漁樂 (曼坊)

营业中

休息中

慶祝新年所以去了一試這間店。看廣告主打是海南雞飯，從Open Rice 中得知一般，但媽媽想試，我們就點了一個海南雞飯的二人套餐。當天沒有很多顧客，打電話去訂檯但職員說不用訂位。果然，這個海南雞飯真的不行，我們那碟雞太肥，沒很多肉，但一讚是調味醬汁，非常好味，所以拿來點其他菜餚。芥蘭片薄入味，容易0趙。 個人比較喜歡另外點的黑醬牛油雞翼。

最近銀聯既雲閃付有優惠，去漁樂食滿$30可以減$20,基本上一個人去食個lunch set 點都過$30, 所以都幾抵佢啲lunch set 都離不開豬扒、雞扒、魚柳，開用唔同既醬汁，就變左好多款食物，所以其實只係有個好包裝既頹飯，不過喺美孚區無乜選擇同埋有優惠既情況下，間中食下都無妨而我就覺得佢既豬扒係做得唔錯既，唔會乾，煎得夠香，而且流心蛋真係有流心效果！不過個沙嗲汁就唔係太食得出係沙嗲味，之前食過咖喱，味道比較出色，但可惜食咖喱就無蛋。

和老公到漁樂吃晚餐，在店門外看到有二人餐的菜牌，就決定一試。二人餐包括海南雞、沙嗲雞肉串、肉骨燉湯、蔬菜（三選一，我們選了飛天通才），還有白飯兩碗。首先送來的是湯，這湯淡而無味，不喝也罷。接着送來的是海南雞和串燒。海南雞十分嫩滑，配上店家的秘製醬汁，真的十分美味。串燒雞肉的肉質也嫩滑，配上沙嗲醬，亦美味無窮。至於飛天通菜，可能通菜在冬天並不合時，所以菜較硬。吃過這晚餐，我們會再光顧，不過不會再點這二人餐，反而會再點海南雞和串燒，並嘗試其他的食物。

喺美孚開咗新越南餐廳依家終於有機會黎試吓，今次嚟到是下午茶時間，雖然是星期六但人不是很多，黎到唔需要排隊就有卡位坐。叫咗碗特色牛河同焗豬扒飯，大約5分鐘又可以見有得食，一上枱已經聞到牛嘅香味，先是一啖湯，但感覺鹹咗一啲，但充滿牛味。豬扒飯因為係焗所以要等耐少少但係大約10分鐘到已經可以食得，服務員好細心提醒我哋唔好掂到碟，以免燙傷。依個豬扒飯看似很細，但好多汁同埋芝士都好多，所以建議可以先撈左飯然後再慢慢品嚐，豬扒都有四件左右，肉夠哂林好香口。

First time trying out the fusion restaurant in Meifoo. We arrived at 7pm but there's a long queue outside already. After 30 mins wait, we finally can go in and start eating.烏頭: 等候時候比較長，差不多吃完其他餸先到。魚煮得熟左啲，有啲乾，不過還可以接受。茄子牛肉粉絲: 幾夠火喉！不過偏油馬拉盞通菜: 味道正常，都係偏油。海南雞半隻: 肉質幾滑，有雞味。值得推介！

漁樂的食品一向不俗，而且在星期六日也有午餐供應，價錢不貴，所以就來這裏吃午飯，我們點了海南雞飯和越式牛河。海南雞飯的雞嫩滑，飯很香，好吃。越式牛河的牛肉也嫩滑，湯香濃，河粉也很滑。由於覺得好吃，所以後來還叫了一個海南雞飯外賣，帶回家給家人吃。不過外賣的份量較堂食少，特別是那杯凍檸檬茶，太細杯了（忘了拍照）。

