滿堂紅頂級雞煲火鍋 (已結業)

近期食開都係打邊爐，今期又俾我搵到間超抵食嘅任飲任食火鍋店仲營業到凌晨4點鐘，而家仲做緊優惠可以食足4小時，真係啱晒一大班朋友來幫襯又可以食完唞一唞再作戰過，呢間火鍋店係旺角上海街，油麻地地鐡站A1出口行前就會見到交通又方便呢度唔只得雞煲咁單調，仲有大盤烤魚同埋其他不同口味鍋底選擇，喜歡食辣可以點麻辣，唔食得辣又可以點清淡D口味，至於今晚來度梗係要食佢招牌麻辣雞煲，係未食雞煲前，呢度仲有自助小食區，口味都有7，8款，而且日日都會有D唔同口味選擇，我就攞咗拍青瓜&咖哩魚旦食，青瓜好入味食得好滋味食完一碗又一碗食完小食又到麻辣雞煲，我地點咗小辣食，一開煲篕已聞到濃濃麻辣香味，而雞煲份量有一隻咁多，至於雞肉亦非常滑嫩香濃，越食越刺激食完一件又一件，連D配菜豆腐乾&蒜粒同洋蔥一樣咁嘢味，梗係要留番D麻辣汁留番火鍋時用，落完湯又係食火鍋時候。配料都有好多款,先點肩胛肥牛肉質肥美香甜，之後再點咗其他配料食，而真係花膠入口爽口滑溜，到自制菜肉雲吞同木耳水餃，好有北方特色風味有水準炸魚皮脆卜卜同炸枝竹都一樣咁鬆脆，到咁上下又要食D蔬菜中和一下繼續作戰，食到差不多梗係要食番杯雪糕才算完美是日又品嚐到重慶

明明決定咗一個月唔打邊爐,但係畀壞人引誘,竟然去咗依間喺我印像中非常油膩嘅火鍋.呢個舖位以前已經執過好幾間食肆,雖然只係開咗幾年,相比起以前嗰幾間舖,呢一間已經算係屹立不倒. 咁係依個死位做到幾年,當然有佢嘅長處啦.以前都係叫開麻辣雞煲,為咗減輕個胃嘅負擔,今次叫咗椰子雞煲,侍應話係椰青做湯底.湯底來到之前,先去出面混醬,呢度嘅醬料好簡單,只有辣椒蒜蓉同埋葱.豉油非常淡色,味道好淡,就算加得多都唔覺有味.但係辣椒就非常辣,唔好多手加太多.另外仲有一啲小食,例如咖哩魚蛋,麻辣豬耳,鳳爪,蒜泥白肉,黑木耳,酸齋等等.其中咖哩魚蛋煮得太耐有啲淋,沙薑雞腳靭咗少少但係非常入味,豬耳夠晒辣好開胃.店員好好禮貌,而且仲好好笑容,收碟非常快.湯底終於到,即刻呷一啖,味道係好似甜咗啲,係可以接受嘅範圍.火鍋嘅主題,牛肉係鞋鞋地,但係牛肉味道重.羊肉如果唔騷就唔係羊肉,所以呢啲唔係羊肉.炸魚皮其實平平無奇,不過點完湯底之後變成甜甜地,新口感,唔錯喎.呢度嘅玩完唔係脆肉鯇,一夾就爛,爛溶溶食唔出味.海帶唔知有咩時候開始要整成蝴蝶結,都得耐都仲爽口.一開始以為百頁豆腐係蜂巢豆腐,其實味道同玉子豆腐差唔多.雞

雞煲已經登陸好一段時間，但相信好多人同我一樣，不時會有上癮，隨時隨地想食雞煲。今次試左「滿堂紅」，佢除左基本麻辣雞煲之外，總有幾款特別雞煲，好適合雞煲迷去試下。佢加左湯底之後就開始任食，配料選擇好多，有幾十款，雖然肉類選擇唔多，但最基本嘅都一定有。連海鮮、花膠都有，打雞煲都可以養下顏飲品亦都係無限供應，種類好多，但我都係鐘意飲飲茶類，唔去下膩，點食多啲呀！環境方面，好適合一大班朋友去食，服務亦好貼心，會提供置物籃俾客人放隨身物品。

