滿屋雞蛋仔 (已結業)

寶琳終於唔再得利強記雞蛋仔。呢間雞蛋仔造型好可愛，口味選擇都唔少。每次經過呢個角落都會被佢香噴噴，即叫即整嘅雞蛋仔星期所吸引，但因為都真係幾多人買，等候時間都頗長。

今日同家人行街，突然非常想吃雞蛋仔，在新都城找來找去，終於找到了在新都城一期的這一家雞蛋仔。叫了一個原味雞蛋仔配巧克力醬，雞蛋仔挺香脆了，內裡的蛋糕比較多，是軟綿綿有口感的那種，配上醬也ok，不加醬也好吃。

作為一個超中意食雞蛋仔既我 見到一啲好香/外形特別/味道奇異既都會試下😋咁岩呢次同朋友行街經過見到一間幾香既雞蛋仔鋪 雞蛋仔外形又幾得意喎 所以決定一試！平時見到啲雞蛋仔都係正正常常 冇外貌可言 比較既都只係味道同埋口感 呢次淨係個樣都靚過平時見到既雞蛋仔😍果然冇令我失望 有樣又有實力👍🏻我嗌左朱古力雞蛋仔 朱古力味好足 雞蛋仔外脆內軟 同埋唔會太甜 差啲有衝動想買多隻味試❤️極推薦大家可以試下朱古力味👍🏻

我同朋友見行商場行到好攰，就開始揾地方坐，見呢間嘅雞蛋仔好吸引，又多味道選擇，同埋可以加$20有杯台式飲品，所以就買咗士多啤梨味雞蛋仔同芝味菠蘿，坐低休息下啦雞蛋仔嘅士多啤梨味唔算突出，不過點埋朱古力醬就好食好多，因為無咁乾食，同埋味道豐富咗而杯芝味菠蘿不過不失，略為太甜，但$38買到雞蛋仔同一杯嘢飲都算抵，下次想試埋朱古力同綠茶口味嘅雞蛋仔

年初二呢間舖居然都有開，太好了！想試好耐！見到呢間舖都覺得好開心好得意！呢間雞蛋仔專門店好特別，雞蛋仔有咸有甜！咸點好似pizza 咁！伸好似熱狗！見到人地食，好似個包包咁食，幾得意！呢度而且可以堂食，有3-4張圓枱圓椅，真係幾好！仲有好多可愛deco! 我叫左甜既系列！見到有大棉花糖系列真係忍唔住環揀！大棉花糖系列有3款，可以揀 榛子Oreo 脆餅/奶醬系列/我叫既呢款抹茶麻糬。因為我怕上2款太甜，雖然我本身好鍾意食甜野都怕有大棉花燒完之後太甜，所以叫左抹茶麻糬！大約等左10分鐘內。。好甜心，店員會趙你拎去位。職員服務都好好！麻糬粒好細，好得意，size剛好，如太大粒會搶晒雞蛋仔風頭！抹茶醬是凍，好攪笑！雞蛋仔係熱，變左又凍又熱🤣🤣但整得好靚又好味！燒完既棉花糖加埋雞蛋仔同抹茶醬配合得正好，唔太甜，加埋麻糬又有咬口！每粒雞蛋仔都有店內公仔既圖案，真係餐廳獨有！好可愛！而且有精品賣！呢個雞蛋仔又即叫即整，值得推介！都唔算等太耐

今日下午大鄉里蝸牛去對面海送年糕，3點完成後尾站去新都城同牧場一家食團年飯，去到覺得有d餓，行行吓又去左食滿屋雞蛋仔。之前都係食佢的原味配士多啤梨醬，已經覺得好味，今次就試左佢棉花糖系列的榛子朱古力忌簾夾心餅雞蛋仔同熱海鹽芝士玫瑰烏龍，兩款都唔錯。等咗大約5分鐘就有飲品啦，打開蓋飲，奶蓋很滑，芝士味中帶微咸，當中又帶有玫瑰的淡淡清香和烏龍茶的甘香，四樣看似風馬牛的東西又出奇的夾。雞蛋仔係即點即做，等左大約10分鐘先有，雞蛋仔上有一粒半個手掌大的烤棉花糖，再有不少朱古力醬和一些碎Oreo 餅。棉花烤得外脆內溶，撕一粒雞蛋仔點1些，又是一種邪惡的新口味。雞蛋仔也保持一水準，外微脆，內軟有蛋香味。

