漁鱻爺爺

营业中

休息中

話說有一晚上去食 之前好耐以前開張無耐食過1.2次的.入去見到餐廳就得一台客 我入門口 安排一張卡位比我地 點知就見到好大隻烏蠅🪰喺張梳化度 我就換左第二張卡位了 本身想坐入少少 即刻有好心客人（就係唯一一台客）話：唔好啊 好熱ga 我地瀨左嘢 坐返出黎的😂咁我就唔敢坐嗰張枱了 坐返出黎 ，我地一坐低就問有冇啤酒桶？個女侍應阿姊同我講我哋得一個就係隔籬枱用緊！咁我話你有冇其他桶可以裝到啤酒？我想嗌四支啤酒浸住冰.之後有另外個阿叔就話：冇㗎冇㗎. ..但係我見到有兩個藍妹啤酒桶 其中一個裝住乾淨筷子，我就問佢呢啲唔係咩？ 我阿姐答我：呢個係污糟嘅 呢個呢我哋係要乾淨嘅🥸呢兩個都唔可以嚟浸啤酒…我勁愕然..本身就冇生意，你拎個桶比人出嚟可以做多台生意…唔明點解可以寧願客人走都唔識得轉彎拎個桶出嚟🤷🏻‍♀️所以我哋都冇食走咗lu.西灣河又唔係得尼間餐廳🤔

腸粉好硬，仲食到啲粉粒一舊舊咁卡住係啲腸粉到。另外，個豬仔奶皇包外層又厚又硬，個奶皇又水，真係好難食。不過蝦餃燒賣個啲都尚可，但成個體驗最差就係邊食邊聞到一陣布嘅臭up味。

食晏去飲茶，整體來說，衣間嘢唔掂。叉燒包，乾震震，個餡唔甜，唔夠汁。燒賣，都係乾，唔夠滑，得2隻蝦仔。櫻花蝦？滑蛋腸粉，無色無味，成舊麵粉，實定定。流沙奶皇煎堆仔，衣個算正常，外皮夠脆，個心都係流。木耳味醬排隊桶飯，冇味嘅，啲飯唔靚，排骨勁多骨勁，肉都唔多粒。$65，飯就夠多呀，唔掂唔抵。薑汁紅棗千層糕，夠薑但又夠膠，食完頂胃。啲籠烏率率黑掹掹，好心換咗佢啦，見到都唔開胃。都唔知點解咁多人去，又唔係平。

街坊小店理應有啲人情味，但係漁鱻爺爺話俾食客既就係另一種體會。OpenRice book左7:45pm, 3位, 計埋我地共有三檯。Table for 3️⃣1. 涼拌萵筍絲2. 醒胃手拍青瓜3. 頭抽大海蝦4. 花膠老壇酸菜魚（小辣）加料：紅薯粉、金菇菜、海帶結、萵筍飲品：凍檸檬薏米水x3一坐低就俾左壺茶同茶杯俾我地，可惜個杯太污糟。我地啲女人仔唔敢飲，唯有叫特飲。食物就一般般：🐟酸菜魚🐟口感滑滑地，但味道有啲工業感覺。🦐頭抽大海蝦 🦐大家睇相都見到唔係大海蝦，仲有幾隻好霉。蝦仔過左油，係香口既；不過成件事就同頭抽同大海蝦無關係。🤵‍♂️服務🤵‍♂️收工時間係11pm，10pm未到就眼望望，叫加水一粒聲都冇出。睇黎係阻住佢地收工，所以10:30pm未夠我地都醒水出去埋單。由埋單到講「唔該」離開餐廳，佢地都係木口木面冇出聲。 大家一出餐廳，異口同聲咁問：佢地咩事呀？呢間餐廳冇加一，但收茶錢。食物同服務都唔會令我地再幫襯。

餐廳冷氣不足，未食都流汗。重點空氣唔流通，加上近廚房，簡直熱氣嘅感覺。🥵🥵 透氣覺得都唔舒服，所以與職員提出和溝通，但係職員回應及態度一般。😶‍🌫️整體食物味道一般，不過附近點心選擇唔多，又想食點心，無乜得揀嘅情況下隨便食個午餐就算。食物都熱上，唔會蒸好耐。🥲🥲 味道就比較一般，簡單食個馬拉糕，個糕身都可以無乜味道。順便分享下曾經夜晚食過酸菜魚，就更加不值一提。😂😂😂 中辣嘅酸菜魚，唔辣，亦唔酸。食物嘅辣椒，同湯嘅顏色，彷彿好似裝飾品。如果附近區經過，無得揀嘅情況下，點心都仲可以食下嘅。

