滿庭芳海鮮火鍋酒家 (已結業)

Feb 8, 2008 (Fri) DinnerBook了一圍，要了個for 8-10人的set（$1280）另加飯幾碗。食物味道大致上也可以，但偏咸！尤其鮑魚菇及發菜蠔豉！還有未吃過這麼咸的叉燒（雖然燒得不錯及肥肉不多）。不過條斑幾好食。最欣賞的是自助式甜品（兩款）：吃了兩碗熱芋頭椰汁西米露，甜度適中又夠椰汁。紅豆沙就沒有試了。

親戚0係加拿大返0黎幾日, book 唔到黃金海岸酒店住, 亦因為budget 所限, 結果book 了呢區的嘉湖海逸, 我0地3 個人就因為要同0岩0岩落機0既佢0地食飯, 入0左0黎天水圍... 親戚揀了呢度, 咁就點話點好啦.6 個人叫0左唔多0野, 食完亦無乜感覺, 可能無期望就無失望吧:- 燒鵝半隻(圖中): 部長不斷推介, 話"好食過鏞記" -_-" 賣相唔錯, 幾夠肥, 食落皮夠脆, 不過肉唔嫩. 整體唔差, 不過竟然用自己同鏞記比, 真係... @_@"- 唔知乜魚兩食: 西芹炒斑球就普通, 魚唔新鮮, 食落幾腥; 蒜蓉蒸頭腩就幾香, 都ok.- 魚湯雜菌浸白菜仔: 魚湯無特別, 好在唔腥; d 菜幾甜幾好食, 雜菌就麻麻.- 鮑魚(圖下): 又係部長不斷推介, 我0地無佢咁好氣, 結果叫了兩隻, 每人切少少試0下... 味道一般, 口感都係一般. 仲諗住佢係阿一集團所以會唔錯tim... 不過算啦.- 西洋菜湯: 無特別.- 仲有送的糖水(我唔鍾意食紅豆沙, 揀了熱豆花): 呢個幾好食, 好滑, 豆味亦夠, 拍得住銅鑼灣人和豆品!環境無特別, 普通中式酒樓咁囉,

最近天氣暗暗凍凍的，令人不爽。本週六卻突然轉晴，龍又不用排戲，更難得他一家都有空，於是一起飲茶。　揀了天水圍最靚景的滿庭芳飲茶，六個人吃了不少點心。好吃的點心有：蝦餃、蘿蔔糕、炸魷魚鬚、流沙奶黃包、菠蘿奶黃包、煉奶小饅頭。一般的有燒賣、沙律海鮮卷、雞扎，不好吃的是沙翁。當然少不了點龍最愛的青瓜海哲頭，再食仍然美味，不過另一味小菜南方炸雞翼就麻麻。　整體而言食物屬中上，其實餐廳最吸引人還是環境：如圖，我非常喜歡寬大的卡位設計，讓人可以坐得極度舒適。　很開心的一餐茶，很期待週三與龍一家於聚德軒的生日飯局再聚!

平安夜到了!!對於基督徒的我，也代表忙碌的開始。　12.23又一城shopping及夜晚燒烤派對後，12.24就忙於參加崇拜、練詩，以及夜晚的佈佳音活動。中間與龍可以偷閒去飲一餐下午茶，都算賺到了!在銀座先施展銷會買了少量雜貨，在羊城與滿庭芳之間揀了無論環境、食物都勝好多籌的後者。　其實滿庭芳都開了好幾年了，不過最近翻新過一次，環境新淨企理，坐得相當舒適。曾經吃過不下5次，點心水準都可以的，是日就點了：　海哲-用了肥美的海哲頭，加上惹味的辣油麻油，是道十分美味的頭盤金銀蛋瘦肉粥-酒樓的粥總是淡淡棉棉的，有另一番風味，久不久我會想來一碗豆苗鮮蝦餃-既喜歡豆苗又喜歡蝦餃，這款點心理所當然成為我心頭愛。每次來都會點一客叉燒包-好吃，但太填肚馬拉糕-龍喜歡的點心，我就麻麻喜歡這款沒有豬油、奶黃的馬拉糕奶黃流沙包-我最愛的點心之一，這裡的出品流沙不勁但味道可以，我收貨牛肉腸-好吃，但最後上，太飽吃不下..這裡的茶都ok的，我飲了一杯又一杯，一定抵回$6的茶錢。　這餐下午茶埋單$111，以天水圍物價計算貴，不過兩個人吃得開心舒服滿足，都算物有所值。　　又，與龍拍拖多年，竟然才是第一次兩個人飲茶。好