滿屋日本料理 (已結業)

前兩日女朋友過嚟接我收工 我哋兩個都掛住做嘢 晏晝淨係食咗少少 所以夜晚好肚餓🤭所以決定一齊去食個放題 刷餐勁嘅！呢間放題係我哋之前都有食開 質素同價錢都唔錯 而且宜家佢哋仲好似有折 一於就去食飽飽先😋上到去等左一陣就有位！呢度嘅自助吧枱都有好多選擇而且嘢飲種類都幾多 除咗汽水之外仲有幾個外國牌子嘅啤酒揀添！之後我哋急不及待就坐低叫嘢食啦！刺身 天婦羅 燒物 熱食等等當然唔少得啦😏刺身終於到！呢度嘅三文魚同埋比目魚嘅肉質都幾肥美而虎蝦都好新鮮 大大隻又彈牙👍🏻👍🏻•蒲燒鰻魚🥰•-另外我就好鍾意食呢度嘅鰻魚 一來鰻魚肥美 二來加埋啲醬汁一齊食 超惹味阿！•榴槤炸彈💣芝麻雞翼🐤•-另外呢度其中一項必食嘅就係芝麻雞翼啦！佢哋嘅雞翼炸得啱啱好 表皮勁脆勁香 但入邊嘅肉就好鮮嫩多汁🙈•雞軟骨🐤•-呢串雞軟骨都燒得好香脆 外邊皮脆味美 入邊嘅軟骨就好有咬口 加埋啲檸檬汁喺面 可以減低個油膩感👍🏻•燕窩燉蛋🍮•-另外呢個係佢哋新出嘅燕窩燉蛋 雖然份量唔多 但竟然有燕窩食咁高級😏而佢哋嘅燉蛋都整得好滑溜 蛋香味濃👍🏻•焦糖脆餅雪糕🍦•-最後佢哋仲有兩個大牌子嘅雪糕可以俾大家揀 另外仲有一隻口味係期間限

好耐無出黎食飯, 今晚食返餐放題先!門口有搓手液比顧客使用，見到侍應職員有戴上口罩同手套，使用既餐具係一次性筷子，門面衛生做得唔錯。二人有卡位坐，都幾好，唔洗好似一般放題鋪咁要人搭枱，呢個時勢好忌除左口罩同唔識既人一齊食飯。有zero飲，正前菜有我鍾意食嘅螺肉，中華沙律。凍蝦唔錯！爆谷有部分幾好食但有部分林左，溫泉蛋味道較淡，牛肉鍋很好吃😋菜很入味離開個陣聽到有顧客訂左枱，原來佢地經openrice訂枱仲有9折，變相唔洗加一，呢個價錢食到飽又有咁既質素都算唔錯！

今日約咗老公嚟銅鑼灣做運動，做完當然要去補充體力啦，今晚同老公去咗銅鑼灣嘅滿屋食放題🤤刺身款式應有盡有，包括三文魚、油甘魚、吞拿魚、帆立貝、甜蝦、大赤蝦、希靈魚、北海道角螺等等，全部都好新鮮好鮮甜，質素好高😋油甘魚，魚味甘甜，味道唔錯。特別係大赤蝦超級大隻，蝦肉粗身，爽口滿足😻帆立貝超級大粒，勁厚肉，真係無得輸👍🏻呢間餐廳有別於一般的日式放題，店內特地劃分了一個闊落的自助區，好像自助餐般，有小量海鮮、前菜、沙律和熱湯等可自由拿取。海鮮有海蝦、凍蜆和翡翠螺供應，又有麻醬豆腐、螺肉、八爪魚、海蜇等前菜，仲有即炸三文魚皮、炸多春魚、炸蝦🍤等炸物，食物非常豐富😋呢到除咗有刺身之外，仲有壽司、手卷、燒物、炸物和一品料理等日式食品，選擇非常豐富。花之戀細細粒，多吃幾件也無罪惡感😆海膽手卷好Creamy份量都算多🤩炸物款式都幾多，有芝麻雞翼、吉列炸蠔、炸榴槤和天婦羅，全部炸物都熱辣辣上枱，夠晒香口😋燒比目魚和鰻魚都勁滑，油脂爆曬出嚟，好好味🤤鹽燒海蝦好大隻又新鮮👍🏻同易脫殼，啖啖肉，真係好食到冇朋友😆繼續叫大大粒嘅帆立貝和大大隻嘅大赤蝦🤤大赤蝦仲粗過我手指🤣飲品選擇超級多，仲有任飲啤酒🍻梅酒🍸清酒🍶

