滿記甜品 (朗豪坊)

营业中

休息中

今晚去旺角食完飯之後就決定搵間糖水舖坐低喺鬧市當中搵一間糖水舖開得野嘅唔多行過朗豪坊朋友突然間話想食滿記就坐低左今晚可能係平日所以人流唔多 唔使等位一埋到去侍應就好服務咁拎個Menu俾我哋你開食滿記我多數都嗌糯米系列今次都一如既往嗌返黑糯米見到佢有個白雪黑糯米就點左朋友嗌咗一個紅棗雪蓮子燉桃膠但今日佢話見天氣熱所以就嗌左凍版呢個係我個白雪黑糯米首先講下佢個黑糯米 質地同口感都可以但無啦啦中間隔左幾粒粟米就覺得奇奇怪怪咁本身我以為佢所謂嘅白雪係椰汁點知下面原來係雲呢拿汁成碗野覺得即時失晒分對返個Menu先知人哋隔離有寫係雲呢拿汁但兩樣野其實唔係好夾呢一個係朋友嘅紅棗雪蓮子燉桃膠其實味道唔錯夠甜而且啲材料好足夠但係呢一類型嘅糖水都係熱食會好味好多唔係太適合雪凍左嚟食下次再嚟滿記食甜品一定要花多啲時間揀啲啱自己食嘅甜品

同細佬妹、老婆晌朗豪坊「飲茶」食完飯後，由於佢哋啲甜品唔多啱細佬妹口味，二來亦唔叫得抵，所以，下場就過咗隔離嘅「滿記甜品」食，選擇多之餘，感覺就仲划算添。「滿記」都好耐無幫襯，晌1995年由西貢發跡，發展到依家已經有十多家分店遍布港九新界，甚至大嶼山昂坪都有鋪。環境唔多講喇，採開放式，人流快上快落，個個都喺食碗糖水或甜點就閃，基本上絕大部人都唔會坐得耐。因喺秋冬季關係（雖然今年香港嘅冬季超短），晌門面，就睇到近排嘅推廣有「暖戀椰皇」系列、「窩心燉品」系列。而基本選擇，就印晒晌兩大版餐版之上，分類為滿分經典、廚師糕點、傳統滋味、摯愛水果、榴槤天堂，以及多款精選推薦，目測都有6、70多款，平貴都有，豐儉由人。滿記星洲喳喳 $28細佬真喺一貫嘅傳統口味，唔多喜歡試新嘢，餐牌睇都唔睇就喺要喳喳，而喳喳算唔上有咩特別，但勝在料多，有咬口，稀杰度又啱啱好。不過，食完餐飯都幾飽吓，佢都仲食到碗喳喳，好嘢。椰汁紫米露小丸子 $40細妹就要咗碗紫米露，佢就話啲紫米煮得夠透，夠軟身，卻保持咬口感，而碗內有勁多小丸子，煙煙韌韌，混入咗椰汁，令味道香甜好多。焗茘茸西米布甸 $34老婆就選擇焗西米布甸，貪佢以芋

綠豆仙草芋圓($39）芋圓黏韌，有口感，係我鍾意嘅質感最面一層係紫芋球，食落係幾香嘅，紫芋味都重，不過嫌最底嘅綠豆沙冰唔夠多，食完呢個甜品之後，成口漿住左。。。 食完之後要狂飲水，漿都好似食糊仔咁......用料都足，但就係少左種台灣味整體黎講，不過不失啦，但係就冇左以前嘅人情味，食都未食完就趕住要你走....係，我係食得慢d，但係門口又冇人排隊，又未到收工時間，做咩係咁吹催我姐？我未食完law，好嗎？

今日同朋友食完晚餐意猶未盡，便去了滿記甜品食甜品。我們點了榴槤糯米糍（三粒）$25及熱杏仁蓮子雪耳$33，合共：$58。榴槤糯米糍（三粒）：好正，入口即溶熱杏仁蓮子雪耳：好滋潤

係朗豪坊食完晚飯就落樓下滿記食個甜品見到有最鐘意嘅芋圓，即刻要試下睇相以為有雪糕，點知見到實物係芋泥芋圓就幾好食，煙煙韌韌，不過份量較少總體係ok, 不覺略嫌乾左D