與朋友相約大出血購物，行多兩行又餓又倦見到個易拉架寫住雞煲任食任飲咁平，門面又好多明星合照，好似唔錯咁，就同朋友兩個人走上去試一試有唔同既湯底選擇，仲有芝士雞煲，但一心上黎食正宗雞煲，最後都係選返香辣雞煲有唔同既小食可以任夾任吃，味道不錯雞煲正宗，麻辣香都夠，一見到口水都流火煱配料新鮮，款式多，最中意果薯粉，索哂d汁好食到不得了另外除左汽水果汁任飲，仲有啤酒都係任飲，怪唔得咁多人幫襯仲有雪糕任食，臨尾飽到嘔都要食返杯先叫完滿

同朋友相約去買烘培用品買完之後周圍行下逛下睇下附近有咩合心水餐廳可以食飯傾偈，行行下見到呢個板，任食雞煲竟然咁平抱任咁平就try一try既心態殺上去試一次啦我地6點入坐，已經有兩枱客食緊，聞落成間餐廳已經有濃濃既香辣雞煲味雞煲可以自選幾麻同幾辣，好有heart！我地就選左多麻少辣下次再黎真係想試下佢果海南椰子雞煲，見到後來隔離枱食好似好正咁等雞煲黎既同時，佢有一個小型自助小食吧可以夾住小食食住先，有蒜泥白肉，麻辣豬耳，麻辣木耳，魚蛋豬皮，沙薑雞腳，碗仔翅等等等等都好多選擇，但胃口有限只能試幾款，豬耳極爽口，木耳酸酸辣辣超開胃，雞腳都炆到好淋好入味等左十分鐘左右，雞煲終於到了果然係多麻少辣，入面有十足既花椒，證明佢唔係就咁落花椒油就算，係真係用花椒辣椒去爆香d雞，而雞肉都好嫩滑，一D都唔鞋口，仲炆到好入味tim 食完雞煲就可以加湯打邊爐，款式選擇都算多仲好貼心咁可以叫半份，岩哂我地呢d咩都想食但又咩都食唔哂既人打邊爐配料好新鮮，首推牛肉同黑毛豬牛肉牛味好濃兼有咬口，黑毛豬嫩滑其他配料亦都好新鮮另外仲係啤酒汽水雪糕任飲任食埋單兩位256，真心抵到爛雞煲好食，配料新鮮特別侍應態度良好，成日會

未食雞煲前 見到有啲小菜就夾咗尼試下蒜泥白肉 肉切得好薄 好似譚仔個啲 味就偏酸 不過都幾好食仲有酸齋 雲耳 同雞腳 ，其實仲有魚旦 碗仔翅 等等唔過十樣嘅小食 辣嘅小食味道都係偏酸嘅 一向中意食辣嘅我尼到依到叫咗個中辣，少麻嘅雞煲好可惜 唔辣 但都幾麻雞嘅份量都唔少 都入味嘅 質感都嫩 但少肉一食覺得唔夠辣 即刻叫加辣 職員就俾咗罐麻粉同辣粉我加 加咗湯之後好快又唔夠辣（羊肉）（牛肉）配料新鮮 仲有around 15款野飲揀唔知係味精太多定咸咗啲 成晚都飲唔少野飲解渴打完邊爐可以食下甜品 有3款雪條揀咗韓國嘅蜜瓜味雪條 總結 其實雞煲尼講叫做ok 但邊爐配料唔叫多選擇亦冇海鮮 同樣價錢 其實有其他雞煲好似比較出色不過環境乾淨 服務都好嘅（但冇收加一haha） 但再尼機會唔大

