漁民樂 (已易手) 新餐厅

見到大家話服務差, 忍唔住平反一下.今日第一次去, 無意中發現它. 點了黑沙"魚立"米線 ($32)及紅燒鯇魚骨腩泡飯 ($30).食物賣相好, 味道也很不錯. 魚肉頗甜和滑, 魚湯也鮮甜, 食完飯都無口渴. 蕃茄魚湯入面也有好多蕃茄. 感覺製作認真. 黑沙"魚立"原條魚上, 令人感動. 去街市買加自己煮可能都係呢個價錢. 仲俾多個碟裝骨, 幾細心. 而紅燒鯇魚都好脆口, 但汁稍濃了點. 侍應每次放下盤子都是輕輕力的, 少有在這類型店子看到. 我們問他要水時, 他細心的反問我們是否要暖水. 我們要一杯凍一杯暖, 他也沒有嫌麻煩. 結果真的來一杯入口溫度剛好的暖水, 一杯加了冰的凍水. 我一點也沒有感受到他們態度差呢...加上見他們對熟客(我見到的是一個小妹妹和傭人一起來)的確很明白其需要, 如不用心應該不會記得吧?店子另一好處是保持來貨新鮮. 如某一類食物賣完了, 便直接寫在白板上, 一目了然, 方便食客和員工都知道, 也方便師傅下午再補充售韾的魚類. 以這價錢有這種質素的食物和環境, 我覺得十分不錯啊!

無無聊聊上網睇下lunch有咩食,見到有我喜愛魚湯當然同同事去試試平日lunch都好少會行到咁遠食,睇見門面幾新,幾靚就入去試一個女侍應推介鹽燒鯖魚套餐及鹽燒烏頭,就照落單啦等大約10分鐘我既鹽燒鯖魚套餐到,睇落都幾靚幾用心煮表皮脆,小小咸,不過就有少少骨個味道都吾錯,最好就係吾係太多油配個魚湯米線幾夾魚燒到乾身小小咸,再配個魚湯真的一絕而我朋友個鹽燒烏頭要差不多20分鐘先到,燒到幾香,我試左個汁,似d泰式汁,辣辣地夾條魚幾開謂我朋友挑左蕃茄魚湯通心米線,個湯應該落足料煲,紅紅地有蕃茄味,個通心米線朋友就話係較淋既烏冬到埋單,睇番d食評都知員工既服務差,一位疑似老闆既人收錢,冇笑容冇精神,連句多謝都冇講,態度有點差,要改善改善

一兩個月前第一次去食...魚湯好好味...冇味精 (唔口渴)...好鮮味...於是今晚再去...失望而回... 首先魚湯不再美味...食後十分口渴... 伙計 (包括老闆} 招呼差...仲打算介紹朋友去食...而家連自己都唔想再去呢...唉...

推介:魚湯泡飯另有通心米線可供選擇另有多種款式餸料任君選擇包括抵食的脘魚腩,鱅魚腩,鮮豬潤及其他十多款餸料,keep fit女士必食營養高食魚有益湯料有魚湯,番茄魚湯,冬陰功魚湯可供選擇營人必食**魚湯清甜唔腥**鹽燒烏頭(干煎癖泥味)精髓在於泰式醬料加越式醬料混合體令你回味無窮辣汁雞翼(辣汁勁好味,皮脆肉嫩)每人消費大約$30-60

當日諗住去試下食魚湯米線，見佢地好以幾企理，就入去試下，食物質素普普通通，但服務態度極差，伙計叫極唔應，落單又黑口黑面，今時今日仲有呢d服務態度，真的要檢討一下，況且大角咀多的是食肆，再咁既態度，真的好快玩完...

魚仙冇左之後都冇食過魚湯米線啦前幾日係信箱收到"余文樂"傳單~今晚終於同老公一試,跟魚仙比一比首先當然係比個湯先,個魚湯比魚仙重魚味得多,奶白色~應該用足料~吾似加奶水~比魚仙淺白色既魚湯正,"余文樂"勝黃腳立泡反~~魚仙比較平,而且較多反~~但"樂仔"就可以有豉汁幾款做法,不過飯就比較少~~計價錢抵食度魚仙勝"樂仔"既魚湯粉面材料較多同特別,魚腩都有兩款選擇,而魚付同炸魚片頭都幾正,炸魚片頭仲要炸過先比客人,值得加分,不過魚付食得出吾係新鮮自家制,相反魚仙就款式少左dd~~粉面方面"樂仔"勝至於服務一定兩者都咁"差"~~叫極個男侍應佢理都冇理我,足足叫左三次佢先有反應,仲要黑口黑面咁落單,今時今日咁既服務態度點得丫,到埋單,佢又鬼咁慢,張單$96,我比$100,梗係找$4啦~吾洗左計又計丫,小學都識啦,趕時間走都幾忟...........總結:今晚呢餐質素好,個湯有魚味,條魚食到係新鮮魚,值得一讚不過服務就麻麻啦,如果吾係走時個女侍應有笑容對住我講多謝再見,我都吾會比個笑,下次再黎希望有改善

