湯直送 (已結業)

健康不需要多作調味，用最好的藥膳或配方養生滋潤的理念便是關鍵所在，大部份上班一族打工仔每天受著煎/炒/油炸膩品重口味的味蕾實在會有所影響經朋友lunch介紹之下落不得不讓我去探索下自家品原汁原味的湯品 !新鮮現做款式十四款原盅燉湯，形式取材原料多元化忍不住多看一眼，價格$55元划算一盅大約都有三四碗平民湯品，厚實膠兜耐熱保温金黄清澈鮮甜實在，控制夠火喉而淋身湯渣沉澱底層卻一目瞭然一口嚐一口補補元氣既可滋潤暖胃一口便愛上( 粟米栗子燉去皮雞 )( 蟲草花燉竹絲雞 )百變風味競爭趨勢飲湯就成了家常便飯之道，偶爾慰勞自己勞碌的工作量也不錯堂食或外送app方便快捷其材料保留精髓，剛到的炎夏消暑的確一流為城市人而設是一大喜訊

我知道老公好鍾意食住家飯同飲湯，可惜我哋結咗婚一直都好忙，成為「無飯」夫婦，於是就搵下有冇啲地方可以食下住家飯，或者飲下湯竟然比我搵到呢一間主要賣湯嘅鋪頭，佢嘅款式都幾多，我地叫左兩走試下，一個係竹絲雞瘦肉湯，零一個係紅蘿蔔栗子湯，兩款既湯料十足，一盅可以不到三至四小碗，味道清甜，容易入口，仲要熱辣辣，飲落去好舒服除咗湯，佢仲有一啲碟頭飯，都係家常便飯，唔算好特別，但勝在夠健康，好似返咗屋企食飯咁，分量唔算多，所以飲埋湯就啱啱好啦，唔煮飯嘅朋友真係要來試吓啊

話說舊同事介紹話尖沙咀有間飲湯專門店唔貴之餘又好食, 但礙於平時放工太遠來不到, 所以等星期六放假就去試一試平時響地鐵站買其他果D湯包, 都一樣要HKD50-60 , 一D都唔平, 呢度一盅燉湯都係HKD55左右. 相當優惠. 大概夜晚8PM左右去到. 其實係樓上鋪來的, 可能因為響商業區, 所以WEEKEND係相對少人. STAFF講返夜晚暫時只係做燉湯系列, 冇飯配, 不過都OK丫, 幾十蚊飲碗湯都好.ORDER完之後, 幾分鐘就有得飲. 點左1盅大白菜陳腎菜乾燉唐排 同 粟米栗子燉去皮雞, 原盅上, 一開蓋, 超熱超熱,冒晒煙. 就咁飲落口比較淡口, 問返先知原來因為冇落鹽就咁原盅燉! 真係好健康!  再畢下D湯料, 好足料, 一字排都有幾舊, 仲有瑤柱,超香~ 而另一盅一樣好香啊, 粟米好入味, 雞肉已經燉到淋晒. 佢仲有D特色豉油可以提供比你點, 不錯!雖然佢響廣東道D商業大廈內, 但都好希望想飲湯既朋友,真係要來試試,. 因為比其他湯包更優惠!!

哇哇哇！呢間餐廳價格性比好高🤭餐廳位於尖沙咀中港中心，就係海港城對面，午市湯套餐只係售$55一個，有一大盅湯，湯料好多，肉又多又嫩滑，仲要唔係配白飯，有八款唔同嘅餸飯你揀，例如咖喱牛腩，苦瓜菜圃蛋，蜜糖雞翼飯等等。味道做得好食，湯係冇添加味精，又多豬肉，如果覺得唔夠咸仲可以自己加鹽調校。尖沙咀黎講真係相當抵食。啱哂附近啲打工仔。.除此之外，連調味料都有六款選擇，包括青椒豉油，紅椒豉油，蒜子豉油，蒜片醋同麻辣，選擇相當多元化👍👍

最後發現新開左時湯~~好奇之下就去試一試先！！入面環境同裝修都唔錯下~幾好既都!!!豬扒炒洋蔥飯！！ 味道其實都唔錯下~ 但可能餐廳侍應比較忙碌，所以畢送嘅時候有個剩係放左兩條豬扒⋯⋯不過好彩味道都唔錯下~~洋蔥給晒豬扒啲汁！ 都比較易送飯下嘅~~大白菜陳腎菜乾燉唐骨！ ！ 呢個湯清清淡淡菜乾味都幾出下~~夏天食真係夠晒消暑清熱啦~ 啲排骨連骨頭都可以咬到一啖即化！ 大家可以試一試！椰皇燉去皮雞~ 椰子煲雞湯本身自己就已經好鍾意飲㗎啦！ 見到呢間餐廳都有就心郁郁叫咗碗嚟試吓啦~ 個椰子味比較少 但會有少少薑味~ 簡直係䁔胃首選~

