湯直送 (已結業)

看見宣傳單好靚，滿心歡喜約埋大班同事叫外賣。下了單後，過了送餐時間都未見送來。上apps 再看, 才發現要一天前下單。由於是星期五的關係，星期六都唔洗返工，唯有取消。由於已經充值，唯有星期一返工約同事再點餐。等各伙伴都選擇好已經是2:30。本人並不是在返工的日子專注落外賣的人。諗住落order。原來又要提前24小時落單。 現今的社會，從來冇諗過叫個外賣咁麻煩。聯絡客服，希望可以有特別的要求，能照樣明天中午送外賣，都是各種原因的拒絕。要求退錢，又是條款已經例明。相信這公司是很有系統，但現時的日子一點彈性都沒有，不知能生存多久？這是本人第一次寫評論，因為實在太嬲的關係。沒想過叫一外賣會帶來咁多煩惱

從小到大我都很喜歡喝中湯，燉湯的話更是無法抗拒！可惜本人沒有住家靚湯，平日工作繁忙又沒有時間煲湯，有時只出外用餐喝到的大多都是味精湯，因此要喝到真正無添加的燉湯有點難度，好彩看報導知道尖沙咀廣東道開了一間廿四小時營運的燉湯專門店！今日下午就拉著老公陪我去喝湯。點了兩盎燉湯和加$8點了一款迷你飯。大盎又足料呢！《川貝百合海底椰燉白鴿 $65》材料有川貝、百合、海底椰、無花果、白鴿、唐排和薑片。功效是潤肺止咳，健脾養陰。湯味濃郁但少油又清甜，火喉十足，喝完全身發熱，很暖身，秋冬之選！《杏汁燉豬肺 $65》材料有豬肺、唐排和用上杏汁。功效是滋陰養顏、清熱潤肺。同樣是火喉十足，味道充滿杏香，有杏仁沙十分濃郁，而且豬肺和唐排亦十分嫩腍完全不韌，好喝又大盎！另加$8配八款中的迷你飯一款《自家製順德魚餅》很香口，入口彈牙有鯪魚香，配上少量飯和一大盎燉湯實在滿足！除了親臨，還可以湯直送APP隨時都飲到心水靚湯，更有送餐服務！

呢排天天開始轉涼，朋友介紹左呢間燉湯外賣，真係好正！👍🏻佢係可以外賣送到，唔洗落街去拎！不過有小小比較麻煩就要提早廿四小時訂餐，但為左返工有得飲燉湯，都係試左😋😋我叫左燉湯套餐，有一個燉湯+一個細飯，同同事分別叫左三個餐：五指毛桃燉唐排，胡椒豬肚燉湯，南北杏菜干燉豬肺，配洋蔥豬扒飯，蜜糖雞翼飯，涼瓜菜圃煎蛋飯！預定既時候揀左1:00-1:30送到，不過就早左小小，約12:40就已經到左🤪一開始見到個包裝覺得都幾仔細，但見到個細飯咁細⋯⋯⋯心諗飽唔飽嫁～～驚唔飽要搵野食～打開發現原來湯料都唔少，可以做送食埋～同埋佢既湯本身無咩落鹽，會俾一包仔鹽你自己選擇落唔落～👍🏻五指毛桃個湯足料好飲，清清地，感覺無味精，唔落鹽始終淡d，所以我都有落鹽～😂胡椒豬肚味濃d，唔洗落鹽都夠味，有豬肚同唐排食～菜干豬肺湯都係清清地，真係有豬肺係入面三個飯入面呢，洋蔥豬扒飯感覺最送飯～因爲有汁，蜜糖雞翼飯得兩隻雞翼，涼瓜菜圃蛋都係兩片蛋角，不過好彩湯料可以當送食，食完唔會好飽，但都唔會餓，都幾好～👍🏻不過重會想飲多d湯～😂唔夠候😜總括黎講，成餐都好正，又方便！係個App到落單就得！今日落定聽日食～題外話個App重

湯水對人體是非常健中式湯品更有養生，補身之功效香港人生活忙碌，所以愈黎愈著重養生補身湯直送有多款湯品供選擇男女都岩飲價錢親民 份量又多好抵食在朋友推薦之下第一次黎湯直送一坐底就見到場內好多湯碗 而且檯椅都好中國風一睇就知係飲中式湯水中午個menu 有套餐選擇一個自選湯配一碗飯如何嫌白飯太dry 可以加8蚊轉有餸既飯餸都有好多款式選擇而且仲有調味架 大家可以自己幫個湯調味今次食左花旗參淮山雞湯同蟲草花燉竹絲雞一打開個蓋就見到好多材料有雞，唐排，瑤柱，蟲草，淮山，花旗參等等材料非常足料 食完湯既材料都好飽肚而且個湯味道好濃 啖啖鮮香仲要唔咸的 岩晒喜歡健康既朋友原來仲要24小時全港直送 幾時想飲湯都可以落order