今次朋友帶路，帶我去食一間辣辣辣嘅川菜餐廳，好勁辣！我地點咗辣子爆炒豆腐雞軟骨、清湯畤菜脆瓜炒腩肉酸同麻辣魚片。先嚐咗辣炒雞軟骨，滿滿既辣椒、蔥同蒜爆香，雞軟骨脆囗但麻辣味慢慢滲出黎，好食好適合配啤酒。清湯時蔬用雞湯煮，清甜好食。脆瓜炒腩肉改用腩肉唔用腩片，食落更香甜有油脂，又肥又嫩，仲要香辣惹味。主角係酸辣魚片，墊底係菜同粉條，兩者吸完湯底又香又辣，好滋味。魚片無骨好薄入口嫩香美味，份量十足，一碗係兩人份量，可選辣度，建議試吓小辣先。佢哋嘅招牌酸菜魚好好食，其他都係配菜同前菜。煙燻蛋香氣十足，蛋黃位置係流心狀態，入口香，蛋夠滑夠。冰鎮醉蝦浸到好入味，蝦肉食到淡淡酒香，蝦肉鮮甜爽口。炸蠔仔用薄粉漿包住鮮蠔仔炸香，好好食既啤酒小食。炸芋條中間夠粉，外層都好脆，入面係芋頭條。酸菜魚，一碗係兩人份量，可選辣度，建議試吓小辣先。飲啖湯底又酸又麻帶點辣勁，魚肉片份量非常多，用鱸魚魚片，無腥味之餘仲好嫩滑有油香，底下仲有海帶、蘿蔔同芽菜做配料，夠三個人食都得，好抵食！

之前晏晝係到飲過茶都覺得唔錯 但夜晚嚟食真係第一次🤣❣️蔥油雞 (半隻) 今次我係嗌咗個$328 set 包水煮魚、半隻蔥油雞同埋萵筍炒魚餅 所以我唔知單點係幾錢😂個魚餅食落都唔錯 但賣相太唔吸引就唔記得咗影相😂😂雞隻結實嫩滑 份量都幾多 總結嚟講都幾抵食٩(˃̶͈̀௰˂̶͈́)و❣️水煮魚片 ($128)魚嘅份量都幾多 肉質鮮嫩 火候控制得啱啱好 唔會煮得過鞋 幾有驚喜‼️配菜有芽菜、木耳、青瓜等 份量都幾多 而且入晒味 芽菜食極都仲有超滿足😆但比較可惜嘅係佢冇萵筍同埋寬粉😥一見到個鍋入邊無 即刻加咗一份萵筍🤣🤣辣度我地揀咗小辣 略嫌唔太夠辣 而且偏油😥如果呢到可以調整少少就好喇🥺推薦指數：🌟🌟🌟【𝐏𝐫𝐢𝐜𝐞: 4/5 𝐅𝐨𝐨𝐝: 3.5/5 𝐄𝐧𝐯𝐢𝐫𝐨𝐧𝐦𝐞𝐧𝐭: 3/5】

星期六同屋企人去左飲下午茶，叫左幾款點心同一個酸菜魚米線。沙薑雞腳炆得入味同夠淋，擂沙煎堆入口鬆脆唔會油膩，裡面充滿著黑芝麻餡。酸菜魚米線叫左少辣，無骨魚肉啱曬我，可以啖啖肉唔洗挑骨，魚肉新鮮唔會散唔會腥，米線份量頗多，可以share一齊食。價錢合理，可以又食點心又食米線，一次過滿足兩個願望！

同朋友去開西灣河，想食川菜辣味野，黎左呢間試下！我地叫左烤魚（小辣）食，條魚皮脆肉滑，隔離有啲芽菜、木耳，入哂味，好食！小食叫左「跳跳魚原條茄子」同土豆絲，茄子都夠哂淋夠哂入味，土豆絲酸酸辣辣，好開胃！

外賣炆鴨飯。得一件有些肉，其他全部肋位，頸及腳爪，有盒飯係会夠飽的。附上圖片供參阅。吃了的是2件頸。建議喜欢食骨頭的人去幫襯，包滿足食骨头的好奇心。本人再不会幫襯，我不懂食骨！外賣的風險就係咁，仲要五十几蚊盒買咁既貨，唉，只怪自己行衰運。