今日同屋企人試雞煲，一行12人任飲任食4個鐘，每位168。環境都算舒服，佢地有提供餐前小食，因為未齊人既關係，我地就試哂全部，有胡椒豬肚湯，雞腳，齋，紅腸等等，除左紅腸，其他都可以一試，仲有算充足款式既飲品。唔好掛住食前菜食到飽呀，雞煲先係主角！人齊就嗌口味啦，12個人得3個煲，我就認為太少，不過有2位小朋友，所以都叫做夠食，我地叫左2個招牌 椰子雞煲（佢有分濃味同普通）當然試濃味啦，仲有一個就係麻辣鍋。本身我以為椰子同雞會唔夾，但係食落竟然好味，份量就屬正常。加少許水可以飲埋個湯底再食。打邊爐部分，d料就中規中矩，不過牛就差d啦，可以唔洗叫。咁我個人就推介花膠仔。幾有口感同鮮味，總括，前菜，雞煲部分算唔錯，後面d料就差小小，不過任飲任食算中上，對得住個價錢。可以再去

今日成班朋友扮文青，齊齊探索科學館，印象中只係小學學校活動黎過一次，估吾到大個左黎參觀，又有另一番感覺。之後再去廟街，感受另一番香港情懷。文青之旅完結，就緊係吾會各自歸家咁掃興啦，難得良朋共聚，一於黎個雞煲之夜啦。係油麻地兜左個圈，最後俾一座充滿中國風既建築吸引，外圍仲掛滿紅燈籠，原來係雞煲專門店。餐廳內部就冇咁中國風，但開揚企理，最吸晴係牆上竟然有龍袍。設有自助吧，供應各款熟食及飲品、甜品。原味芝士雞煲，出面比較少見。雞肉嫩滑，芝士味非常香濃，成煲都煲芝士，但食多應該會好膩。麻辣雞煲，朋友既至愛，夠麻夠辣，非常惹味，雞件又滑又入味，配料最啱叫響鈴或菇菜類呢d索汁食物。

食完上場個餐冇耐 朋友就諗好晚餐食咩即興食椰子雞煲朋友帶路話食過呢幾唔錯又幾平 咁就去試下啦間野有兩層 8點幾去到第一層已經FULL哂咁濟 就安排左我地上多層4人位都幾大 仲有位可以放野朋友話一定要試椰子雞煲 其他D野食限住落12款一次最記得既 真係花膠 呢個 不過味道一般出面有D小食可以拎 有青瓜 蒜泥白肉同魚旦 樣樣試左小小 味道還好 飲品都係任飲侍應既服務幾好 會主動收野 冇黎個D都會去跟 之後好快補反比我地

早前有團購, 雖然要收好多雜費, 又加一, 醬料費, 假期附加費, 見加加埋埋比正價真係平少少因為團購前已經黎食過, 食物服務都可以, 所以見團購平少少, 諗住無問題規定至少一日前BOOK 位, 咩時間都可以, 只係限兩小時但打去BOOK 7點, 明明話有位, 跟住聽到係話團購就轉頭覆電話, 話無得BOOK呢個時間條款又無講過咩時間唔BOOK 得, 點解唔得? 最後拖到另一個月先再打去, 要約到團購到期個日先至約到雞煲係OK 既, 味道濃, 要左少辣有幾樣小食可以自己出去拎任食, 例如咖哩角, 甜酸齋, 咖喱豬皮魚蛋, 青瓜, 豬肚等, 味道正常有幾種配料幾好, 可以特別講下鵝腸爽口, 完全無肥, 都幾乾淨炸海鮮球, 入面有好多魷魚, 口感幾得意炸魚皮, 只係要半份, 但份量都幾多, 而且仲好脆肥牛比我之前食既好左, 多左油花, 但我只係叫1份, 但黎左2盤其他火鍋配料OK, 都無話特別伏本身食物無乜問題, 但攪一攪團購, 攪到扣哂分團購係你地自己攪, 熱門時間唔想做團購就唔該係條款講清楚

