湯加 (大興商場)

营业中

休息中

見到大興邨有湯加, 好似好耐無食過, 不如食一下, 一入去就見到好多位😅唔通d人又北上晒不留港, 定d野好難食🤣因為1点多照計都係食飯時間吖🤔 望下餐牌太多選擇, 究竟食魚好定主打飲湯好😀之後揀左個鮑魚姬松茸燉老雞, 揀左要藜麥飯配熱銀菊蜜, 等左一陣餐送上, 賣相又唔係敢差, 係面有塊好大的雞皮同一点点肥膏😆如果貼心d先拿起再出餐, 敢樣會更好😁睇下有乜嘢料先, 有幾只冬菇有幾只姬松茸有二只鮑魚有幾件雞👍飲啖湯先, 好清甜好熱🤩好好味😋我索性將d藜麥飯, 一d一d加落去浸湯食💕好好食, d湯真係好滾, 食到差唔多食晒都係熱熱的🥰👍再飲埋銀菊蜜滋潤一下, 夠熱唔係好甜, 整體其實唔錯, 真係唔差, 可以再來😍😋

SOUP PLUS 湯加每個星期日第一件煩惱的事就是到那裡與小絲吃早餐。港式的沙嗲牛肉麵雖然好吃，但每次都是這些又怕小絲悶，所以每次都找不同的食店試試。這間SOUP PLUS 湯加算是與一般茶記有些分別，最特別是有台式芝士蛋餅。是用一片酥皮包著炒蛋和芝士。因為有芝士的關係，所以吃完整過蛋餅蠻飽肚的。另外我們還點了一個雞扒早餐，這個和平常在荼記吃到的差不多，這裡粉麵轉了蛋白麥皮，方包可以轉熱香餅。味道就不過不失，不太喜歡那個蛋白麥皮，味很淡，有點像吃白粥。那裡另一個好處是客人不多，沒有壓力，可以與小絲慢慢吃。阿偉食評：食物味道、服務普通，蛋餅特別，客人不多，可坐耐些。推介指數：5.5/10

1點幾買外賣，成個場兩臺客，叫完就聽到有客話整錯野食，然後我等左20分鐘先有外賣，翻到屋企見到都比錯湯（我仲要係加3蚊轉嘅）。差唔多吉場得個兩張單都錯，呢間野已經無得救。

這個《前封比目魚》真係好好味！原來煎封的意思是，係落油獲炸😍嘩！配埋少少豉油煎完的香脆外皮邊真係一流平時小妹來吃為了食魚，因為通常附近餐廳🍴的魚都會賣光。但有次發現這裡的蒸魚較甜因加了少少糖，吃了幾次後不慣後便沒再來！沒想到現在因為這個《煎封比目魚》，再次喜歡💕來這裡晚餐了這是十分嘴饞的食家推薦多謝你的識食推薦啊😍👏🏻👏🏻

我平日好少特登寫食評，但今次真係不得不寫！星期日補完習諗住喺大興商場附近食少少嘢，由於平日少過嚟呢邊，同埋比較趕時間，所以見到呢間餐廳少啲人唔使等位就入咗去，點知中咗伏！雖然係午飯時段但成個餐廳都冇乜人。諗住落咗單好快有嘢食。上咗嘢飲之後，等咗超過20分鐘都未有嘢食。然後就聽到隔離有兩枱投訴，話已經等超過半個鐘頭都係得嘢飲，冇嘢食啲員工先施施然攞張單入去廚房跟進，但跟進完都係冇聲氣，出返嚟又喺度傾偈。我坐咗咁耐一直都未見過廚房有人攞嘢食出過嚟，只係得嘢飲。由於我真係趕時間所以最後取消咗個餐，去同收銀講嘅時候仲要對我反白眼到到我走嗰刻都係未有嘢食從廚房攞過出嚟。如果大家想去大興商場食嘢就千祈唔好去呢間！冇得食不特止仲要受氣

