漁樂 (曼坊)

营业中

休息中

餐廳聲稱自己做緊x週年平日優惠，有特價河粉茶餐供應，三點去到餐廳打算叫特價餐，呀侍應叔叔話四點至有河粉來貨，所以冇特價河粉餐供應，但餐牌其他河粉則照常供應。我唔深究係咩邏輯啦。算啦，你唔做特價餐，甘我咪叫其他野囉。點知遇到同一個侍應叔叔，佢好熟手就將整碟食物飛落張枱度，我地睇佢表演睇到呆 左。其實你地甘唔想做生意,不如摺左間餐廳啦。美孚從不缺食店。疫情當前，仲要甘既服務水平，我真係祝你好運。順便一提，餐廳冇一個員工戴口罩架。

星期六在 荔枝角公園 外拍工作去到五點，還趕得及吃下午茶。 在黃大仙區分店總排滿了人，來到這間分店，人數不多立刻進去試試。重量級公司三文治， 就是普通的公司三文治， 不知道重量級是代表什麼。 有青瓜，蕃茄 ，火腿，有煙肉 ，炒蛋，芝士等食材， 麵包有烘底 賣相不錯。香茅豬扒包 - 麵包烘得非常香脆， 豬扒略細塊。 有青瓜蕃茄中和油膩。越香扎肉雞絲湯金邊粉 - 扎肉兩片，有雞絲，金邊粉量很足夠，味道很清淡。 如果有酸汁味道更香。下午茶餐加配紅豆冰， 超多淡奶紅豆冰也沒有起沙。因為是下午茶時段，三個餐埋單不到一百元，好划算。

星期一咁岩又係公眾假期所以人流都唔算少1900到都要19:45先坐底由埋位坐底叫野食到賣單都係同一個姐姐做哂應該真係好唔夠人手樓面數盡都係得三個人一個侍應處理至少十張台 真係辛苦哂所以想叫野食 佢話等等都明白做食客都要有同理心男朋友同我叫左個二人餐$1981. 冬陰公爐魚2. 飛天通菜3. 餐連一個海帶粉絲湯4. 兩個白飯5. 另外正價叫左朱古力沙冰6. 菠蘿沙冰原條魚送上火辣辣 湯濃 送飯一流飛天通菜辣味十足飲得出係可可粉整既朱古力沙冰海帶粉絲湯係唯一成個餐嘅不足味精味太重我同男朋友都冇飲到完全嘅浪費最後賣單$250整體來講都算唔錯

剛剛開的時候，是挺好的餐廳！曼坊商場内，沒有東南亞菜，剛好補上這缺口，給食客門多個選擇！但，只開心了半年，就要失望了。。。。３星期前，一行３人來吃下午茶：#奶油脆豬配紅豆冰#香烤扎肉包配檸檬柑橘蜜#紅咖哩手抓餅配青檸冰茶定價不貴，３份茶套，共計86元，和街坊茶餐廳，差不多！差評的：#最差是紅豆冰，我姊只喝了1口，就放棄！說是她喝過最差的紅豆冰！然後自己去倒了杯水喝。#手抓餅好油膩！紅咖哩内沒有肉，只有數粒茄子，咖哩汁好稀！

因為今日有事做所以出左美孚，搞掂晒已經好肚餓，咁就近近地見咩食咩，見門口既餐牌好多選擇，咁就入左去試午餐餐牌👇🏻紅咖喱焗魚塊飯🌶 $56塊魚炸過先焗，所以好脆，配炒底飯，加紅咖哩汁（我嫌唔夠汁）但辣度啱啱好，仲有小小芝士係面，好夠熱，一啲都唔Hea...‼️小心都幾熱下‼️泰‘正’金不換炒金邊粉 $56佢側邊有花生碎，辣椒粉，砂糖，青檸仲有蝦，紅蔥，臘腸，芽菜，蛋絲所有野撈埋甜甜酸酸鹹鹹，好開胃吖，同埋份量一啲都唔小👍🏻 再配2杯即磨咖啡，合格！坐得舒服，依個價錢，唔錯啦～ 👍🏻

碗野個湯好似水咁完全食唔落口大家都係食完餸就走了仲有一個椰青三十幾蚊，加埋碗麵成舊水完全唔值，真心樓下吉魚蛋都好食過佢，我而家好嬲，dislike!!!!!!!

第二次來呢間野食tea喇好多選擇。。。有炒野，越南湯河，一般茶餐廳的西多丫，三文治，薯條雞翼等。兩點九去到，都幾full。等左一就安排入座由於太肚餓，揀左重量級公司三文治配紅豆冰三文治好大份，麵包有烘底，而且比一般厚一邊係生菜番茄加沙律醬，另一邊係腿蛋。蛋幾厚身，食完呢份野，夜晚都唔使食。可惜我本來就like腿蛋，所以唔可以俾高分紅豆冰用花奶，唔太甜。甜味都係靠紅豆。可惜紅豆太少，如果多返啲就正喇。不過紅豆煮得夠淋身

繼周日去完屯門的漁樂分店後，本人又再品嚐同一集團另一間分店。這間較早前的那間更接近人口稠密的住宅區，設計及裝飾大致跟先前的充滿酒吧及書室為一體差不多。可是面積不及大及經常要輪候半小時才能入座。加上座位有限的關係，侍應的招待不太周到，經常出現「漏單」情況，須客人要求才補回，故此食品質素不夠新鮮，有待改善。本人誠意推介生猛海鮮配泰式冬陰公火鍋湯底，在炎熱的天氣下品嚐更可把身體的壓力統統拋開，瞬間變成一個煮「沸」的人。

