影片
港铁佐敦站 D 出口, 步行约6分钟
继续阅读
营业时间
星期一至日
07:00 - 00:00
以上资料只供参考，请与餐厅确认详情
源記早餐選擇唔算多，都係個D例牌嘢...雪菜肉絲米、 沙嗲叉燒麵、所以早餐我會叫通心粉，配杯熱奶茶...竟然要加$6蚊先有碟包同太陽蛋，嬲嬲地唔加...最後係唔足夠飽的，建議跟餐有埋會自然一些！謝謝
继续阅读
兩丁友搵宵夜，呢間源記食物一向非常港式。今次叫兩碗金牌牛三寶麵，湯濃郁牛味，牛腩軟熟唔痴牙，牛肚夠入味，牛筋唔會太爛，一向唔食牛筋嘅我都唔抗拒。麵$43蚊碗，份量足，宵夜嚟講ok抵食。
继续阅读
今晚念住食個豐富嘅早餐，點左叉燒公仔面，凍奶茶，首先叉燒無味，顏色都淡左，完全接受⑤到，跟住公仔面變普通面，勁難食，好彩杯凍奶茶仲系好好味，好有奶味，茶味又剛好，又唔會太甜
继续阅读
是日, 下午六時, 下午茶時間完了. 想食Toast Box的咖哩, 但太遠, 就近近地的源記.幾款咖哩餐, 馬來西亞品種, 無最想食的豬扒, 又唔想食牛腩, 至於"牛肉", 信唔過源記, 怕係好似早餐個種醃到又軟又淋的海綿牛肉 (源記的早餐: 曾中伏), 唯有揀咖哩石斑, 真係石斑? 我當然唔會咁天真和大想頭, 哈哈.... 現時餐廳所謂的魚柳, 都是用鯰魚(catfish)來做, 也即是酒家所謂的龍利柳.魚柳, 有脆粉包著, 應該與早餐炸魚同一樣的品種, 脆粉做得太多也厚, 放在咖哩汁裡, 攪到杰達達一舊舊. 魚柳肉質也不好, 軟身無口感. 如此貨色的魚柳, 用來炸的話, 尚且可以, 但以醬汁煮, 實在唔太合格. 咖哩偏鹹, 但味道尚可, 咖哩 汁的杰度和幼滑度也都不差, 好過一般茶餐廳的芡粉玻璃獻式咖哩汁. 薯仔雖然夠多, 補魚不足, 但薯仔中間心, 咬落都係凍, 廚房實在太求其.白飯, 形狀怪怪, 應該係用湯碗反轉倒出, 入口, 只微微暖, 幸好, 飯身仍算做得不錯, 粒粒狀態精神, 雖不夠熱, 但總好過飯煮得太淋一舊舊.凍奶茶, 少甜....頂!...間間茶記都係咁, 逢親"少甜", 就係少埋"茶味", 呢杯應該係"奶水"加咗少少茶.大型連鎖式茶餐廳, 有幾間做得不錯, 翠華, 縱使同事日日鬧, 但都照幫襯. 另外, 三洋, 翠河, 佳記等都不差, 因為老闆知道唔可以求其, 否則市場太多供應, 客人好多選擇. 源記老闆, 唔該得閒參考一吓其他對手, 唔好太求其, 得唔得呢!?
继续阅读
約左朋友食飯其中一個世伯係呢度既地頭蟲，梗係跟佢啦黎左呢間香港都幾有名既源記既新分店世伯推薦食個個牛腩，梗係叫啦食粉麵檔一定要試牛腩同麵呢個係五香牛腩，好入味，唔知世伯係咪熟客，個腩位都好正，近坑腩位，肉面上面有一層筋唔似筋肥唔似肥既野，好味!麵都唔著!! 可能貨黎得好，彈牙得黎又唔會好有梘水味整體都好好，又唔算係好多人(晏奏時間)
继续阅读