湯串哥

营业中

休息中

嚟到西九龍中心，一定要試下呢間湯串哥嘅「麻辣手撕雞腸粉」（$43）今次叫咗小辣，等咗大概十分鐘😍😍食到熱辣辣嘅腸粉😍腸粉配上麻醬甜醬豉油真係冇得頂，手撕雞啲肉好嫩，而且食落有麻辣味，好過癮☺️不得不提老闆嘅服務態度真係好好🥹🥹希望你生意長做長有❤️❤️大家不妨經過都去支持下啲小店🥰

這個小食店已經幫襯了很多次，味道真的不錯，廚師用心製作，人客一定感受到的。這次叫了沙嗲魚蛋、燒賣、魚肉春卷、牛肚等等，還有手撕雞腸粉忘記了拍照😅，魚蛋其實不怎麼樣，燒賣就比較彈牙，魚肉春卷很入味，牛肚就比較淋，手撕雞腸粉的醬汁也俾較香濃，所以整體感受很不錯。而且這裏的服務態度本人是最喜歡的，所以才會覆購的主要因素之一。如果說不好的地方，就是外圍的座位其實不太舒服，畢竟是food court範圍，而且感覺太密集了

已經第三次過來幫襯，感覺這裏的小食很抵吃，價錢不貴，而且味道很好，見有時候都很多人排隊，所以對他的品質都有信心，而且是過幾次，質量都有保證，特別甜辣味和沙嗲味的類型，我比較特別喜歡每次購買少少，就可以滿足食慾，是不錯的小食選擇，只是多人的時候等候時間真的比較久，如果速度加快或人手充足會更好。但裏面的醬汁真的可以說超贊，一來很少在其他地方可以吃到這種秘製醬料，二來各種醬汁的味道真的很香，師傅應該用了不少材料製作，他拿捏到小食的靈魂是什麼☺️所以真的值得一讚

小食做得好食, 其實有好多講究嘅位置，例如佢本身嘅湯底，食物材料夠唔夠新鮮？烹調嘅時間夠唔夠火候？醬汁嘅濃度同香度足唔足夠？跟住仲要睇廚師本身有冇心機去做好嗰件事？同埋餐廳嘅服務質素夠唔夠？所以綜合以上各種條件先可以做出較為高質素嘅小食產品，這間叫湯串哥的，整體水平不錯，湯底試突出材料充足，味道香口而濃郁 ，醬汁材料條配有獨特地方，兼且色香味俱全，食物材料就可以說一般，因為都是冰鮮材料居多，服務質素是真心好的，態度是現在飲食業的重要因素，因為站在消費者的角度，都是應該被人尊重的，總的來說享受整個過程

這間的小食，好濃味好入味，師傅感受都好好人，起碼有求必應。裏面嗌咗腸粉，沙嗲蘿蔔丶魚腐丶風琴豆腐串，甜辣牛肚、牛腩丶魚蛋。真心講真係各有特色，各有唔同嘅層次同味道。唔似傳統，得一種味，所以感受上都係有驚喜嘅。其實之後都有重新再嗌其他啲，再試吓其他啲款式，因為本身味道又唔會太鹹，甜辣將亦都唔覺得太甜，兼且香味比較重，所以好容易入口。如果嚟到西九龍中心真係想食特色小食，呢間都係一個唔錯嘅選擇。希望呢度都可以保持水準

第一次次食叫左一份牛柏葉沙嗲汁唔錯 但牛柏葉唔入味亦比較韌係西九黎講$15一份唔係好值 有好多其他選擇希望食物質素遲啲會改善職員有禮貌 等候時間合理 唔知係咪緊張或者環境嘈 聽唔清楚佢講咩😅

聽人講話西九龍新開咗間小食，同朋友過去試吓，睇落去招牌海報似冇乜特別，就求其嗌左啲小食和手撕雞腸粉，+2罐可樂。佢哋有四款醬汁可以選擇，我哋揀咗個好似叫甜辣醬，食落去都幾香口，真係得少少辣，有啲甜味，唔知點樣形容，但係屬於幾容易入口，都幾新鮮嘅感覺。因為出面都好似比較少食到。手撕雞腸粉中規中矩，唔會話非常特別，但係味道都OK，個混醬做得都唔錯，雞我覺得就可以再嫩滑一D，雖然都有雞味，但係唔屬於特別滑個種，當然可能成本問題，$39嚟講就差唔多，不過可能一個人食八條腸粉就未必食得晒。總有改進空間。總言之係唔錯嘅，有啲特色，有啲似以前走鬼車仔檔嘅格調，加上新穎嘅醬汁，都係屬於OK

今天和好幾個朋友，喺西九龍中心8樓賣咗，買咗湯串哥好多小食，牛肚丶牛腩、牛筋丶牛丸丶蘿蔔丶蝦條等，仲有一個手撕雞腸粉。上次食過甜辣沙嗲，今次試吓麻辣沙嗲，真係辣得好過癮，口唇都麻到麻痹晒，勁正而且牛肚由金錢肚同草肚混合一齊去，有爽有冧，牛筋好入味好冧，牛腩又有咬口，蘿蔔更加入味，最正嘅都係爆汁牛丸，真係會爆汁。手撕雞腸粉，每次嚟都叫，腸粉嫩滑，醬汁香口，唔太鹹，雞絲好味，真係用心製作就係唔同，我會同朋友繼續幫襯

