源記餐廳

营业中

休息中

今(13-4-2013 Sat)朝同男友起身後,有事要出尖沙咀,我o地出到去整好o野至食早餐,原本男友話食Delifrance,不過我覺得貴又冇選擇,我o地行經見到一間食小籠包o既,但11:15am都未準備好,就唯有放棄.我記得我o地之前o黎過呢頭,食過一間有室外座位o既茶餐廳,所以行o黎呢o度,不過今次揀隔離呢間.我o地o黎到,原本想坐出面,但其實係吸煙區,而且見到佢o地將地拖掛o左o係o個o度,所以又係放棄,入去卡位好過.男友要$34.00o既瑞士雞翼撈公仔麵,要XO醬,加$3.00要凍奶茶,我要$42.00o既瑤柱蛋白炒飯,都係要加$3.00o既凍奶茶.好快,兩杯o野飲到o黎,茶味唔係好濃郁,不過好彩冇被奶味蓋過.之後我o地o既o野食到o黎,睇睇我o既瑤柱蛋白炒飯,瑤柱碎加埋都冇一茶匙,使唔使咁少呀?而睇顏色,清到冇人有,食落,飯炒得乾身,但真係冇乜味,我要自己加豉油食.而男友o既瑞士雞翼撈公仔麵呢?佢將XO醬撈好,我試試啲麵,嘩!都幾辣吓,唔係幾好食,呢隻應該係買返o黎,唔似旺角王萍記o既好食(o個次食評: http://www.openrice.com/restaurant/

尖沙嘴是在下最經常去的地方之一，不是工作就是逛街購物。購物不是在下經常做的事，反而是覓為主。平日來到尖沙嘴，都是以工作為首要任務。由火炭來到這區，適逢用膳時間，尤其來到尖東，各大寫字樓的白領都會同一時間在區內用餐，各食店都湧現人群。到了源記粉麵燒臘餐廳，也無不幸免，在下只好在卡拉位與其他食客搭枱用餐。源記原本就是做燒臘的卻後來裝修後，成為牛腩專家，但是上次到訪已經是去年的事，今次再次來臨，都是叫同一食品燒味飯，今次卻叫來一客叉燒燒肉飯加一杯凍奶茶好了，至於是否牛腩專家，在下還未知道呢叉燒燒肉飯過了一會就送到來，叉燒燒肉看來燒得很好，叉色水均勻，邊位紅色而中間部位較深色，燒燒聳較白，而皮也較紅，呷一呷叉燒，雖邊位沒人燒燶，但是肉質很腍且不鬆化，咬開容易。燒肉沒有甩皮甩，也沒有皮肉分離，呷一口不太鹹，但皮幾脆，肉質也較腍，而且肥瘦均勻，只是燒味醬汁嚴重較少。這裡的凍奶茶，沒有一般茶記的那麼的多奶，但依然是偏多的，幸好還可以喝到茶味。雖然凍奶茶的茶味不及熱飲的好味，但至少源記奶味落得較少，令茶味未至於完全失掉。在下來到源記，多數會會點燒味飯，皆知源記原來就是以燒味起家，所以在下還是選擇燒味較

焗牛肉意粉(HKD$52)鮮茄味濃, 味道幾好, 牛肉較軟身 (但該是用了鬆肉粉), 茄汁及意粉的比例剛好, 但份量較少, 如果是肚餓的朋友, 該吃不飽的.但焗牛肉意粉中間伴有青椒, 青椒青味有點間接對茄汁的酸味有點不協調.金牌牛什麵(HKD$27)眼見餐牌收 , 金牌牛什拼盆收HKD$168那麼貴, 心想是不是很好吃呢? 但如果叫一碟又不吃的話, 豈不是很肉赤? 於是便叫一碗金牌牛什麵試試, 牛肚香,入味, 夠軟身, 正!!! 牛腸則脂肪很多, 絕不是怕肥, 減肥, 及健康人仕的愛好之物, 皆因又不是很好吃, 而且味精很重, 本人就覺金牌牛什好吃, 而不值HKD$168那麼貴.......檸檬蜂蜜夠熱, 清濯, 蜜糖的甜味, 與檸檬的酸味卻剛剛好.....冬天飲好正!!!

