖然此名為行政套餐，但並不包餐飲及白飯，白飯$10碗。炮椒爆牛肉$72甜椒配上京蔥、黑木耳、萵筍炒嫩牛肉，非常可口，川菜比較輕盈的一道菜。餐廳裝潢古式古香，杯碟全部印有四川變臉面具，而傢具是古董實木式設計。可惜燈光選用烏絲燈泡 ，坐在燈底下的顧客又熱又曬，希望餐廳可改善一下用既環保又舒適的LED燈具吧！

最近天氣開始凍❄️🤣係時候要食辣嘢暖胃👻😛灣仔有間新開食川菜湘菜， 口碑幾好， 佢堅持正宗川味😎特別係辣度全有廚師自己調，無得叫BB辣🤣🤣🤣今次試左個麻婆豆腐，有少少似香港風格🤣🤣但係豆腐好滑👍🏻👍🏻肉燥亦都夠多，但係覺得少少太油，同埋唔係好辣😂😂唔似正宗川菜，不過拌飯一齊食都好開胃好好送飯🤤🤤另外碟粉絲就普普通通，唔算太大驚喜😂😗但係午市有套餐，價錢都適當，overall 都ok 🤗🤗

這家位於灣仔的川菜小館座位不多，有一種很窩心和家庭經營的感覺。今次我和朋友兩人叫了一個酸菜魚和豬肚雞。酸菜魚酸辣適中，酸菜配上了鮮嫩的魚肉很好味，令人一口接一口停筆不下來。豬肚雞味道也不俗，豬肚爽口彈牙，雞肉也嫩，配上奶白色的湯汁， 10分美味。

⚠️服務態度差劣，真的不推薦👎🏻約了細佬食lunch，他帶我去了一間川菜餐廳！一位像經理身份的中年侍應為我們落單，由於我有些少不適，就問那侍應會否有不辣的小炒，或有其他不辣的菜式推薦，他即時不耐煩並態度不善的反問我：「川菜館有不辣的菜式嗎？」😳😳我明白川菜主要以辣為主，但我都曾經食過不少有辣度可選/ 走辣的川菜餐廳，若他的餐廳沒有為客人提供彈性的選擇，只要直接告知便可，不用如此態度😠我向該中年經理再三提問後，終得知嫩雞煨麵是不辣的，而我亦點了這菜式，細佬則點了嫩牛熗湯麵，另加了2杯熱豆漿！嫩雞煨麵上菜時，我見到侍應的拇指觸碰到湯麵🤢🤢🤢🤢🤢但為免再同中年經理交涉，而且覺得以他的態度，即使與他反映也無結果😓所以抱著當看不見的心態是但了結湯麵就算！賣相真的有點差👎🏻麵質口感很腍，似發脹的麵糊👎🏻只加了少許雞肉碎、菜粒及菇粒，感覺似病人餐，但湯底味道還可以！嫩牛熗湯麵同樣地，同一個出菜侍應的拇指再次觸碰到湯麵🤦🏻‍♀️我已無話可說.......賣相比我的湯麵好，至少見到有牛肉片，麵及湯底的口感及味道不過不失！午市繁忙時段已過，餐廳包括我們在內只餘下2-3桌客人，但我們點的豆漿竟差不多20分鐘後要

去到門口等咗一陣先有人serve, 明明鋪位唔大，又冇乜人，都唔知啲人去咗邊🤷🏻‍♀️咁都算啦，我同男朋友兩個安排咗去卡位坐，都算闊落。之後order左幾樣野，水煮牛、餃子、白飯同野飲。首先嚟到嘅係水煮牛，一望落去個樣係OK嘅。但咬落去就難食到想吐出嚟💩首先舊牛好「un」，其次個味唔係辣、麻香味，而係得油味，好難形容，總之就難食。等咗好耐，個餃子終於嚟。其實當時客又唔多，唔明點解接近半個鐘先嚟到份餃子。一咬落去，夠熱但好乾，味道就偏啖，好似食緊一舊未調味嘅肉，但都好過個水煮牛💩我地食到2/3嘅時候，有個類似男經理嘅人走過嚟拎起我地張單，望兩望。男朋友主動同佢講我地嗌啲野已經嚟齊。佢冇反應就行走左，隔左2,3分鐘又過嚟問有冇野加，果個語氣直頭想趕我走咁款🤔 之後又企係一邊啤住我地咁，奇奇怪怪。我同男朋友頂唔順，淨低嘅餃子都唔食啦，起身埋單走人。我地都唔知得罪佢乜，客又唔係多，又唔係接近閂門時間，我地坐左都係一個鐘左右，唔計佢啲野本身嚟得慢，仲要都未食哂啲野😅 比錢買難受。一句講哂，下次不了。

