源發潮州粉麵 (已結業)

已是第2次來了,第一次食朱手真係好麻麻, 不過唔熟道的我只可以再來一次.一心來吃肉丸的我,真的沒有叫錯, 肉丸很滑很多汁跟我本時食到的真係好食好多. 河粉內有很多的銀牙,跟肉丸一起食真的幾唔錯. 湯底好鮮味. 一定有下次.

七月初一‧晴說這裡有段故事，話說是年前食友的推介，而他與另一食友來到吃蝴蝶腩伊，吃得一頭煙。令我也沒有再來，是日在這附近練習，就順道來一嚐這裡的蝴蝶腩。是一間不大的粉麵店，但環境不錯的，至少空調夠強勁，而又有大電視看，可以說是坐得舒適。這裡餐牌上食物不少，各式粉麵飯也齊備，但來的時候已鎖定目標，也不多想，就要了碗蝴蝶腩伊。先吃蝴蝶腩，話說蝴蝶腩非牛腩，而是豬肉，但是日的蝴蝶腩，又韌又不鬆化，像在吃煲了牛腩湯的湯渣，味道雖然沒有問題，但吃兩件已經沒有興趣再吃，無謂浪費胃納了；伊麵反而淥得不錯，不太稔也不會太難咬，維持爽勁，給我吃清。另加一碟菜及豆漿，埋單35蚊，以牛腩又或豬雜去評，也遠離水準。可能在這裡會是吃豬雜較好，但我已找不到再來的動力。唯有再去另一間麵店溝溝貨。

食過興記，已半飽，見這裡是蔡瀾推介，抵不住誘惑，又來食碗粉。出名的是蝴蝶腩和豬雜，沒吃過蝴蝶腩，就試試。第一次食，覺得筋膜位軟軟的，好食但很少；腩肉較硬和干，也不太入味，蝴蝶腩是豬肉，和牛腩比帶一種不同的肉香味。個人則喜歡較肥美的牛腩。湯底鹵水味帶甜，和米粉吃比蝴蝶腩更吸引。也算是有特色的潮式粉面店，不知道趕不趕得切試這裡的豬雜了。

5-8-2009「長輩級」朋友睇了我上次幫襯何興記 (http://www.openrice.com/restaurant/commentdetail.htm?commentid=1996404) 的相片, 提到呢間「淨賣豬紅, 蝴蝶腩, 豬什河 (冇牛,冇雞)」, 趁今日有時間嚟試試. 嚟過牛下幾次仍然唔多識路 , 好在呢度喺正人氣「興記」(http://www.openrice.com/restaurant/commentdetail.htm?commentid=1955648) 隔嚟, 十分易搵. 叫了蝴蝶腩伊 (單拼 $17; 轉伊麵 + $3)...「蝴蝶腩」係豬肺出面嗰舊肉及筋膜 (?), 聽聞出面好少有得食, 筋膜位咬落好爽, 肉部分就爽得有點硬, 鹵水汁又唔入味, 個人而言麻麻哋鍾意. 伊麵反而唔錯, 淥得夠爽口, 索上鹵水味豬肉湯底, 幾好食. 食剩兩啖伊麵, 又落了少少辣椒油試試, 都幾香, 不過對我嚟講已好辣, 好在落得嗰兩滴. 店內環境同何興記一模一樣, 不過阿姐就唔及嗰邊的友善了.埋單 $20, 平到笑, 果然係牛下, 可以一試 -- 不過專程嚟食蝴蝶

今天很晚才外出, 由於在家裡已吃了甚多雜糧, 故4時多的時候便想吃得簡便點, 之前已很想試豬雜湯, 上Openrice發現除上環陳春記外, 尚有牛頭角源發有此供應, 便因地利到此處試菜.店子不大, 普通粉麵店格局, 我叫了一碗淨豬雜湯, 要28.00, 湯內有豬心, 豬腸, 豬肚和豬肝等, 湯底的味道不俗, 材料也算新鮮但亦很纖薄, 唯一不好是豬腸有苦味, 算是美中不足. 但還是值得一試的, 它也許是很多人集體回憶的一部份 - 憶苦思甜吧!!不知牛頭角下村清拆之後它會否仍在, 喜歡它的人包括蔡瀾應會對它不離不棄吧. 不然請參看圖2.

本身係約左朋友起大排檔食野,行過見到呢間野,咁o岩又好肚餓,又未人齊就黎食少少醫下肚先一行到先發現係豬既世界,仲發現有"菜生"推介,原來係出名野,失禮晒!!叫左豬雜,驚喜,估唔到好好味喎,而且環境都幾乾淨!

牛下話拆依然係未拆.前兩日同朋友去開淘大, 就一嚐上次食唔到既蝴蝶腩坐低前問一聲係咪有蝴蝶腩先.要左個蝴蝶腩河$17, 豆漿$5豆漿有點杰身. 甜左d蝴蝶腩好瘦, 真係豬瘦肉既質感. 就蝴蝶腩黎講的確唔錯, 但我覺得牛腩好食d, d 肉滑d河粉係榮記o個隻, 幼而厚身. 非常爽口彈牙. 不得不食清光湯底好濃.臨走o個時見門口一兜兜用汁浸住既牛腩同蝴蝶腩, 一睇就知浸到非常入味, 好深色

