湘餑餑肉湯泡飯

营业中

休息中

這間新開的中菜館位於灣仔的廣生行大廈，主打正宗地道的四川及湖南菜，其中招牌的辣鹵，均現滷現賣不隔夜，而且採用的香料非常正宗。店內環境寬敞舒適，採用鮮艷的紅色為主調，配搭簡約的木系傢俱，適合多人聚會。午市時段設有九款套餐，配米飯、前菜及指定飲料，可免費續飯，而且免收服務費。辣鹵郡粑 - $39採用數十種天然香料鹵製而成，醇厚的鹵香帶微麻微辣感。郡粑是鴨胗與鴨食帶之間的部位，脆中帶韌勁。辣鹵牛腱 - $69花紋狀的牛腱肥瘦比例適中，豐富膠質及黃金比例的半筋半肉，口感彈牙入味。四川口水雞 - $68雞件嫩滑多汁不乾柴，鮮香麻辣、香氣四溢。玉米鮮肉餛飩面 - $69餛飩皮薄且煙韌有彈性，包裹著飽滿的鮮豬肉餡，細緻爽口；幼身的餛飩麵紮實彈牙好掛湯。外婆菜炒飯 - $58地道的外婆菜爽脆且帶獨特的鹹香味，炒得粒粒分明充滿鑊氣，辣椒帶點微辣增香。季節時蔬 - $58新鮮翠綠的菜芯清脆可口。手打檸檬茶 - $19採用香水檸檬，果肉厚身，酸度比黃檸檬更突出，帶點香芧味，但苦澀味更少，走糖走冰故不滿杯。

今日經過克街，看到這間新開湖南菜館，做緊試業優惠全場8折，係門口見到新鮮熱滷的滷味都幾吸引，就決定試下。餐單有很多選擇，有單點小菜，特惠套餐，還有每天現做新鮮滷味，價錢十分經濟，性價比超高的。🌟招牌肉湯泡飯必吃！果然是招牌菜。以為是普通的芡汁，原來是超鮮味的肉湯，加在白飯上超下飯的。豬肉片鮮味軟腍，不吃辣的人可以不吃辣椒，但把辣椒一起吃會更惹味😋🌟特色酸菜魚很大盤，新鮮的鱸魚片超鮮嫩！份量也多。盤裸還有大量酸菜，粗粉和芽菜，超滿足。🌟全素辣滷套餐有海帶，豆乾，魚豆腐，蓮藕，毛豆，每天現做不隔夜，每樣都滷得入味。最愛蓮藕，超夾脆而且辣得過癮😋🌟季節時蔬健康的炒清菜，炒得夠穫氣，新鮮爽脆。🌟老紅糖冰粉吃了辣的東西一定要來一碗冰粉😋清甜透心涼。🌟手打檸檬茶超有誠意，差不多有一整個新鮮檸檬，清新解膩，好清香。🌟青檬汁酸酸甜甜很好喝📍非常有驚喜的湖南菜，而且價錢親民，套餐會包了前菜，飲品和米飯，而且免費續飯。現在開業優惠還有全場單品8折，真是佛心價格。

這間位於灣仔的【湘餑餑肉湯泡飯】，主打川菜，晚市有多款特式地道川菜及小食，價錢貼地。唔食辣都唔怕，亦有多款廣東小炒。新店開張單點菜有68折優惠。有每日新鮮製滷味。特色酸菜魚酸菜魚有芽菜、粉條墊底，魚片已去骨，煮至剛熟，入口嫩滑。青椒脫骨豬手豬手爆至油脂滲出，配上青椒粒，微辣又爽口，十分惹味。炒菜心菜心炒至翠綠，用了最嫩的部份，爽脆又清甜。全家福鮮肉餃一次過可以試到冬菇馬蹄、韭菜鮮肉及白菜鮮肉餃，餃子皮薄爆餡，肉汁豐富。最後飲返杯手打檸檬茶，去一去油膩感。

