滿小廚

营业中

休息中

商場冇乜選擇，是但啦，買了兩個外賣。菜膽雞和咕嚕肉。回家食後，有兩點意見。茨汁太多太杰，雞肉好鞋，菜有啲草青味，未夠熟。咕嚕肉水準以下，又係太多茨汁，豬肉好硬，感覺不太好。希望可以改善。

今日又黎到我哋嘅飯堂食下午茶，我好鍾意食呢度嘅咖喱飯，味道香濃，份量好足，啱曬身邊嗰位大胃王呀。我哋點咗咖喱豬扒飯同鮮茄排骨飯，一如既往好好食，好滿足啊。🔎滿小廚 (九龍灣)📍九龍灣宏光道80號麗晶商場1樓133號舖

今日又黎到屋企附近既茶餐廳嘆下午茶，每次黎到都會問阿姐咖哩賣晒未，佳因呢到既咖哩好得，好幾次黎到都賣晒。今日好lucky，食到咖哩吉列豬扒飯，吉豬扒炸到金黃色，好脆口，炸粉唔會好厚身，之後還會再來幫襯。🔎滿小廚 (九龍灣)📍九龍灣宏光道80號麗晶商場1樓133號舖

到麗晶商場既集運站取貨，順便搵間餐廳食個下午茶餐，食飽先去取貨。見呢間滿小廚唔洗等位，門外既下午茶餐都幾啱食，於是就坐低嘆返個下午茶先。餐廳是一般餐廳格局，只有簡單的裝修，有提無卡位同圓枱，適合不同客人需要。淨係下午茶餐都有9個可以㨂，最後㨂左咖喱吉列豬扒飯配凍檸茶。咖喱吉列豬扒飯：份量好足，炸到金黃色，大大塊吉列豬扒覆蓋晒成個白飯，嗰咖喱味唔錯，肉質外脆內軟。凍檸茶好夠涷 好fresh。🔎滿小廚 (九龍灣)📍九龍灣宏光道80號麗晶商場1樓133號

放假帶左姪仔出去放電，玩到顛晒，之後當然要搵間餐廳坐低抖下啦，我地行左去附近既麗晶商場，上左去一樓，一見到茶餐廳就入去找個最涼爽既位置坐低。淨係下午茶餐都有9款甘多，叫左兩個茶餐配兩杯涷檸檬茶。干炒牛河：份量足夠，牛肉肉質都幾冧，唔會好韌，河粉既色澤均勻，調味適中。生炒雞絲飯：呢個炒飯味道足夠，而家夠鑊氣，睇真d，入面除左雞絲外仲落左炒蛋絲同埋蔥花，令整個炒飯既口感同賣相都更有層次。🔎滿小廚 (九龍灣)📍九龍灣宏光道80號麗晶商場1樓133號舖

今日又做左早餐Deadline Fighter, 10:55先入到餐廳，侍應姐姐超好立刻幫我落單。今日要雪菜肉絲米粉，配方包腸仔炒蛋，飲品要凍鴛鴦。看似普通嘅雪菜米其實唔係間間餐廳煮得好味，呢間湯底夠濃夠味，最喜歡配上這裡辣麻油，少少辣但又帶點香，比起其他茶餐廳潮式辣椒油更合胃口。牛油麵包不過不失，而炒蛋沒有加太多忌廉，反而食到更多蛋香。餐飲點了凍鴛鴦走飲筒，香濃好味，同埋要讚一讚侍應姐姐好記性，真係記得。發生咗段小插曲，鄰座客人見我凍飲無飲筒，反倒怪責侍應姐姐，我立刻解釋係我提出走飲筒愛地球㗎😌

今日試左滿小廚既晚餐，今晚比較夜食晚飯，餐廳人唔多，我地又㨂左個卡位打對坐，晚餐有經濟街坊小菜套餐，可選擇兩款、三款、四款小菜，配白飯同埋例湯。今晚口感想食清清地，點左豉汁盲曹，豆腐雙腩煲，椒絲腐乳炒通菜。我地點好餐後，職員送上兩碗例湯，冬瓜豬骨湯，這個例湯唔錯，鮮甜可口；豉汁盲曹肉質嫩口；豆腐雙腩煲入面既豆卜索晒d汁，熱辣辣。至於椒絲腐乳炒通菜既腐乳味道唔係好出，味道稍為淡咗d。 整體黎講，調味偏淡左少少，但有家既感覺。