電影 <反轉豬腩是王子> 道出內在美的重要性，男主角由醜男搖身成為 Top Model，最後放棄外表卻又愛上絕色美女，的確是童話式幸福結局。回歸現實，為食物配上一些花巧名字，作用如同糖衣，絕對會令其整體形象『升呢』，蝴蝶腩便是其中一道成功例子，本是連接豬肺的一塊小肉，因狀似蝴蝶而得以美化為蝴蝶腩，創意無限，真佩服改此名字的人兄。來到牛下的源興粉麵，食物全與豬有關，豬什、豬腩、豬頸肉一應俱全，最特別的除了是一般粉麵外，還有銀針粉供應，遂點了馳名牛下的蝴蝶腩河及蝴蝶腩銀針粉各一碗 ($17 each)。每頭豬只有一小片蝴蝶腩，珍貴得如牛之爽腩一樣，當中瘦肉連筋，肉的條紋清晰易見，入口不太腍有點韌勁，而筋則是爽脆的，跟軟淋淋的牛筋有明顯分別。至於洒上大量蔥花的深色湯底也略帶肉香，配以易入味的銀針粉應是較理想的組合，河粉則略煮得軟身，只是僅僅合格而已。再加一碟新鮮不油的腐乳通菜 ($5)，不用四十元已成一個不俗的晚餐，沒有甚麼可挑剔，吃得牛腩多，來一碗豬腩的確是不俗的選擇呢。牛頭角下村，沒了你，九龍灣的平價地道美食應在何處尋呢？=[

To say I was trying to pursuit 集體回憶 like everyone these days at Ngau Tau Kok (牛頭角下村) would be an oxymoron as I had no significant memories about it to begin with. However, reviews on several eateries here did caught my attention, as there are indeed a few places that serve food rather unconventional and hard to find. One of them being 源發潮州粉麵, a pork offal specialist.The tiny unassuming store is located right next to 興記茶餐廳. While there are other items like fish balls or dumplings available (n

同同學唔知食咩,所以行行下黎左依度.我地3個叫左雲吞米線,米粉,河粉.當時入面得2個客,有1個仲要食緊.但係我地落左單都要等成3個字先有得食囉.雲吞屬普通質素,但係d湯超唔得勁味精咁,我已經冇飲d湯,但係食緊已經覺得超級thirsty.搞到頂唔順嗌左杯凍豆漿.點知杯豆漿仲難頂越飲越口渴甜到勁誇張同埋冇豆味,似飲緊"糖水"多d!!飲到一半頂唔順問我同學飲唔飲.佢地都一致覺得似加左勁多水同糖.見到入面貼住d magazines介紹幾把閉幾把閉.再一次印證蔡生介紹未必係好野

這裏最出名的就是豬肺河及蝴蝶腩, 所以我和同事便各點一款,再交換餸. 同事想吃粉果. 所以我們亦點了一人一個. 不用多說,豬腩當然是美味啦, 又腍又入味. 只是想不到連粉果也不錯, 皮薄而且餡靚. 連同桌的食客亦讚不絕口, 指明每次都會點的. 來到這裡是不會點錯牛腩. 因為"此店不售賣牛肉食品"的~~http://hk.myblog.yahoo.com/tammy62/article?new=1&mid=3131

呢日5點黎到牛頭角下村再搵野食目標一早鎖定 沿途有好多拎住單鏡機ge"攝影師"不停影我唔o係果度住都覺得煩 點解要就黎冇先識珍惜呢間野係比興記遮住晒的 我係比個黃色招牌引導去走廊由後門入我影個招牌果陣 比個婆婆喝止 佢應該成日都比d"攝影師"騒擾 對唔住入正題 入到源發已決定要食蝴蝶腩河但貪心ge我一餸係唔夠ge所以要埋水餃碗野都幾多配料:韮黃,芽菜,炸蒜,蔥蝴蝶腩:唔太岩我口味,一入口d騒味唔多like 雖然有筋膜 但比牛爽腩的軟 水餃: 呢個反而幾大驚喜, 都好足料 兩大隻蝦, 豬肉, 木耳絲 仲要係新鮮包的 good仲飲左村豆漿~不過不失啦總體黎講都唔係差ge 呢次之後 我都應該唔會再去牛頭角下村 應該比果度d村民享受埋剩返o係村ge日子

朋友介紹去源發吃出名豬什, 很其怪潮州食店出名不是煎蠔餅或打冷之頪.... 但這間舖竟是豬及豬什.雖然舖很殘舊, 但牆上貼滿雜誌訪問及蔡瀾介紹.我叫了一碗雙拼(豬什+蝴蝶腩)米粉. 單拼 $17, 如雙拼 + $4豬什有豬心2薄片 / 豬膶1薄片 / 豬肚2條 / 豬腸2條蝴蝶腩~ 口感好似牛腩, 很冧, 但沒有好食, 不及牛腩香.湯底很濃, 味精不重.

蝴蝶腩银针粉。这次活动确认了我对银针粉的热爱。入味是好了，卤水味香浓，只是肉實在黐牙猪什河。洗的干净（太乾淨了）。質感处理的很到位，猪腰爽脆，猪肝软嫩不化渣，猪肺猪肠洗到没一点味道了姓胡的友人找到胡蝶腩；我姓何，當然就算豬什何；另一個姓郭的阿姐孤獨无比每每在异乡看到虾油，元宵之类都让我忧愁；每每尝起来，多数时候那味道又是我愤懑……

襯清拆前特意前來，男友來影相，我來食好野。第一站，源發。好肚餓，因為兩點幾都未食午飯。點了蝴蝶腩河（＄１７）和豬雜米線（＄１７）。蝴蝶腩即係豬腩肉，其實都似牛腩，鹵水汁，不過乾左ｄ豬雜有豬肚、豬肺、粉腸同一樣唔知咩來。粉腸鹹鹹地，其他就冇咩味，個湯都好清。