漁樂 (已結業)

喺碼頭一出向右行15分鐘就會嚟到呢間咁有feel嘅小食店！先講裝潢，認真一流，主打用木去做鋪面設計，再用汽水箱去做枱整企位。加埋有「漁」字嘅小吊燈，幾有風味！食物方面選擇唔多！今次揀咗炸蠔、尤魚鬚同個魚湯！魚湯好夠熱好香魚鮮味，唔會腥！尤魚鬚同炸蠔即叫即炸，蠔生鮮唔會太細隻，炸得好香，有鮮味唔會腥！仲有酸瓜伴碟有啲外國風味！地方舒服但係位唔多，只係得企位，但勝在風味夠！如果中意體驗吓特別嘅小食風格，同好味美食，漁樂真係唔錯選擇！

因為佢係我地今日快閃既最後階段，唔係好食得落，但見老細好落力咁sell, 而且連"屎萊姆"個名都出埋... 再望埋個餐牌...我地對望左之後，就決定試下佢個魚湯! 我地叫左之後，老闆有問我地做咩唔試其他，都係本地魚同個墨魚都好好架! 我地都話今日食左啦，下次試啦！ 佢就再問我地食左邊間幾多錢咁... 呢下我覺得over左，熱情還熱情...anyway, 個魚湯好熱，好香! 但既然佢講得係湯湯，好老實講佢唔夠我小時候爺爺煲既奶白同濃，不過都係好飲既，飲得出無味精同鮮味既，薑唔算重手，不過可能我太重口味，嫌佢唔夠濃，我會想佢加多少少胡椒粉，因為食唔到魚既應該頂唔順! 但以呢個價都值既...我地見到隔離叫既都吸引，所以下次會黎試其他野

來到長洲，除咗有街邊小食，大魚蛋，芒果糯米慈。。其實仲有好多小食店，今日入到來長洲，就等我在來試一試呢間漁樂，如果有聽903嘅聽眾，應該會知係邊位人兄開嘅😌全店雖然只有4款小食，1個湯，2個飲品😂。。。啤酒除外🍺但正所謂，貴精不貴多，每款小食食材都好新鮮！至於店內嘅枱，都只係用汽水架切成。。。裝修簡約但勝在夠型！呢位老闆果然係食腦😏今日我叫咗一款小食，墨魚厚切，價錢$60，的而且確係有d貴😅⋯⋯但冇計，墨魚係新鮮又真才實料。墨魚🦑一d都唔硬，炸粉落得少，又易咬口！仲有幾粒提子🍇，幫你清一清喉嚨🤣老闆嘅爸爸好好人，係咁R水吹之餘，見我水樽冇乜水，佢主動幫我加滿水，又冇sell我買飲品，服務態度真係唔錯💕

喺市區質素好的居酒屋都吃不到的鮮味。比長洲魚蛋還值得試的小吃。炸鱭魚，炸墨魚，和炸蠔都鮮味十足，和肉質柔軟新鮮。唯一要建議老闆，就是在店外位置放一點真的/仿真食物，吸引多一點人注意，使大家勿走寶了... 說真的... 今天我行過龍後朋友叫我回頭才看到你的店。其實我是特意前來吃的。希望日後會有更多人吃到啦！真的太好味了！

今呢日天氣涼涼地，最啱入嚟長洲掃街，而除咗大大粒魚蛋同大大個長洲糯米糍之外，我會選擇呢度店舖裝潢好日本feel, 呢度係立食嘅，但亦可外賣到出面一路欣賞海景一邊享受美食叫咗一份炸魚，老闆講係每日出海撈返嚟，所以未必日日同款魚類魚，魚仔細細但老闆細心起骨再炸，怕骨嘅朋友都食到另外一份係炸花枝，花枝肉厚有質感，另外仲有幾款手工啤酒而我最欣賞係個魚湯，用多種魚熬煮 而成，真材實料，以後嚟長洲又多個掃街選擇啦