有時都想飲下湯水滋潤吓，但係又未必有時間煲，所以就會去買來飲。呢間湯直送有多款唔同嘅湯水，而且價錢都尚算合理，仲有得坐。餐廳環境都算不錯，而且在尖沙咀區都非常便利。除咗湯仲有其他客飯，今日去飲咗胡椒豬肚湯及椰子湯。呢度既湯飲落都幾足料，而且都幾好飲。最好嘅係如果有時好忙唔想坐低飲，亦都可以外賣非常方便。餐廳仲有廿四小時送湯服務，適合上班一族無時無刻都可以叫。飲完之後又會滋潤啲，又健康啲，多啲湯水都唔錯

而家七仔都沒有間間24小時，但係竟然有餐廳有24小時送湯服務，香港人愛湯水的程度進化到一個新的時代。個個都知我喜歡湯， 有長期購買鴻X堂的湯券，而家有24小時送湯，夜晚宵夜不需要再淥杯麵，直接call湯就得喇。不過投入外賣湯水的懷抱之前， 我當然試真湯水的味道啦 現在外出買一包包的即飲湯水，流行一種新的做法，便是湯裏沒有加鹽，加鹽可以吊味， 但是不加鹽可以讓食家自行決定鹽的分量， 亦可以叫做試出湯的原汁原味。湯直送的蟲草花燉烏雞亦是一樣，湯味是蟲草花比較重，內有烏雞、排骨和乾瑤柱，吃得出材料的味道，亦沒有鹽的負擔。以下是超級豪華的花膠鮑魚燉雞湯個名響噹噹，不如叫環保版佛跳牆更貼切(say NO to shark fin 🦈)，湯料有兩隻煙韌鮑魚，滑嘟嘟的花膠，乾瑤柱和金華火腿等， 味道便是可以想像一下把貴價海味放在一起煲出來的味道， 就是好味！

成日lunch出去食，又多人等位，又肥膩唔健康！所以見到依間野有燉湯套裝可以外賣即刻試下🤗落單非常方便，用apps 落單，揀左茶樹菇排骨湯配魚餅飯！都係$63,仲要免費送貨！個湯好足料，好多茶樹菇，仲有3-4舊排骨，好夠味👍🏼👍🏼👍🏼個魚餅飯都好厚身，有2塊，個飯面仲有少少椰菜，好健康！個白飯大概得半碗，不過飲埋成碗湯都飽了！整體黎講好滿意，大推俾身邊既同事同朋友👍🏼好野係要同身邊既人分享

不嬲都中意飲湯, 奈何自己又無時間煲, 平時都係買連鎖集團既湯卷得閒拎個湯飲, 個日上網見到依間湯直送有燉湯24小時直送之外download佢個apps新開戶仲有30蚊送, 都幾抵! 於是放工就去買兩個湯試下, 如果ok以後就多個選擇。上到去好似好新好乾淨, 應該新開既, 原本以為係外賣店, 原來佢都有堂食而且都幾多座位。睇睇menu湯既種類都好多有成10幾款, 原來依度係有飯食架, 仲要係買湯加5蚊就有個飯, 超抵, 可惜我買既時候已經過左5點, 唯有下次啦~ 外賣袋, 碗同埋餐具都係餐廳自家造, 感覺幾有質感, 湯碗有內外兩層所以幾保到温, 個湯拎到番屋企都仲係熱既。花旗參准山燉去皮雞花旗參味好出, 湯料既准山, 去皮雞都滲哂花旗參味, 飲落甘甜川貝百合海底椰燉白鴿飲落去感覺清甜又滋潤佢既燉湯飲得出完全無落味精, 好清甜, 佢額外已提供左鹽包, 比客人自行加鹽調味, 我就中意零味精零鹽咁飲, 已經夠哂清甜又健康! 以後飲湯又多個選擇, 只係55蚊就有專人送到手真係抵, 以後隨時都可以飲到靚湯

同事話行過見到想試 我地2話不說贊成🙋🏻‍♀️🙋🏻‍♀️因為我地都好鍾意飲湯🥣👭👭我諗都唔諗就叫杏汁燉豬肺湯❤️😍雖然比其他湯貴但都係值得嘅💆🏻‍♀️🙅🏻‍♀️因為係屋企媽咪唔會整 太多工序又繁複個湯一黎到 超香杏味呀 🤪🤩估唔到好足料 起碼有6-7舊豬肺 2條排骨✔️出面仲有辣椒豉油俾你點嚟食湯渣🌶加$就有個小飯我叫咗咖喱牛腩🍛咖喱唔錯 男仔可能未比夠飽女仔份量其實好夠因為飲到好飽啦已經👅