見到嗰名以為只有麻辣雞煲食，上到去見到原來有芝士雞，未試過所以叫左。開頭以為好腻，但食下食下又幾滋味。同朋友兩個食晒啲雞都飽，任食黎講性價比幾高，可以再黎食過。

G字頭團購9折優惠，試了這間的雞煲。開飯啦的評價不算多，但總體看來評價仍然不錯。縱觀各味雞煲的評價，好像濃味椰子雞煲的評價是最正面的，所以就選了海南椰子煲了。等待雞煲上枱前，先去了自助小食吧拿食物~~ 款式都挺多耶~ 味道正常，蒜泥白肉的醬汁有點小咸，少許辣。皮蛋都挺好。炸饅頭也許是剛出爐，外脆內溫，挺好。除團購付的費用外，結帳時還要付服務費(團購寫16.8, 但現場要付整數, 17)，和 醬料費 10元。醬料費我覺得有點小貴，只有豉油、青蔥、生蒜、指天辣。如果還有沙茶醬、辣椒醬、炸蒜等就好... 豉油有點過咸。小食味道都還不錯，但吃多了雞煲就會吃不下啦，所以都只是每樣拿少許。因為有看開飯啦 (聽說很容易燶底)，所以在雞煲上桌後稍微攪拌一下就熄爐啦。味道果然很不錯。椰汁味很濃，有點像泰國菜一般的味道。雞肉沒有很"鞋"，挺嫰口的。兩位就有半隻雞。正價這個時段要168(全包)，我使用的團購合共約124。個人覺得還是挺值的。其實食完雞煲都差不多飽，但沒道理不吃火鍋料嘛。所以仍然叫了一堆。比較特別的有"真係花膠"，但我們只點了一次，母親就說不用再點了，估計味道也沒有很好吧？(也許是因為太飽？)

！明明7.55入座，之後9.50分即刻叫埋單野都未食飽，就即刻叫埋單，last order又唔提醒差到喊，服務態度又差，超級hea呢間野唔會再有下次食食物質數又差，d肥牛啡色既芝士雞煲又無芝士味唯一可以讚下既下佢既野飲既齊全

雞煲加邊爐，perfect!!!兩小時任飲任食!滿堂紅有兩層，位置多，間隔好，坐位寬敞!未上雞煲之前可以食住佢整既前菜先!!青瓜，蒜泥白肉，魚旦，鴨胸，而且飲品任飲，仲見到有龜苓膏同雪糕添先食麻辣雞煲，食完雞再打邊爐!呢度既雞煲雖然要20分鐘先上，但味道做得好，辣椒同麻子份量適中，唔會太多太濃。但雞肉都係冰鮮，所以有點梅，而且可能我煲得耐有啲老。整體上算中等。食完加湯開始打邊爐!難得有生雞蛋，緊係要打一隻黎點肉食menu有70幾款野食揀!款式多!而且食物質素都好好。其中水魷夠爽口入味，牛栢葉又唔太韌，雪吞餡多夠大粒!最好係有得喪食午餐肉同芋絲雖然牛肉同豬肉份量較少，但肉質都ok，落單再上都好快黎到!總體黎講，任飲任食，呢度好抵，性價比好高呢!!

話說同幾個朋友稼登約出黎食雞煲吹水，生意太好了等了差不多1個多小時還大排長龍，唯有一直等成功者不是少了一點力量，智識，而是欠缺意志，我們是成功的。剛過了九點的優惠時段，感思。墙壁掛著龍袍，是龍袍，就是皇帝的朝服，上面绣着龍形圖案。不同年代有不用的服飾。雖然只掛墙壁，但帶著太平、安康、祥瑞的意思。店內分了兩層，沒有吉位。我地點了招牌重慶雞煲和椰青椰子雞煲。等待雞煲同時就出去自助bar小食~係蒜泥白肉，份量任拿，帶點辣，口感不錯，值大家嘗試。大概30分鐘二個雞煲終於上枱，大家急不及待試過雞煲，愈吃愈發覺不少雞塊痴底燶了，要改善。辣味還足夠，入口慢慢發出黎，雞肉倘算嫩滑，希望質素有所提升。第一次吃到椰子雞煲椰子味濃郁，雞肉配椰子味道亦別有風味。雞湯帶著香醇味濃，可惜雞塊跟上圖一樣偏少，每人分得不多。火鍋配料油麻地上海街375-379號明新大廈1樓及2樓全層地下5-7號舖