漁品酸菜魚火鍋放題 (已結業)

天氣凍左除左諗起熱辣辣煲仔飯之外就諗起烤魚因為本身自己都好鍾意食魚。。有日踩單車經大圍見到呢個專食烤魚就即刻要試3個人 唔想食太多所以無點放題 點左原條沙巴龍躉1.5公斤 酸菜魚味298蚊價格合理黎到 好香~~有花椒味 都幾大條仲要勁多芫荽朋友至愛 魚肉仲要好滑 另外點左牛肉 80蚊有成16卷抵食最緊要唔多肥雜菜籃有3款菜 生菜 娃娃菜同金菇 有一款類似通菜但粉紅色的我地仲點左邪惡黃金炸魚皮~~超濃超脆同埋超吸湯薯粉 見到旁邊食客 好多點海鮮 都好吸引最緊要價錢合理我地點罐裝飲品 都係6蚊 街坊價錢埋單450蚊平日免加一推介~~~~~~~~臨走仲見到車手不停囉外賣下次叫雞煲 返屋企慢慢嘆~~~~

今日同朋友到大圍食晚餐，餐廳位於1樓。我們去到的時候不用等位就可以入座。我們叫了一個原條1.5斤龍躉烤魚，湯底選了番茄味。另外我們再點了安格斯牛板腱，雜菇拼盆，稻庭烏冬。烤魚上來的時候是在電熱爐內，入面有一些配料，例如番茄，洋蔥，芫荽等。雖然是番茄湯底，但都會有辣椒在湯裏。魚非常大條，而且骨不多，肉比較實但又不會不滑。食完魚之後再打邊爐，牛板腱有牛味，而且肥瘦適中。雜菇種類都多，再加上烏冬結尾，食到非常之飽。整體而言，味道會比較濃同帶辣，但非常之吸引胃口。

太耐冇得上深圳食烤魚，肥仔老豆就建議去大圍呢間漁品酸菜魚火鍋放題餐廳，佢話之前同兄弟試過午餐都不錯一坐低店員就開爐，爐入面係清水，原來係俾我地用黎洗碗，本身碗筷都乾乾淨淨，不過仲係疫情期間，所以洗洗再安心，不得不讚餐廳真係好乾淨，地面唔滑，唔似一般放題店地面又油又滑兩個人點咗條香辣味烤魚，再加豆腐同魚腐，鍋上枱先知原來烤魚之餘仲有蜂巢豆腐、蓮藕、薯仔、鴨血等等既配料，非常划算烤魚係馬來西亞既沙巴，肉質真係同一般餐廳既唔同，魚肉係又彈牙又爽口，雖然湯底重口味，但都唔會蓋過沙巴既鮮味，食得咁重口味既野就一定會好口渴，汽水都只係$6罐，非常實惠全餐埋單$520，食到我地兩個大肥仔捧住個肚走。

今日入大圍探個friend，佢又懶得煮，所以我哋落去搵嘢食。都好耐冇食過酸菜魚，見到呢間，就試吓啦。兩個人，我哋叫咗原條龍躉烤魚（酸菜味 ）$298，安格斯牛板腱$80，萵筍片 $40，又叫左啲野飲。最後埋單唔洗4百。兩個人可以叫嘅嘢唔多，酸菜魚就一定要叫㗎啦，佢有分烤魚同唔烤魚，我未試過烤魚，所以今次叫烤魚試吓。成盤上嘅酸菜烤魚好大份，佢標榜冇激素，沙巴嚟嘅龍躉，食得好安心，肉質鮮甜嫩滑👍🏼👍🏼！加埋啲配菜有蕃茄，薯仔片，酸菜，芫荽等，十分惹味！😋

烤原條沙巴龍躉第一次食沙巴龍躉，條魚好彈牙，原來沙巴龍躉係咁結實，質感同平時嘅魚好唔同，同樣都係好入味，條魚都炸得好透，1.5斤真係好大條黃金炸魚皮好香嘅鹹蛋味，同埋我鍾意佢啲皮夠薄好脆，放落湯一陣好似有流心鹹蛋既感覺墨魚丸蝦丸雙拼蝦丸好彈牙，墨魚丸夠足料冰豆腐放落去烤魚一齊食超級入味，加埋個韓國麵就大滿足我哋今次散嗌但係原來佢套餐好抵食，＄398已經有好多嘢食，唔怪得全場勁多人，佢仲有酸菜魚放題，下次可以試吓

