滿屋日本料理 (已結業)

今晚同朋友兩個講起好耐冇食過刺身啦，就即興走上去銅鑼灣廣場嘅一間日式放題，又咁啱有位可以食到～兩個人都安排到一張四人枱，夠晒闊落，叫多啲野食都放得到。坐低咗之後先望一望點餐紙，叫咗一輪刺身同壽司🍣先。刺身推薦大赤蝦同帶子啊！！！非常厚肉同大大隻，encore咗兩次！其他刺身都係不過不失嘅水準啦！因為我哋兩個女仔怕食太多飯會飽肚就冇叫太多壽司同手卷，不過都好推薦火炙芝士蟹棒壽司，仲有海膽手卷（係見到隔離枱叫個飯好細個所以先敢點haha）然後走出去熟食區兜個圈，都有好多選擇喎！除咗日式前菜小食之外，仲有自助沙律、中式小食、甜品水果區、驚喜嘅係竟然有焦糖爆谷同芝士撻！返去叫埋熟食先。熟食水準都唔錯，比較推薦嘅有羊架🐏、燒菠蘿🍍、天婦羅蝦🍤⋯⋯最後我哋仲叫咗人哋食放題唔會叫嘅肥牛鍋🤣，但竟然係幾好味！最後每人可以自選一款雪糕，真係食到「反晒艇」，好滿足啊！

朋友話銅鑼灣有間抵食既放題，咁岩係個頭放工，諗都唔洗諗即刻book枱試下。7點鐘入座，入座起計兩小時，人均$238。坐定定之後，緊係出飲品櫃同熱食區拎番罐野飲同熱食。疫情期間，離開個位都要帶番口罩，保障衛生嘛！飲品櫃總類豐富，基本既汽水、果汁、支裝茶、涼茶都有，最估唔到竟然有清酒同梅酒任飲。諗都唔洗諗，斟番杯清酒飲，入口清新、涼快。熱食區種類繁多，沙律、炸物、熱葷應有盡有，拎左炸薯格同鹵水雞翼。炸薯格有少少凍，味道不錯可以接受。鹵水雞翼味道濃郁，熱度岩岩好，值得一讚。黎到主菜既部份，首先登場既係海膽手卷同龍蝦沙律手卷。海膽手卷鮮味濃郁，龍蝦沙律手卷不過不失。蕃薯仔燒得岩岩好，一啖食落去口感綿密，忍唔住要再叫多兩串。免治雞肉串好淋，加埋燒汁好好食。脆香雞翼同某連鎖快餐店唔同，並沒有炸漿係面。食落口辣辣地。吉列炸蠔炸漿均勻，鮮味濃郁，有啖啖既海水味滲出。南瓜芝士波波炸過龍，呢度扣分。一啖咬落去，大量芝士湧出黎，鐘意食芝士既人唔可以錯過。牛舌牛味濃郁，火喉岩岩好。壽司入邊，我地叫左鰻魚、左口魚邊、火炙芝味和牛、火炙海膽蟹棒壽司同埋火焰牛油蒜蓉三文魚。壽司味道都不錯，但唔建議叫太多，食多左咪食

我每逢諗唔到想食乜，就會衝去食放題，貪佢乜都有得食得來價錢又比自助餐平好多，今日就去咗銅鑼灣呢間滿屋食佢嘅放題。佢嘅點餐紙上面每一樣食物都係圖文並茂，非常清晰，保證唔會點錯嘢！自助飲品區有好大個雪櫃，有接近30款飲品俾食客選擇，有糖無糖、有氣無氣嘅飲品都有得揀。最正嘅係連日本清酒都有得任飲，真係好高質！仲有好多冷盤小食俾食客選擇，最正嘅係有翡翠螺同凍蝦。鍾意食放題嘅主要原因就係有無限量嘅刺身任食，呢間放題刺身款式選擇多，而且仲有大大粒帆立貝同埋大大隻牡丹蝦，食多幾隻都已經差不多翻本！壽司款式都選擇多，有啲配搭仲幾特別！特別推介佢嘅炸雞翼同埋燒菠蘿，我encore咗兩次。串燒同牛柳粒味道都唔錯。佢連鍋物都有好多款，我就揀咗「清酒煮花甲」同埋「牛肉壽喜燒」。以下呢三款係出面比較少機會食到，真心一試無妨！當然最正就係每人有一杯雪糕，我哋就揀咗哈根大師，蜜瓜味超正！

