滿記甜品 (已結業)

同屋企人食完晚飯，見滿記宜家有芋圓食，所以就決定試一試。滿記真係有好多甜品選擇，揀左一陣，決定點了白雪黑糯米加芋圓。雲呢拿汁加少少冰碎配埋黑糯米，好夾好香又唔會太甜，不過啲芋圓有點硬同埋份量有啲少，得數粒，要加$9去加芋圓感覺有啲唔值。

滿記嘅甜品一向都有水準，不過甜品選擇偏向中式，呢到唔會有棉花冰之類嘅野本身對芋圓冇特別喜歡，今次第一次食芋頭，幾好食圓形嘅原來唔係雪糕，係芋泥，整體紅豆芋圓涼粉都好match

芋圓呢啲台式甜品都出現喺滿記甜品，今次揀咗一款綠豆仙草芋圓。以為圖片入面個舊野係雪糕，原來係芋泥😂😂 入面好足料，仙草芋圓薏米紅豆都有。 我覺得都唔算過甜既，綠豆味偏重，重點既芋圓都煙韌既。40蚊一碗都算還好啦唔係好好好貴咁。

很多年前已經有食開滿記，反而到處吃喝之後就少食了。作為榴槤甜點愛好者，大部分時間來我都是叫同一款甜品雪山榴槤是雲呢拿汁底，裡面有碎冰，幼滑冰涼；榴槤蓉好大一球，啖啖都食倒，正，綿密且香；原本配綠茶雪糕，比我轉左做雲呢拿，味道同汁底同榴槤夾番哂，各安各位不搶味，還好有轉，如果是綠茶簡直是污染。整體味道多年來都沒甚麼變，一樣好味。-但最有趣的是，草莓切成兩顆心，餐具桌面全轉成木製/木紋膠，連滿記這種傳統甜品店，都走起文青風來，有趣。

一行三人去食甜品去咗方便就腳嘅滿記甜品叫咗每人一碗糖水呢個係我叫嘅白雪黑珍珠我算係我喺滿記嘅最愛首先佢個雲呢拿冰好好味再配埋龍眼肉乾口感特別 味道亦都好夾楊枝甘露不過不失不過好似細碗左少少朋友兩三下就食晒最後一個係中式糖水芝麻糊加豆腐花聽朋友形容都係正皮巴買單三個甜品一共$100價錢算合理

晚餐吃了不太滿意的日式拉麵，便想要吃點甜食來平衡一下。屯市的甜品店選擇不多，新開的The Place是滿記旗下的品牌，而其他甜品店都是以雪糕作主題，如此一來屯市就是滿記的天下了。滿記甜品好處在選擇算多，中式糖水、西式窩夫、鮮果甜品、港式甜品樣樣齊全。雖然價位調升了不少，但相對那些走花巧路線的甜品屋，價錢仍是可接受的程度，加上在屯門市中心幾乎是「獨市」的關係，一天到晚都是十分旺場的。平日習慣外帶滿記的甜品，這天卻少有地選了堂食，而且二人點了不少甜品，近來的我確是嗜甜得要命呢！糖不甩($26)是普通的湯圓，向來是沒有餡料的糯米糰，好吃與否就取於邵些黃糖、花生、芝麻了， 可這糖不甩的芝麻、花生碎不多，黃糖更少得可憐，卻有不少我不愛的椰絲，說實在的這糖不甩是馬虎之作。焗荔蓉西米布甸($29)曾一度是滿記的名物，現在的已不是昔日的水準。明明是焗製需時的甜品，不消數分數便能上桌了，布甸表層乾硬，蛋香一般，也不太發現西米的存在感，不過甜度合宜。值得一讚的是芋蓉不少，可惜少了點芋香，而主要問題是熱度不足，焗布甸是要熱食才會好吃的，只是相對其他甜品而言，這布甸已不是太差了。最讓人失望的，是老公點的熱椰汁

叫咗個士多啤梨窩夫，問個侍應可唔可以多啲士多啤梨醬啦⋯⋯佢答：我話唔到事，係廚房嘅事！我問：咁你係咪連同廚房講都唔講？佢答：講咗做唔做係佢地嘅事，都唔會加醬㗎啦。咁我再問：咁你係咪唔講？定要去講係好困難？駛唔駛我幫你去講？ 跟住佢係好唔滿意黑曬面咁啤住我講：講囉！講囉！有冇加到時出到嚟先會知囉。請問係咩事呢？本來你一句話做唔到或者唔可以加我ok嘅，但呢個人係擺明玩嘢！咁樣嘅服務態度真係完全唔可以接受！

兩公婆食完飯行街拍拖, 心血來潮想食埋糖水先返屋企. 咁就嚟咗滿記.我慣性地叫椰汁黑糯米, 而老公就食桑寄生蓮子蛋茶桑寄生蓮子蛋茶 $29.00--隻蛋好大隻呀! 飲落唔太甜, 老公話好好飲喎椰汁黑糯米 $27.00--一上枱, 我即時低叫起來 "嘩! 係你喇" 話說都好多年前, 我經常會去杏花樓食糖水, 每次都係食椰汁黑糯米,  真係好like. 我鐘情嘅椰汁黑糯米, 係黑糯米飯, 淋上雪白嘅椰汁. 之後杏花樓全線結業. 從此我就搵唔返了! 而其他食店食嘅椰汁黑糯米, 只係稀稀的糖水狀. 滿記嘅椰汁黑糯米, 一樣係黑糯米飯, 但椰汁份量比杏花樓多. 黑糯米飯煙煙韌韌,  內有少許似芋頭嘅粒粒, 配上凍椰漿. 之前嘅feel返晒嚟, 正! 我搵到喇, 以後會嚟encore.