與新界友人踩完單車後到大圍覓食，肚子空空又腳軟軟，吃個火鍋放題就最適合不過了！坦白說，我都沒有吃過烤魚火鍋或酸菜魚火鍋。這個初體驗讓我新奇又滿意！1.5斤烤原條沙巴龍躉(酸菜味) $298一上桌，就被其份量眼前一亮，沙巴龍躉足足有整個電鍋爐長，還有蜂巢豆腐、薯仔、蓮藕、芫茜等配料，材料色彩豐富，簡直是視覺和味覺的享受！主角沙巴龍躉來自馬來西亞東岸，堅持海魚飼養無激素。魚身經輕輕烤過，魚肉厚身且肉質雪白嫩滑，吃得出的新鮮！魚皮也很彈性，略嫌魚鱗未完全清走，但不影響進食。酸菜湯底清澈不油膩，小辣程度已很惹味開胃。若配料有加年糕和薯粉等吸汁吸味澱粉類食材就更完美！安格斯牛板腱150g $80首試以牛板腱配搭酸菜魚湯底，還以為肉味會被蓋過，但結果還吃得到濃牛味，而且肉質很嫩滑。鴨血 $55跟想像中台灣那種鴨血不一樣，這個質感較紮實，吸盡湯底精華。

本身好鐘意食烤魚/酸菜魚，因疫情前都會返內地食，之後冇返過間中就會好想食烤魚，係新界區有朋友推薦食呢間漁品，味道夠入味，早2日book左位，唔洗等位，呢間見有得食放題，好啱一班朋友黎食，但會有指定時間限制今次揀左酸辣龍躉烤魚 1.5斤$298 安格斯牛板腱150g $80漁品響鈴卷 $28雜菜拼盆 $48薯粉 $14🐟烤沙巴龍躉肉質嫩滑，質感彈滑，配合酸菜湯底愈淆愈濃，愈入味，酸菜同辣度岩岩好，唔會蓋過魚的鮮味😋🐄安格斯牛板腱的份量多，好香牛味👍🏻👍🏻正🥬鍋入面附送酸菜，百葉豆腐，薯仔片，洋蔥，木耳，配料多，另外必加左薯粉，響玲卷，勁脆口，夠厚實，好夾，薯粉同雜菜配料索哂烤魚的酸辣汁，好正😋👍🏻整體同朋友都食到好飽😆星期一至四仲免加一，抵食

My families and I went to a restaurant called "漁品酸菜魚火鍋放題 FUN FUN FUN" located in 1/F, Cheung Fung Mansion, 16 Chik Shun Street, Tai Wai(大圍積信街16號祥豐大廈1樓) "Spicy Sabah Giant Grouper"香辣Sabah Giant GrouperHKD$298This Sabah giant grouper is 1.5 kg,40 cm length came from Malaysia This Sabah giant grouper growth is carefully monitor by the restaurant!(自家養殖魚排)！Without using any growth hormone！！(無激素)..The grouper is very sweet tender,soft,delicate and flaky!!Fresh and high quality!!..The seasoning is dyna

態度極差，點菜好似欠左佢人情咁，上菜又慢，次次上得少少，再點菜時好似係我錯咁，反而傕你埋單趕你走就好快手。地方小，唔舒服，感覺好迫。得兩步路要去拎飲品都會追殺你戴好口罩（真係轉個身就拎到），反而我追殺加湯，加嘢食，就黑你面。拖下拖下，又到10點，夠鐘就閂門。公道講，食物就唔算難食嘅，但份量得少少，價錢就唔係平，位位加一都三百幾，講真，呢個質素岀面大把，又無甜品，雪糕就一杯，重點係貼錢買難受

已經預早訂位，所以不用等，裝修新淨，今次安排了卡拉OK房，圓桌座位，沒有唱歌。很快來了些餐前小食，蝦多士新鮮熱辣，少許黑松露味，另一款不知是炸魚還是雞，沒有太大驚喜。隨後送上刺身拼盤，放題質素但新鮮而且款式多。不得不推介蝦剌身肥美大隻酸菜魚bb辣，魚肉新鮮無骨，份量多，配菜有魚腐、酸菜、雲耳、金菇和煙靭彈牙的寬條薯粉，喜歡吃魚的人，這樣一定可以過足口癮。有酸菜魚、水煮魚，連烤魚也有。最後是打邊爐，有4-5 款湯底選擇，今次試了蟲草花牛骨湯，魚皮餃相當驚喜，手打蝦丸相對普通，肥牛片、豬肉片亦充滿肉味。響鈴和炸魚皮都香脆新鮮。很少吃到酸菜魚放題，味道不在話下，高質素，食物、飲品款式多，還有雪糕甜品，環境乾淨舒適，絕對是誠意推介。

