滿屋日本料理 (大鴻輝(荃灣)中心) (已結業)

好耐之前試過呢間係大鴻輝嘅任食放題，朋友話最近啲set upgrade哂，有任食大拖羅海膽長腳蟹，即刻再黎試試～我地今日試最高級個set，每日$588+1～自助bar有前菜小食、炸物、飲品，同埋任飲日本熱清酒～D級重頭號！！！日本長腳蟹、大拖羅同埋新鮮澳洲海膽！！！長腳蟹好清甜，啖啖肉～大拖羅勁新鮮，入口即溶～澳洲新鮮海膽係我嘅最愛，第一次喺放題食到居酒屋級數嘅飲食海膽，勁正！！香煎鵝肝，好香又惹味～壽司都係好出色～我個人最鍾意佢嘅火炙壽司同卷物，超惹味，特別推薦火炙三文魚壽司，飯量唔會太多，又食到刺身嘅美味～清一清喉嚨，黎個生蠔鍋～燒物～個人最鍾意燒比目魚同埋雞軟骨～甜品時間，黎份燒菠蘿同埋炸牛奶，so far食左咁多，全部都有驚喜，好好食～最後最後發現，貴價雪糕竟然係任食，大癲啊！！真係好抵食嘅日式放題～

滿屋日本料理 (眾安街)荃灣眾安街55號大鴻輝(荃灣)中心10樓放題就食得多，但係咁高質真係第一次試，餐廳總共分左4個價錢，食物數目分別有73品，89品，102品及110品，而我地當然係揀左最高Level啦，難得出到黎當然要食餐好既，絕對唔可以待薄自己長腳蟹自己係超鐘意食蟹腳，平時通常係食buffet先會食到，估唔到連放題都有，蟹腳質素平均，每一條都好粗好厚肉，肉質厚實鮮嫩淡淡海水味，真係食到停唔到口精選壽司自己偏好鍾意食火炙壽司，放題就岩晒可以任點，今次試左三文魚，和牛，帶子，鰻魚，赤蝦。。香煎鵝肝即叫即煎既鵝肝好大塊，表面香脆而食落又有入口即溶既感覺，夾埋片青瓜一齊食效果更加好，無咁油膩感覺啱啱好海膽刺身呢個又係回本之作，海膽十分新鮮，淡淡既海水味又唔會覺得腥，可以無限encore呀

好多年冇食過日式放題隨住年紀漸長冇以前食得咁多份量發現依家放題嘅級數已經愈嚟愈高款式種類選擇亦都愈嚟愈多荃灣呢棟大廈改咗名做大鴻輝之後好多餐廳轉咗手不過人流依然不減我都係鍾意嗌佢英皇多啲餐廳用QR code落單每次揀廿樣嘢有少量前菜或熟食同嘢飲自己攞最極緻嘅可以食150分鐘有110樣嘢食除咗拖羅海膽蟹腳仲有鵝肝同花膠刺身壽司串燒炸物熟食應有盡有今時今日嘅放題真係好多元化😆首先講咗坐低就急不及待要食嘅嘢先蟹腳嘅質素同平時喺酒店食自助餐一樣海膽同大拖羅都有得食到飽真係好正刺身仲有赤貝同北寄貝同榮螺同赤蝦款款都一樣咁新鮮同大件唔會少另外推介返幾樣必叫嘅嘢食🍍燒菠蘿同🐟燒比目魚超級甜炸天婦羅係即叫即炸唔厚粉中式嘅有炆花膠扒同竹笙碗仔翅重口味啲嘅有燒羊架炸雙皮奶榴連炸彈最後仲有新出嘅馬卡龍雪糕同movenpick其實仲有啲烏冬同粥比較飽肚嘅同埋有啲細件頭嘅甜品選擇但因為已經食到捧住個肚走選擇多到根本冇辦法每款都食到每次落單都花多眼亂滿足感爆錶推介俾每個年齡層嘅大胃王😛午市12:00-15:00晚市 17:00-23:00