食完一個唔滿足既lunch，要食番d好味既甜點滿足番下，行過店鋪時已經曄到好香雞蛋仔味，望一望menu，有唔同味道既雞蛋仔同配料選擇，仲可以揀要唔同既醬點黎食!我就決定要oreo綠茶雞蛋仔~醬就揀選朱古力醬~雞蛋仔即叫即製，等緊既期間參觀下店面，有唔同既玩具精品賣，我諗小朋友一路等都有野睇下唔會等到唔耐煩~睇睇下我既雞蛋仔就出爐啦!每一粒都係店家既logo人面笑笑樣~好可愛~咬一粒~真係好surprise~好濃既綠茶味~不過oreo反而冇咩食到佢陣味~然後試試點朱古力醬食一粒~果然錦上添花~真係好好味好滿足~同老公分享好快就ko哂成底，而朱古力醬都俾我地蘸清光呢!

本身行過寶琳利強記雞蛋仔，已經好想食，但見到好多人等緊我就放棄⋯⋯之後行入二期就見到滿屋雞蛋仔，仲見到有好多特別的口味，好似pizza雞蛋仔、雪糕雞蛋仔但係我見到最特別嘅係冬蔭公，本身都係諗住試伏嘢嘅心態去試見到其他人食緊嘅雞蛋仔有啲都係點醬食，本身以為係點冬蔭公醬食點知係mix落個粉漿到首先聞落已經好香，都幾吸引作為一個雞蛋仔，外面夠脆，內軟同埋都唔會話全部都係空心，所以合格！咁之於個冬蔭公味，偏重口味，頭幾粒都食到冬蔭公嘅香料味，幾驚喜但食到尾，覺得太咸所以已經食唔到咩味可能叫返啲清新口味嘅嘢飲會好啲不過間舖頭有堂食，有足夠嘅位置，所以可以坐低食都唔錯！

食tea時間 ，當然要買啲輕食 ，今次就試咗間唔係太正宗港式風味嘅雞蛋仔 ，呢間舖頭主打同花款嘅雞蛋仔， 可以揀唔同嘅味道配搭唔同嘅topping。 但除咗雞蛋仔以外佢仲有pizza，熱狗，飲品 ，甚至乎連精品佢都有得賣， 可以話係應有盡有。呢度設有堂食區域， 可以畀你坐喺度慢慢品嚐美食。雖然座位唔多 ，不過都算容易搵位。今次我就試下舖頭嘅新花款， 係蘋果金寶味嘅雞蛋仔。 一拎上手，熱辣辣， 好香蘋果味。 食落口軟綿綿， 核心內圍係蘋果批嘅味道， 甜絲絲， 絕對滿足到我嘅味蕾。 呢個款式應該係季節限定， 所以想試嘅朋友就要快啲嚟試啦。

10月13日 第一次到將軍澳店買雞蛋仔 我買一份雞蛋仔$16 一個老店員推薦我同太太$20買野飲 當時我同太太都講咁平 $20 連雞蛋仔??!個老店員聽到即刻用一個非常不友善既態度講"係加$20" 我同我太太都話你唔講好D我對依D咁既態度直接影響我對依間食店既印象囉！

滿屋雞蛋仔係新都城都開左一段時間，但一直都無幫襯過，今日下午茶時間經過就幫襯下，點知都唔錯喎，叫左份綠茶紅豆雞蛋仔配朱古力醬$21加$20 可以任選邊款野飲我就選左水果四季春，味道就係青檸熱情果汁🍹再加啲新鮮水果，例如蘋果同橙咁而雞蛋仔邊脆內軟岩我口感不過我覺得綠茶味太淡，超淡如果可以濃味好多好多好多就最好而職員態度都十分好，好nice，有禮貌，地方都幾乾淨，暫時黎講，呢到都係個可以慢慢座食啲野嘅舖頭。唔錯唔錯