15.04.2021一直唔贊成俾差評，我唔啱食，唔代表其他人唔啱食，直至...之前叫「湯加」（大興）一直好地地，個「兩餸一菜」餐選擇多味道好，之前仲特登俾comment平反，讚佢地個「兩餸一菜湯飯餐」。但上星期開始突然失控，一日用Deliveroo 叫外賣，竟然因為無開機漏哂啲單，第二日再俾多次機會，轉用Foodpanda 叫，無漏單，但漏餸，叫咗蝦滑，我和同事得一條，一直起碼四條，好多份量；最攞命係個魚湯底有腥臭味⋯⋯真係叫人好失望！今日的我打倒昨日的我，唉，無下次了。😢

曾經啲職員態度幾好， 尤其是配眼鏡瘦瘦哋嘅女職員態度最好，我久不久會在這裡食早餐， 啲牛乳炒蛋幾好食。 但我4月4日那日去， 啲職員唔同哂， 態度好差! 尤其是當天穿著黑制服的職員，我舉哂手， 叫埋，都冇人幫我落單 ! 我特登走去收銀(黑制服女職員)嗰到落單，佢只敷衍我話” 叫早餐 ? 要等30分鐘加喎” 木口木面， 完全唔歡迎客人嚟落單 ! 我係喺食嘢 ! 唔係嚟求乞 ! 嗰日真係好嬲。 後日我再去食， 情況有啲改善，舊職員出返現，但啲炒蛋好似冇以前咁好食了，唔夠滑。 不過整體都係ok嘅 ! 希望呢間餐廳唔會變差!

湯加（屯門大興）今日午餐同事一齊叫屯門大興湯嘅「湯加」，我見好少留言，而且只有負評，好想為佢持平俾少少個人意見。今次不是第一次幫襯湯加，前一次15.03.21我用網上外賣平台訂「蟲草花花膠魚肚雞湯飯」，其實味道不錯，只是雞油太多，整體上四星。但今次我聽了同事的意見，叫了「兩餸一菜飯湯飯」，結果選擇非常多，最重要是有健康的選擇，例如竹笙、豆腐、鮮牛肉、雞肉片、多種瓜菜，我同事都揀了雞扒，又香口又美味。另外湯底（例如魚湯、辛辣、番茄）同飯/粉/麵都有好多選擇，連三色飯、薄餅也有。選擇十分之多，悉隨尊便，而且可以加好多嘅餸，最多好像是十款，哈哈！其他同事叫「姬松茸鮮淮山竹絲雞湯飯」味道尚可，無「蟲草花花膠魚肚雞湯飯」那麼油膩。但另一個訂「客家黃酒薑絲煮滑雞湯飯」就不太合味道。最近網上外賣平台也有折扣優惠，尤其網上外賣平台有八折優惠，十分化算。所以我想湯加的湯飯未必個個喜歡，但我覺得「兩餸一菜湯飯」，選擇好多，味道佳，值得推介！

之前番工間唔時都會去湯加食Lunch, 但佢既早餐就未食過, 今日就入去試下。呢度空間都幾大, 不過放滿左枱櫈, 令通道有少少窄。放餐具既地方就係枱側的櫃筒, 如果有人行過既時間想拎野, 就要等一等。另外, 餐廳的人手明顯不足, 係咁多枱客人既情況下, 只有3個員工係樓面, 要負責收錢, 落單, 收拾餐枱等等工作, 根本應付唔黎… 💦💦我叫左一個餐, 餐飲等了15分鐘才有, 而食物更係等左多過30分鐘先上枱 (途中催左一次)… 我聽到坐我附近的食客都不斷催促店員, 可想而知人手不足的問題真係幾嚴重。 吉列魚柳．炒蛋 配 蛋白麥皮．牛油多士 ($35)魚柳比想像中細, 不過炸得脆口。而沙律醬的份量少, 可能我鐘意沾好多醬食, 所以如果俾多D沙律醬就好了。炒蛋炒得唔錯, 唔會煮得老。不過食落比較薄身, 好快就食哂成個炒蛋。蛋白麥皮無落糖, 如果需要甜味, 可以係櫃筒拎白糖撈埋一齊食。成個餐比較失望係個牛油多士, 佢係就咁一塊無處理過既方包, 皮邊好硬。另外就係牛油另上, 要自己塗。加上櫃筒入面無放Tissue, 如果客人無帶紙巾, 就會食到好狼狽。 早餐餐牌：