.滿屋日本料理（荃灣） 輕鬆回本日式放題🙆🏻‍♀️荃灣大鴻輝多放題就係人都知，你又知唔知邊間係有任食海膽、大拖羅😋?今日同朋友就發現左一間係有任食海膽、大拖羅嘅放題💁🏻‍♀️就係滿屋日本料理喇🎉……….我地簡左D餐：極緻（海膽、大拖羅、鵝肝）$598/人，食足150分鐘🎉特別推介海膽&大拖羅，海膽無苦味，好鮮甜，呈橙黃色，海膽控一定要去試試，一定可以滿足到你嘅海膽胃😋大拖羅每次限點4片，因為油脂都比較豐富，每次點4片食完再點，就唔會浪費食物啦～而且餐廳上菜好快，當晚不用5分鐘，點嘅食物已經送到😋大拖羅我地都叫左4、5轉，每次嘅質素都好穩定!! 每一片嘅肉質都係呈淡粉紅，偏白嘅顏色，厚薄適中👍🏻……….雖然鵝肝都係D. 餐嘅主打，但就比較薄身，薄身嘅好處就係唔洗太油，太快飽就試唔到咁多野😆……….雖然刺身、壽司都食得好滿足，但都要食返d熱野暖一暖胃，我地叫左蠔鍋&海鮮粥，串燒，等等，整體來說全部食物嘅水準都係中上，好值得去試試🙆🏻‍♀️鮑魚花膠都好有水準😋……….最尾，每人包一個雪糕，最近比較新嘅Häagen-Dazs chocolate macaroon 味都有，另外仲有Movenpick選

今日同朋友約好交換禮物🎁。因為小編去完泰國🇹🇭。而朋友岩岩去完日本🇯🇵。所以嚟個交換手信啦。問佢想食咩，佢話仲對日本🇯🇵念念不忘，所以想食日本野。咁就揀放題啦😋星期日嘅下午都坐滿成間餐廳😮，食放題嘅好處係咩都有得食🤪。而且滿屋從來無令我失望過😙。除左飲品有一般汽水🥤同紙包果汁🧃之外。啤酒🍻都係任飲。岩晒一家大細。而我自己最鍾意佢嘅食物當然係佢嘅刺身啦🐟🦐🦞🦀。刺身夠晒新鮮之餘，選擇亦夠多，除左有一般嘅三文魚🍣，吞拿魚🍣之外。最最最令我驚喜嘅係呢到有拖羅同海膽😋😋，而且食落去鮮味十足🥰🥰。食物新鮮，價錢合理，地方舒適，真係諗唔到咩理由唔嚟呢到食野🤣

朋友生日，他指定要食日本菜，還一定要近他放工的荃灣區。好吧! 見是他的生日，否則我也不太想千里迢迢由將軍澳走入荃灣。一提到日本菜，我就想起放題，因為有超多選擇，總有多樣適合他。餐店地方好大，座位好多，設有多張四人卡座、多排長沙發座的二至四人枱等等， 可容納不少客人，廊位亦闊落，客人出入自助區都好方便。晚巿放題有A-D餐，每個餐所包的菜式不同，當然收費也不同。既然是生日飯，當然食豪一點，選了D餐極緻放題，公眾假期前夕自選2.5小時成人收費 ($598+10%)。極緻放題共有110品，重點是有大拖羅、加拿大海膽和鵝肝，高質之選!******************************開飯前先準備飲品，有幾個飲品凍櫃，選擇超多， 凍飲有啤酒、汽水、果汁和清涼茶等等，還有熱飲，包括多款茶、熱水和紙包熱飲。但我通通都沒有取，為何? 以日式的酒瓶盛載，配埋日式小酒杯，很有feel，喜歡!選了冰涼的梅酒，梅味都算突出， 甜度中等，很易入口，好合我口味。******************************先去自助區，有熱食、凍食、湯、炸物、沙律等。我取了豉椒鰻魚、沙嗲雞粒、蔬菜、中華沙律、

之前同朋友食過大埔個間覺得都唔錯今日旺角既都有返咁上下質素而且價錢係放題比較算有性價比今日等埋朋友收工就去旺角呢間刺身算新鮮，蝦唔會霉～ 同埋上枱時間比想像中都快兩個人食因為驚浪費所以無點多少少咁前菜款式幾多 呢到只係部分夾左款款都製作入味壽喜燒有返咁上霉熱度 量足無慳料湯底幾甜 有蔬菜既甜味呢碟海膽回點左好幾碟！放題黎講海膽味道算中上 濃郁綿密口感 仲係唔腥臭！ 而且青瓜係脆爽同埋唔會隔一段時間先幫你再上一碟