招牌寫上牛腩專家, 但今天與牛腩無緣. 尖東店有門口露天茶座, 有風味.下午茶有炒粉麵供應, 與友人各一碟, XO醬揚州炒飯和黑椒牛柳絲炒意粉.XO醬揚州炒飯, 上檯時賣相應真麻麻, 碟子大, 炒飯堆在一邊, 飯粒散亂在碟邊, 仍有些飯身未上色, 白白顏色. 期望下降, 果然得出來的效果不差.第一匙入口, 飯炒得乾身, 少油, 粒粒分明, 材料款式不多, 只有火腿和少量叉燒粒, 質素不俗, 蝦仁中型大小, 全去蝦腸, 沒有黑色一條在蝦背, 一讚!黑椒牛柳絲炒意粉, 上檯時黑椒味已非常香, 意粉炒得乾爽, 但彈牙度一般, 可能意粉煮得時間略長, 微微偏軟和淋, 青椒絲和洋蔥絲炒得爽脆, 牛柳絲切得厚身但肉質不失彈口, 有原始牛肉質感, 未醃得過份, 但份量少, 數得出只有五、六條, 無奈近年牛肉價大升, 不加價, 唯有減份量.

夠光猛人又多,好似不夜成一樣, 好快甘就叫左碟亁炒牛河, 整体碟份量上都還可，洋蔥亦好鮮甜,感覺到系口中殺掉細菌，但牛河就吾夠火喉，隻豉油吾夠味, 及油左DD。但員工勝在夠進取，做到茶記文化! 尖東夜市必備!

其實只是剛剛一個人在這裏食完個茶餐，食物一般，不過不失，但杯奶茶超多奶，好難飲 . 都唔緊要，最大問題係，自從沒有在尖東返工，都好少在這區光顧. 奄列多士先到，我見沒有餐具，沒有即時詢問，諗住等碗面來埋問. 無幾耐，一個男性化的女侍應放低咗碗面，於是我叫住她 :"唔該，唔該，什麼都沒有，點食？“ 於是佢好唔 like 咁打開了張枱個櫃桶，轉身便走. 我知依家好多茶餐廳都係把餐具放在張枱的櫃桶，但大佬呀，我又不是經常去呢間，我點知呢間都係咁？再者，佢真係態度其差，攞都費事攞出來，我唯有好嬲咁自己攞咗對筷子出來.可能佢啲同事都知我好嬲，又或都知佢態度差，所以後來再拿了刀叉同埋餐巾出來. 我一路食一路都仲好㷫，後來佢再經過我張枱，我都怒 "bear" 住佢. 總之一句，有啲咁嘅伙記，真係唔駛旨意我再去.

今晚女友預祝生日 k，次前食啲野打打底先，貪方便係卡拉 ok 附近食算喇。第一次幫襯，黎次 K 前試食先 ﹗食客不多，但近乎係無招乎囉，個個遊吓遊吓咁，唔知仲緊咩。蠔油芥蘭，還可以啦、不過不失，菜夠新鮮，比我食開既粉麵店大碟好多喎，價錢當然相對地高啲啦。丸腩撈粗，即係牛丸牛腩，剛才係隔離間麵店見到好想食，點知佢地話停緊電無野食，真搞笑 ﹗唯有轉黎依度食啦。依度係蠔油撈麵，撈撈先，都幾咸吓喎 ﹗未經處理過既蠔油，要落少啲先掂呀，唯有加點湯沖淡一點。麵質一般，比人感覺好求其，腍左少少。見 menu 雖寫住係清湯腩，但係口感都好鞋乾硬噃。牛丸普通唔難食，但唔似係手打囉。自製辣椒油都係香，而辣度屬中上級程度。

與新兄繼續未完的對話，從"Bricklane"走出來，行經噴水池，求其走進一間茶記裡，又大談起來....淨飲何止要雙計 ? 雖知肚子已裝不下東西，但還是叫了份公司治烘底兩個人share。新兄又想叫啤酒，但一罐普通嘉士伯或藍妹都要十多二十大洋實在太搶錢了要喝，倒不如到出面便利店買番半打，走到噴水池的長椅裡坐着宣飲還更高興呢....談回眼前的公司治，材料有餐肉、火腿、菜絲、芝士、蛋及蕃茄，陣容蠻強盛的。餐肉及火腿有略煎過，肉香甚濃；蛋炒得也不老，蛋汁仍存；菜絲及蕃茄的存在用意在減輕油膩感，是成功的；麵包烘得頗香脆，咬入口仍是喀喀有聲，而且還算熱辣辣。這樣的公司治，再難吃也有個譜的儘管好吃，但肚子仍是太飽了，故只勉強的吃了一些。實在是暴殄天物.....在此謝過新兄的請客了.....

