漁記大閘蟹專門店

营业中

休息中

你鍾意食公🕺🏻定乸💃🏻呀？選擇困難症既我，要捉緊依期公乸都岩食既日子🙆🏻‍♀️買左𝟐公𝟐乸，公乸都一次過食🦀𝐒𝐢𝐳𝐞🤗仲要係今年食過最夠有份量既𝟏次💯~•~•~•~•~•~•~•~•~•~•~•~•~•~•~•~•~•~•~• 🦀 頂級江蘇大閘蟹 🦀(附送食蟹工具 • 枝裝蟹醋 • 紅糖薑茶 • 紫蘇葉)今次買左既重量 / 両數 :公: 𝟔両($158) 𝟓両($98)乸 : 𝟓.𝟓両($198) 𝟒.𝟓($128)最大個隻係放上手掌🖐🏻，可以連手指都遮晒咁濟(*下圖)入面既膏更加唔洗講🤤真係爆爆爆爆滿💥公定乸都咁爆膏❤️‍🔥蟹蓋都舀得出勁多🥄(*蒸個時已經多到漏左𝐝出黎🫣).讚讚位💕▫️店員姐姐 : 好好禮貌 • 好細心🫶🏻即使有提示卡教學都好，都親口講解(教我要蒸幾耐 / 注意事項…)。亦都好貼心咁問我有幾多個人𝐒𝐡𝐚𝐫𝐞食，再安排相應份量紅糖薑茶俾我地🤎▫️包裝 : 用保温袋裝之外，仲放多左𝟏大支冰樽🧊.🈹優惠方面 : 依期做緊乸蟹，詳情可向店家查詢𝐅𝐁📱 : @漁記大閘蟹專門店.~•~•~•~•~•~•~•~•~•~•~•~•~•~•~•~•~•~•~•

入秋就梗係食蟹，朋友介紹我去元朗漁記嗰度買，話大閘蟹夠晒新鮮，而且有門市，質素都有保證叫店員拎咗兩公兩母俾我哋試，大概5-6両，佢幫我哋包好，放入埋附送嘅蟹醋同埋品蟹工具。返到屋企四隻蟹仲好有活力，所以我哋都嗱嗱臨放上紫蘇葉去蒸蟹。我哋唔係好識點樣開蟹，都係盡力而為🤣母蟹既蟹黃比較多，所有大閘蟹金黃色既蟹黃多得滿瀉，入口滿腔甘甜，香味濃郁，其中有一隻就比較似食緊鹹蛋黃咁食完蟹黃就梗係食埋白色嘅蟹肉，道出少少蟹醋，醋味為蟹肉提鮮，令人回味無窮

秋風起又到食大閘蟹既時候啦！以前都好鐘意食大閘蟹放題，但多數比較小隻，倒不如直接去買大閘蟹食，揀啲大隻買返屋企慢慢嘆，其實直接逐隻買，都係一個唔錯嘅選擇，另外就係明碼實價，呢間大閘蟹專門店喺元朗新開，今次買既係 5至6兩一隻既大閘蟹，隻隻都幾多膏。老闆娘好好人介紹得好詳盡，要大火蒸20mins，仲會送紫蘇葉、醋、工具套裝、薑茶沖劑。買完蟹當然第一時間返屋企蒸來食啦，果然沒有失望，先揻走底掩已見黃膏爆出，再揭起蟹蓋油潤閃令令蟹膏盡收眼底，急不及待立即品嚐，蟹公蟹膏黏糯軟滑，口感較香濃幼滑，回味無窮，蟹肉結實，蟹肉鮮甜極至，啖啖都充滿蟹汁，蟹身肉一梳梳十分滿足，蟹腳肉結實而彈力十足。

買左4隻 3公1乸 5.5-6両超巨型 手板咁大🤤我自己鍾意食公 留返一公一乸比老人家食我媽食到lam lam脷 話d膏好香好滑👍🏻我自己就好似從來都無食過咁多白膏既公😨對半開完 唔止個面有白膏 連殼入面d肉位都有😍 一應俱全 送齊曬所有工具蟹醋紫蘇葉薑茶 仲有黑糖 👍🏻 老闆娘非常之好人 見我後生女 驚我唔識 （其實我已經係煮飯婆黎了）有張紙仔有曬教學 特燈寫埋蒸幾多分鐘 24小時wtsapp服務 仲話傾心事都得🤣🤣值得Encore👍🏻

秋天到，又係食大閘蟹嘅好時機，今次黎到元朗嘅漁記大閘蟹專門店，佢哋嘅大閘蟹隻隻都咁新鮮，飼料為粟米🌽、小魚、蝦，採用天然養殖嘅方法，同出面嘅好唔同😆今次買咗兩隻公同兩隻乸，重量分別為四両半、五両半、六両，佢地仲會送埋送餐具、醋、紅糖薑茶同紫蘇葉😚服務非常之好以佢哋嘅指示將大閘蟹清蒸，隻隻都咁多膏，多到爆曬出嚟，蟹🦀夠新鮮，就咁清蒸都好好食😋蟹肉超鮮甜，比出邊嘅更清甜😍由於採用天然養殖嘅方法，唔使怕打咗激素， CP值十分之高🥰

#漁記之前唔識大閘蟹邊間好，之前係寶達/ Ocean three 呢啲急凍鋪買過，雖然平，但咩都唔送蟹質素又一般今日經過元朗，試下呢間大閘蟹專賣店，老闆娘好友善，介紹啲蟹係江南黎，仲要食粟米大😂我愛好公多啲，係老板娘熱情推薦下買左一隻4 両乸 $98，一隻5両公$98，一隻5.5両公及一隻6両公。老闆仲送左蟹醋、蟹剪、蟹簽、紫蘇葉及薑茶呢。 啲蟹用兩個保溫袋包好，再有樽冰雪住，返到屋企啲蟹仲生猛蟹乸啲膏最爆最好食😋蟹公都爆膏，大隻既公啲肉都不錯，唔梅！ 下次一支公買兩隻公蟹下癮都不錯