今晚朋友提議食放題，就揀了御滿屋日本料理，位於荃灣地點方便， 卡位闊落舒適， 自助區食物整齊清潔。以放題來講，食物的種類及款式都好多，而且新鮮同好味，岩晒唔同朋友的需求。刺身款式很多，大大件，好像赤蝦刺身好粗身大隻、甜蝦、北寄貝、 赤貝、鮮帶子、鮑片、帝王蟹棒天婦羅、劍魚腩、八爪魚……等等。豪華版有中拖羅，海膽，刺身好新鮮👍🏻，正～熟食方面：雪花牛鍋、 麻辣小龍蝦、羊鞍、蒲燒鰻魚、蒜蓉燒生蠔、御品鮑汁燴花膠、海膽手卷、鹽燒左口魚邊及海膽吞拿魚茸壽司、燒汁鮑魚仔、 燒有機菠蘿、 鹽燒牛舌、 貓山王榴槤炸彈、海鮮粥，十分豐富，份量十足，鮮甜美味，尤其係海鮮粥必食。全部都做得幾好🤤，非常好味，最重要係上菜速度又快。 自助區有多款小食、甜品、爆谷、炸物、 飲品和酒類，各款都好吸引， 我就當然留肚食雪糕，Häagen-Dazs士多啤梨雪糕和Movenpick雪糕作結，非常滿足呀！整體款式多， 價錢合理， 地點方便， 值得推介。👏🏻👏🏻

價錢貴食物難食，見佢開咁耐仲未執笠就試一試，分4個級別價錢，揀咗第二貴嗰個要$488一位！除咗可樂同埋個雪糕係正常之外其他全部都係水準以下，例如清酒煮蜆完全無味，唔想嘥食物，食哂又辛苦自己，真係慘啲三文魚仲衰過爭先嗰啲，嗰個炒蟹完全係垃圾，好似拎d街市買$10有10隻嗰啲水蟹用來炒避風塘，乜蟹肉都食唔到！淨係食到一肚火，嗰啲串燒都未燒熱就送上完全唔香，自己拎包急凍雞軟骨放落鑊度煎仲好味過佢，從來未寫過食評，今次真係重大伏！咁嘅價錢食咁嘅嘢，鍾意俾人搵笨就即刻上去試吓啦

放假同媽媽去食放題，揀左有幾間分店嘅滿屋，都難得地豪一豪佢，試下最貴嘅set，都真係食過先知係真係貴得有原因，食物嘅level係唔同的。佢有分四個level，今次食嘅極緻係包晒前三個level嘅菜式，呢個level獨有嘅有大拖羅、加拿大海膽、海膽軍艦、三款大拖羅壽司、芥辣味避風塘炒蟹、香煎鵝肝。最鍾意係佢嘅大拖羅同海膽，大拖羅有啲入口即溶嘅感覺，之後飽左都忍唔住再叫。海膽叫左兩款，加拿大同澳洲，本身我都擔心會腥，但估唔到一啲都唔腥，而且份量都比得幾爽手🤪 佢其他最standard嘅刺身質素都唔錯，無budget叫貴啲set嘅話，我諗基本嘅set A/B都可以滿足想食刺身嘅口腹之慾🤭 另外特別鍾意汁煮鮑魚，煮得入味而同唔韌😋 其實今次食都食唔晒佢全部menu，因為實在太多了，出面仲有啲前菜、小食、甜品、飲品隨便拎，刺身想encore個肚都encore唔到，但最後每人限一杯嘅haagendazs/movenpick幾飽都要食滿屋食物選擇多，真係round一轉都食唔晒，質素都唔錯，要揀間放題同朋友、屋企人聚會都係個唔錯嘅選擇🥰= 滿屋日本料理 @superiormanya // 荃灣眾安街5

食放題最擔心就係任食會拖低食物質素而呢度完全釋除我嘅疑慮 野食相當唔錯今次揀咗極緻大拖羅 海膽 鵝肝三重奏瘋狂食大拖 海膽 松葉蟹 真係回本冇難度極品大拖羅 非常肥美有滿滿油香海膽軍艦 紫菜脆卜卜 海膽鮮甜加拿大海膽刺身Creamy鮮甜磯煮鮑魚炆得好淋好彈牙 調味剛好香煎鵝肝煎到外脆內軟 肥而不膩松葉蟹腳刺身 蟹肉鮮甜 比起自助餐更優勝放題三寶 芝麻雞翼 榴槤炸彈 香芋丸都炸得岩岩好 最後再嘆埋movenpick同哈根大師新款雪糕

荃灣大鴻輝是香港數一數二的放題集大廈，如果星期五六日晚上去食嘢，等𨋢嘅人龍仿如排機動遊戲一樣。今日下午突然想來個日式放題，又見電梯唔洗排隊便把心一橫來過快閃放題。作為拖羅fans的我，見到滿屋其中一個餐可以大拖任食，二話不說就呢間啦！先講環境，地方寬敞，好多卡位。自助食物區選擇正常，飲品卻非常多。最愛的冷泡茶減少放題的罪惡感，正！食物方面，好多選擇，大拖非常新鮮，魚油味好濃。蟹腳出奇地鮮甜。海膽任食，超開心。熟食方面推介羊扒、牛舌及雞翼,燒得非常香嫩。超級重點項目 - 煎鵝肝！外脆內軟剛剛好！值得一提的是，呢間餐廳調味方面廚師應該刻意想突顯食物原材料的味道，非常適合著重鹽份攝取量的客人，抵消食放題的邪惡！非常推介！樣樣食物都好新鮮，服務非常貼心！一定會再來！

