漁鱻爺爺

营业中

休息中

今日第一次想做食評，揾左一間係屋企附近開左一段時間又未試過既餐廳，叫左一個鮮蝦燒賣皇、招牌酸菜魚米線、野菌海鮮米線、熱奶茶，燒賣估計係拎批發的，普通未道，帶微酸；野菌米線都比較普通，有3隻蝦，2片魷魚，7隻花甲，但最不滿是食到鐵絲刷留下的小鐵絲😔；熱奶茶都有酸味，不建議；最後酸菜魚米線應該是最好的，魚湯清甜，魚片有5大片，亦比較滑，味道不錯。以上只係我對某幾樣食物的評價，可能晚餐會較好食吧！我諗本人都唔會再去，謝謝大家

過開嚟呢邊做嘢，見到有一間好特別嘅餐廳，但係睇真啲原來係好似酒樓，比佢個名吸引咗入去，正如其名1間食魚既專門店，打開menu我見到有好多唔同嘅種類，心思思樣樣都想試，但係時間真係太早，食唔到太多野，再望吓隔離左右，個個都係食緊點心，心大心細就叫魚同點心試試，酸菜魚米線無加辣，無骨魚肉比較爽脆，唔會太酸，份量一啲都唔少，大大嚿啖啖肉，新鮮冇滑潺潺嘅感覺，酸菜份量唔算特別多，魚湯比較出色，再叫多一個燒賣，正常，新鮮，大大粒

限聚令放寬後第一次同家人外出飯聚，選定這家之前已經飲過早茶的小店吃酸菜魚。可能因時間尚早，店内食客不多，一行四人點選了$568.00的海鲜酸菜魚套餐及兩款小食 : 糖心蛋及脆魚餅。各款食物味道普通，沒有大驚喜，反而主菜酸菜魚的魚肉夠滑亦夠鮮，其他的海鮮配菜亦不俗，只可惜凍得太快，若能夠像火鍋般一直保持住温度會更完美。但極須改善的是服務，所有餸菜10分鐘未夠極速全部上枱，向侍應反應，没有理會，完全是趕客的態度。一

早前既一輪酸菜魚熱潮🐠令到呢類餐廳開都成行成市🤣 見到呢間打住四川味道既旗號，仲要主打海鮮🦞睇落好正宗好吸引🤤🤤 但期望過高似乎有點失望而回😅 想食小菜既可以試下，價錢都好合理💰 但係酸菜魚迷就可以再搵下其他地方啦⭐️ 老壇酸菜魚 🐟 非常令人失望😰 湯底好似普通開出黎既魚湯，完全無鮮味 酸菜同辣椒🌶️睇落夠多 可能因為叫左小辣 🙈但係食落完全無酸味同辣味🌝 好似只係裝飾咁 酸菜好似街市買到既鹹酸菜質地🥬 魚肉既質素不過不失 可以算係滑但唔算新鮮⭐️ 頭抽大海蝦 🦐 其他小菜質素反而幾好😋海蝦非常入味 唔會死鹹 撈飯食岩岩好 好惹味⭐️ 南乳脆雞翼 🍗 小食既質素反而唔錯😋 南乳味好出，炸得香口又唔會炸到乾曬👍🏻⭐️ 豉油皇乳鴿 🐔 醃得好入味，但係乳鴿比較瘦，唔夠肥美😃多少少脂肪會油香多D

疫情外賣全單85折，都抵嘅，但個酸菜魚外賣盒要$10😂總之帶個煲去，因為外賣到屋企，個酸菜魚已經唔熱。酸菜魚：因為之前未食過，所以唔知佢哋酸及辣度，所以叫小辣，但原來真係唔辣及無酸味，但魚很滑，爭取番少少分數，如果下次可以中辣。因為我哋用咗口水雞的醬汁放落去，完成提昇咗酸菜魚的味道。口水雞：好野味，夠辣，雞件很滑。糖心滷水蛋：有酒味。

好耐未食過酸菜魚喇，諗住去試吓喇！碟酸菜魚到，即刻試吓過湯先！嘩！一啲都唔熱架，好似放咗一段時間咁，即時通知侍應，佢就即刻攞返入廚房返熱！主菜咁樣，已經冇心情食其他野喇

這間店舖是吃酸菜魚，另外還供應點心，今天10時到這間餐廳，叫了點心吃，雖然選擇不多，但是是即叫即蒸的，特別推介春卷，夠脆夠熱，好吃過其他酒樓，到了11點更叫了酸菜魚米線。分量很大10分滿足。向餐廳侍應請教原來這間餐廳的名是讀「魚鮮」。

一班人去太心急食剩係影左一張酸菜魚溏心蛋入味又唔太咸醉蝦新鮮大隻冰鎮一碟5隻咁樣質數算好平$58, 酒糟螺都係$48質數係5粒星仲有個金菇安格司牛同個涼拌萵苣 , 清新酸辣又係好食 , 仲有文昌雞 , 南羽雞翼 , 普通菜但都算做得好。希望開分店係大埔 , 可以唔使同朋友出到咁遠食, 西灣河朋友好幸福咁近又抵就有好野食