以前做女成日飲阿媽靚湯，宜家結左婚搬左出去，一年都無煲一次湯。最近朋友介紹左呢間湯舖，話又抵又健康，就帶埋媽媽去試下。店員哥哥好好人，熱情介紹餐廳的賣點，湯水全部清水原盅燉，無添加。他介紹話，店舖今年4月開張，堂食僅佔業務一部分，因為外賣生意急升，尖沙嘴及尖東都可免費外送。今次同媽媽點左2款湯同2個迷你飯，姬松茸響螺燉唐排同花膠燉雞。飯則有青瓜炒牛肉飯，蜜糖雞翼飯。姬松茸響螺燉唐排好清甜，飲得出材料放得好足，就算唔落鹽都好夠味。花膠燉雞的花膠超大片，起碼有6片，好養顏啊。湯裡還看到有雞肉，唐排，瑤柱同金華火腿，食材好豐富!價錢亦都好抵，一盅湯55元，有14款選擇，加5蚊就多個飯。雖然個飯份量看似不多，不過飲曬湯，食埋湯渣同飯，已經十分飽。而且迷你飯好好食，青瓜炒牛肉有屋企feel，蜜糖雞翼香脆又甜蜜。好岩打工仔，抵食又健康。連我媽媽都對餐廳出品高度評價!

朋友介紹，話見到呢間新野「花膠鮑魚燉雞」做promotion，就同朋友叫兩個來補補身，點知好有驚喜$238一盅其實唔算平，但睇真啲，係有兩大塊花膠同兩隻鮑魚，其他地方都好難搵到，而且花膠都幾堅，兩塊完整嘅花膠係有厚度架，唔係薄薄嘅碎料。個人就唔係鮑魚愛好者，朋友就話唔似普通大陸飽，而且都幾大隻，雖然唔係乾鮑，但比乾鮑多了獨特的鮮味。其實成個燉湯先係靈魂，濃郁嘅雞湯唔肥膩，有啲似飲緊滴雞精，總之一個字值得再試，下次要試花膠燉杏汁鮮奶

第一次訂湯直送的燉湯套餐做lunch,有驚喜喎!今次叫的係西洋菜陳腎燉唐排湯，一打開個蓋，就聞到好香的西洋菜同陳腎味。個湯超足料，有原粒瑤柱，非常清甜。套餐仲跟一個飯，今次揀咗個清清地嘅涼瓜菜莆圃煎蛋，個蛋煎得好靚，飯量不多，啱哂keep fit一族。雖然套餐只係跟一個細飯，但係食個飯連埋個燉湯做午餐，真係超豐富，超滿足。可以安坐工作地點食到咁健康美味的燉湯套餐做lunch, 超讚👍👍👍! 一定會再encore!

超正。足料。淨係食 湯渣都飽 ＋$5 要個細飯啱啱好。佢唔止淨係啲湯所有嘢都足料， 佢嘅包裝所有嘢都好有要求。 佢嘅膠兜， 係用BB 奶樽嗰啲膠整嘅。 所以可以非常高溫擺入去燉湯。 餐具都好好。 我仲keep返個膠兜 再用。

同fd 去尖沙咀食Lunch，諗起「湯直送」地點幾方便，喺正Apple 隔離環境坐得幾闊落光猛，午飯時間都唔算好爆/好嘈，侍應都好Helpful同nice，整體感覺舒服嘅～最surprise 係個價錢，$55有一盎勁大盅嘅燉湯，叫左個蟲草花栗子素湯，朋友就叫左杏汁豬肺湯，個人比較喜歡杏汁湯，鮮甜啲兩個湯飲落應該係無放味精，飲完咁大盅湯＋湯渣其實已經夠飽，加多$5 仲有飯套餐，雖然碟飯細細地，不過，$60喺廣東道有原盅燉湯，又有個飯，仲想點？！

$60, 一湯一飯, 以為是茶餐廳例湯, 看見材料, 喜出望外, 應該沒有味精湯選擇不少, 點了兩個, 不錯飯有点細, 可能湯才是他們的重點, 原來单點湯已經$55, 加$5已經有個飯, 那就冇投訴