心癢癢想食放題再次黎到滿屋！真係好鍾意食滿屋 都食左好多年😂😂選擇都一樣係咁多架！冷熱飲齊哂 啤酒梅酒都有！有自助區有海鮮 沙律 後面有爆谷 冷盤 再後面有熱湯 熱盤，熱盤有三文魚 大大件好正 老火湯都好正呀😂仲有葡撻！一開始梗係要食刺生啦🤤好新鮮好肥美 帶子最肥架 好大粒好鮮甜唔款款講喇 因為款款都好味牛油粟米同炒菇菇好香口 芝麻雞翼就實好食架喇壽司同串物都唔錯壽司唔會大大件塞滿個胃串物唔會乾爭爭鰻魚食左4件哈哈 比目魚好滑 黃金帶子大粒辣酒煮蜆唔會甩走哂啲蜆肉 無沙幾好 但唔夠辣🙈一大個甜品櫃 另外每人一杯雪糕食埋甜品就滿足哂了！另外仲有食左好多食物 無乜野可以挑剔上菜速度快 同埋無漏單 keep住水準會繼續幫襯！

好耐都無吃過放題了，今日趁住疫情開始緩和，出來透透氣，吃返餐放題。6點入到餐廳已經有幾檯客人吃緊，雖然我們兩個人，餐廳都安排咗張6人檯俾我們坐，而且盡量同隔離檯隔開，侍應都戴口罩同手套，感覺都比較乾淨。坐低第一時間就係揀嘢吃，種類都算多，除了寫紙仔，外面仲有甜品櫃、熱吃區、小吃區、沙律區，仲有包谷機，小朋友一定勁開心。😋刺身質素不錯，最驚喜係大大隻的原隻帶子，勁厚身，虎蝦都好大隻，成個手掌咁長。平時我吃放題都好少吃壽司🍣，因為容易飽肚，今日竟然吃了差唔多十件，因為真係好好味，壽司飯細細件，魚生新鮮。燒物都唔錯，有水準，全晚無漏單，上菜快，抵吃!最後當然唔少得雪櫃啦，好滿足!

好想食日本嘢，清新唔油膩，但又驚唔夠飽，最好就係食放題經濟實惠，今日嚟銅鑼灣 滿屋，就放縱一下自己！冷盤食放題梗係食個刺身拼盤先，有三文魚、油甘魚、吞拿魚、希靈魚、帆立貝、北寄貝、甜蝦、赤蝦。 三文魚肥美，油脂甘香。希靈魚有很多魚子有嚼口。甜蝦鮮甜爽口！凍海蝦、大蜆、海螺、日式螺肉、海草、沙律前菜和餐湯，就自己喺吧檯攞，有酒店自助餐質素！食魚生最好就係配清酒，呢度冷、熱任飲，仲有梅酒供應!熱葷壽司、串燒、天婦羅、中華料理，貪心的我，每樣都想試下！ 個人喜歡火炙壽司， 陣陣焦香特別惹味，推介火炙鰻魚和芝士蟹棒黃金燒！天婦羅炸得好脆 冇油益味，特有龍躉天婦羅，第一次食，肉質嫩滑鮮甜！燒羊架肉質嫩滑軟熟，油脂均勻啖啖肉。 燒海蝦肉質爽滑。仲有我嘅至愛燒蕃薯仔，香口腍身甜甜地!甜品Haagen dazs雪糕，每人一杯仲有限定口味。其他自製小杯甜品，就自己出去雪櫃攞，好多款式色彩繽紛，絕對不遜酒店級數！

最近肺炎嘅關係，大家都好少去食日本放題☹️☹️但係真係忍唔住😇😇😇冇食咁耐真係好掛住😣😣😣所以今日就嚟咗銅鑼灣食日本放題啦!😎😎好老實講人流真係少咗好多！但係可能因為人流少左嘅關係，質素都有所提升呢間日本放題一向選擇都幾多！淨係紙都填到你手軟😂😂飲品位都係有咁多飲品選擇😇😇冷盤為明顯甜品嘅選擇多咗😇😇要先講一講刺身，刺身上到嚟明顯新鮮左！仲大嚿左！炸物更加唔使講，上到嚟熱又脆🥰🥰一定係即場炸嘅先有咁嘅效果😋😋😋連天婦羅蝦都大隻過人🥳🥳呢個羊架直頭出色！可能都係即場煎嘅關係，所以肉汁所得好好，而且又大塊真係好過癮😋😋😋呢條蕉唔好睇佢樣樣衰衰，但係真係好好味😍😍😍佢外面嘅焦糖脆卜卜，配埋本身香蕉嘅香甜簡直一流😛😛😛最後每一位客人都可以有一客雪糕🙆🏻‍♀️🙆🏻‍♀️🙆🏻‍♀️