昨天在西九龍中心8樓，叫了一個外賣，回家和家人吃，隨便找了一間，因為今天想吃腸粉，所以就叫了豬扒腸粉，味道吃上去也不錯，有少少香茅的味道，豬扒也不會炸得太柴，腸粉裏面的豉油不會太鹹，本人很怕吃到很鹹的東西，而且麻醬和甜醬很香，整個配搭很好，我都很喜歡另外叫了一些小吃，味道少少辣，老闆說是他們的獨家秘製，而我在出面也很少吃到這種比較清淡的辣味道。初初聽到甜辣醬還以為是泰式那一種，吃上去才知道，原來完全不同，真的是秘製的配方，希望之後也可以保持水準，繼續讓我幫襯😊不過腸粉真的有點多，要今天吃早餐才吃完

今天和朋友一起去西九龍中心踩冰，之後在8樓Food court，揀選了一間有小食和腸粉的小店湯串哥，首先裏面的老闆招呼很好，好Nice，所以感受很舒服。另外和朋友叫了一些小食（甜辣沙嗲味的蝦條、長豆卜、蘿蔔丶牛肚、牛丸等），還有五條蒸腸粉。真心說很久嘗試這麼好味道的小食。因為本身不是太吃得辣，甜辣醬本身就是BB辣層次，但非常香口，加上特別煉製的沙嗲汁，兩種醬料混合一起，香味特別濃郁，層次感滿滿，而且不會太辣太鹹太甜，味道分布剛剛好，湯底也非常入味，令整個層次感非常滿足．．齋腸粉的味道，正常也是不過不失的，但這裏的混醬，就特別香而濃郁，師傅說：因為也是用秘製的油，混合在芝麻花生醬內，所以味道就特別醒胃，而且腸粉柔軟適中，真的特別值得推介．．

今日同朋友嚟西九龍中心食嘢，揀咗一間食小食，真係估唔到OK喎，麻辣真係可麻到口唇發麻，如果唔係太食得辣嘅可能就唔係太啱啦，佢嗰度特別推介嘅係甜辣醬，但係我好食得辣，所以最終都係揀咗麻辣，話真係好有效果，而且牛筋牛肚牛腩都𣺉身而爽口，加埋本身嘅湯底都好入味，所以真係值得推介另外叫咗個手撕雞腸粉，都係比想像中好，佢嘅麻醬好香，豉油亦都唔會太鹹，溝埋有少少砂礓味嘅雞絲嗰度，感覺都幾香口，幾好味，好似可以免費加其他醬汁添👍

搵咗好耐，去過好多地方，香港越來越少街頭特色小食類型，基本上很少地方，用好考究嘅功夫去到小食，西灣河太安樓同大圍嘅小食係唔錯嘅地方，但係對於九龍居住人士嚟講就真係太遠！深水埗雖然有好多街頭小食，但係大多數都千編一律，冇乜太大特色，醬汁選擇都係差唔多，太大眾化，冇特別令人回味嘅衝動估唔到西九龍中心8樓[湯串哥］小食，真係有回味嘅衝動，特色醬汁，碰巧手嘅湯底配合，特別濃郁入味，而且有新鮮感，兼且店主用心製作，先係最讓人感受到，唔係求其．是但．隨便就算！用心嘅食物，一定會有人感受到。

西九龍中心的湯串哥，小食的味道有一定的水準，手撕雞腸粉裏面的豉油、麻醬加甜醬，原味都很香口，手撕雞本身也有較濃郁的砂礓味，配合整體都很搭配湯串小食，就更有別於其他小食店，類似關東煮，本身只有湯水烹調，但湯水應該本身加了很多配料，所以本身湯水味道也很濃郁，但也不會太過鹹，仍然有一種鮮湯味道。再配合其他秘製的醬汁，就更有一番風味，而且汁醬本身各有特色，有原創的也有古法式的。總括來說，值得體驗。兼且隨時會帶來驚喜。

今日好想麻辣，搵咗一間食小食嘅試吓，真係估唔到，真係好好味好有效果，諗住普通小食都係普通料，點知食落去第一感覺唔係覺得好辣，但係慢慢就覺得越嚟越麻，2分鐘倒成個口麻晒，辣味慢慢慢慢濃烈起身，越食越辣，麻辣效果爆滿。唔知有冇得買醬汁，買返屋企做配料，應該配合其他食材都會好好味。老闆話最出名佢嗰度係甜辣醬，今日冇食下次先啦，因為麻辣味已經覺得好過癮，下次嚟不過都係會揀咗麻辣先，實在係抵食抵玩又過癮，好似之後仲會出一種特辣，等人去挑戰唔知幾時有得玩讓人期待

小食其實都分很多等級，無論選料食材，湯底配料丶各類食材烹調時間丶到最重要的醬汁配方，都需要一絲不苟（如再加上，特別獨特獨家風格口味，就更上一層樓）湯串哥就真心感受到對食材，有一份執着丶一種堅持丶以及一種用心。更重要的是對人客的態度，生意除了是經營，更重要的是讓人感受到被尊重，舒服丶同沒有壓力等…，老闆的態度真的非常好，有耐性，易溝通，有親切感…所以整個體驗好舒服其實做好食肆整體都需要很多條件，從內到外，都需要細心運作，只有真正的用心，就是真正的吸客之道