影片
电话号码
56824357
营业时间
今日营业
07:00 - 22:00
星期一至日
07:00 - 22:00
以上资料只供参考，请与餐厅确认详情
三點三肚仔餓行去食個下午茶～叫牛肉飽冇飽～叫紅豆冰冇紅豆～叫通菜牛肉冇通菜～理解的～茶記總有些東西會售罄～冇問題～求其嗌個炸雞髀薯條填飽個肚～炸雞髀製作需時～等候10分鐘期間～毛骨悚然～數十隻烏蠅群蠅亂舞～在我面前的枱當作機場跑道不斷起飛降落～一兩隻我還可以忍受～但十幾隻圍住你飛～真係乜嘢食慾都冇晒～食物上枱嘅時候～有同你分甘同味～連我杯凍檸茶都要企喺我支飲管上邊留戀一番～埋單走人～真係冇下一次～
继续阅读
今日入咗去錦田半日遊，參觀下錦田樹屋及一啲一級古蹟，例如力榮堂書室、便母橋、二帝書院，最後一站喺錦田壁畫村。臨離開前梗喺嘆番個下午茶啦，喺錦田公路有好多間茶記，最後揀咗縮入內巷嘅「灣仔茶記」，貪呢度人少啲。題外話，唔知點解佢叫「灣仔」茶記，唔喺叫「錦田」茶記或者「元朗」茶記，不過，臨尾急急腳走唔記得問。鋪頭開晌村屋地下，仲偷埋出面嘅空地，用大型帳幕圍起去，所以，實際嘅用餐地方都幾大。不過，大熱天時，我哋一大班人梗喺揀入去室內嘆冷氣啦。環境格局就無乜特別㗎啦，都喺好似一般村屋茶記咁，夠乾淨企理就算。 下午茶餐一個餐牌睇晒，都喺見慣見熟嘅款式，三文治餐、西多士、薯條炸脾、公仔麵、迷你炒粉飯麵……等等，定價跟出面茶記差不多。 咸牛肉蛋包、熱奶茶 $34今次一大棚人嚟，叫咗好多嘢，但其他人就唔寫喇，淨喺寫番小弟自己食嘅嘢。麵包用上熱狗包，包身好軟熟，如果有烘一烘當然就更好啦，內餡喺加咗鹹牛肉嘅煎蛋，不過，鹹牛肉份量唔喺好多，蛋亦煎得有啲老，味道唔差嘅，不過就唔叫做好好。相反，我見老友啲炸脾幾得咁。本來都想飲凍奶茶，不過諗諗下，都喺熱奶茶飲得出真味，加咗冰都喺有啲唔同。入口茶味幾芳香，茶奶比例都唔錯，個人嚟講杯奶茶絕對合格有餘，起碼攞到80-90分。 臨走時阿姐仲溫馨提示，食滿$200有一個鐘頭免費泊車（店旁有個收費停車場），我哋咁大棚人實夠數啦，所以，其中一架車就慳番一個鐘頭嘅泊車場錢，哈哈！此外，其中一杯凍飲嚟錯，阿妹二話不說，即換，服務態度非常好！大多數人都會揀錦田公路兩旁啲餐廳，「灣仔茶記」真喺蝕咗啲身位，入得嚟都喺街坊多！
继续阅读
【🌀8號風球下的午餐】打風期間，新界區，付近可泊車，有戶外瓦遮頭，可寵，選擇真係唔多。 慶幸灣仔茶記有開🥳周不時會渣車來呢邊惠康買野，因對面就有個大大室外停車場，付半時時計，幾抵！每次經過都會望一望呢間餐廳，不過因我平時好少會係錦田市食飯，一直未有機會！今次終於係打風下來了，點左個海南雞飯！ 🤩份量好多喔，個辣汁都調校得好味😋 有機會黎試下其他小菜先 ！ 一路都見好多街坊黎食，8號風球與毛孩們一齊來亨用午餐/下午茶 ♥️ Sweet！
继续阅读
呢日嚟到錦田市食晏，揀在呢間位於停車場旁邊嘅灣仔茶記。餐廳除咗有室內位置仲有少量室外位置，入面裝修係普通茶餐廳格局。我哋點咗個剁椒蒸鯇魚配熱咖啡 ($45)，及魚香茄子配熱奶茶 ($45)。剁椒蒸鯇魚飯 - 鯇魚夠大嚿，魚質夠嫩，十分新鮮又無泥味，配上酸酸地辣辣地嘅剁椒汁，新鮮好食。魚香茄子飯 - 雖然賣相一般，不過個魚香汁做得幾香口惹味，茄子軟硬度亦適中唔會太腍，好送飯，所以都幾好食。熱奶茶 - 味道唔錯有質感。熱咖啡 - 都幾香濃。
继续阅读