食過呢度嘅酸菜魚火鍋放題，覺得好抵食又好味！今次嚟見到有烤魚套餐，就叫咗～烤沙巴龍躉2人餐$398，魚可揀香辣味、酸菜味、番茄味🍅～烤條沙巴約1.5斤重。套餐有小食黃金炸魚皮一份、響鈴芋頭雙拼、雜菇或雜菜拼盤、稻庭烏冬一份及罐裝飲品兩罐。上枱嘅時候食物都用盆裝住非常精緻。沙巴龍躉分量十足，魚質相當結實又夠滑，條魚真係唔錯！有芫荽、洋蔥🧅、辣椒🌶️、百葉豆腐等等相當香。黃金炸魚皮新鮮炸起，夠脆！鹹蛋黃足料有鹹香。響鈴大大件亦都夠脆。芋頭放埋落湯底整，鍾意食個芋頭嘅人就啱。酸菜湯底酸菜夠多，酸酸地辣辣地，幾惹味。飲品兩罐唔太夠喉，如果每人包多一半罐就更加好。整體來講呢個烤魚性價比高，真係好食！

今晚去了大圍探朋友，之後就一起吃晚飯，朋友說一直都想試這間餐廳，所以就來了。這餐廳需要上樓梯，沿著樓梯一路見到好多魚的公仔和一些可以打卡的裝飾。安排好座位後，職員說今晚烤魚質素不太好，所以不會賣給客人，所以我們就吃雞煲($228) ，雞煲是2至3人的份量，我們兩個人吃，雞煲用長方型的爐裝起，非常大，而且配菜亦好豐富，雞的份量也很多，雖然沒有選擇辣的程度，不過我覺得預設的辣度剛剛好，而且亦很惹味，由於雞的份量實在太多，我們即使未吃完雞，已經叫侍應加湯，就開始打邊爐了。我們點了安格斯牛板腱($80)，牛肉分量也很多，而且有牛味。而漁品響鈴卷($28)並不是平常所見的響鈴款式，應該是廚師新鮮制造的，所以加了餐廳的名字，非常有誠意，而且大大件，能夠吸很多湯汁 。丸和餃子都可以雙拼($60)，而且雙拼不會額外收錢，非常親民。我們就點了蝦丸和韭菜餃，韭菜餃大大粒，裏面好多韭菜，好惹味，另外蝦丸應該是師父新鮮打的，因為彈牙而且有口感 。之後我們點了雜菜拼盤($48)，菜的種類都多，而且很新鮮，有娃娃菜，生菜，金菇，紅莧菜。飲品方面選擇也很多，我點了果汁先生的竹蔗馬蹄和蜂蜜雪梨 ，朋友點了百事可樂，這

小篇今次又同大家去食酸菜魚，睇吓唔同餐廳既酸菜魚會唔會有唔同？=======================餐廳環境餐廳位於大圍樓上鋪，大家要留心小小先可以揾到。場地寛闊，食客用餐時唔會有太大壓迫感。=======================食物品質餐廳口味偏重，魚身及湯底偏辣，要好好珍惜隔離杯飲品，因跟餐飲品不能無限添加！香辣酸菜魚 - 新鮮係基本，而辣味非常足夠，鍾意食辣既朋友唔會失望雜菇拼盤 - 有金針菇配上大量蔬菜，健康no.1炸物拼盤 - 食完哂上面啲野都未夠飽？呢個拼可彌補你胃裏既空虛~=======================服務及衞生整體感覺良好！=======================總評經過時值得一試嘅餐廳！

因為媽媽講左好多次想食酸菜魚，今晚趕收工同媽媽去食好西，因為公司附近有間酸菜魚火鍋放題店😋😋「烤匠亞拉卡2人餐」😋烤酸辣味约1.5斤沙巴龍躉一條🐟酸菜味湯底很濃郁，配菜有(酸菜，芽菜，雲耳，蓮藕，酸鹹豆角，豆腐乾，洋蔥，薯仔，萵筍，辣椒，芫茜等等)，響鈴4大件🥳，芋頭多件很鬆軟😍雜菜拼盤有金菇，生菜，娃娃菜，莧菜都很新鮮👍🏻稻庭烏冬、汽水2罐套餐整體色香味很吸引😋，令人吃欲大增。初時怕不夠吃，但送來見到份量夠女性三人吃，最終好吃到令我們吃到很飽不想動🤣😂🤣😂

預早打電話去訂位但接聽電話女職員態度非常不禮貌只是詢問原條烤魚大約重量價錢因為條魚唔同重量價錢唔同想問清楚職員就話你唔係食放題點知你食幾多錢又話"我咪講左咩咩囉" "咪話咩咩囉"好似欠左佢錢咁 自問只是禮貌地作簡單詢問但唔知職員係唔想人散叫，想人食放題定係點句句回應都好似好唔耐煩咁真係覺得此職員非常無禮貌既然你咁唔想做我生意，咁我咪唔訂位唔去食永遠黑名單永別