平時番工咁辛苦，偶爾都想食放題慰勞一下自己同放肆下！香港有唔少日式放題餐廳選擇，今次就揀左位於銅鑼灣嘅滿屋。呢度嘅座位以卡位為主，坐得幾鬆動唔會有壓迫感，除左用紙仔任點嘅料理之外，大堂中間位置亦提供唔少冷盤例如凍蝦、花甲、螺肉同埋沙律菜等等，仲有幾款小食例如炸薯格、炸魚皮同埋印度薄餅等。但我就對呢D前菜興趣不大，因為想留番個肚試主菜！首先來一客刺身拼盤：三文魚、帶子、吞拿魚、白身魚薄切、甜蝦同埋黃金魷魚。各款刺身都好新鮮尤其是三文魚同帶子！帶子超大粒又新鮮又肥美。吞拿魚最一般可以唔試。到我最期待嘅壽司🍣好貪心嘅我幾乎餐單上每一款都點左！款式實在太多不能盡錄，我最喜愛嘅幾款包括：京蔥三文魚腩、火焰牛油蒜蓉三文魚、火炙海膽蟹棒、鹽燒左口魚邊、蔥吞拿魚茸軍艦、海鮮火炙三文魚卷、鰻魚壽司等。呢度仲有得任點海膽手卷，食多幾客都已經回哂本了！！另外點左幾款熱食同炸物，有銀雪魚西京燒、雪花肥牛鍋等。我最愛竹笙瑤柱蟹肉翅，每碗入面都有大大舊竹笙，加入左麻油同紅醋，食落有D似碗仔翅。肥牛鍋嘅牛肉好嫩滑，配埋滑蛋一齊食好夾。炸物種類都幾多，有炸雞翼、吉列蠔、南瓜芝士波、紫心香芋丸、榴槤炸彈等。炸蝦天婦羅層

每次約朋友都很喜歡食放題， 銅鑼灣的滿屋日本料理一開的時候我已經來捧場， 到現在都保持一定的水準。 大約二百幾蚊一位， 就可以有很多美食選擇。記得好早期開的時候是沒有自助吧檯的， 現在自助吧檯上已經有凍海鮮，小食，沙律，雪糕機， 冷熱盤，炸物，甜品，生果和酒類， 還有一部爆谷機。 一去到第一件事我就點了刺身和壽司， 然後拎了一支熱sake🍶， 暖一暖胃。 ✨飲品櫃上面還有很多不同種類的飲品， 啤酒，汽水，果汁，茶類， 還有apple cider， 非常多選擇。 ✨刺身種類有三文魚，劍魚腩，北寄貝，甜蝦，大赤蝦，螺片，蟹柳和帶子， 全部都非常新鮮。 ✨壽司🍣和軍艦🍣我都食了很多， 我發覺每一次食壽司都好似有兩個胃， 因為我太喜歡吃壽司了。 滿屋的壽司品種很多， 還有我最喜愛的海膽手捲。 ✨之後就到羊架， 黃金燒帆立貝， 鹽燒牛舌 ，燒蝦，比目魚和燒有機菠蘿。羊架有點硬，沙律醬比較多蓋過了帆立貝的味道， 鹽燒牛舌薄切， 燒得比較乾身， 燒蝦大大隻很新鮮， 比目魚太油膩了。 燒菠蘿味道清甜，好味！ ✨重點推介貓山王榴槤炸彈， 如果喜歡吃榴槤的朋友不妨試一試， 金黃色的炸彈入面有濃郁的榴槤蓉，

今日跟朋友行完山後去食放題，由下午8時35分入座後很快落單，但遲遲都未有食物送上枱，我們把三碟自助小食都食光仍在等，最後差不多到九時才送上第一盤凍食，之後陸續送上幾盤凍食，但不見有熱食上枱，我們以為是廚房漏單，於是再重落熱食的單，可是仍不見踨影，約在10時，一名職員前來通知我們先結帳，我們十分愕然，於是向職員強烈投訴只上了幾盤凍食，沒有熱食送來的情況下竟叫我們埋單。職員雖然再幫我們跟回熱食，但已經食到一肚火，原來有幾樣覺得好味的想重叫都沒了再落單。我明白星期五晚多客和可能職員人手不足，有些可能會出現漏單情況，但沒理由可以只漏全部熱食，是熱食廚房沒有人工作還是刻意漏掉。食物方面，凍食尚算ok，凍大蝦肉質肥美，帶子算大隻，飲料有很多選擇，又有啤酒清酒。但熱食就不行，醉酒煮花甲沒有酒味，花膠雞鍋可以食出花膠雞肉跟該鍋湯是出餐前才放落個鍋內，其他熱食都不是很熱，應該是一次過煮很多，有客落單才送出來。總括而言，約二百五十元一位來說不算物有所值，而送餐速度及方式就十分差，影響到進食體驗，個人不值得推薦，亦不會再食。