一家四口食完生日飯後，心思思想食埋個甜品先完場，本身想去V City新開既聰少，一直都去食都未去到，可惜最後因爲時間關係，都係去返滿記解決。平日夜晚9點，店內只有數張桌的客人，唔洗等位即刻入內可惜身體問題，唔可以食凍食甜品，蛋白都算多，味道可以，普通熱食甜品，不過不失。額外加左湯圓，可有芝麻或花生味道揀，一小位可讚，有三粒，但糖水芝麻糊亦好稀身，味道更覺得食沖劑沖出來的，配此價錢，完全不值！熱食杏仁茶，雖然係簡單甜品，但都能食出店舖的質素，呢間滿記分店十分稀身，更是淡而無味全桌最好食的甜品，生果量足夠，唔會兩啖就食晒，糖水身有點椰奶味，配食更香埋單四人，四樣當中只有一樣合格，雖則為大品牌甜品店，但希望在質素能多下誠意，否則令人失望。

夏日炎炎最啱食糖水， 今天就去咗滿記食，yummy叫咗兩個糖水，一個中式，一個西式，好開心牙。一個是榴槤白雪黑寶石，而另一個是細磨杏仁茶。等我介紹下個榴槤黑白寶石榴槤味道好濃，質感似雪糕；而椰汁冰味道好好，質感似沙冰，好清新；之於涼粉，份量適中，啱啱好。總括之言，味道好match，吾錯。另一個係細磨杏仁茶杏仁茶味道清香，好適合食飯後嘆一嘆埋單79個大洋，吾平又吾貴，價錢合理，味道吾錯，得閒食下都幾好

下午4點，同老公係屯門行到累，又口渴，想搵飲品及甜品食，經過滿記俾圖片吸引就入左去食，座底就叫了兩杯特式飲品，一杯冰震杏仁咖啡及特式芭菲，兩杯飲品是第一次食。見到杯咖啡好特別要倒杯熱牛奶入去個粒冰杯到，個咖啡冰會溶化，好特別，溶化了，飲落口杏仁味好濃烈，蓋個杯咖啡，我都喜歡飲杏仁，但這個杏仁咖啡我接受唔到，兩種味道唔夾。另一杯特式芭菲，最被食無特別，因為冰沙同食物分開，好像分開食緊兩樣野，到20分鐘後，冰沙溶了，就覺得幾好食，有雲呢拿味。。。

吃飯後，總想吃一些甜的。而且女生們間中也真的要潤一潤。杏汁蓮子燉雪耳。杏汁好香，未算好滑，但就是這種不夠滑而令我喜歡，因為我不喜歡加了練奶的味。除了蓮子，當中還有紅棗的清甜，加上一大件雪耳。LIKE IT＄38 

夜晚我都明多人，不過個女店員態度真係差到不得了講野又串77，影響成個心情爭你錢？食物唔算差，價錢還可以接受，偏貴！等位時等好耐，問個店員點解有位無人坐但唔入得去，個店員眼啤啤唔耐煩咁答我''等，後面好多人都等緊''。。。。。。。。。。。。。。。。。。。。。。。。。。。。。。嚴重影響食慾。。。！！以後都唔來！

大年初一好早就食完團年飯, 見時間尚早想搵糖水食下呢D日子好多小店都休息, 都唔知仲有乜野舖頭會開, 好彩經過滿記, 見到開門唔洗唸即刻入去!其實都好耐冇黎過滿記, 似乎店舖風格改變左唔少, 餐牌唔止傳統糖水, 仲多左好多新潮野 - 窩夫, 芭菲杯, 連乳酪樽都有, 款式同其他糖水舖不遑多讓!不過我地都係叫返D傳統野 - 雜果海底椰黎到見到賣相唔同左, 唔係就咁一個碗, 仲墊多左個木板, 個FEEL 好似某間糖水舖...呢碗野好普通, 純粹將所有材料撈埋一堆, 冇乜味以前好似未見過滿記有出粟子糖水, 好奇之下都點左個粟子南瓜露南瓜味同粟子味都係淡淡地, 未見有驚喜雖然裝潢賣相係比以前好左, 不過食唔返以前個味道

這天吃過米線以後，跟友人走了走便打算吃甜品。眾所周知，在屯門市中心的話，一說到甜品恐怕就是這間滿記甜品了。只是這店在夜裡也實在是很旺場，總是很多人排隊，我跟友人也一同拿籌等著。終於輪到我們了。看著餐牌，不禁感嘆一番現在香港的物價真是貴呢。方才米線做正餐也不過是二十多元，現在這裡的甜品都三十多接近四十元了。咱叫了一個焗荔芋西米布甸。畢竟還算天冷，吃點熱的比較好。並沒有等了很久便上甜品了。這個焗荔芋西米布甸對我而言有點甜。剛開始吃時我感到挺滿意的，畢竟上方那些西米布甸口感軟嫩，粒粒西米藏於布甸中，有點特別，西米好嚼口，而且甜度適中。當再吃下去，剛開始吃荔芋時還是覺得不錯的，融成了糊狀的感覺就在西米布甸之內，一口吃下是三重的不同口感。只是吃下去再吃下去就開始被荔芋甜得有些膩了……不過總的來說，也不錯吃啦。就是貴了那麼一點點——或許是我窮而已。