蝦多士 ($23) - 買少見少嘅點心，面層鋪滿芝麻，薄薄蝦膠都算彈牙，唯一唔鍾意塊每啖多士都有油滲出嚟，好油陳皮牛肉 ($20) - 普通，無乜陳皮味，牛肉肉質比較削魚湯豬軟骨米線($55) - 份量比預期少，湯底淡，完全唔似係魚湯，本來最有期望，結果好失望…呢個價錢，食x仔已經有個supreme combo喇馬來西亞香滑奶茶(+$3) - 飲到最底，有異物，望咗一輪，應該係蛋殼；店員解釋係水吧同事同時要幫手處理剝蛋，姑勿論係咪廚餘或其他人嘅餸渣，一杯飲品奉送異物已夠嘔心，換過另一杯都無意慾飲了，唯有取消。開茶每位$6，落單前已問清楚係未可以自由選擇開茶或飲品，已獲店員確認，所以我哋揀咗奶茶就無開茶；張單無列茶錢，但收銀似乎自動加2位茶錢，我哋話無開茶，反問我哋係咪無飲過任何一杯茶 🤯 所以俾錢前要睇清楚

尚未品嚐其招牌的酸菜魚，但就在某個午後嘗試過這裏的點心，竟然有啲驚喜，蝦餃用料夠鮮，鱸魚布拉腸粉做得滑、魚肉夠香，更推介木桶雞肉飯，蒸得火候剛剛好，飯有咬感又不會太硬，而且應該是和雞肉一起蒸，吸收了足夠的雞肉香味，不想別店的蒸飯是先蒸熟飯再放肉。下次會試試其重口味款式

認識這間餐廳是因為招牌上的‘酸菜魚’！因為西灣河附近鮮有此大陸料理～路過時，就記住了。說實在的，對什麼‘酸菜魚’‘水煮魚’‘麻辣燙’‘串串香’之類的重口味川菜，我通常是敬而遠之的，由此家人常叫我‘健康大使’😀今晚重口味的家人決定試這家’漁鱻爺爺‘，目標’酸菜魚‘，好吧，一起嚐嚐！店面乾淨舒服喔！👇👇👇還有點心供應呢，不過是下午4點前！這裡還告訴你’點心‘的典故👇👇因為今天是晚餐，沒有機會試‘點心’了🙁先看看菜單吧👇👇👇第一次來，淺嚐‘酸菜魚’，要了一份2人份量的魚HKD198.-（小辣）👇👇首先，份量：2人用是足夠的了！👍第二，材料：魚片，乾辣椒，花椒，薑絲，芫荽，菊花，木耳，酸菜⋯⋯很豐富！👍第三，味道：鮮辣鹹香，剛剛好！👍有了上面的魚，還要試下‘蝦蟹’喔！我們叫了一份：辣子蝦兵蟹將 HKD288.-感覺有一點像避風塘味道。食材為一隻豐滿的肉蟹，七八隻個頭不小的大蝦！要是挑毛病的話，我認為蟹肉過油的時間長了一點點，炸得稍微乾了一些，如果時間短，蟹肉會松軟d.三樣小食：1- 香煎脆魚餅 HKD38.-，咬落去，的確有些微微脆爽，比一般泰式越式的魚餅有口感👍2- 皮蛋肉鬆豆腐 HKD32

今晚在朋友熱烈的推介下，去了漁鱻爺爺品嘗酸菜魚。那裏佈置簡潔，令人感到舒適。我們選了那裏有名的老壇酸菜魚及涼拌萵荀絲。萵荀絲鮮嫩翠綠，吃一口微辣爽脆，十分美味。酸菜魚魚肉香稔軟嫰，配上酸菜丶芽菜，酸辣味十分配合，我尤其欣賞魚的湯，若加配冬粉或薯粉會更吸引！

📍#漁鱻爺爺 .🇭🇰香港西灣河筲箕灣道250號御景軒地下A-C號舖🇭🇰Shop A-C, G/F, Scenic Horizon, 250 Shau Kei Wan Road, Sai Wan Ho, HK.HKD156/pax.Tasty: 👅👅👅Appearance: 👀👀👀Price: 💰💰💰Environment: 🌹🌹🌹Service: 👨🏻.住西灣河筲箕灣的朋友應該有留意到家興超市附近新開了一家漁鱻爺爺吃酸菜魚，對於酸菜魚迷的我終於可以一試！先說一下，鱻音鮮，解新鮮鮮味，以前解作生魚😆大小跟茶餐廳差不多，地方比較迫，適合4-6個人，最好先訂位(但網上未有電話)，地方乾淨侍應哥哥姐姐有好有壞，有個哥哥像老闆，比較客氣有善，另一位阿姨就不敢恭維😅.🤮#花膠老壇酸菜魚 (4人): HKD398我們一共點了兩份酸菜魚，一份辣，一份不辣，圖為不辣先吃的是辣，湯底比較像魚湯，算香但不像酸菜魚湯，辣味挺香但不夠惹味吃不出是什麼魚，過份幾多，但魚味不重，魚肉亦不滑酸菜就不夠味，反而像咸酸菜似的，咸味比較重，不過我想要的酸痛第二份的是不辣，湯底味度完全不一樣！酸味比較重但整體比辣味的差重點

早兩天去試新酸菜魚，魚肉煮得過熟，啲魚肉好似山菜魚肉咁淋，同老細反映，老細話要出聲先喎，。我第一次食魚原來要先出聲先唔會煮得過火，另外味道方面差，食物方面選擇少。

朋友推介下5點半入內食, 但至6點半已經多人排隊。前菜食了糖芯蛋,萵筍絲, 主菜食了酸菜魚, 口水雞, 粒粒蠔。糖心蛋幾好, 有小小酒味, 唔食得嘅人留意。 萵筍絲可以不試, 太酸。酸菜魚就失望, 魚質好滑,但我覺得該滑不是魚本身的滑, 似是加工後的滑, 而且一咬即散,酸菜不突出。口水雞又係普通到唔普通。反而粒粒蠔(即蠔餅)好味, 外層唔厚, 皮脆。3大一小埋單6百幾, 而整體黎講, 一般貨色, 我唔會再食, 以上意見純粹個人口味, 所以好主觀。