好耐冇入長洲啦好多野都唔同哂臨走個陣都係打算食小小野先搭船出返中環見到呢間舖幾特色就試下啦原來係祖霸王MARCO 開當日係佢爸爸媽媽看舖食物全部即叫即整好味新鮮!佢部人都好NICE呀~佢爸爸仲同我老公JAM歌彈結他為今次長洲之旅帶來一個HAPPY ENDING

第一次路過既時候，比鋪頭既裝修吸引住，有可樂架砌成既枱，同埋同捕魚有關既裝飾後來專程亦去都冇令我失望好香既魚湯同屋企煲既完全唔同，有啲似麵豉湯，我中意入面加左紫菜炸魚都好好味，唔會有種油膩既感覺值得一試再試，試下小店既人情味，同老闆傾下計，了解餐廳背後既故事

每兩，三個月就入來長洲探秘（其實係食野😆)除左食開的大魚蛋和芒果糯米糍，試下呢間裝修獨特的食店。😯店面富有特色，但食物先係重點。之前飲左凍野個胃寒寒地，叫一杯魚仔魚湯，鮮甜魚湯加入獨特味道的紫菜。有住家魚湯的熟悉感但又有其不同的味道，正！暖左個胃係時候食野啦😁鮮炸墨魚用薄漿即炸，墨魚係新鮮料仲要唔係次次有得食。肉質厚身，鮮甜又juicy (一份只賣$55的而又咁考功夫真係唔容易）老闆熱情又好客，一起吹吹水很happy😬😬但一諗起下次唔知幾時先入長洲，都係叫多份墨魚食下啦！🤣🤣🤣長洲人好客熱情 用料又貨真價實下次入長洲又多開must go 店了🤪🤪（見人食鱭魚同炸蠔都好似幾吸引，下次試下先）

走進漁樂，嚐到美味的漁鮮味，更有暖暖人情味，一個普通的下午，一次不期而遇的經歷，悠閒少酌，不亦樂乎！漁貴重鮮味，烹調得當，自然成為一等好菜，老闆以本地原味招睞，原材料都從熟悉艇家購買，懂吃的人，第一口已能分辨雌雄，簡單的烹調更能保持原來好味道！店內的招牌菜炸生蠔，老闆跟我講了一個77次的故事，係一直嘗試下，第78次終於成功，我看到的是一份尊重食物的心態。這裡沒有五花百門，只有四道板斧的食物，老闆堅持專心做好，也不以量取勝，是對自家食物的信心，也是對食客最好的享受！有機會同老闆傾偈，只要不太忙，佢會輕談淺酌，當中充滿人情味和智慧，希望你都可以擁有這種體驗！

呢日難得放孖Day,天氣天清涼一於入長洲行下食下，悠悠閒閒過半天，入到嚟長洲個個食芒果糯米磁🥭大大粒魚蛋🍡手卷🍙除咗呢啲小食仲有呢間小店話說呢間小店係商台DJ MARCO開，平時有聽森美小儀就知道Marco 加盟早霸王節目後增添更多歡笑今次專誠過來朝聖一下可惜直至食飽飽走人都未見到Marco 一面呢度裝修較有日本居酒屋🏮格局,小店不大只有幾個立食位，但可以外賣出海邊慢慢享用小店推介炸魚仔，係每日新鮮撈上來，今次係鱭魚仔最正係啲魚已經起哂骨最啱怕魚骨嘅朋友！墨魚食得出好新鮮又不會炸得好乾值得一提個魚湯🐟🐠🍵飲得出魚的鮮味不過要趁熱飲、凍咗會有點兒鯹呢度只有幾款食品但正因為咁才能專注質素上另外有幾款手工啤酒🍻下次會試下

