湯加 (愛定商場(H.A.N.D.S) A區)

营业中

休息中

個豬潤系臭嘅，同埋呢個湯呢都有陣味，個豬潤嘅味道🤮🤮，食左之後，覺得好似見到左新天地，再食一啖，覺得下一秒到了天堂，再食一啖過下一秒就落了地獄，呢個味道係邊個可以煮出嚟嘅，我用腳嚟煮都超過佢。我懷疑呢如果食完呢個了科技肯定會肚屙同埋浸湯都係啲豬潤嘅味道。即係嚟上著呢係人類可煮出嚟嘅嘢我實在係諗唔明，喺屋企有清水出誰隨便煮下個豬潤都好食過呢部啦，你點樣開到間餐廳架，這是生化武器而唔係食物咯😁😁

諗住落去試吓個早餐等半個鐘都算啦見佢啱啱開張可能未熟手！前枱黑面不在話下態度又差！全程喺度玩電話雖然我都冇期望過屋村嘅連鎖餐廳有咩水準！大佬唔該都專業少少啊臨時演員都係演員呀😑！最基本外賣都比少咗個麥皮，比齊啲嘢係基本啦係咪啊😵‍💫。都算數啦去到拎返個麥皮既時候已經聽到啲人話個麥皮有啲黑色一粒粒煮燶咗嘅嘢點樣食呀，當我拎到個外賣返屋企嘅時候發現都係咁樣一陣燶味真係搞唔掂狗都唔食。最後舊魚柳仲硬過舊多士點放入口😵‍💫😵‍💫除咗隻炒蛋好少少之外其他真係好難食。最後同埋個裝修睇落去比較乾淨之外冇咩優點可言。😅😅😅雖然好多人都話比30幾蚊差唔多啦，即係唔係錢嘅問題而係一啲好基本嘅嘢都做唔到，已經唔係劣食咁簡單至少都要放得入口啊。😑

價錢不便宜，仲有隻蚊送添！本身食開都正常嘅，讕係健康咁，諗住有湯飲下，點知一返到屋企打開有隻蚊喺入面浮緊呢，真係喺靚湯入邊暢泳咁款，即係咪話唔驚驚，都唔知食唔食好...

公眾假期唸住同家人嘆個正早餐，見民華爆長龍，雲貴軒又要等位，唔想等是旦走入呢間湯加，有位嘛，點知中伏，湯渣嚟!坐落去，無人理，侍應當你透明，好辛苦三催四請有人落單，黑面，又話加$又多士，點知佢話賣晒，餐廳連多士都無?! 唉! D嘢等好耐至嚟，算了吧。沙嗲牛肉公仔麵，牛肉量小，成口醃粉味，零牛肉味，D麵OK，奶茶一般，無咩茶味，失敗之作! 另外熱香餅+滑蛋+豬扒+麥皮早餐，只有麥皮叫食得落! 熱香餅又硬又乾，怪怪的似硬粉皮，滑蛋又老又鞋，豬扒又乾又無水份，鞋之中有一股雪藏味，唯一麥皮其實好稀叫OK，呢份早餐兩個字形容係”難食” ! 我加咗$6加叫䓤油餅，又係等到天昏地暗先來，成塊餅油成甘，重慘過我D面油，食落無咩蔥味，又硬，難食，D侍應又唔想撈咁，呢間野無下次!

點了兩個湯飯，飯可選紅白、燕麥。不愛飯可換米粉和公仔麵。紅白可任添。朋友點了黃魚，我貼點了竹笙、豬軟骨芥菜。湯有鮮味，不油膩，但鹽下少一點更好。魚湯飯59元，原條黃魚，朋友話魚新鮮。三菜湯飯49，肉和竹笙份量很足，抵吃有機會，會再來。

安定新開，諗住試下，點知呢鑊「賴嘢」湯飯好x咸囉⋯⋯叫人點撈飯食者😳完全失去左湯飯既意義，食完實渴死😤椒鹽豆腐，完全無味😖油都死得果6粒唔會有下次囉勁難食唔會有下次

今日同我嘅big boss 食開年午飯，老細揀左' 湯加'有飯及湯，如果你有選擇困難症嘅話，要比多少少時間睇下。我老細揀左好健康嘅鯪魚肉魚肚面個湯係魚湯嚟，雖然唔知係乜野魚，但都好甜、鲜同好熱。個碗夠哂大，D面係用淮山整嘅，冇乜味，但好幼同好滑，感覺好似好健康，不過D面得好少，唔夠飽，孤寒D喎？？D鲮魚好爽，但魚肚就唔爽我自己叫左豬軟骨面都係唔夠飽，D豬軟骨得3舊，食落有D乾，麻麻地🙁🙁埋單每人要50蚊，唔太抵！！