5月1日四天連假不能外遊，因為肺炎疫情，連出街食飯都要提心吊膽，左顧右盼😪家中三隻化骨龍非常懷念去過N次的日式放題，最後選擇了銅鑼灣極上大瀛喜。四人入坐被安排至自成一角近飯品櫃的6至8人梳化座，頓時覺得被upgrade，坐得非常寬躺。兩輪刺身盤，全部都非常新鮮。平時嘴刁的小化骨龍，人仔細細獨自Ko三件羊架，我可以再品嚐此店獨有炸榴連球，花膠、蟹粥更被大化骨龍清咗。完全係為了冇得返鄉下，同時香港又零確診而喪食。唯一美中不足嘅係沒有HaagenDazs及Movenpick 雪糕作結，大失望吖😫

個朋友話想食日本嘢，但係又大食，所以就去咗食日式放題，嚟咗呢間滿屋。唔知係咪以前食放題比較多，所以其實都充滿期待，有返一定嘅期望。啲嘢食嚟得幾快，環境都唔錯，嘢飲嘅選擇好多，不過食起上嚟慢慢就開始有啲問題😅整體上壽司都唔錯嘅，但係鰻魚壽司有啲怪怪地，同一時間，明太子蛋上面嗰啲明太子醬好似有少少酸味，疑似過期，食完佢三個人都覺得有啲奇怪，所以都冇食落去另外一碟黎嘅鰻魚味道都唔錯還可以，好彩佢另外仲有一啲雞翼呀或者其他炸物都幾好味😂😂可惜魚生冇影到相，其實普通嘅魚生都還可以，係凡係蝦嘅壽司同埋魚生就唔多新鮮，就算佢個天婦羅都好，蝦嘅天婦羅始終食落去有啲怪怪地，其他嘅天婦羅都幾好味😂😂如果大家去，可能可以嘗試避免下有關蝦嘅嘢食，其他嘢都還可以㗎

最近有朋友生日去咗銅鑼灣食放題今次我哋揀咗銅鑼灣廣場嘅滿屋放題本身諗住晏晝會比較少人去但入到去都幾多人食lunch Time同埋亦都有午市定食自助吧都有好多嘢食😋😋壽司你又唔會好大嚿飯 入口啱啱好而家好少搵到有放題店有劍魚腩刺身食😋但都算幾甜 幾新鮮 三文魚刺身都幾新鮮😋😋唯獨係店員話油甘魚刺身冇貨冇得供應咁食放題梗係食刺身㗎啦點知話冇貨真係有啲失望 我個人認為熟食嘅話牛舌 羊架 都好好食😋我最好就係冇人有杯Häagen-Dazs雪糕😋整體而言都可以接受下次有機會都會再食多次😋😋

好耐無出街食飯，受疫情影響好多餐廳都冇生意，今日食嘅呢間餐廳係以放題為主，呢間餐廳喺疫情影響下仍然受到好評想到餐廳餐廳環境非常之乾淨，座位亦都夾得好開，令客人用餐嘅時候好放心，餐廳係以日式為主，但亦都有其他國家嘅種類例如泰菜沙律吧，有各款新鮮嘅蔬菜配合唔同嘅醬料食落非常之新鮮炸物種類繁多，個人推介佢嘅雞翼非常之大隻多汁，食得出係即叫即炸串燒即叫即燒，個人推介串燒牛脷，厚切多汁，味道非常之好完全唔需要點醬汁，串燒每月都會加配檸檬，令客人食嘅時候減少油膩感非常之窩心最好味道都係係你嘅日式主食，刺身即叫即切，肥美新鮮，必食推介有佢哋嘅帆立貝同埋三文魚，壽司亦都好好味，壽司飯不會太大，令你嘅壽司食嘅種類會比較多，同埋食得出佢哋用魚嘅係非常之新鮮，雖然受疫情影響但係值得一讚嘅係佢哋用嘅食材非常之新鮮絕對唔會馬虎

滿屋 - 日式放題最近受疫情影響，很多時都在家中，外出的次數少了很多，所以在難得嘅一次外出，選了款式多的日式放題。首先當然是日本新鮮的刺身，當中我最喜歡的是厚切油脂豐滿的三文魚和鮮甜的松葉蟹棒。然後這間日式放題有提供海膽壽司，以這種價錢可以冇次數限制，總共應該叫了三輪海膽手卷吧，海膽鮮甜，一點腥味也沒有。再來是熱騰騰的天婦羅，超長的大蝦天婦羅，外皮炸得鬆化，內裏的蝦肉彈牙；而且有非常特別的龍躉天婦羅，魚肉非常嫩滑。炸物除了天婦羅，還有自家製的吉列蠔，今年，非常鮮甜，一咬開時非常多汁，愛蠔之人必食！放題當然少不了串燒，鹽燒牛舌的時間剛好，牛舌不會太乾太韌。還有燒有機菠蘿，輕輕燒一燒後，菠蘿的甜度更加充分地逼出。最後以一杯冰凍的雪糕作為結尾，消濟解膩又滿足。

