滄浪亭

营业中

休息中

行開蕪湖街，先知原來附近有幾間小店食上海菜。先嚟滄浪亭，叫咗碗「紅燒軟排麵」$52＋豆漿$8。紅燒麵湯底唔會太鹹，仲帶有少少甜。軟排麵大概有4嚿，入味軟腍又無骨，咬落啖啖肉～ 麵嘅份量都夠，再飲埋豆漿清一清口～唔加豆漿都有熱茶可以飲🍵見到隔離枱嘅酥炸排骨麵好似都唔錯，有機會再試。但舖頭門面唔太起眼，我行過咗都唔知🙊原來就喺cafe鳥山商號附近。

首先我同朋友坐廚房隔離，個呀姐行都懶得行，遞碗野畀我自己企起身拎….咁不如我入埋去做呀-_-1245坐低 1255左右上齊野食1320個呀姐就已經大大聲勁惡咁問：🤬你地啲碗收得未呀？食完未呀？食咁耐 霸住張枱咁耐 屢勸不改！😶😶我地十萬個問號，食個飯都俾人趕走，見其他食客都呆晒😯😯其實本身都正正常常 但應該係有新客入嚟又冇位 又見我地一邊用電話一邊食 就燥9本身啲客 但枱上面啲野好明顯就仲未食哂個呀姐鬧唔停 到我地真係企起身走先收聲 出到去舊肉都仲喺個口未呑得切——————雞煨麵 頭幾啖湯ok 但越食越普通 太大份雞絲粉皮個醬係幾好食蔥油拌麵都ok—————不過幾好食都唔會再食啦，第一次食飯俾人鬧到出門口，唔講以為我冇俾錢

以前還未搬家的時候常常來光顧滄浪亭☺️現在搬得老遠的 也是常常會惦記她那溫柔的麵 下午大約3時多到達滄浪亭 店員忙於烹製食物 無暇兼顧外場🤣於是我便自行找了個座位坐著等 每張枱上都放著醋、豆瓣醬和牙籤😽菜、餐具、餐紙都是後來店員放上的點了我最愛的大排麵加菜肉雲吞🥟湯還是一樣的清 帶甜 在冬天能喝上一口滾燙的湯 🍲真的想大喊一聲 好幸福呀！！🥰 蔥段被滾湯撞下以後 香氣完全散發🥰 不喜歡蔥段的人記得提前「走蔥」呀菜肉雲吞飽滿大隻🥟 菜的比例比肉多 皮不會過厚 好吃！大排即叫即炸 醃料偏甜 肉比較厚實 裹粉剛好 也是好吃🥰 -下午3時許 店內人龍絡繹不絕 就證明滄浪亭還是能保住其多年的水準！ 希望我下次再到紅磡時 還能喝到她的湯👅💕

酒店地下屹立不倒嘅人情味小店，住hall嗰時諗唔到食咩就會去食，就算而家冇hall住，肥西都會專登返去食🥺👅糖醋排骨麵 ($59) 8/10呢間嘅糖醋排骨係cls 咁好食，仲要成大碟熱辣辣咁上😗炸粉厚度剛剛好，仲要啲排骨有肉唔鞋，keep到些少肉汁。淋上黑醋味濃嘅糖醋醬，但完全唔影響排骨嘅香脆，一啲都唔油膩，我願意就咁叫一碟自己啪晒佢🥲講返碗麵，唔好以為佢睇落好清，但紅燒湯底夠味，啲麵幼身得嚟都有啲咬口，不過浸得耐會變淋，記住快啲食～👅雞絲粉皮 （$38）7.5/10海量超濃花生味嘅麻醬，晶瑩剔透嘅滑嫩粉皮，加埋雞絲同芝麻，真係難啲唔好食🌞如果雞絲可以多啲同滑啲就更好，不過要讚啲粉皮厚薄均勻夠爽口，唔似出面個啲淋到河粉咁🌚👅肉絲春卷 ($26) 5/10係到食過唯一一樣伏嘢🤡又油又少餡，廢事嘥口水講佢，總之唔好嗌🙏🏼👅冰豆漿 ($8) 7.8/10大杯順滑好飲唔甜，不過點都好，食麵飲凍豆漿是常識吧？👅總結肥西食過無數次嘅經驗，最好食嘅麵絕對係無咩人講嘅蔥油拌麵，好多人都推介嫩雞煨麵，但creamy 嘅奶白湯底肥西唔喜歡🥲仲有大排麵嘅排骨都正！！____________________