CAFE編暫時完結,我地又轉返去川菜系列!今次朋友帶路,食辣辣辣 辣辣辣好勁辣 辣子爆炒豆腐雞軟骨 清湯時菜 脆瓜炒腩肉 酸麻辣魚片今次3個麻辣友會友 小食先上辣炒雞軟骨 滿滿既辣椒蔥蒜爆香雞軟骨脆口但麻辣味慢慢滲出黎好食!秒殺啤酒清湯時蔬用雞湯煮,清甜好食脆瓜炒腩肉 改用腩肉唔用腩片食落仲甘香有油脂又肥又嫩仲要香辣惹味最後主角係酸辣魚片,墊底係菜同粉條 2者吸完湯底又香又辣好滋味魚片無骨好薄入口嫩香美味平均消費$300評分7/10Shop A Scenic Horizon, 250 Shau Kei Wan Road

呢間主打酸菜魚嘅餐廳人氣幾強勁,一於試下佢!菜式 招牌酸菜魚 煙燻蛋 醉大蝦 炸鮮蠔 炸芋條主食係酸菊魚,其他都係配菜類同前菜煙燻蛋香氣十足,蛋黃位置係流心狀態入口香,蛋夠滑夠冰鎮醉蝦 浸到好入味,蝦肉食到淡淡酒香,蝦肉鮮甜爽口炸蠔仔 用薄粉漿包住鮮蠔仔炸香,好好食既啤酒小食炸芋條中間夠粉,外層都好脆,入面係芋頭條最後就係酸菜魚 一碗係2人份量 可選辣度,當然試小辣先!飲啖湯底又酸又麻帶點辣勁 魚肉片份量非常多,係用鱸魚魚片無腥味之餘仲好嫩滑有油香底下仲有海帶,蘿蔔芽菜做配料 夠3個人食都得,好抵食漁鱻爺爺西灣河筲箕灣道250號御景軒地下A-C號舖平均消費$300評分8/10

係ubereats叫外賣，張單出左，由車手去到取餐後，先通知原來有款點心賣哂，但唔係由餐廳主動通知車手將個電話遞俾店員同我講，個位店員極無禮貌，完全無了解過件事就係咁話唔識搞，你唔識唔通我又要識？態度語氣又差，係到話餐牌轉左，所以無我order個款點心隔住個電話真係好難唔嬲，一間餐廳店員唔識處理同解決問題，又無耐性又無服務無貨唔通知，轉餐牌唔更新外賣平台，唔將產品列做售馨而家叫外賣既唔係客人，唔洗俾錢既？忙就咪開外賣平台啦！！

家人想飲茶，於是叫外賣回家食。第一次飲茶唔係在酒樓食。在不熟悉的環境下，選擇這一間酒樓。餐廳的環境舒適，比酒樓新式一點點。感覺都是熟客仔。味道整體來說不過不失啦！鳳爪排骨蒸飯（$28)老陳皮牛肉球（$24)蜜汁叉燒包（$24)上素粉果（$26)奶皇流沙包（$27)爺爺小籠包（$28)鮮蝦燒賣王（$29)萵荀蝦餃皇（$34)安格斯牛肉腸粉（$29)外賣八五折星期六日每項加兩蚊感覺佢晚市既酸菜魚應該才是重點，下次有機會可以試晚市的酸菜魚

成日經過見過呢間主打酸菜魚嘅餐廳都高朋滿座，屋企人又好鍾意食酸菜魚，所以今個週末特登帶佢哋嚟試一試😋要喺香港食到正宗嘅酸菜魚一啲都唔容易，通常弊病都係唔夠酸同香😌今次哩間酸嘅程度雖然都仲差少少🤏但整體有七至八成正宗，而且份量同價錢合理，都叫頂到條酸菜魚癮🤣《老壇酸菜魚》 2人份 $208 4 / 5 🤩🤩🤩🤩因為仲想試埋佢嘅點心，今次嗌左個二人份量三個人食，都覺得飽足感十足！👍🏻辣度叫左小辣，係好輕微嘅辣，酸同麻都俱備😋魚肉嘅份量好多，用嘅係肉質滑溜嘅鱸魚🐟無腥無雪藏味👍🏻 配料有芽菜、海帶、蘿蔔條等，特別鍾意蘿蔔條好淋入晒味😋《滋補薑汁糕》 $22 4.5 / 5 🥰🥰🥰🥰除咗酸菜魚，呢度嘅點心都相當有驚喜😎尤其是哩個薑汁糕😍口感煙un 彈牙，薑汁味濃得黎好溫和，千層嘅層次分明👍🏻 《蜜汁叉燒包》 $22 4 / 5 😋😋😋😋鬆軟嘅叉燒包，蜜汁惹味，而且叉燒份量都幾多😋總括然而一家人嚟食就算唔食酸菜魚嘅，都可以飲茶食點心，絕對係享受家庭樂嘅好地方🥰