滿記甜品 De Avenue (已結業)

這價錢在銅鑼灣來說真的很超值！吃午餐還送甜品給小朋友，很窩心！讚！ Highly recommend for couple and family with kids! Nice one!

little twin stars迷一定要去， 舖頭而家仲推出咗福袋，238蚊就有六件精品，總值成九百幾蚊㗎。 食物方面我推介係椰王燉蛋白，椰王面有棉花糖， 仲包埋杏仁茶或者紫米露， 仲可以食埋個椰王肉， 飲品方面，就推介芒果奶蓋， 頂頭有棉花糖， 又有芒果肉，質感豐富， 叫套餐抵過單點， 限時供應， 職員招呼都好好，影相唔托手踭， 每個位置都可以影相，枱面仲有公仔畀你揸住一齊影添， 環境優美， little twin stars迷要去就快啲啦。

下午2:30，又是下午茶時間，去到希慎廣場3樓的滿記甜品朝聖。每人最低消費$130元(其實一杯飲品加一個甜品，已經夠$130，有2人餐，計落抵啲)雖然寫住有用餐時間，但我們星期日下午2：30去吃，雖然入座率都有7成，都未見趕客情況，座得好寫意，食到自然走。以下是今次點的2人餐食物$301(包括加一服奶蓋紅豆沙芒果班戟芒果窩夫奶蓋芒果冰2杯賣相是精美的，但味道很一般。本來想飲星空梳打(純粹喜歡隻色)但可惜店員話早上賣晒，要下午3：30才有得供應門外有精品購買。到此一遊

Little  Twins  Star  必試甜品餐廳！果日好好彩，晚上八點左右去到，吾多人排隊等位，吾洗點等已經入到去（冇得book,要早上拎籌）。入到去見到好靚，非常精緻既Little  Twins  Star 佈置，已經少女心出哂黎！我地二個人食，急不及待叫左四款吾同既甜品/糖水，有紫米露糖水，多層蛋糕，紫薯咖啡，布甸等等，上菜速度快，甜品有水準，好味，新鮮，又吾會超甜。完全吾係好睇吾好食。位置燈光好好，影相勁靚，食完更有Little  Twins  Star 紙杯墊送，幾個款式，我個人非常推介！希望滿記繼續crossover 其他公仔牌子！

Sanrio！好耐無見！以前 Sanrio 成行成市，宜家買少見少。 見到希慎滿屋 cross over Little Twins Star，當然支持一下。雖然我唔係Little Twins Star fans，不過都被吸引了！餐廳設最低消費， $130一個人， 不過餐廳有1人餐（$138）或2人餐（$274），包甜品，糖水及飲品，2人餐係最抵，我就點了2人餐。飲品選了幻彩星空梳打及綿綿奶蓋芒果冰，星空梳打好靚呀，芒果冰都好香芒果味！甜品有夢幻粉星層層蛋糕同芒果班㦸，真粉紅粉藍，真的很夢幻，很吸睛。蛋糕味道都很好。最後是甜品，其實只是牛奶紅荳沙，味道不錯，但是賣相勝出。

終於相約了很久沒見的中學同學 ，一嘗大家都沒有去過的Little Twins Star Cafe.大家盡訴心中情。可見8歲到80歲的女性都趨之若鶩，Kiki同Lala更是不少人的童年回憶，周圍可見不少情侶也到此打卡。紙牌公仔一左一右店員貼心送上兩個小公仔給我們(拍照用)?Kiki 蜜瓜鮮奶，下面香濃蜜瓜奶，長面用Cream造成雲朵☁️效果，再加馬卡龍。嗜甜的朋友應該會鍾意。Twins 芒果班㦸 芒果味比較人工化鮮奶馬豆糕 同樣上面Cream cloud ☁️ 熱 西米布甸 好吃不太甜鮮奶紅豆沙 同鮮奶紫米露 可愛公仔最後應該吃正餐😂😂芒果窩夫 不同色的Cream!加雲呢拿味雪糕。

餐廳分兩邊，一邊傳統一邊係主題。今日同個姊妹去咗傳統嗰邊食。食咗個士多啤梨西米露超好食！正！仲食咗白雪黑珍珠、芒果班㦸。依家做緊推廣，芒果糯米糍送中式糖水或雪糕。我哋簡咗紫米露環境舒服，服務好，食物讚。下次再來，去試主題嗰邊值得推介佢哋嘅士多啤梨西米露。上面有士多啤梨雪糕同新鮮士多啤梨不過芒果味甜品就遜色咗啲。。因為啲芒果好酸可能因為唔係芒果季節啦。整體都很好期待下次去主題嗰邊試，見到嗰邊好靚，一定要去下

今次滿記甜品 x little twin star 合作既 pop-up store 位於銅鑼灣希慎廣場，一班好姊妹喺fb見到有報導都紛紛港女上身，想去潮聖一下。現場裝飾佈置絕不馬虎，設有多個打卡位呃like!!食物方向亦十分滿意，貫徹一向水準！最滿意係個多層星形蛋糕同糖不甩不過提提大家設有每人最低消費，有套餐亦可散點。