行過見到呢間湘菜滿滿嘅人群 原來試業做緊8折午市唔洗加一 仲可以飲我最愛嘅薏米水 唔洗諗就支持下新餐廳啦～❣️特色酸菜魚套餐 份量十足 酸菜味道唔會過酸過咸 撈飯食一流 魚肉好滑 去骨去得好乾淨 食落唔會有骨仔 仲配上芽菜同有少少好似上海麵嘅麵條 湯頭帶微辣 唔食得辣都好容易接受❣️鹽焗雞 雞肉好滑溜 醃得夠晒入味帶咸香 食落有咬口 雞皮夠晒黃 鍾意呢度嘅雞係全熟 食得好放心❣️軟糯豬肚套餐 一份有齊豬肚+滷蛋＋魚腐+昆布+豆腐 店家主打滷水唔過夜 點都要試吓 滷水帶有獨特嘅香氣 係秘製配方 各樣材料都滷得好入味 最窩心係可以食都唔同配料 ❣️薏米水 薏米煲到好腍 飲落微甜 食完辣嘢舒緩一流❣️韭菜鮮肉餃配綠豆沙好得意每一款餃子都會配一碗綠豆沙餃子皮好薄身 有滿滿嘅韭菜餡 最鍾意係瘦肉比例高 食落唔會好多油滲出嚟綠豆沙煲到好綿密 餐廳雖然面積唔算好大 但可以枱中間都有十足空間而且卡座都多 坐落都舒服 店員都好親切友善

6/12 餐牌看見好吸引叫個全素全餐，食食吓發現少咗豆腐乾同枝竹，問店長點解少咗兩樣嘢，店長入廚房攞咗少少出嚟話人客多唔夠貨唔好意思，食得好掃興一早講可以轉其他套餐，咁樣做生意違反商品條例唔可以接受，咁嘅服務接受唔到唔會再去！

灣仔開左間新店，主打湖南菜，辣度可調整，適合唔同人食！ 價錢好實惠，午餐都係$48起，包小食、主菜、白飯、飲品，仲免費添飯，免服務費🤩，打工人好啱！天氣熱熱地，就可以選擇辣滷套餐，有十多款揀，包括辣滷牛腱、辣滷鴨腸、辣滷豬肚、檸檬鳳爪等，仲可以外賣加餸！招牌肉湯泡飯，肉片鮮味，但重點在湯汁，香濃而不膩，伴飯食好正，而且唔辣！ 另外仲有酸酸辣辣嘅酸菜魚，午餐份量驚人，魚片超多又嫩滑，但部分有少少魚骨，可以連湯都飲埋！辣椒炒肉亦好有鑊氣，食落香口。 其他仲有梅菜扣肉、鮮炒黃牛肉等，隔離枱嘅香味傳過嚟🤤

救命！好羨慕啲喺銅鑼灣上班嘅朋友啊🥹🥹呢間湖南菜超級好食🥹連米都用五常大米。五十幾蚊一個招牌泡飯套餐，白飯任裝，老闆你賺唔賺到錢呀🥹🥹🥹酸菜魚🐟魚好嫩好嫩，作為一個單人餐嚟講，份量真係唔少，連酸菜我哋都食晒啦…..湯泡飯🐷廚師🧑‍🍳叔叔真係太識煮飯啦，呢個醬湯究竟點調嘅？唔單止湯好飲，五花肉好食，真係超好送飯🥹🥹牛蛙🐸🐸🐸好肥美啊啊啊啊！我哋食完牛蛙之後，默默夾起辣椒嚟食，真係太識調味啦！炒藕尖🪷我都唔知自己有幾耐冇見過呢道菜，酸酸的，非常開胃🤤如果呢間店開喺我公司樓下，我日日都嚟食🙂