正在食緊早餐---沙爹牛肉 雪菜肉絲公仔麵。從來未食過咁咸嘅沙爹牛同雪菜，咸到食咗唔知有冇一半就唔想再食，啲公仔麵好似已經整咗好奈咁，唉••• 等我重左諗右諗先入去食，後悔已太遲＞_＜!！

前 2 星期中午行到新文華中心 , 心想上個月成日食面 , 今日想食返D 肉 ! 見到源KEE 門口個餐牌有什扒飯, 便動身入內 ! 坐左 5 分鐘 , 飯到 ...... 嘩 ...... 所謂什扒飯... 係一塊薄薄豬扒+ 一片火腿 + 一條香腸...... D 汁仲要好似加左勁多生粉咁 , 完全'掛"唔到在D 肉上...... 咁的餐加杯凍飲都要三十幾蚊 .... 我寧願上2 樓食 MAX 心 !!

聽演唱會當然要揀近紅館啦! 喺尖沙咀見到呢間茶餐廳!茄燴豬扒意 - 用埋新鮮蕃茄做燴汁加埋洋蔥都唔錯, 豬扒腍, ok.茶走 - 茶味太濃, 而且沖得麻麻.服務員忘記比餐具我, 到我叫嘅時候, 個义濕不特止, 上面... 嘩! 餐廳最好留意呢d 情況, 而且有待改善呀!

if i haven't read the below comment, i'd had totally forgotten about this shop.that night, due to time limit, just wanted to have a quick dinner before the show at hunghom.we visited this shop - my first time, and my only one.it was very crowded, when we ordered (two of us), i said xxx and then my friend said xxx, the waiter said "慢d, 寫唔切". and then when we asked a question - he told us "你地慢慢諗啦" and walked away.we placed our orders with another waiter afterward.just a common dish, 港式碟頭飯: 黑椒雞扒飯.

講真果句，我唔係想拖呢篇食評，所以過左２個月先post上黎其實，係我起Ｏｐｅｎｒｉｃｅ個地圖上面搵唔到呢間餐廳（之前比人錯點左）而且，這種情況不只一次發生在本人身上……言歸正傳，回到食評上吧。在等位上面唔係問題，一入去就有位，雖然門外食客大有人在……我同我的友人一同用饍各點了一個快餐 + 飲品一杯雖然餐牌上面冇寫送湯但係之後一段小插曲真的令人不快－一名比我地遲入黎的食客又係叫快餐，仲坐我地對面個侍應仲「好識做」禁送上例湯一碗 + 冷飲一杯「這碗湯係送的。」真不公平……居然無視我同我的友人這些潛在的米飯班主……對這間餐廳的好感度大幅下降之後發生一些事更令人唔想再入黎呢間野－－個侍應送冷飲來了我的友人看了他的舉動，已經想走，奈何已深入虎穴佢居然將張記事紙放起杯飲品上面由它浮浮沉沉去到我地枱面先移走佢（這是你們對潛在的長期食客的態度嗎）我地又唔係睇唔到好彩我地叫到個侍應肯換（但已經見到原本杯野去左第二張枱　=口=）呢樣衰野被揭發之後，走之前仲有一樣野令人相當不滿就係佢個香腸洋蔥雞扒飯同其他令人失望的食肆一樣，香腸係佢地碟野入面最好食的一項洋蔥呢，全碟野得２塊！雞扒仲離譜，冇雞味，反而有雪水味

看外表, 好似出名是牛腩牛雜噃, 但這幾天吃得太多粉了, 不想再吃, 剛好兩點半, 下午茶時段, 想食”炒飯”, 有兩款, 叫了”泰式雞粒炒飯”, 配奶茶, 到來時, 外表, 任你加任何想像力, 都不會覺得與”泰國”有甚麼關係…., 材料… 除了飯外, 有雞肉粒, 蛋, 菜絲, 就這般了! 炒得不夠火喉, 還是略濕, 幸好沒有一舊舊, 奇怪是, 食落有些少甜味, 一是可能把糖當鹽, 但不太合理, 另一是可能加了些所謂的泰式醬 (用來點炸蝦餅的那種酸甜醬), 另外, 感覺這店不太衛生, 雖然外表光鮮, 但取餐具時, 發現都是油油的, 又”痴”手, 洗唔乾淨, 無論如何, 總體而言不太好, 不過, 算啦, 尖東區, 28元, 免強接受…

Beef Brisket noodle bowl is such a normal dish in Hong Kong that I do not hold any particular expectation on them. Yet I do notice the quality really does differ a lot from restaurants to restaurants. I am no expert in food, but I do believe the beef brisket tasted best when there are small amounts of fat attached to it, so it better be not to lean. This late night after drinking with a brunch of friends, a couple brought us to this particular restaurant where they claimed the beef brisket flat