星期六我哋好多時都喺出街食早餐，午飯就留晌屋企煮；今次就相反，朝早就晌屋企煮早餐食，晏晝飯就近近哋落去曼克頓山嘅「漁樂」搞掂。正正因為上次去過「意樂餐廳」，見隔離呢家「漁樂」新開無耐，又幾多人幫襯，故此，有啲興趣嚟試試。環境同隔離嘅「意樂餐廳」幾相似，地下鋪上花磚，裝修帶點工業風嘅感覺。晌門口已見到大大隻霓虹光管字寫住「Asian Food」，所以，翻一轉餐牌，就見有唔少不同東南亞國家嘅菜式，單以午餐而言，選擇十分之多。而所有菜式都包基本餐飲，但亦可以加錢轉為特飲，或配小食、配甜品。順帶一提，基本餐具都已經放晒晌枱面，自由取用。越香扎肉魚片頭湯河 $49老婆一向喺湯米、湯河支持者，見佢有條「魚仔」標誌，應該喺廚師推介之類啦。份量就好夠喇，仲鋪咗唔少紫洋蔥及金不換添，扎肉及魚片頭都交足貨，前者幾爽口，但後者似一般炸魚片，非魚片頭，還好嘅喺幾爽，有魚味，河粉亦夠滑溜，湯底就普通啲，幸好無偏鹹嘅問題。泰正金不換炒金邊粉 $56以小煎鑊盛載，幾有心思，但最特別喺配料，初睇表面，有啲辣椒乾、花生碎、青檸、沙糖放晌4邊，加上粉內有點豆腐乾及泰國臘腸，算預3弟見識少，呢個配搭我都喺第一次試，整體味道

同事鍾意食海南雞，所以呢期成日來新開幾個月的漁樂。今天運氣好，可早一點放lunch，早點來，不然的話一定要等位等很久了。同事點了海南雞，係幾滑，跟油飯惹味！如果慳十蚊就食海南雞湯河！不過比起飯小D鷄同埋位置冇飯D咁靚！我就第一次試冬蔭公香茅豬扒金邊粉，濃味啱我，豬扒都啖啖肉！最估唔到不杯熱斎啡啱曬我，晤駛加錢飲即磨晤酸，good!之前食都要等一輪位，今日walk-in有位！大家都食得開心，希望餐廳加油keep住quality la!

曼坊開咗兩間新餐廳，今日 lunch 試咗漁樂。先講過冬陰功魚片頭金邊粉， 一上碟， 見到大量魚片頭，起碼有九至十件。另外亦都鋪滿咗洋蔥，我好鍾意。 不過冬陰功湯底唔夠辣， 熱度都唔夠。另外叫咗海南雞飯，叫咗白飯冇食油飯。雖然啲海南雞係冇骨，但係我有少少失望，因為鷄皮多過鷄肉。唔夠肉食好似唔夠飽咁。另外餐牌有啲追加小食，我就加咗 $13 追加兩隻炸雞翼。 鷄翼係新鮮炸出嚟，自然好食。咁嘅價錢，食物不太差，環境又舒服，美孚多了一個揾食新選擇。

座位算多嘅， 但係 嘢食質素好一般同埋啲員工嘅態度唔係咁好， 價錢嚟講亦都唔係平。佢啲意粉嘅味道唔太好食，如果有得揀都盡量唔會揀佢… 港食物質素而言某大品牌薩XX 都好食過佢，且價錢又平過佢…

原本系759舊址的地方開左新的餐廳，入美孚運動又多左個食飯的地方，真系太好了，美孚實在太少餐廳了，食來食去都系那幾間。今天系打算食個下午茶，下午茶幾抵食，加十蚊有手抓餅。于是就坐低試下啦。要左杯西洋菜蜜。熱飲來架，飲一杯幾舒服既。泰式咸肉炒飯，可惜不夠乾爽。而且咸左d,飯底太多油，呢個餐系失敗的，早知點其他野食了，得個米飯，仲要晤爽，送不多，好單調。手抓餅就幾好，夠酥，好多層餅，鬆鬆軟軟，幾好味。

