影片
以上资料只供参考，请与餐厅确认详情
Wing受著朋友的影響，經常跑去吃韓國菜，平的貴的也照食，哈哈，沒法子啦，Wing跟周邊的朋友都愛吃。今次跑到位於尖沙咀的漢城吃韓國菜。這樣子的，Wing已經不是第一次來這家餐廳的了，但今天終於肯寫食評了XD設計簡約的餐廳，Wing超喜歡，走進餐廳內就是感覺寧靜的，而且很舒服的，要是不在繁忙時間，大家不妨在這裡坐坐，放鬆一下~這店是很特別的啦，用著韓國傳統式的水壺，店員會先把這瓶水注滿，待客人可以享用唷~店員亦會為客人添飲的丫~點菜以後，店員會為客人呈上小食兩碟，一碟是醃蘿蔔。別以為這是酸溜溜的，相反，這是帶點甜的，而且感覺很清新的。除了醃蘿蔔之外，就是韓餐必備的泡菜了。有夠辣的，但Wing喜歡耶~那該是正宗泡菜吧。記得這種味道跟朋友從韓國買回來的是一樣的耶~（請恕Wing，Wing還沒有到過韓國呢。。）好吧，來到這頓晚餐的主菜了。Wing點的是韓式泡菜炒豬肉飯~對，這碟飯的餸菜是近乎紅色的，很辣的~但味蕾沒有因此而麻痺，而且愈食愈惹味的，Wing愈食愈起勁，豬肉是很易入口的啦，不是淋那種，有口感的啦，咬的時候，豬肉的辣汁就有足夠時間溜入喉嚨，沒有很刺激的，相反好像上癮似的，愈食愈想食~Wing吃完以後都不怕寒冬了~整個身體暖笠笠的~最後是這個小食了，蒸豬肉菜餃子~嗯….餃子入面的菜是爽口的，但Wing分辨不到是那一種菜………至於那個汁呢…Wing初時覺得那是辣的，但其實帶點點甜的~辣味不重的~配以這個餃子來吃就是不錯的選擇~
继续阅读
友人生日, 朋友提議去吃韓國菜, 其實本身一向對韓國食品興趣不大, 印象中要是好吃的韓國餐廳, 價錢也不便宜。不過是朋友的生日, 當然主角要吃什麼也樂意奉倍自己平常真的不會選韓國餐廳, 今天來到, 感覺上店子很家庭式的, 因為遲了到達, 友人已點好菜。先先菜牌, 大多是$40-$70元左右, 比我想像中的便宜多了~上菜了, 年糕炒辛辣麵 - 辛辣麵好吃, 但個人不大喜歡吃那種年糕.煎餃子 - 餃子皮薄, 香口好吃.烤豬肉飯 - 這是我當晚最喜歡的, 豬肉炒得很惹味, 夠辣, 配白飯一起吃, 其實一人也可以消滅的~ 海鮮薄餅(忘了拍照) - 味道較淡, 要點配上的辣醬同吃, 但也是香口的.炸醬麵(忘了拍照) - 不過味道一般, 可能我不太喜歡吧, 最後由朋友清碟.泡菜炒飯 - 比較濕, 如果乾身一點更好吃.總括來說, 以這個大眾化的價錢, 是不錯的選擇
继续阅读
其實係見倒個餐牌幾得意，時間又早唔使等位，所以就試吓。坐低先發現原來係＂滿城美食＂，之前睇過openrice，好多人讚咁樣，諗住更加要試啦。原本想食泡菜炒飯，既然一坐低侍應就奉上泡菜一碟，咪試吓味先，點知一試就"la"嘢！又甜又淡味，好似溝咗水咁，完全敗筆！心知不妙，但都試下其他菜式啦，叫咗純豆腐湯連白飯（$70）、炒粉絲（$50）。個湯....又係溝咗水咁，豆腐係超市盒裝貨色。。。有兩粒蜆（英文寫話有蜆，係有嘅~），同埋一啲急凍雜錦海鮮粒；啲飯又一pat pat..而粉絲係甜架喎citysuper foodcourt嗰間梨花園(?)，好食過佢n倍！仲要平好多！真係唔明點解咁多笑哈哈。。唔會再幫襯。
继续阅读
看到這家店開張至今已經一段時間了,一直沒來嚐過.今天很晚才找地方吃飯,突然想起這一家了.看到店面裝修非常簡潔時尚,進去了才知道是韓式快餐店,店內員工都是尼泊爾籍的,我跟老公二人單了二份料理,二杯飲品:前菜有泡菜跟馬鈴薯:泡菜味道不入味;馬鈴薯也沒什麼特別;熱朱古力不錯,夠香濃,也挺滑的;人蔘雞煲雞裡面釀著糯米,紅棗和某種蔘類,原隻雞煲的,不過湯裡沒有雞味,也沒有蔘味,只有加上伴著的胡椒跟鹽才有咸味...雖然我是第一次嚐這道菜,但我想正常的味道不應該是這樣的吧!???老公點了梨果汁正常飲品還有泡菜湯還是這個泡菜湯有味道多了,我覺得還能再加多點辣呢!至於那個又貴又不好吃的人蔘雞湯,我以後都不會再點的...