知道滿記 x LittleTwinStars ,有得食，有得睇，有得買，唔係唔去呢！位於希慎廣場3 樓，沿電梯都望到的了。Menu 一版過，分左幾類， snacks, drink....也有一人 /二人set .我們二人選了一個一人餐，再另點一個snacks和甜點。椰皇燉蛋白配杏仁茶 $88完全係滿記的水準，加配棉花糖，色彩繽紛。LaLa草莓西米露，有小小士多啤梨粒粒，但略覺士多啤梨味太假。芒果 pancake, cream太多Kiki鮮奶咖啡第一次飲滿記既咖啡， 有驚喜，濃濃的有咖啡味。馬豆糕清新呀！我們就是點了以下東西喇！限時 75 分鐘，連影相時間都足夠的。另外， 食到中途， 有飲品墊可以抽呢！提提大家， 做到 4 月尾咋！ Twinstars Fans找緊時間去喇！

同閨密去銅鑼灣行街，總係要坐低食個 tea 先完滿。而家除咗食奇蹟之班戟，希慎又有另一選擇，就係由滿記甜品旗艦店變身成嘅 Little Twin Stars 手造甜品屋！見到啲甜品咁靚，係咪好想去去打卡呢？但係人都知主題餐廳都要排好耐隊先食到，到底值唔值得去食？等我 依莉詩 話你知啦！最低消費 $130 食到乜?好多時主題餐廳都有最低消費，今次 Little Twin Stars 甜品屋都唔例外，每位最低消費就要 $130，仲要唔包括加一服務費。如果當係食個糖水的話，聽落真係有啲令人卻步，不但以甜品外觀、質素同份量嚟講，當係一個 Tea set 又唔算太貴。以 $138 嘅星星 1人餐就有一份星之糕點、可愛糖水同繽紛飲品，3樣嘅份量都係正常甜品 size，無食正餐去都會夠飽。除咗 1人餐，仲有個 $274 嘅甜蜜2人餐，不過就得一份星之糕點、可愛糖水、 夢幻甜品同兩杯繽紛飲品。如果想影晒 Kiki 同 Lala 就要叫兩個一人餐了。

朋友為左打卡，就算最低消費$130（未計加一）都要試。諗住跟滿記crossover 水準都唔會差啦，點知一試難忘，永再唔來咖啡勁奶，梳打無味苦澀。甜品太甜，連雪糕都係超甜。要每人食130蚊好難，因為無咩選擇。唯一一個唔係凍食既 :糖不甩暖暖地都唔錯。場地佈置雖然夢幻，但地方狹窄細小，係一個open area 可以唔幫襯都打晒卡。店主可考慮追加一些熱食來中和甜味。食75分鐘實在太多啦，跟本無野比你食到75分鐘。價錢堅離地，不值再幫襯。

希慎‭广场的满记，明显服务态度差。说了2次有最低消费，明显就瞧不起人！到点进场了，还让人在门口等了至少有10分钟，也不和你说句话，不停的在帮其他人结账，既然，你无法在指定的时间让顾客进场，你有必要让顾客这个点进来吗？还在服务中，不停的说英文。不知道港人的优越感为何依然存在！

銅鑼灣晚飯後，大家都意猶未盡想飯後甜品，其實喺銅鑼灣甜品店選擇超多，朋友提議希慎3樓有間似食甜品嘅店，就一於試試。到步一睇menu，大家反應都係：原來係「滿記」！反正嚟到又唔駛等位，當然一食。個人認為坐店外商場位比店內，空間感更大、更舒服。各自點了——抹茶彩虹：顏色豐富名符其實係彩虹，生果新鮮，抹茶雪糕唔滑但夠香，底部混合紅豆、寒天等，又幾好食雜果椰汁豆腐花：生果唔算多種類，朋友話椰子肉、椰汁配合豆腐花，好好味喎。楊枝金露：朋友無特別comment，只係話幾好食嘅楊枝金露。芝麻糊杏仁茶+芝麻湯丸：朋友鍾意食好熱嘅糖水，要求要熱啲，的確做到！芝麻同杏仁夠香、湯圓正常，整體好味。其實都有一段時間無食「滿記」，今次再食都保持到水準，算係耐不耐飯後甜品的一個好選擇！

熱細杏仁茶$26好味但真的好細碗，兩三啖喝完。員工不夠小心，一上碗便打瀉了部分杏仁茶落碟上，令到細碗的糖水變得更少。雖然好味，但太細碗。係咪即磨真的吃不出。其實性價比較低，但地點坐得舒服。價錢最主要是坐下休息一下。

大家吃食完晚飯，想吃中式甜品，想來想去，原來銅鑼灣中式甜品的選擇不多，最後我們選了最就腳的，位於希慎廣場3樓的滿記甜品。以前滿記在11樓的Food Court內，感覺很侷促嘈雜，現在搬去了３樓，整間店舖自成一角，裝修清悠雅緻，比以前舒適寧靜得多，每一枱客人都高高興興地吃着甜品，載滿了甜品店應有的開心幸福氣氛。我們點了四款甜品：「楊枝甘露豆腐花」的芒果新鮮香甜，如果豆腐花滑一點會更美味。「細磨杏仁茶」香滑濃郁，如果稍微減低甜道會更健康。「芒果西米露」芒果充足，有半個芒果這麼多，由於芒果當造，所以非常清甜可口，西米夠細粒，晶瑩煙靱有咬口。「焗荔茸西米布甸」端出來是熱騰騰的，相信是剛剛焗好或弄熱，荔茸甜蜜濃郁，甜而不膩，配合粒粒的西米和微焦的布甸，綿、柔、細、潤、香、甜，渾然天成一體。我們一定會再來試試其他甜品。