影片
更多
2012-07-22
647 浏览
5月27日, 星期日一大早我地就嚟到尖沙咀天文台道一带, 十二点多我地就要去揾饭食~ 知道呢度附近有条韩国街, 有好多韩国商店, 仲有几多嘅韩国野食, 可能因为系星期日, 所以好多食店都无开. 行过呢间汉城, 都有少少人喺入面, 个menu都有我地想食嘅野, 就试一试呢d韩国野系咪好食d先~ 虽然都见到大多数人都叫石头饭, 但系我地都唔想食呢d大路野, 左拣右拣咗一轮, 终于都可以落单~::: 前菜 :::话晒都叫食韩国菜, 点可以冇泡菜? 不过毕竟呢d只系韩式快餐店, 八小碟就冇喇, 都有2碟啦~ 泡菜味道唔算太辣, 平时食开都只系有辣味, 呢个辣之中带少少甜味, 食落都好爽口. 唔错~ 另外一碟系酸萝卜, 好似食日本野都有, 不过呢个味道唔系好酸, 味道都几清新~ 呢2碟前菜都好开胃, 喺主菜嚟之前都食晒~::: 砂锅牛肉配白饭 ::: $75唔食石头饭, 都想食一个热辣辣嘅锅~ 呢个砂锅牛肉上枱𠮶阵d汤仲系滚热辣, 一路冒烟一路散发住浓浓嘅胡椒牛肉味~ 除咗牛肉, 仲可以喺个锅度揾到冬菇、粉丝、椰菜、萝卜同葱, 用料非常丰富~ 先讲个汤底, 甜甜地有少少似日式寿喜烧, 又加咗d胡
::: 前菜 :::
话晒都叫食韩国菜, 点可以冇泡菜? 不过毕竟呢d只系韩式快餐店, 八小碟就冇喇, 都有2碟啦~ 泡菜味道唔算太辣, 平时食开都只系有辣味, 呢个辣之中带少少甜味, 食落都好爽口. 唔错~ 另外一碟系酸萝卜, 好似食日本野都有, 不过呢个味道唔系好酸, 味道都几清新~ 呢2碟前菜都好开胃, 喺主菜嚟之前都食晒~
::: 砂锅牛肉配白饭 ::: $75
唔食石头饭, 都想食一个热辣辣嘅锅~ 呢个砂锅牛肉上枱𠮶阵d汤仲系滚热辣, 一路冒烟一路散发住浓浓嘅胡椒牛肉味~ 除咗牛肉, 仲可以喺个锅度揾到冬菇、粉丝、椰菜、萝卜同葱, 用料非常丰富~ 先讲个汤底, 甜甜地有少少似日式寿喜烧, 又加咗d胡椒粉增加刺激嘅感觉, 用嚟捞饭食好似汤饭咁, 几好味~ 牛肉用上肥牛片, 份量唔少, 但系韧咗少少, 索咗d汤, 令到个牛肉甜咗d, 冇咗肉味. 粉丝直头系成个锅嘅精华, 可知粉丝索乜汤就系乜味, 清甜嘅粉丝, 虽然唔系乜高价野, 但系真系好好味~ 冬菇椰菜𠮶d都好入味, 一碗白饭竟然可以捞晒成个锅, 好饱! 但系如果有多d汤, 我谂我都可以饮得落~
:: 韩式炸酱面 ::: $50
韩式炸酱面可以话系最普通最家常嘅面食, 韩式炸酱用料亦系最普通最寻常嘅薯仔、洋葱、红萝卜、少量肉碎, 再混入韩国黑酱而成~ 味道充满洋葱香甜味, 又带点薯仔味, 重点系成个炸酱基本上好惹味, 但因为主要材料都系蔬菜, 只有好少肉碎, 所以绝对唔油腻, 美味又健康! 面条质地烟韧有弹性, 咬落有面粉香, 捞炸酱食一流!
虽然价钱唔算系平, 但系可以食到d平日冇机会食到嘅韩国野, 加上味道都唔错, 环境都几舒服~ 一路食都一路有人入嚟, 坐坐下都满咗, 大多数都系叫石头饭, 下次我地嚟试下佢地嘅石头饭先~
张贴