I have had dinner at this resturant for several times.The spicy chicken wings and the doll vegetable soaked with fish soup are my favourite.The former one is terribly more-ish and it is done to a turn.Looking at its appearance and tasting it , I knew it was really be fried just a moment ago because it was so crisp and hot. Also , the spicy sauce did really catch my tongue.For the latter one , the doll vegetables did match the fish soup . The vegetables were soft enough . The fish soup was deep i

佢開張第1日我食左個大米線,份量少,唔太好食.份量差唔多係下面張圖的3分1.係個魚湯好少少,本身諗住唔會再試,但朋友見個名咁得意,又想試新野就俾多次機會佢.今次叫左個雞肉魚腐冬蔭功米線+雞翼.雞翼真係好臭,好似咸魚味,應該係佢個汁既味啦.雖然臭,但食落又OK喎,熱到辣親條利,都食得出係岩岩炸,唔係擺過夜.講返個米線先,雞肉幾滑,起碼好過部分米線專門店.可能係我既問題,魚腐我就覺得麻麻地,但朋友覺得幾好食.冬蔭功湯呢....只可以講唔係冬蔭功味.如果當佢係一個普通辣湯底又可以接受既.另外,員工態度幾好,佢見我搵緊個袋,就主動問我係咪要紙巾,佢即刻拎俾我.見朋友杯檸茶D冰溶哂,又主動問洗唔洗加冰.加分!總括黎講:食物改善左,份量合理,員工態度好,價錢OK.可以再試

晚夜同朋友經開大角咀搵食..朋友好鐘意食魚湯...係門口見佢乾乾淨淨就入去試下啦...1) 三文魚扒陪魚湯米線個三文魚扒都ok大塊...上菜個時都熱辣辣加左d汁..無咁乾..又match到個三文魚...2)魚湯米線加魚腩同蟹柳呢個我朋友覺得好好食喎d湯好濃郁成碗都係奶白色...飲落真係有魚味..佢話無加味精..我朋友食哂碗麵同飲哂d湯都唔覺得好口渴我好少食通心米線...唔係太淋都幾特別!3)雞翼小食隻雞翼都ok大隻...加左d酸酸辣辣既汁上去我就好鐘意食d球辣既野..所以我覺得好好食...但係我朋友就唔食得辣..所以佢就覺得麻麻啦下次黎大角咀我覺得可以再黎既!下次我想試下d炸九肚魚...

開張初期試過一次,覺得真係麻麻..........星期一放工再試多次........同女友叫了個二人餐食係自選的........我們選吉列朱扒,燒汁水撥,海盧魚,魚湯浸娃娃菜+兩個米線1,吉列朱扒:夠熱夠脆,不過薄了一點2,燒汁水撥:原來係魚娃水個到,啖啖肉,正丫,個日式燒汁配魚,夠入味3,海盧魚:呢個最勁,鬼咁大條海盧魚,上台都有d誇張,建議店主用大小小碟啦,條魚仲大過隻碟,條魚食得出係新鮮魚丫~有魚味,又夠大,夠肉4,魚湯浸娃娃菜,我女友最like,食得出真係用魚湯浸到淋,並非外間用水整淋再放湯,咁跟本d菜吾入味,失敗,但呢個漁民樂d菜係有漁湯d鮮甜味...........正5,番茄魚湯米線:個番茄湯奶白色,有好多番茄肉,一睇就知係老火湯~~~夠晒番茄味 魚湯通心米線女友食,個魚湯鮮甜,有魚味,係奶白色的,配好似烏冬既米線食,女友話正丫~見佢連d湯都飲晒,就知吾係味精魚湯......食飽飽走人,點知個侍應話仲有桂花糕做甜品,我地食完真係超飽,一肚湯~~~抵食丫見到廚師推介有"原條活魚泡飯","明爐魚湯云吞雞"~~都幾特別wo,吾係砂窩,又用健康魚湯,下次再同愛人去試下先.s:呢間鋪