之前食左一次，見到好多好評所以好高期望，食完冇失望之餘仲好滿意，食物質素比起想像中更好！所以今次再黎食！屋企人都話好味，我仲飲曬啲湯添！呢度有得自己倒茶飲，啲茶勁好飲，唔係普通酒樓嗰啲。我飲左好多！！我呢兩次黎，食左糖醋排骨麵、雞絲粉皮、嫩雞煨麵、獅子頭麵、虎皮蛋（其實則係有一層好薄嘅炸衣嘅烚蛋，跟住有啲類似鹵水汁嘅嘢，加一條白菜仔）。呢四樣嘢我覺得糖醋排骨麵最抵，因為排骨份量好多，而且炸得好脆，同埋食到最後都唔會有一舊係啲皮淋曬，一路keep到好脆。佢啲調味好足，唔會話咬到裡面冇味。上面淋左啲汁，有少少似咕嚕肉嗰啲汁，我覺得超正！獅子頭麵都好正，裡面係勁juicy嘅！同埋好夠味，唔會得外面有味。非常滿意！！！食到後面，成個湯都會有獅子頭嗰啲肉碎味，啲湯會越來越濃，越來越好味！雞絲粉皮就份量有啲少，但係都係好味嘅。佢啲粉皮同出面嗰啲唔同，比較爽口，我覺得幾得意。見到有人嘅評價話「服務態度差」，我想話，店鋪得兩個人，一個係嬸嬸，另一個係婆婆，其實佢哋兩個都好忙，唔會服務得咁周到，但係整體都係有禮貌同埋親切，唔可以用「差」黎形容。

第二次光顧食物質素唔錯 本身打算列做長期飯店但經過今次唔會再幫襯今次一個人去食午餐呀姐服務態度極差12:35入到鋪頭 唔夠1點比人趕走叫左碗大排麵 但未食完就收就隻碟（仲有兩塊肉未食）都算啦 以為佢唔夠碟用但轉個頭 佢見我停低手禁電話就話: 有人等緊呀 食完好走啦 唔好係度打機食左15分鐘 停低手覆msg都唔得？ 仲屈人打機就算真係打機都唔關佢事啦👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻返左半日工想lunch hour抖陣都唔得真心無下次

中午經過，見無乜人，便入去食碗麵，加杯凍豆漿。獅子頭湯麵：湯底夠熱，顏色好深，味道卻很清新，完全唔搶喉，麵質硬度適中，份量充足，碗內放上一條白菜和一件巨型獅子頭，嘩！嚿獅子頭真係極品，好有質感，無漿粉味，肉味香濃，汁液豐盛，真材實料，製作用心，收$50，簡直超值；豆漿就相對普通，正正常常，無乜豆味，唔算太甜，飲完唔會起痰，而且只收幾蚊雞，可以收貨啦。後註：這個舖位的樓面較美孚店大，不用坐到背靠背，食得安樂。