好耐無食過放題啦, 滿屋係以前讀大學既時候成日都會食, 但一grad左就好耐無食過喇😂今次終於都約返friend食! 🥰 唔知係咪人大左 發現其實放題都唔貴！$248就食到啦！😳但係依家無左芝士年糕啦 紫芋丸仲有薯格但都放左係出面 都唔敢食出面buffet形式既野食了😭😭 唯有淨係叫單點食物 魚生就係放題基本啦☺️☺️ 發覺佢地既壽司🍣進步左 仲進步左好多！依家仲有花膠食添架！我地即刻一人叫左一碟食😆 另外想提既係佢地有8寶蟹蓋飯 好得意 入面係糯米飯 又有d 8寶個d粒粒 咸咸甜甜咁😂

上次去完食放題真係食上癮啦 所以我隔咗幾日又再去食啦今次我就係我平時成日去嘅地方銅鑼灣 搵到一間好正嘅放題原來同我上次寫嗰間屬於同一個集團 不過呢講真我覺得銅鑼灣呢間坐位好d 冇咁迫 同埋坐得舒服啲可能因為疫情嘅關係啦 小食就少咗啲不過其實都好足夠 同朋友今次試咗上次冇試過嘅嘢食 我好鍾意佢個蜜糖香蕉啊仲有當然唔少得刺身同壽司啦 不得不提嘅一定係個海膽手卷 好欣賞佢嘅手卷唔會整到好大舊 咁就唔使食咁多飯啊 放題來講有海膽真係好少見㗎甜品其實佢哋都好貼心 一人有一杯雪糕 雪糕唔係cheap野嚟㗎 飲品之前都係好多選擇 真心推薦呢間放題

滿屋個場好大，但係我個人來講啲位就覺得偏窄啲嘅~尤其如果兩個人嚟食得一張枱嘅話就叫得多嘢食都唔知放邊度好😝今次職員就拍埋左兩張兩人枱😋一開始梗係要食啲冷盤先! 我最最鍾意呢度嘅壽司就係因為紫菜好脆🤣🤣喺佢即刻整嘅認證！壽司嘅種類都好多，而且都有基本野之餘又有啲特色嘅😛我特別鍾意食火焰牛油蒜蓉三文魚🍣佢燒咗少少三文魚之後有好香嘅蒜蓉味感覺好夾🤩左口魚同埋鰻魚都唔錯💗唔太鍾意食魚生嘅我都會覺得呢個三文魚幾淋幾好食~沙嗲雞串花生醬味幾出😆燒比目魚唔使太多調味燒一燒已經好正👻幾鍾意食呢度嘅天婦羅，因為佢炸得好薄，而且個蝦仲係好軟身~天婦羅都係配蝦最夾龍躉有啲怪~芝麻雞翼我覺得係必點! 因為佢勁香好食過KFC🤣🤣個皮同芝麻炸得好脆🥺飲品方面我覺得呢個濃可可唔錯~雖然飲得出佢係沖嘅可可粉味，但係佢係真係濃嘅，所以我都幾鍾意飲！另外佢有得沖熱茶~烏龍同埋玄米茶包都係我會沖嚟解膩嘅😋最後職員每人派一盒Mango & Rasberry味嘅Haagen dazs，比較少喺街上面會買嘅味，呢兩種水果夾埋一酸一甜咁💗

其實呢一間嘢，我上年尾試過一次，咁我覺得呢間嘢都唔錯， 咁今次因為朋友生日所以特登帶佢嚟呢一間度再試下，同埋上一次我有啲冇點嘅嘢食，今次想試返同埋睇下呢度質素有冇變到。 幾好因為咁似我哋都算多人嚟食 侍應畀咗張卡位我哋一齊坐，坐得都算ok幾舒服。鹽燒海蝦： 呢個我記得上次未試過今次要叫返好彩嗌多次， 因為呢個海蝦燒起上嚟幾有鹽燒味同埋保留住蝦嘅爽滑所以呢個我覺得唔錯。鹽燒雞軟骨: 呢個雞軟骨我覺得以小食嚟講幾好食，今次唔錯同埋記住拎罐啤酒嚟送呢串雞軟骨，我建議可以飲hoegaarden餸，感覺好似去咗居酒屋一樣。 有串燒加啤酒。芝麻雞翼： 呢個芝麻雞翼燒得啱啱好，而且有我最鍾意嘅芝麻，芝麻味都幾香、都係嗰句，呢啲小食送啤酒一流感覺好似居酒屋咁樣唔錯。蟹子軍艦、生葵八爪魚軍艦、香蔥吞拿魚蓉軍艦、黑松櫻花魷魚軍艦： 其實都唔使多講，因為啲軍艦我覺得每個款都幾新鮮同埋雖然係細細舊，咁令到我係試過其他野食。紐西蘭羊鞍: 羊鞍肥肥哋幾啱我嘴型，因為如果瘦得滯嘅話，就唔係太juicy，呢個夠曬juicy同埋有羊肉嘅蘇味唔錯唔錯!!最後大家可以睇下我啲相，我雖然冇乜點樣寫魚生，但係因為魚生個個都必食