專登入到將軍澳，喺商場行過嘅時候覺得好香，發現原來係滿屋雞蛋仔！鍾意食雞蛋仔的我即刻去望下有咩食先見到佢本Menu有好多唔同款式，同一般嘅雞蛋仔唔同，有甜亦都有鹹味選擇！鹹味嘅款式有Pizza類，有芝士，火腿，菠蘿。 而甜味亦有奶醬多，培茶麻糬等既創新口味！我就叫左個培茶麻糬雞蛋仔，原來雞蛋仔係即叫即整！雖然等左15分鐘先有得食，但係出嚟熱辣辣！棉花糖仲有拉絲！雞蛋仔就比較實心，全部加埋就有少少太甜，可能下次都係試鹹嘅口味！另外舖位仲有一個部份係買公仔，精品。有隻自家創作既公仔，好似哥基樣，真係好Cute Cute，都吸引左好多人除左食之外都買佢返屋企！

呢間餐廳都幾特別，裡面有精品店，而外面就有位坐既，仲有Pizza、飲品，而雞蛋仔啲款都幾新潮，依家仲有髒髒雞蛋仔，而且雞蛋仔都有醬點黎食！睇評語話個軟心朱古力好食，一心想黎試，點知暫停供應，於是就叫左綠茶味+oreo，叫左朱古力醬。佢個雞蛋仔仲要有佢地品牌公仔既樣，都幾得意啊，初初食就都好脆，一粒粒雞蛋仔裡面都好滿綠茶漿，但啲oreo餅碎就放得吾太平均，外圍個啲基本上無既，中間就過多，但綠茶同oreo一齊食其實食吾出佢地本身既味，呢個有點失分！好彩佢有朱古力醬，叫做提到啲味啦！之後食到一半，下半既雞蛋仔開始變淋，亦都好難一粒粒met黎食，仲要愈met愈爛，直程食到上下分開左，食到呢個程度很失望呢，令我都吾想再試第二次⋯⋯尚有很多改善空間！

一直都知寶林開咗間Fullhouse Egglet，專食雞蛋仔。不過平日好似冇咩機會食，呢日行完街，特登去食個tea睇完餐牌都覺得款式幾有新意，諗唔到雞蛋仔都可以同熱狗、Pizza連上關係。不過今日都係想食d甜野，所以都係揀個甜味嘅~奶醬多（$36）人頭樣嘅雞蛋仔一向係Fullhouse嘅特色👶🏻，今次仲推出咗一d新口味。草根試左奶醬多雞蛋仔🐣，真係非常有趣嘅組合😝。雞蛋仔上唧上花生味嘅吉士🥜，放上粒粒烘脆嘅多士，最後再淋上練奶。味道都幾香，但雞蛋仔質感太硬，唔似食緊雞蛋仔。有見到中間白色個嚿物體嗎？其實佢係一嚿焗過嘅棉花糖，都算係一大特色嚟嫁❗️因為焗過，所以用叉輕輕一拮就會形成拉絲效果😝味道就較為甜少少，不過玩味十足呀！p.s.: 呢個價錢食雞蛋仔貴左d，唯有當佢係個甜品咁食都還可以。

焙茶麻糬（$36）見個名幾特別，焙茶同麻糬都係草根最愛😍又點可以唔試？雞蛋仔質感較平日食到嘅硬，感覺軟d會更好。焙茶味都食得出🍵，不過味道唔算特別濃，差左少少焙茶獨有嘅甘香，算係不過不失。上面仲有d小麻糬做toppings，最特別應該係中間有一大嚿焗溶左嘅棉花糖🍬，可以玩埋拉絲😂，棉花糖本身都較甜，所以食晒成個都有d漏🙈同朋友仔share會好d啦～