嚟到任食時間當然要揀間五花八門嘅食材先得喇 呢一間就唔錯啦 仲要周不時都有好多人排隊去食 一諗到任食放題就已經流晒口水啦 入面其本上咩都有得食 仲有燒酒同梅酒飲吓 仲有好多嘢飲任君選擇 今次我哋一行兩人去挑戰吓佢啲嘢食 食物質素不得不失 味道都唔差 而且座位都算舒服 食到咁上下仲可以行出去食物區度搵吓有冇自己心水嘅美食 食到最後仲有Hagendazs雪糕食 真係食到飽一飽 抱住個肚走-以下就係我哋揀嘅嘢食:-黑松露赤蝦壽司-芝麻雞翼-三文魚、帶子、甜蝦-蒲燒鰻魚-辣酒煮蜆-燒菠蘿-雪花牛肉鍋-南瓜天婦羅-甜薯天婦羅-沙爹雞串-鹽燒牛舌--📍 滿屋日本料理 (銅鑼灣)銅鑼灣駱克道463-483號銅鑼灣廣場二期8樓

由於正值肺炎高峰期，我地都甚少外出，每日都係屋企自己食頹飯。所以我地決定要食返啲好西，就出咗嚟銅鑼灣食放題。滿屋放題每人二百幾蚊加一，算係幾抵食，入面仲有其他放題無嘅爆谷棉花糖。今日就無放題少見的朱古力噴泉，可能係衛生問題所以唔做。嘢飲種類繁多，有好多韓國嘅嘢飲，不同款嘅汽水（沙士都有🥰🥰），唔同嘅酒類（桃味，梅酒清酒都有），仲有茶包茶等等！甜品款式較少 只有兩個雪櫃，味道正常，生果就勁甜勁好食。出面仲有熱嘢、冷盤海鮮同沙律等等，款式都多同齊♥️仲有中湯西湯各一款。嘢食方面，放題應有嘅刺身、壽司、炸物、串燒、鍋物全部都齊全。刺身同壽司新鮮，而且有新意，今次有柚子味嘅壽司。串燒叫咗菠蘿、蝦同牛舌，佢地仲有燒香蕉，不過口感同賣相一般。菠蘿甚佳。推薦叫多幾round牛舌，有厚度又燒得岩岩好。另外叫咗牛油粟米，咖哩炒蟹，芝士雞亦等等。各樣食物嘅質素都好好。特別推薦芝士雞亦，咬落去一啖肉加勁多芝士嘅口感，超正。我地仲有食鍋物，例如蜆，蟹粥等等。尼間放題食物質素佳且價錢適中，環境亦闊落，絕對會再食

最近因為疫情，好耐冇機會食好嘢，今日心血來潮想食放題，我朋友就提議食滿屋，感覺佢哋啲嘢食企理，食都食得安心啲。難得有自由，我梗係食晒我想食嘅嘢啦：1）海膽手卷：海膽新鮮鮮甜、紫菜夠爽脆，水準好高。2） 吞拿魚軍艦：魚質新鮮肥美，内外兼備！3）炸榴槤湯圓：內軟外脆、榴槤味香濃，好想encore 啊～～4）燒日本紫薯：細細粒，又甜又有紫薯味！5）燒菠蘿：超甜超多汁菠蘿，一入口就感受到暖暖嘅菠蘿汁，要encore!6）刺身：新鮮以及溫度適中，特別係帶子，肉質彈牙，正！7）清酒煮辣蜆：同平時食嘅清酒煮蜆唔同，幾有特色。8）因為係放題同埋我感覺係「放監」，所以食咗嘅好嘢係不能盡錄，只記得走之前食埋個朱古力同雲呢拿雪糕,感覺好滿足！

It was really ages since my last Japanese-style buffet experience! This time we came here for dinner as we were attracted by the super cheap price - $238 per head for a 2-hour dinner buffet plus 10% service charge. You get a 10% discount from OpenRice too. So why wait?! And it was maybe one of the reasons why there were so many people even on a week day at night during the fight against the pandemic. So in general there were a lot of choices of different food items and quality was quite good - r