今日去順豐取件，時間巳是下午4點了，忙了一整天連午餐都未食。一如既往去順豐附近既一間茶餐廳滿小廚。餐廳有卡座位，圓枱，方枱，迎合不同客人所需。下午茶時段既人流較小，我地選了卡座位打對坐，座位寬敞舒適，看看是日下午茶餐牌，選擇都幾多，有約10款茶餐可選擇，我地點了咖喱雞扒飯同埋鮮茄牛肉飯配檸茶。咖喱雞扒飯：咖喱既顏色係我喜歡的那種，顏色不會太黃太稀，味道濃郁得黎帶小小微辣。至於雞扒肉質嫩滑唔鞋口。下次可以再試鮮茄牛肉飯：賣相不錯，蕃茄睇落好新鮮，牛肉都嫩口。呢個菜式很有家的感覺。涷熱檸檬茶都係一如既往的好飲，檸檬很新鮮。

近排食晚飯小菜.. 真係進步咗.. 好味咗...$116選兩款小菜我叫咗檸檬蒸烏頭一睇就知新鮮芥蘭炒牛菜真的好大碟比起附近幾間食店抵食.. 店員招呼親民👍👍👍👍👍

食左兩次外賣早餐，一次午餐外賣。唔會再食！第一次叫A餐，叉烧通粉，煎蛋，牛油方包。點知返到公司發現佢漏左牛油方包。啲叉烧好多胡椒，蓋过叉烧味……湯底味精……難食第二次叫雪菜煎蛋米，凍齋啡走甜。已经提左阿姐要走甜，佢再寫單，阿姐已经唔好老脾。點知上去車先知佢都係無走甜！！ 佢因為重寫單，所以我要等多15分鐘，令我趕唔到一班車，而家仲要錯order。俾錢買難受！第三次叫廈門炒米。據我所知，廈門炒米會有叉烧，满小廚係無嘅，而蛋，你都唔好痴想有正常分量！佢得兩條蛋…絲！蝦更加得好少………偷工减料……佢最唔偷工减料係油，多油到可以炒多個餸。唔會再去！！

在麗晶花園住了多年……終於有間好味底食的小菜……我己食過幾次……水準可以保持尤其蒸魚食得出係好新鮮……另外生炒骨同芝麻蜜餞骨都好味……而且又冇收加一……近近地街坊小菜值得再去

早上看完醫生，於午餐的這一個時段，我又想到來東九龍這一帶尋食，而我亦非常好奇地，再次要進在這啟業這一個荒島區域尋覓。因為時間充裕，這一次的目標就是更遠的，行多一個街口，我來到了這一個更孤獨的屋苑，《麗晶花園》。平常，在高架公路上，屋苑內的《麗晶商場》四字永遠都會引人留意的，而這一天，我就好奇地，特拜訪此商場。說食的地方，說少不少的，不過大多是沒什麼特色的茶餐廳，因為這商場的食肆，主要客源是來自附近的學校，周邊的地盤，偶有九龍灣商貿區行過來食飯的，當場也有屋苑內居民，說真，不能做高級亦不宜做高級，簡單茶記同連鎖餐廳就是最有效率的經營者。而我亦隨機地，挑中了這一家《滿小廚》，食返個晏仔。看了幾遍，我選了一個白汁焗魚柳飯，即叫即焗的，而且份量之大，餵得飽學生哥同地盤哥有突。不過，味道就只可以說一般，是頹飯的一種，夠大份，食得飽，是這一帶的經營宗旨。另外是奶茶，又是一個不能說好飲的奶茶，我只可簡單的說，一般般。沒什麼好食，沒有東西吸引我的《麗晶商場》，thats it。