今晚我們同朋友喺旺角655食完晚飯之後去咗朗豪坊嘅「滿記甜品」食飯甜品！由於我們比較鍾意食芒果，所以叫嘅都係芒果！我們叫咗芒果班㦸，班戟皮相當薄身，大大件嘅芒果肉超香甜厚身，再配上香滑軟綿嘅忌廉，簡直係絕配呀！芒果鮮奶樂嘅頂層表面舖滿粒粒香甜嘅芒果肉，而且份量比想像中多，而底層就係香甜嘅奶凍，但奶味就略嫌唔係好香濃！

朗豪坊嘅滿記鋪面比較細，而且好似無人招呼咁，自己搵位坐低然後落單，職員都冇乜反應。今次叫咗王牌嘅芒果白雪黑糯米，基本上每次都係食呢一款，黑糯米都係比較甜，不過好有咬口，而且係椰汁底又有冰咁，實好食嘅，不過啲芒果竟然係唔甜嘅另外叫咗一份綠茶紅豆窩夫，價錢都比較貴，因為剩係得兩件，都等左20分鐘先有得食，窩夫係幾脆嘅，不過就比較細份，綠茶雪糕就普通，紅豆真係太甜。呢個價錢會有更多更好嘅選擇，同埋真係坐得唔舒服🤔

同男友行街行到攰攰地.. 又未到晚飯時間.. 所以就係朗豪坊搵間甜品high tea.. 由於小妹男友最近咳嗽.. 所以揀間有熱食o既.. 滿記相信冇人唔識喇掛，可以話係甜品界o既始祖 九份推介 ： 綠豆仙草芋圓小妹幾鍾意食芋圓，所以見到九份推介就即刻落單，口感煙煙un un，蕃薯同芋頭味幾突出，食得出分別，平時有d餐廳係一樣味，只係唔同色😂 中間個球，小妹原本以為係雪糕，想多了，佢係類似綠豆蓉/芋頭蓉，原諒小妹分唔出😆 總括都唔錯啦～熱芝麻糊紅豆沙加花生湯圓男友叫的，問佢如何，只答了怪怪地😂盛惠77蚊！

酸嘅芒果汁，冇味嘅豆腐花2018/10/20星期六晚gathering後為咗聚耐啲，我同兩個朋友諗住食糖水，因為係朗豪坊食完飯，唔想周圍走，就直接係旁邊嘅滿記食糖水。糖水選擇非常少，傳統糖水居多，諗唔到食咩之下點咗芒果豆腐花（$35）我已經覺得唔值依個價，豆腐花冇味，芒果酸，芒果汁更酸，好似真係好難委自己咁食哂成碗。豆腐花冇豆香味，入口又唔滑溜，如果唔係為應朋友随便選間我會去買抹茶雪糕食。沙田嘅滿記唔特別好食，估唔到旺角嘅都咁強差人意，如果唔係地理優勢，我相信冇人會行入黎，點會好似依家唔多好食仲要等位咁可笑。朋友點了燉奶及熱富貴蛋白，估唔到份量咁少，我地正餐後大家都有啲食唔落，最後朋友們都冇食哂可能係碗嘢本身冇吸引力令你食哂佢。熱富貴蛋白好像係腐竹糖水內加了蛋白，朋友冇特別評價，但冇人講過好食兩個字，大家食得咁飽，而且依間嘢冇咩特別好食，有點興致盡失，我會盡力避開再去滿記食糖水嘅機會。

同朋友係旺角食完飯想食甜品，於是行左上朗豪坊既滿記。一直都覺得呢間滿記質素唔錯，甜品又足料大碗。芒果白雪黑糯米: 每次去滿記必食既甜品，今次啲芒果都幾甜又大件。黑糯米好有咬口，除左糯米仲食到粟米同芋頭，就算食左好多都冇覺得悶，最重要係配埋似雲尼拿雪糕融左既汁食，雲尼拿同奶味幾重，飲落好香，係成個甜品既精髓。熱芝麻糊杏仁茶: 賣相唔係平時見嗰啲太極圖案，飲落味道好夠濃，個人覺得杏仁茶好飲啲香味出啲。全碗撈勻之後都係杏仁茶既味道重啲，芝麻糊比較淡。滿記既甜品水準都保持到，又唔會太貴，選擇都幾多。