越香魚片頭扎肉湯金邊粉- 湯底清徹鹹香帶白胡椒辛香，蔥花、芫茜新鮮添香，九層塔新鮮芳香，炸蒜香甜不嗆，薄切紫洋蔥幼細清甜討好，一小片青檸為湯底上一份清香- 魚片角香口不油膩，札肉內有軟骨、脂肪粒及黑椒粒，肉片爽中帶脆，討好- 金邊粉腍滑吸湯

原本是759阿信屋的舖位 新開了兩家餐廳-漁樂 和意樂。以前曾吃過意樂 印象一般。這次先嚐鮮漁樂啦～由於是晚飯時間 有很多人等候呢！這家店以星馬泰菜為主，是茶餐廳的質素，價值也不是太貴，份量也是適中。一行四人，點了五碟食物。包括特價的芝士焗茄子（$38！）、牛肉（碎）炒金邊粉、胡椒蝦（連泰國粉絲）、馬拉盞通菜、海南雞飯。另外也叫了香茅特飲。食物味道大致可以 不過比較甜 不像是正宗星馬泰菜的味道。但以這裡的價錢來說，都算是不錯了。另外，這裡是每枱都有一樽是拉差醬調味是美國加洲製造的另外值得一提的是 這裡的員工也算很有禮 也有留意到食客需要 希望能一值保持下去啦～這家新餐廳 應該會成為美孚居民的新去處啦～

悶熱的天氣焗緊雨，想近近地食個冬陰公金邊粉就算，（因爲之前食過覺得幾好味，酸酸辣辣好開胃）結果無啦啦突然決定試下海南雞飯，皆因見到隔離客人食緊，覺得海南雞賣相不俗，點知.....雞不可貌相！系，在岩岩上菜時都覺得幾好，只不過一食落口，即刻想比負評，雞肉又硬又鞋，咬左幾下都吞晤到，老到一個點！呢排在不同鋪頭都食過幾次海南雞，在呢度我就晤拎來比較了，因為唔洗比了，好難搵到質素咁差的了。雞油飯的上面有少少咖哩粉，摻和左咖哩味的雞油飯其實糸不錯的，但是，油得淛，似油撈飯，食到我一嘴油！雞系重點，食材的雪藏味顯露無遺！仲要整到極老，咬落口的感覺系驚嚇！最基本的連師傅的刀功都相當hea!切到亂晒晤講，仲要切唔到底，皮扯扯咁....一大塊連著皮又扯住薄薄肉，師傅！你有認真切嗎？OH!冇眼睇！

繼意樂開張之後，曼坊開左漁樂，兩個樂樂是否能令美孚居民快樂？就要佢地努力加油了...首先，服務態度系值得肯定的，暫時咁話，遲d晤知。因為驚左似食人虎咁既太興服務大姐，比我揀，我實會揀服務態度好的餐廳，家陣系食飯，晤系食氣。第二，環境系很不錯的，足夠卡位令人坐得舒舒服服，飲杯野嘆個包又好，食個飯吹陣水都得，唔洗好似大家樂咁逼。第三，野食方面，ok既，對樓下家傳，元氣冇影響，style 唔同嘛，和平共處冇威脅，但又一間同越棧，哈....就要心驚驚了，又一間頹過頹飯，再咁頹落去，唔用多d心思，就慘豬豬咯。而且，價錢方面，中等價錢，大家又點會唔來試下呢？我地今天食左個早飯，下午茶時間上到去，一人一個餐，評價系好過意樂。👉🏽凍奶茶：香滑濃郁。👉🏽豬扒包：包脆，兩舊豬扒，份量足。👉🏽手抓餅：餐+10蚊有手抓餅，味道ok,但+10蚊覺得貴左。👉🏽葡汁焗雞扒飯：油左d，味道還不錯。大家樂冇焗雞嘛，要食焗雞要去美心，咁現正呢度都有，幾好。👉🏽沙爹焗豬：好滯，呢個就麻麻。