以前經常到四川成都出差，愛上咗川菜。在香港很難揾到正宗嘅川菜。朋友介紹我去湘屬人家，估唔到有驚喜! 食到我記憶中嘅川味 😍😍 以前的川菜當然冇矜貴嘅食材，今日試咗辣子蟹，酸菜龍躉，好食到停唔到口。😋😋辣子蟹可以揀唔同辣度，小辣就夠，咁先可以食到蟹嘅鮮甜☺️☺️ 啲肉蟹啖啖肉，好正，不過記得要預訂啊。😉😉 普通的夫妻肺片同萵苣，十分正宗 👍🏻👍🏻 孜然羊排超級惹味，好得 ☺️☺️  一定會再去試其他菜式 🤗🤗

灣仔大有商場入面呢間湘蜀人家成日經過 一直都無試過 直到朋友推介話好食 今日就去試下啦 食辣野緊係叫多2個朋友一齊去啦 有辣同當 哈哈 朋友一早訂好位 1點鐘哩到都 餐廳都坐左8成人 餐廳 環境古色古香 地方清潔 卡位都好多 座位距離比較窄 午市嘅選擇都好多有小菜 行政套餐 粉麵類等等 我哋揀咗午市行政套餐 揀一款主菜白飯加$10 是日燉湯加$9 招牌水煮鮮魚 $125好味 有深圳8成水準 辣度適中 魚片吸收曬啲辣汁 有淡淡嘅辣味同魚香味 同埋魚肉爽嫩彈牙 完全冇骨 配菜仲有豆芽 薯粉 非常開胃酸菜粉條鮮牛肉 $88一上枱就飄出陣陣香氣 湯質酸辣爽口 忍唔住一路食一路飲湯 牛肉入味嫩滑 真係又酸又辣又過癮 乾煸四季豆 $65炒得好香 又唔會太油 四季豆保留一點爽脆 唔會太林 入面肉碎撈飯食好正仲有好多野食想試 下次一定再哩 最好多d人一齊食 可以試多幾樣菜

今日同朋友食飯，食嘅時間唔長，先講野食係茶餐廳質素，不過茶餐廳嘅份量會多過佢勁多！！！其中有一名疑似男經理咁嘅人不斷行到我地張枱用奇怪眼神望住我地張相，食到中段無端端行過嚟詳細望我地張單叫左d咩🙄🙄🙄勁急收哂食完d野，無幾耐又行埋黎問仲有無野需要加？！(當時個場勁多空位，係點都要迫人走)。🤬🤬🤬🤬又唔係特別好食，咁嘅態度真係無下次！！！！貼錢買難受！🤬🤬🤬🤬🤬🤬其實唔想做生意不如唔好開門啦！之後找錢又無禮貌！又特登慢吞吞找！永遠唔會再幫襯！不值得去！不要去！整體來講，成個用餐都食到好似入去餐廳就係錯嘅咁，唔介意無禮貌態度就入去試吓。

當公司仲喺灣仔嘅時候，就會有一啲大陸同事因為特別思鄉，特別掛住家鄉嘅勁辣川菜，所以會上嚟呢一間相蜀人家。因為我唔多食到辣，所以次次都係用唔同嘅藉口推搪，但係因為有同事要離開香港，就參與一次，當係同佢餞行。其實餐牌上面都唔係只有辣嘅餸菜，為咗我，同事都叫咗一個黑醋排骨，一個唔辣嘅四季豆，味道比我想像中香濃，令我第一次欣賞到入到口嘅中國菜。當然同時亦都會叫佢哋一啲招牌菜，例如水煮牛肉，一上枱成碗紅色嘅嘢我嚇咗一跳，但食落都幾好味，不過我要不斷飲水囉。

酸菜魚一般，無酸菜味，湯底完全無味，如果blind taste，你一定試唔出係酸菜魚。酒讓丸子好差，又苦又酸。因為米酒煮耐咗就會變酸，仲要同丸子一齊煮，搞到又杰又酸…

今晚去大有商場買唱片，順便睇吓有咩食，誤打誤撞去左呢間餐館，見佢門口餐牌食物正合胃口，價錢公道，就試吓水準如何.兩個人叫咗酸菜魚片，干鍋田雞，口水雞同窩窩頭，本來仲想叫四川涼粉，店長又話無做，有啲失望，酸菜魚片做得不錯，刀工一流，我只食到一片有骨，分量都幾多下👍🏻干鍋田雞肉嫩香辣推介，口水雞就差啲，肉質比較嚡，個汁唔夠味得個油字，窩窩頭有個醬跟嚟食，幾好味，整體食物風味似去咗深圳食飯，而家無得返大陸食嘢，嚟呢度食也不錯。餐廳環境尚可，有好多卡位，兩個人坐就相當闊落，服務方面，穿制服的服務比無穿制服的好，好奇怪🤔

響灣仔咁耐都未試過，專登約人一齊食！我用咗openrice book枱，我朋友攞位先，如果唔係唔知要唔要等好耐！我朋友食過，所以我朋友介紹咗個雞煨麵俾我，但係我比較鍾意食牛肉多啲，最終都係揀咗食牛麵！正如之前啲評語一樣，職員及唔知係咪老細，個反應同個態度真係唔係幾友善，可能係人小辛苦卦！總括嚟講係比較咸咗啲嘅！不過真係ok好食呀！希望下次再去試下其他菜式啦！