𝙢𝙞𝙡𝙠𝙮 𝙗𝙧𝙤𝙩𝙝, 𝙨𝙡𝙞𝙥𝙥𝙚𝙧𝙮 𝙣𝙤𝙤𝙙𝙡𝙚𝙨, 𝙙𝙞𝙘𝙚𝙙 𝙘𝙝𝙞𝙘𝙠𝙚𝙣, 𝙩𝙝𝙖𝙩'𝙨 𝙢𝙮 𝙛𝙖𝙫𝙤𝙧𝙞𝙩𝙚 𝙠𝙞𝙣𝙙 𝙤𝙛 𝙨𝙝𝙖𝙣𝙜𝙝𝙖𝙞 𝙣𝙤𝙤𝙙𝙡𝙚 𝙨𝙤𝙪𝙥🍜 𝙢𝙖𝙠𝙚 𝙨𝙪𝙧𝙚 𝙩𝙤 𝙤𝙧𝙙𝙚𝙧 𝙛𝙧𝙞𝙚𝙙 𝙘𝙝𝙞𝙘𝙠𝙚𝙣 𝙬𝙞𝙩𝙝 𝙗𝙡𝙖𝙘𝙠 𝙫𝙞𝙣𝙚𝙜𝙖𝙧 𝙨𝙖𝙪𝙘𝙚 𝙖𝙣𝙙 𝙘𝙧𝙮𝙨𝙩𝙖𝙡 𝙣𝙤𝙤𝙙𝙡𝙚𝙨 𝙬𝙞𝙩𝙝 𝙥𝙚𝙖𝙣𝙪𝙩 𝙨𝙖𝙪𝙘𝙚 𝙞𝙛 𝙮𝙤𝙪 𝙜𝙚𝙩 𝙖 𝙘𝙝𝙖𝙣𝙘𝙚 𝙩𝙤 𝙫𝙞𝙨𝙞𝙩!.久唔久想食上海麵都會諗起紅磡滄浪亭，好食之餘，平得嚟又夠哂大碗，列牌必叫雞絲粉皮，花生醬多到滿瀉勁濃郁，粉皮薄滑爽口，糖醋排骨同大排都即叫即炸夠哂熱辣辣好香脆，糖醋醬黑醋味偏重食落酸酸甜甜送飯一流！另外每次幫襯都會叫返碗嫩雞煨麵，鮮甜奶白湯底配上切碎左嘅雞肉粒同小棠菜粒索哂味，麵條軟滑又帶啲咬口，飲埋啲湯都唔口渴，最啱依加入秋涼涼地嚟食，好滿足～

滄浪亭嘅門面唔多起眼，之前經過都無留意到呢間食上海麵嘅鋪頭，都係見朋友大讚再搵先知喺到～呢間小店嘅上海麵都幾正宗，比之前食過嘅連鎖店更出色！•🥢 糖醋排骨麵 $59糖醋排骨份量好多，炸皮唔會太厚，排骨唔嚡，糖醋汁係淋係面，都有多可以自己點返，糖醋汁偏酸少少，但好開胃，糖醋包住酥炸排骨都唔會令到排骨淋晒👍🏻 湯麵嘅紅燒湯都好濃，令到麵食落都好夠味～•🥢 嫩雞煨麵 $50奶白色嘅雞湯好好飲！好濃郁！雞肉細細粒，有啲結實，唔會好淋，有少少鹹味，雞肉同菜粒都有唔少👍🏻 麵配埋湯同雞肉一齊食好入味😋

《滄浪亭》紅磡黑雨日🌑🌧因為工作要到黃埔，又揾下街坊小店開餐，由黃埔站行過黎大約6分鐘，可能因為太大雨所以唔係太多人🥲坐底前落單姨姨已經準備2杯清茶比我地，佢杯茶係自己用茶葉沖泡，而且幾好飲🤭《嫩雞煨麵》🐣先講份量，係一個超級大碗，湯底有重重既奶味但又有湯既清甜，起初我以為麵既份量超多，原來係雞肉同菜超多，成個底都係餸，淨係食碗麵都已經好飽《糖醋排骨拉麵》🍜哇！佢個糖醋汁係超好食，甜酸度岩岩好而且我覺得佢用黑醋同黑糖（我覺得啫無去證實），個排骨炸得脆脆，絕對推薦👍《雞絲粉皮》$38 但份量唔算好大，雞絲比例上算多，麻醬花生味較重，不過不失温馨提示：小店只收現金💰

今日胃口麻麻地，所以只係叫咗一碗雞絲粉皮。外賣加一蚊。$39元。坦白講，一開頭見碗粉皮，碗既size好似平時裝豆腐花既size，好細😂所以賣$38都少少貴。唔可以當佢係主餐，當主餐食未必夠飽，但如果當佢係主餐前既前菜，又太飽😂一打開，濃濃嘅花生醬味，呢間舖頭毫不吝嗇佢嘅麻醬😆👍🏼食落真係幾好味，而且粉皮嘅質地幾爽，唔會淋。雖然幾好食，但略嫌雞絲份量不多，不過$38都冇咩要求啦😆