今日喺灣仔整完嘢，就喺附近食埋飯先返屋企。見華星隔離有間湖南菜館「湘餑餑肉湯泡飯 」，咁啱我今日又想食辣（其實冇乜邊日唔想食辣😂），就入去坐低咗喇。梅州鹽焗雞（$128）：呢個有驚喜。佢嘅雞皮非常薄，完全唔覺得油膩。鹽焗雞味道夠。紫蘇火爆牛蛙（$148）：呢度至少有兩隻牛蛙，而且牛蛙算大隻，夠大隻嘅牛蛙先可以煮到咁嫩滑嘅肉質。佢係用個爐上，可以慢慢食都唔怕啲嘢食會凍。季節時蔬（$58）：我哋揀咗菜心。菜心嫩滑爽脆。鮮炒黃牛肉套餐（$78）：套餐包括白飯（免費續飯），前菜和飲料一杯（薏米水/青檸汁/酸梅汁）。黃牛肉肉加埋味菜，芹菜同埋辣椒一齊炒，味道同口感層次都豐富。和牛肉鮮嫩。所有嘢都係即叫即做，熱辣辣上枱，未食都已經覺得好吸引。

黎到久違既灣仔！舊居隔離竟然開左間湖南菜，見到似係家常菜泡飯又幾得意，價錢吾貴就入去試一試招牌肉湯泡飯套餐（$59）比我想像中好食！本身以為係普通湯底配飯，點知原來佢成碗都係肉汁勾茨，吾咪精又吾似平時北上食甘多油，仲要係超多肉片🫨吾只係係肉湯有驚喜，個飯既米粒好煙韌，吾知用左咩米，好咬口過日本米，粒粒分明煮得岩岩好，真係冇誇張碗飯係今日既mvp🫶🏻配左個薏米水又係好足料，清甜解渴，入面仲有雪耳碎香幹炒耳尖（$128）見到張圖賣相好睇先叫，點知原本係豬耳🐽以前佢湖南菜應該同譚仔個豬耳差唔多，都係麻辣嗰款，點知原來唔係。呢款完全唔辣，豬耳比譚仔更厚身，似我哋平時食豬手嗰種口感，香幹原來就係豆腐乾，呢個餸係大份量到一個點，兩個人勉強可以ko雙拼鹵味（海帶+蓮藕）呢個真係要讚！原本喺個櫥窗見到海帶好似賣相唔係幾好咁，但係原來好厚身，鹵得超入味！佢同平時我哋香港嗰種鹵味唔同，呢款有少少辣辣地，會偏鹹一啲，冇香港嗰種甜。蓮藕亦都係一定要嗌，清爽拉絲打包外賣送飯一流！

在灣仔新開張的湘餑餑肉湯泡飯店，我們經過就來嚐嚐正宗的湖南菜。店內有經濟實惠的套餐，大概50幾蚊到60幾蚊一個套餐，一大份餸和一碗白飯，還送一個小點和一杯大飲品。套餐不用+1 ，另外還有小菜，小菜份量較多，而且需要+1。我們兩人就點了兩個套餐，就是一個梅菜扣肉和一個酸菜魚。另外再點一個小菜牛蛙和一碟青菜。首先小菜紫蘇火爆牛蛙：香辣鮮美，份量也不少，讓我享受到牛蛙的獨特味道。酸菜魚套餐：搭配一杯清爽的酸梅汁，十分解味。老闆娘介紹湖南網紅特色菜——手撕包菜：清脆爽口而又火候十足。接著梅菜扣肉套餐：經典的梅菜扣肉，濃郁的味道讓人回味無窮，扣肉煮得非常腍，簡直像溶化了一樣。同樣附贈酸梅汁。這裡的菜品不僅美味，還便宜，晚餐可以59蚊一個餐確實抵，食材也新鮮。正👍

去利東街睇完聖誕樹，行咗一下發現有一間新開嘅湖南菜老闆娘嘅都幾熱情招呼，入去試吓湖南菜嘅種類都幾多，有涼拌菜，有即炒嘅小菜點左招牌嘅肉湯泡飯晚飯$88，午市套餐，只需要58定68就有中午嚟食嘅話就更抵，午市唔使加一外婆菜炒飯炒得粒粒分明味道都幾香酸菜魚份量好大，鱼片好多，還有粗粉喺底度，幾好味整體都唔算特別辣，因為我唔食得辣，所以我覺得口味都OK，如果係想食辣啲嘅話要同老闆娘講聲加辣我哋四個人點左成枱餸，都食得飽飽地人均100出頭