家住港島，尋找過一些湯品專門店，真的很少有送住宅服務。一般送office 做打工一族生意多。無意中，俾我揾到此家可以送住宅，(佢地仲要送過海)太好了。最近我想多飲素湯，我也尋找過，好似只有此家做素湯的。決定試試，本身都唔高期望，覺得可能清到淡如水。但結果又好ok喎，足料清潤，值得推介下。屋企得我一個飲湯，煲一大煲又飲不完，又要睇火。其實找到無味精而又足料嘅湯店都懶得自己煲。加上他們準時在指定時間送到，值得一讚。

我和公司的同事都是這家湯直送的常客。沒有味精的湯，是全公司的OL至愛。加$5就可以加一份迷你飯，飯的份量好少，女性是剛好的，相比足料靚湯、飯的味道就非常一般了。他的app概念是不錯的，用會員制+充值的方法，而且廿四小時可以監察廚房師傅做湯的情況，衛生方面可信性甚高。除了外賣他還有堂吃。位置不多基本上需要排隊。只推介外賣🥡需要二十四小時之前下單。

平時行街要買野飲都係果汁沙冰多，今日朋友介紹呢間飲湯水既餐廳，聽落好似幾養生，一於去幫趁下。蟲草花燉竹絲雞蟲草花比得好慷慨，超級多！竹絲雞都幾多肉，煮得幾淋下，所以咬落都幾入味。蟲草花加埋竹絲雞，兩樣都勁補身，飲完個人暖笠笠！花旗參淮山燉去皮雞花旗參味道都幾出，真材實料，仲食到好多淮山，雞都係好大一隻，飲落飲得出無加味精，味道亦都易入口。其實飲完咁大煲湯，食埋啲渣，真係唔洗食飯都得，因為真係好飽！！

現在的家庭很小自己做燉湯🤷‍♀️因為燉湯要都好麻煩！我自己本身好喜歡飲湯所以朋友介紹有一家是專做燉湯可以外買今次我特別上去飲下一入去有種高級中菜餐廳坐得好舒服！我上去的時間就無咩人！原來他們不是只有燉湯仲有川菜食！我們點了椰皇燉雞湯椰皇好有椰香，雞湯好甜🤔😝😝😝姬松茸響螺湯姬松茸有一陣菇香🤫清清淡淡不油利😁原來他們的外買湯盒飲完可以做花盤！😍我見他們窗邊有幾盤已經長出芽！🤩哈哈好環保，可以再用！👍🏻

平時冇乜湯水, 見尖咀有間飲湯專門店, 又好似唔貴, 於是黎試下!!鋪頭係廣東道，apple隔壁的商業大廈 ,晚上7點左右去到, 冇乜人,睇下menu , 有成10幾款選擇,花多眼亂,最後order左粟米栗子燉去皮雞同茶樹菇蜜棗燉唐排等左約10分鐘就有得飲, 好香,好足料,仲好熱,原盅上保留原汁原味...而且配料亦好多...絕無欺場,如果鍾意清淡的朋友,粟米湯就最適合不過...而另一半盅茶樹菇湯都好香,足足有4件唐排在內,好夠料, 茶樹菇係一樣好有營養既食品,可癌、降壓、對抗腎虛方面都有不錯的效果,不過燉出來比較濃味...每盅HKD55 價錢其實相對優惠, 唔駛自己翻熱, 即時有得飲,比起其他店的湯包更好,而且仲有外送服務,希望有機會再來可以試下其他唔同燉湯!!

宜家愈開愈多燉湯店，好適合無時間煲湯的朋友。之前已經買過好幾間燉湯店的湯，大家都各有特式。而這間湯直送位於尖沙咀中港中心，十分方便，環境十分開揚。餐牌提供十多款燉湯，仲有燉湯套餐。基本上皇牌花膠系列會比較貴一點外，其他都是$55 款。因為時間關係未能坐低慢慢享用，唯有外賣吧。外賣的湯盒都有精心設計過，打開盒蓋，仍然有一層保鮮膜封實，所以不需擔心中途會打瀉吧，拎到回家大約20分鐘，湯仍然是暖身的。今日點了二款湯，一款是花膠燉雞腳($128)，有原隻花膠，雞腳，江瑤柱，唐排，去皮的雞肉，雲腿及薑片，十分足料，雖然有唐排同雞腳同煲，但都煲得很清甜，沒有半點油膩感，唐排煲完肉質仍然嫩滑，因為有花膠，飲落有點兒黏口的感覺，好適合女士飲用。另一款是清熱的冬瓜薏米瑤柱燉唐排($55)，有大舊冬瓜，海量薏米，瑤柱，雲腿，蜜棗，唐排及豬展，可能用豬展煲的關係，這個湯會比較油了一點，但材料一樣十足，飲落清甜消暑去濕。其實單是飲湯及食湯渣，份量對女士來講已經足夠一餐了。餐廳仲推出了用APP落單，仲可以有24 小時送餐服務，十分方便。重點是堂食都沒有加一茶芥。