是日到美孚食午飯，仲諗緊食乜之後見到漁樂既員工好落力叫啲客人入去食飯，於是乎就望吓個menu有乜食，見到啲小菜幾吸引，雖然價錢5x元偏貴...但係反正附近都冇乜選擇，所以就入去坐低左見到呢個茄子炒牛肉係推介，所以就試吓佢係咪真係咁正 係落單、等食到賣單嘅時候，其實啲員工都好好態度，尤其係一個姐姐，同啲客有講有笑，又唔會催你落單， 感覺好舒服其實一望到個賣相，都知道係濃味之選，仲有勁多茄子🍆雖然我唔係特別好茄子，但係都覺得好好食，因為佢啲汁好夠味，送飯真係一流不過可能因為我個日好肚餓，加上食晒個飯，都仲有個餸淨，所以略嫌個飯份量唔係咁足夠如果多啲飯就好喇！埋單總數58，食午餐黎講係就係偏貴㗎啦，但係勝在佢係好食！價錢值

同事介紹過好多次呢間餐廳，今日專程行過嚟美孚試食。海南雞飯：放在精緻的木盤上。望落份量好似細左啲喎...但食食下就知，啲雞同飯都壓得好實先上碟，唔好俾佢個樣厄左。雞肉好滑同好入味，唔太肥，雞皮好爽，皮與肉中間仲有一層透明的内汁車喱，我當然連皮都食埋啦。雞油飯比較爽身煙韌，仲有好香嘅lemon grass 味，仲好有飯香，鐘意食硬身啲飯嘅朋友的就啱哂！😍徐了海南雞飯，其他午巿套餐都係$60 樓下，算是經濟。

天氣潮濕總想吃酸酸辣辣的東西，東南亞的菜式正合心意，所以挑選了位於美孚的漁樂。餐廳裝修雅緻，色彩繽紛，感覺舒服。📍泰‘正’金碼換金邊粉 $63金邊粉份量頗多，有蝦仁、泰國臘腸、青檸、砂糖、乾辣椒片及花生粒，拌勻後吃，味道酸甜很開胃。📍泰國臘腸魚露炒河 $64魚露味道提升了河粉的鮮味，可惜這碟河粉較少，夾到的都是洋蔥和肉碎，味道不錯。📍青檸梳打 $24 （ 點主餐單食品可以半價換購）凡點選主餐牌上食品可半價換領一杯飲品，個別沙冰或特飲除外。餐廳性價比高，座位舒適，是區內不錯的選擇。

去759買完野，旁邊有間東南亞餐廳，望望餐牌，價錢唔貴，入去食番個午餐。點了越香魚片頭札肉湯河，湯底唔錯，香料味唔太濃，魚片頭幾爽口，河粉稍嫌唔夠滑，札肉夠大片，還有餐飲，都幾抵食喎。

星期日好遲起身，就同屋企人食個tea。四個人都係叫金邊粉，兩個清湯，兩個冬蔭公湯底。份量係夠一個人食嘅，清湯偏淡，我家老人家要加魚露；冬蔭公湯，有小驚喜，有香味，有辣味（微辣），有少少酸。❗️注意：湯麵會跟大量生洋蔥（有一缽仔糕size嘅份量）同芫茜葱，唔食嘅記得走。❗️越香魚片扎肉頭湯粉。金邊粉。清湯（下午茶餐）$35可能係下午茶，比較平，料都比較少。老人家話只得魚片頭、扎肉各兩片。越香雙丸湯粉。金邊粉。清湯（下午茶餐）$35雙丸係指牛丸同豬丸，兩粒豬丸，一粒牛丸開半，加埋即係三粒，又的確有啲少。冬蔭公什菌湯粉（單點）$49哩碗正常好多，啲菇有炒過。淡淡都食到菇，仲可以share。冬蔭公魚片頭湯粉（單點）$53魚片頭，其實係魚片頭+魚片，共六片。屋企人覺得片頭係食得過嘅，有魚香之餘，都有口感。［相入面係走左青嘅version］

曼坊商場規模雖然不太龐大，但食肆款式多，有日本餐廳、中式酒樓、上海菜館、還有這間東南亞餐廳等等。這餐廳設計頗有特色，座位寬闊，菜式大部份都味道濃沃， 主要圍繞咖哩、 喇沙、小炒、金邊粉、焗飯…… 今次午餐惠顧紅咖哩焗魚塊飯及海南雞雞油香飯，焗飯芝士多， 紅咖哩非常香，配上吉列的魚塊，超級好吃。不過魚塊下的飯醬汁較少，建議請職員添加紅咖哩汁。朋友吃的是海南雞飯，飯有少許咖哩味，海南雞也很嫩滑。餐飲除可免費選擇普通的咖啡奶茶外，還有熱檸蜜、朱古力、好立克等。餐廳整體環境食物質素都很好，價錢可以接受，不需要加一服務費。下次會再嘗試其他菜式。

兩人晚餐。其中點咗三色丼同豬肉鍋。好好食，價錢不會叫平，因為係香港地平均都唔會食到抵食壽司。呢餐算係咁，個飯魚生都新鮮，加個鍋，湯底都幾好。地方還好，聚腳不錯。另外都叫咗軟殼蟹牛油果壽司，不過無影相，味道都唔差。