呢間荃灣嘅滿屋日本料理，原來有分唔同價位，最平嘅二百幾都有🍣撞正放假，約咗個朋友試試個最貴嘅極緻大拖羅X海膽X鵝肝滄海三重奏(午市$528/1)🤍食豪啲啲！自助區有唔同飲品、甜品同前菜，包括有凍海鮮、沙律、炸物等等‼️重頭戲當然係拖羅、海膽同鵝肝，仲有長腳蟹，我哋主攻呢幾樣，瘋狂encore 🤍另外，刺身有三文魚、油甘魚、甜蝦、赤蝦、希靈魚、帶子、赤貝同呑拿魚等等，刺身好新鮮無腥味。壽司入面，火炙三文魚腩、花之戀、鰻魚等等，件件都少飯刺身厚！鮑汁扣花膠，花膠炆得好入味，好補！另外，燒牛舌、蒲燒鰻魚同西京燒比目魚都係每次必食，食落啖啖肉🤤

今日我哋餓左一日，就係為咗黎到滿屋食佢既海膽、鵝肝、大拖羅放題🤤🤤，有邊個會唔心動呢？呢度分咗4個唔同價錢唔同等級嘅放題組合，而個豪華版既放題係最正嘅極緻組合， 我地一於要食盡佢呀！ 🍽️係過百款嘅選擇中，頭一炮就叫左加拿大海膽、海膽手卷、海膽軍艦、三文魚籽海膽拖羅蓉軍艦，仲有極品大拖羅、松葉蟹腳等等。見到呢啲食材就會明白佢貴得來係有原因既！海膽食落鮮美綿滑，唔怕有腥味，我地仲自製左三層樓高嘅海膽軍艦呀，大滿足！放題最緊要既唔係食物款式夠多，而係食物質素好唔好。呢度有好多我哋都會無限encore嘅嘢，特別想提嘅有爽口彈牙既鹽燒牛舌；入味淋身既磯燒鮑魚；肥美既香煎鵝肝 熱辣辣炸起既榴彈炸彈，流心餡超正；迷利焗蟹殼，一口一滿足！🍣除咗呢啲之外，仲有好多種唔同款式嘅炸物、壽司、刺身，而飲品方面一啲都唔馬虎，有自家製嘅各款冷泡茶，同幾個雪櫃既凍飲，最特別嘅可以任飲梅酒清酒！仲有個好貼心既健康熱飲corner，有熱維他奶，熱檸檬薏米水，熱冬蜜青靈，實有一款會岩你。🍸🍹🥃🍶食到最後， 每人可以點一杯指定雪糕（Movenpick, HaagenDazs）， 唔夠喉嘅，其實出面仲有一大個甜品櫃同雪糕櫃架

食日式放題，最開心就係咩種類嘅食物都有，滿足唔同嘅願望🥰呢日我哋嚟到荃灣嘅「滿屋日本料理」，呢度有四種唔同嘅套餐，我哋直接就選擇咗D餐 極致套餐😝種類真係非常多，包羅萬有🤪刺身已經有好多款式，三文魚、北寄貝、北海道帶子、大赤蝦，應有盡有🤩赤蝦果然好大隻，就嚟長過隻碟🤣而呢個餐最特別嘅係有加拿大海膽刺身，而且仲有極品大拖羅🤩仲係放題任食，真係好罕有！大拖羅油脂豐富，入口即溶，而海膽刺身亦都新鮮綿滑🥰而呢度亦有松葉蟹腳，剪開蟹殼之後，見到蟹肉一梳梳，原隻蟹鉗同樣啖啖肉，味道鮮甜😍火炙芝士和牛壽司、火炙中拖羅壽司，兩款壽司都令人食到停唔到口，表面有輕輕焦香味，雖然係芝士配搭和牛，但味道一啲都唔膩😋鮑汁燴花膠，花膠厚身大大塊，煮得好入味☺️汁煮鮑魚以及香煎鵝肝，估唔到日式放題會有鮑魚同鵝肝，鵝肝脂香感十足，鮑魚彈牙🥰芝士焗蟹蓋、西京比目魚、吉列炸蠔，呢幾款都非常高質，種類真係有好多🤪食完成餐都真係飽到上心口🤣