開業以來一直好想試試，今天終於試到，環境上算整清，只是遇然有一兩隻曱甴在牆上爬，食物味道一般，但雪菜米是我有生以來食過最特別的味道（個人感覺似坑渠味）。奶茶味道淡，可能匙羹和杯感覺不太清潔，影響了品嘗的味道吧。老闆娘態度不太無禮（覺得似選擇性）。看過其他貨食評都有提過員工態度這問題，老闆娘對其他貨態度也好，無奈對我不太禮貌，可能我樣衰吧。（我第一次來真是唔知早餐餐牌放喺邊，亦都唔知點的是午餐，老闆娘發悔氣地罵午餐要在11點半呀...! 當然還差5分鐘就到11點半。）真係唔知其他分店會不會這樣。

湯加每況愈下3個月前初初新開店，抱住一試態度入座 ，意外被餐牌上兩款湯飯吸引。陳皮鴨腿湯飯、姫松茸竹絲雞湯飯，兩款皆屬清澈濃味湯底 ，「曾」令人讚賞。令我和家人都忽略....樓面員工態度散漫、愛理不理、前言不對後語等等...大大小小問題，而經常光顧。最近一個多月，每次光顧都令人感到新奇有趣- 樓面員工唔知燕麥飯同藜麥飯有咩分別？ 上錯再反問食客，邊有黎錯？- 阿華田同水冇分別，食客反映冇味，但樓面 回答：換過杯阿華田都係一樣味，唔會有分 別。- 炸雞翼拎番入廚房番炸都仲係流緊血咁放係 食客面前，隔夜滷水雞翼除左乾，仲可以咸 過咸魚。- 竹絲雞湯加水唔好以為食客飲唔出。昨日，原本清澈見底、湯味濃郁既鴨腿湯，變成「渾濁特咸豬骨湯底+鴨腿」放係我面前，問樓面員工呢款係咩湯，佢望一眼答我清湯，我再問呢款湯係清湯？佢都再答係。可能我呢位食客都比呢位肯定唔係新入職既樓面同事更熟悉貴店餐牌，其Hea 客態度更令人火冒三丈。 我：呢款湯飯之前都唔係咁既色亦唔係咁既 味。樓面：之前一向都係咁。 我：我地食過好多次，都唔係咁渾濁唔係

為了方便泊車，容易搵位，舊式屋村也是我開飯熱點。當然，價格相宜也是一個考慮因素😊這間好像開了不到三個月，今次就試一試啦。叫了兩個湯飯，一個是鴨腿湯飯、另一個是勝瓜肉片飯，味道其實不過不失，但食完沒有很口乾嘅感覺，估計味精用量不算重。最欣賞他的飯，可以選燕麥飯、藜麥飯、紅米飯，感覺上健康一點。

完全好難食，我地叫紫菜五寶公仔麵，冇紫菜（侍應極懷疑我地食左，係咁叫我地了黎了去個底），叫湯底酸辣，結果單又落錯，湯又比錯，所謂魚湯係味噌湯；仲要係冇咩人嘅場，5分鐘後先落單等成再多10分鐘都未上菜，加錢$9/$15飲芒冰，只係溝水芒果汁，畀隻匙唔知做咩，又無芒果肉；人地10點入黎問唔係收11點咩？佢地話公司今日改收10點（店外無告示）餐具一大陣漂水味；自助熱水無指示長按，個侍應都好似唔識按；侍應同事之間無禮貌無下次，垃圾；

新開張試下午茶叫了兩個餐本人叫了雪菜豬扒米餐，追加蔥油餅$6，餐飲要了柚子茶柚子茶正常，柚子蜜足料。蔥油餅夠熱，味道OK，但比較實，不酥脆。雪菜味道偏似咸酸，湯底一般，但咸淡適中，最差是米粉，是半透明果種，不是傳統食開白色果D，我最憎，全碗最好的是那感覺似是"半塊"的豬扒，夠厚，咬落鬆彈，醃味道似大x樂一哥焗豬扒飯的豬扒，是好味的。朋友的米線，試了米線，比平時的粗小小，有點煙UN，好過米粉，奶茶一般正常。散叫的，即炸熱辣辣，不鹹，嚴格沒有椒鹽味，但個人覺得炸豆腐就是好味。還有自助調味吧的辣椒油，是似深啡色有豆豉在內的，幾野味!