继续阅读
5月27日, 星期日一大早我地就嚟到尖沙咀天文台道一帶, 十二點多我地就要去搵飯食~ 知道呢度附近有條韓國街, 有好多韓國商店, 仲有幾多嘅韓國野食, 可能因為係星期日, 所以好多食店都無開. 行過呢間漢城, 都有少少人喺入面, 個menu都有我地想食嘅野, 就試一試呢d韓國野係咪好食d先~ 雖然都見到大多數人都叫石頭飯, 但係我地都唔想食呢d大路野, 左揀右揀咗一輪, 終於都可以落單~::: 前菜 :::話晒都叫食韓國菜, 點可以冇泡菜? 不過畢竟呢d只係韓式快餐店, 八小碟就冇喇, 都有2碟啦~ 泡菜味道唔算太辣, 平時食開都只係有辣味, 呢個辣之中帶少少甜味, 食落都好爽口. 唔錯~ 另外一碟係酸蘿蔔, 好似食日本野都有, 不過呢個味道唔係好酸, 味道都幾清新~ 呢2碟前菜都好開胃, 喺主菜嚟之前都食晒~::: 砂鍋牛肉配白飯 ::: $75唔食石頭飯, 都想食一個熱辣辣嘅鍋~ 呢個砂鍋牛肉上枱嗰陣d湯仲係滾熱辣, 一路冒煙一路散發住濃濃嘅胡椒牛肉味~ 除咗牛肉, 仲可以喺個鍋度搵到冬菇、粉絲、椰菜、蘿蔔同蔥, 用料非常豐富~ 先講個湯底, 甜甜地有少少似日式壽喜燒, 又加咗d胡椒粉增加刺激嘅感覺, 用嚟撈飯食好似湯飯咁, 幾好味~ 牛肉用上肥牛片, 份量唔少, 但係韌咗少少, 索咗d湯, 令到個牛肉甜咗d, 冇咗肉味. 粉絲直頭係成個鍋嘅精華, 可知粉絲索乜湯就係乜味, 清甜嘅粉絲, 雖然唔係乜高價野, 但係真係好好味~ 冬菇椰菜嗰d都好入味, 一碗白飯竟然可以撈晒成個鍋, 好飽! 但係如果有多d湯, 我諗我都可以飲得落~:: 韓式炸醬麵 ::: $50韓式炸醬麵可以話係最普通最家常嘅麵食, 韓式炸醬用料亦係最普通最尋常嘅薯仔、洋蔥、紅蘿蔔、少量肉碎, 再混入韓國黑醬而成~ 味道充滿洋蔥香甜味, 又帶點薯仔味, 重點係成個炸醬基本上好惹味, 但因為主要材料都係蔬菜, 只有好少肉碎, 所以絕對唔油膩, 美味又健康! 麵條質地煙韌有彈性, 咬落有麵粉香, 撈炸醬食一流! 雖然價錢唔算係平, 但係可以食到d平日冇機會食到嘅韓國野, 加上味道都唔錯, 環境都幾舒服~ 一路食都一路有人入嚟, 坐坐下都滿咗, 大多數都係叫石頭飯, 下次我地嚟試下佢地嘅石頭飯先~
继续阅读