與朋友在朗豪坊晚餐後轉場到4樓的滿記甜品下場，吃吃久違的中式甜品。我點了杏仁蛋白，朋友則點了湯圓、楊枝甘露、芝麻糊。所有甜品實際賣相都與餐牌上的不同，杏仁蛋白長的像嘔吐物🤢幸好味道是正常的，但嫌杏仁味不夠濃。而朋友點的忘記拍照了，楊枝甘露及芝麻糊都不過不失，除了醜了點。但湯圓不但長得醜，第一次見扁到起角的湯圓，而且皮太厚，粉感太重，而花生料總覺得怪怪的，跟平常吃的不太一樣，不太合自己口味。可能太久沒吃滿記，現在的滿記跟印象中的味道差好遠，好像沒有以前的好吃。

行開朗豪坊，見到有好幾間食肆同梳乎蛋cross over, 於是上去4樓睇睇先，中央大堂位置擺左幾檔小食檔買梳乎蛋做型嘅食品，朋友對尼隻咁可愛嘅公仔冇興趣，一於入滿記，我叫我的梳乎蛋，佢叫佢的布甸。梳乎蛋布甸，入口香滑，甜度適中，加上做型可愛，真係大人小孩都啱食朋友至愛焗茘茸西米布甸，其實尼個布甸很好味，以前去酒樓飲茶都食到，宜家好似只有滿記有，咬落囗西米淋混埋芋蓉，好香好滑除左可愛的梳乎蛋布甸，仲可以選擇楊枝甘露同芒果冰，賣相都很可愛吸引最後埋單唔貴，見到D賣相咁可愛又美味嘅甜品，童真一點又何妨，人都會靚D😊最後不得不讚服務阿姐，雖然坐滿人，但好快就安排我地入坐，見朋友抱住個袋，立即拎個籃比佢放袋，細心又醒目👍🏻

旺角食完晚飯，想搵地方坐食甜品傾計哈哈 😆最方便都係去朗豪坊食滿記，平時會走去山東街個到，但今日太累😳滿記menu選擇超多，睇左好耐先叫到野食。點左芒果黑糯米甜甜（$35）同西瓜豆腐花🍉（$29）好耐無食芒果黑糯米，仲要滿記嘅黑糯米唔係普通淨黑糯米係加左栗子🌰2大球糯米食到好飽救命配椰汁🥥冰底食 正😁 雖然芒果有d生 好酸😳西瓜豆腐花較為普通，豆腐花呢，大埔人表示去阿婆豆腐花比較好。豆花豆味淡，亦唔係幾滑

那天在荃灣滿記嘆甜品，環境很好，滿記集團各分店的裝修都十分雅致，有自然風格，令人感到舒適。那天好想吃芒果甜品，是滿記招牌甜品，楊枝甘露。椰奶的味道不夠，柚子肉太酸份量不多，但芒果很肉很甜，酸味少，但口感很不夠滑可能西米發得不好，整體水平下降了，不是不好吃，而是比起其他分店的出品，好像是差了一㸃。芒果窩夫班戟才第一次嚐，窩夫很香脆，有牛油底，芒果肉多甜少酸，而㵉上的芒果醬超好味，再吃芒果雪糕，很濃郁的芒果味，想必是呂宋芒啊! 真是芒味爆燈的甜品，如要吃滿記芒果甜品，非芒果窩夫莫屬，但滿記出品，口味間間有些不同，而荃灣分店，芒果窩夫必食之選。

滿記甜品🍮自從成日比大陸人搞到間間都排隊，好耐好耐係食過滿記，難得今日19:30行開朗豪坊，唔洗排隊我係一個榴槤控♥️黎到夏天成日心思思想食榴槤，一坐低就點左個⭐️榴槤忘返 -$46陣陣榴槤香氣，濃郁稠身的榴槤肉超吸睛，吃落甘香可口，榴槤味在口中揮之不去😍配上椰汁打成的碎冰及紫米球。非常有咬口。-⭐️榴槤班戟2件裝 - $34因為食左榴槤忘返先。佢入而有大大啖的榴槤肉，到食依個班戟時比忌廉稍稍搶了風頭，但依舊吃到一絲絲的榴槤蓉。-以下5星為滿分🏞環境：⭐️⭐️⭐️💁🏻‍♀️服務：⭐️⭐️⭐️🗑衛生：⭐️⭐️⭐️😋美味：⭐️⭐️⭐️⭐️🔊推介度：⭐️⭐️⭐️⭐️總分(7/10)