呢間好近我屋企, 見到佢開左一排, 初初都唔係好敢試, 覺得唔好食~咁岩係開飯見到下面d評話改善左好多, 咁我就俾一次機會佢, 同bf黎試試~叫左兩個餐~1. 漁湯浸深海釘魚($34): 新鮮, 魚有魚味~個魚湯好好味, 好鍾意食通心米線2. 川式剁椒炸加州鱸魚($38): 呢個岩晒我口味, 辣辣地, 條魚炸得夠晒透, 正呀!!本來諗住試下小食, 但太飽....食唔落~下次再試其他野~

呢間鋪，幾好，服務，都不錯，其實本人係勁鍾意米線同**健康食物早2個月，見到呢間鋪開左~都會試試~唔.........食過一次~感覺麻麻可是我都好想再試其他食物~無理由[]架?"可能其他食物都ok啦~其實賣相都幾吸引，hahaha我下一次再來食...都係忍唔住再食返上次食ge…蕃茄魚湯湯底(至愛)食左第1口~~e~竟然有驚喜~~heehee好香好濃呀~唔係講笑r..跟住加左個'''魚湯浸菜''..d味都唔同哂~魚湯味勁濃試飲完唔口渴 (因出面餐廳d味精湯,,使人越欲越口渴)><wah...好滿足~~除了食好味野之外...發覺原來呢間鋪都好力求進步同創新見到定期有新款外同KEEP到品質~GOOD好欣賞~仲有COUPON用TIM~~上次我個FD話...正!!有咁多魚食~下次 再試過~

路過大角咀完全唔知食咩好行過被LEE個米通吸引住又配埋魚湯添~~~所以就入去一試啦!!!魚腐米通, 單拼, 味道唔錯O既, 個魚腐都好有咬口, 好鮮味~~~ 米通都好好味, 因為我實在好鍾意食米線、通粉LEE類o既食物!!! 不過略嫌魚湯唔夠鮮味, 雖然都知道佢用足料, 而且冇加味精, 不過始終欠少少魚o既鮮甜味...大雜米通, 大大碗, 咩配料都有, 而且好得意地d配料係另上嫁, 哈哈...其實lee度d配料都係一般食車仔麵o既配料, 所以lee個大雜就有哂最基本o既車仔麵配料啦~~~ 如果諗唔到食咩配料, 一碗就攪掂哂overall average comment!!! 因為d魚湯就係差少少, 雖然我食完碗魚腐米通都將d湯飲哂, 不過可以做得更好!!!

其實我已經黎左漁民樂三次~~三次都有唔同既分別~~上星期五去左食大雜面~~正如"不眠王子"所言~~真係廣告與實物不同~~但唔好意思講句~~廣告個張係生既食物~~呢個大雜面係食熟既野~~佢呢個面又唔係sell 火鍋~~咁煮熟左~~個d生菜同山根仲會唔會企直黎出黎呀~~仲有佢個蕃茄湯夠晒味~~應該睇過"芬妮鹿"既留言而改善~~但都睇得出大廚不斷改善中~~況且呢間鋪都係開左個幾月~~都仲發展空間~~可以俾d機會佢~~下次我要試下佢個咖哩蛋包飯~~有冇改革到~~整體食物有改善~~good~~

上一次(月頭到)黎漁民樂食魚湯米線,就真係有d失望,好似呀"不眠王子"所講,好多野都未如理想....諗過食完一次就算數....不過都明白做食肆係咁嫁啦,又要做到平(因為地區性)又要大眾化口味,都幾難話d野好冇食!!禮拜日又經過呢間漁民樂,嘩..攪咩?d野唔係好難食嫁咩,咁鬼多人既...就決定畀多次機會佢,入到去,咁岩有卡位(窄窄地)睇下menu,加左d新野落去喎,有D似以前間魚鱻..同友人叫左碗大雜麵,一條釘公,兩隻雞翼同加7蚊既秋刀魚...釘公米線黎先,個湯睇落個色唔同左,好似濃左好多,飲落去又真係好好多喎,豆香味幾濃,魚味可以濃d更好,條釘公好新鮮,好實肉!!有改善!!大雜麵份量都幾大,同"不眠王子"所示圖片不相同(唔好意思)雞翼我上次都食過,個人覺得ok,我問店員點解會有陣怪味,佢地話係魚露...o..明白哂!!今日呢個汁仲辣過上次,隻雞翼大左幾倍...好似仲大過譚仔既土匪雞翼....秋刀魚一般啦,加7蚊一大條,冇乜要求,好在都唔腥...總結:今次番食好明顯有左進步,以食物質素同價錢好合理,(買條魚都廿幾三十蚊啦)不過咁岩大角咀魚鱻執左,漁民樂又係做魚專門店,不妨一試作個比較都好