同foodie 同事不約再同咁想食上海菜又夾都冇夾過就search到滄浪亭，就一於去try try!小店唔係好大，一雙手數晒所有枱嘅數目，廚房兼樓面由兩位姐姐打理。我地叫左嫩雞煨麵同糖醋排骨菜飯。嫩雞煨麵個湯好白好creamy，姐姐話湯底咁白係加左牛奶，嫩雞同小唐菜切到細細粒方便咬，而且呢個combo超健康又食得開心！幼身嘅上海麵吸收左奶白湯嘅精華，口感幼滑，淋得嚟麵條中心又有d咬口，的確唔錯！菜飯亦係上海菜嘅必食之選，今次配搭左小邪惡嘅糖醋排骨。糖醋排骨真係炸得好酥，同平時用麵包糠炸係兩樣感覺，加恰到好處嘅糖醋汁，令人一粒食完又一粒。菜飯比較水，如果亁身d口感就會再好d。

-{黃埔上海菜🍜}好耐之前試過依間一次 今次encore左個麵加雞絲粉皮😋🤤大排麵🤤 ($50)個豬扒好脆😍好大份而且唔油😙不過肉就薄啲啲👀麵嘅份量好多😂麵嘅質素正正常常~👖褲評: 7.5/10🤤糖醋排骨麵🤤 ($34)炸得好酥脆😆但個炸粉有啲厚 自己麻麻地個粉咁潔身😂個麵都係差不多👀👖褲評: 7/10🤤雞絲粉皮🤤 ($48)細細碗但裝得好滿😂啲醬花生味好香😚另外雞絲有啲乾 勝在有汁搭救☺️👖褲評: 8/10好鐘意個雞絲粉皮~同埋大排麵都可以試😜不過唔洗特登黎嘅😗性價比: 8/10服務: 7/10環境: 7.5/10🚩滄浪亭🚩地址: 紅磡蕪湖街111號蕪湖居地下C1號舖美孚美孚新邨第二期平台65號舖 #fuudjai #fuudjai黃埔 #fuudjai中菜 #fuudjai紅磡 #fuudjai美孚

依間紅磡上海小店都非常多人讚賞，價錢經濟質素好食！個人幾欣賞佢哋嘅排骨麵同糖醋排骨，不過後尾有朋友話香酥雞麵仲正！👓大排麵 $50看似紅燒湯底不過其實都幾清，好適合尤其配上咁多肉排炸物，係幼麵不過都相當彈牙唔會太淋，而且份量好大碗，不過主要都係排骨比較出色，外層炸得微脆好香口，而且肉質相當淋完全唔韌，又入味，整體確實幾出色👍🏻評分：8.5/10👓獅子頭麵 $50獅子頭雖然得一舊不過都好大粒，可能因為浸湯所以一夾就少少散，獅子頭係絞肉加上蔥薑雞蛋豆腐等配料搓成肉丸，佢都做得好足。評分：7.5/10👓糖醋排骨 $43我相當鍾意！佢有別於平時出面因為佢係炸得比較勁，明顯排骨係比較多粉漿炸皮，不過變想食落非常香脆，尤其淋上糖醋醬，黑醋偏重所以整體偏酸酸甜甜又脆口，好食！份量亦好大碟好多排骨評分：8.5/10👓雞絲粉皮 $28醬汁好深色但其實都只係麻醬，都幾濃花生味。粉皮唔算好薄滑，偏爽口，雞絲肉質正常唔算特別滑嫩，不過整體係個唔錯嘅小食尤其係呢個價錢。評分：7/10👓燜青菜 $18原來只係普通嘅煮小棠菜，平時食燒味飯我會吾食條小棠菜架🤣不過佢燜得的確好淋，唔做特格用牙咬🤣

經常聽到草子話滄浪亭嘅嫩雞煨麵好好食，今日草子終於的起心肝陪我去食今日我哋去左紅磡分店，裝修走日式文青風，但店員卻是中年姐姐，街坊小店。7點幾去到坐滿人，我哋等左15分鐘就有位雞絲粉皮🐥粉皮好似河粉咁長，麻醬份量剛好夠撈曬雞絲粉皮，好食又開胃！大排是一塊炸豬扒，炸粉唔厚，肉質juicy，香口美味嫩雞煨麵終於試到啦！湯底好奶香好creamy 但又唔會油膩，仲有好多菜同雞粒，雞粒嫩滑，好有咬口、麵底索曬奶油湯，好好食，又唔會太粉，必食！😋