尋晚路過這間小店，特別的裝修吸引咗我哋入去。因為已近晚上7點，所以都唔係太多人。用可樂的箱搭成枱，店內播著歌。差點以為自己去了台灣/日本。食物很有心思。魚仔濃湯好好味，入面加了紫菜，令我想起媽咪煲的魚湯。魚味很濃，我老公不吃魚的，所以不太喜歡。但我就很鍾意，喝魚湯當然就是要有魚味。要強調，湯不鯹的。墨魚超好食。墨魚很厚身，店主沒有用厚厚的炸漿，而是薄薄的一層。配上蛋黃醬吃，一試難忘。下次再來長洲都會再來呀！

長洲(^-^)早前看YouTube 有推介過的店🤤🤤🤤🤤去試試，發現這個炸蠔，好有口感，外炸內軟，平時都不喜歡吃炸蠔，因為有種不新鮮的味，但今次一試，令我對炸壕改觀。下次再到長洲，必再吃的一店。👍🏻👍🏻👍🏻👍🏻👍🏻👍🏻👍🏻👍🏻呢一間店，是即叫即整，等待時間5-10分鐘，絕對值得！吃炸蠔的時後，要小心燙口，內面有蠔汗流出，有鮮甜味，暫時係我食過的炸蠔中，最難忘的一次。

長洲特式小店日本廣島炸蠔 ，認真制作 ，鮮甜多汁， 配搭 的醬汁 ， 令食物更加鮮味👏👏墨魚 新鮮 彈牙 配菜酸瓜 醒胃 😋一試難忘 😍價錢合理👍老闆熱情 好客，仲請飲啤酒一杯👍👍👍

我們這一家假日閒著無事，飲完早茶就打算入長洲走走，多年沒有踏足長洲，人面改變許多，但人情味不變，今次還給我們發現很多小驚喜，這間每天只營業數小時的魚樂便是其中一間這家小店只有十隻手指數得到的美食及飲品可以選擇，但每樣食物都處理用心，配搭的生菜及酸瓜絶不馬虎！我們一行五人差不多把全間小店的食物encore了三遍！當大家飲飽吃醉，準備結賬時，靈耳的我聽到旁邊的食客話”點解今日唔見老闆marco返來既？”係咪又比森美糟質呀！” 我心暗㤔難道佢係商台唔講波嗰marco? OMG! 好鍾意佢做節目個節奏感同風格，即刻忍不住同老闆娘講好鍾意聽你個仔做節目！老闆娘聽暗暗偷笑，跟住還請我們喝她們自家制的冬瓜茶大家下次去長洲去撞下運氣👻

之前幾之入黎長洲都已經好想試，見到裝修好有特式，不過次次都太多人所以冇食到，今日星期六黃昏時間終於有位喇！原來因爲就快收舖，阻住人收工😂我地點左本灣魷魚同魚仔濃湯，先講本灣魷魚，真係極具特色，魷魚上面灑左d檸檬皮，食之前吱d檸檬汁落去，再點一點沙律醬，真係好fresh又食到魷魚嘅鮮味，而且質地好軟身好好食！唔係出面食開果d硬身，佢仲伴有酸瓜同提子，好開胃！😋而魚仔湯味道就剛剛好，有陣陣魚嘅鮮味，而且唔太咸，天氣涼涼飲杯熱湯真係好舒服！😌另外，我發覺佢地好重視客人覺得佢地嘅食物點，走果時會問吓你好唔好食，而且當我見到野食黎到嘅時候好興奮，我發覺老闆娘望住左我仲好開心噤笑，好有滿足感噤，走果時老闆同我地傾左幾句仲請我地飲左杯酒，老闆娘又同我地分享佢地每日點新鮮製作食物，其間仲有好多街坊行過同佢地打招呼傾幾句，感覺充滿人情味，仲有佢地好支持環保，餐具方面會有限制，佢地話為環保出一分力，噤大家先有靚海鮮食，下次再黎長洲都一定會再黎食過！😁