今天相約朋友到銅鑼灣大吃一餐，所以選了去吃放題餐廳內大部分都是梳化坐位，位置寬躺，感覺舒適食物有部分是自助形式，包括冷盤，沙律，炸物，餐前小吃，飲品和甜品冷盤有蝦和蜆肉，十分鮮甜而小吃竟然有葡撻，燒賣和多春魚！十分驚喜，都是熱辣辣的而其他放題食物便是點餐的，食物選擇真的很多！吃放題當然要點刺身！賣相非常好，最重要是沒有走數！甜蝦真的很大而且很鮮甜，真的媲美日本餐廳的質素壽司款式也很多，也有貴價的海膽和鵝肝，真是回本必點燒物就有燒羊架，滿滿肉汁而且不會很羶燒菠蘿是很推薦的，咬下去滿口菠蘿汁，非常香甜天婦羅也同樣出色，炸粉不會很多，香脆可口，最特别是有龍躉天婦羅，是出奇地好吃最驚喜是有鮑汁燴花膠，花膠很厚很有口感，也是回本必點總括來說食物選擇多元化，有很多食物還想食，但真的吃不下了，食物質素比一般放題高質，絕對對得起這個價錢！

最近就去左銅鑼灣好多好評既滿屋食放題 平夜晚正常時間$238一位 任食2小時 價錢係銅鑼灣泥講絕對合理 而且仲好多野食添🥳類別有刺身 壽司 卷物 串燒 一品料理 燒物 炸物 天婦羅 鍋物等等🤤 除左紙仔 仲有半自助食物 可以夾前菜 沙律 小食同甜品 選擇非常豐富🙊剌身我地試左牡丹蝦 甜蝦 三文魚 希靈魚等等牡丹蝦非常大隻 甜蝦都唔細 肉質甜美 質素不錯👍🏻 壽司細細粒一件 唔怕食唔落其他野 我就比較鐘意食炙燒過既 個人就推薦火炙牛油蒜蓉三文魚同鹽燒左口魚邊 質素高 魚油豐富好味😋手卷可以揀海膽手卷 同樣細細件 唔會腥😛 串燒就一定要食牛舌同鹽燒海蝦 牛舌調好味 燒到岩岩好襯熱食仲好有肉汁而海蝦就好新鮮 肉質彈牙 輕輕用鹽調味已經好鮮🤤 燒物就可以揀羊鞍同蒲燒鰻魚 都好惹味😚仲有好足料既雪花肥牛煲 超多肥牛🥳飲品都有勁多選擇 除左平時大路既飲品 仲有啤酒 解茶 同茶包 茶包都有烏龍茶 玄米茶同煎菜🤩 更特別係有梅酒清酒飲 超正🥳 食飽飽每人仲有一杯雪糕食 可以揀Haagen Daz Movenpick Dreyers 一定有款岩你食🌟

今日去到滿屋食放題 佢哋嘅魚生不單止好新鮮服務態度亦都好好佢出邊有個自助嘅部份包括有凍嘅頭盤 有泰國鳳爪 葡撻 各種各類嘅嘢食 就連爆谷都有係自助嘅首先我哋帶咗一盤刺身包括有三文魚赤蝦甜蝦帶子等等佢哋全部都好新鮮亦唔會好似其他放題餐廳咁比少咗 要幾多份量就有幾多天婦羅 亦都有我鍾意嘅紫薯同埋蘆筍 天婦羅非常好 佢哋有個榴槤炸波波係非常之好食如果你鍾意食榴槤嘅話就一定要點啊而熟食有好多選擇有牛柳粒 羊架 粟米非常多嘅選擇亦都有粥粉麵飯我就叫咗個牛肉烏冬啦佢裏面啲肥牛都好正㗎肥瘦都好均勻 我覺得呢度嘅性價比非常之高

講多次食得哂先至好嗌呢間放題係俾足嫁唔好寫太多呀🤣刺身有好多好新鮮仲有兩款蝦，甜蝦赤蝦都係我最愛仲有帶子大大粒三文魚勁厚切希靈魚嘅口感都好正都係必叫鵝肝帶子壽司同鰻魚玉子都唔錯熟食好食嘅有鹽燒牛舌👈🏻encore 再encore芝麻雞翼蒜香牛柳粒牛肉鍋👈🏻我地連呢個都encore😋好食嘛辣酒蜆羊架天婦羅飲品方面有好多酒😍仲有清酒🍶雪糕一人有一杯識嘢嘅人唔洗考慮一定係caramel biscuits😋😋😋