漢堡博士 (已結業)

🍔🍔 因為仔仔路過話想試大龍蝦漢堡，我就膽粗粗 行入一間內裡好細的店試，入去時感覺很迫，只有幾個座位，但keep住一路食一路都有人等位，咁即係呢間店應該唔錯啦 《心諗》一睇餐牌仔仔馬上order了一隻價值$288大龍蝦漢堡，我心諗仔仔你有冇咁識食呀？果然個漢堡冇令我們失望。龍蝦超新鮮肉質夠哂彈牙，同醬汁配合得好好中間仲夾住兩片生番茄， 個包焗得好香好脆，無令我和仔仔失望。今次，趕時間去下場冇試其他野，下次再來試下其他漢堡先。

💖心心推介💖 🍔🍹Dr. Burger🍹🍔 一間屯門虹橋新開美食想平平地試新包就過黎依度try下今晚試左$42 蘑菇芝士牛堡同埋$48爆芝墨籽漢堡。比得起$既朋友仔建議可以點$258 龍蝦漢堡試下。兩款漢堡包兩邊都有經過處理，煎到香脆，食落卜卜脆。 蘑菇芝士牛堡入面滿滿蘑菇同埋芝士，超厚香味濃郁既牛肉，啖啖好滋味，中意食牛既朋友仔必點。爆芝墨籽漢堡入面滿滿蟹籽芝士，配以芥末醬，仲有炸到脆卜卜既墨魚塊，真係每款包都好好味！趁而家未有甘多人知，快d搵日去食。遲d多人要排隊就…🙈 GOGOGO🏃🏃🏃

這間店有幾個朋友都推介來試一試，令我心動，趁今晚看電影時，便與朋友光顧。坦白說，之前去美國旅行時已經吃了不同的漢堡，當中最好的是Shake Shake 漢堡，現在就嘗試能否比媲美國的漢堡！我叫了最普通的$42芝士漢堡，朋友則叫了辣雞腿漢堡，外賣另收$1。當我到達戲院時，已經過了十五分鐘，可能已經放涼了的關係，漢堡已經不熱，吃不到爆肉汁的感覺，亦吃不到芝士的味道，但麵包是鬆軟，但太霖了，醬汁是挺特別，但整體來說，是不過不失，完全沒有驚喜！

友人推介我黎試下呢度既鵝肝漢堡 6 7點黎到見入面一個人都冇伏伏地 不過都比次機會佢啦Dr.至尊鵝肝漢堡 $82本身係用安格斯牛 盛惠$98 但咁岩呢日冇就用返普通牛 平返少少比我🤣 冇所謂啦 反正鵝肝先係重點!! 牛肉係手打 juicy有牛味 係超軟熟果type 牛肉質感比較弱🤣 而鵝肝都夠厚身大片 不過煎得唔夠油脂香 味道通通被牛肉蓋過了😦 蘑菇片同醬汁都好match 整體其實都唔錯😋爆芝墨籽漢堡 $48墨魚餅金黃香脆 裏面有雪白既墨魚籽😍 咬落並唔係想像中勁彈牙 而係滑嘟嘟 當中混入墨魚籽少彈既口感 幾得意🙃 醬汁特別在有芥末味道 清新得黎又帶刺激感 同炸墨魚餅出奇地夾!😛 麵包底部烘到微微香脆 包皮下面隱藏勁多蟹籽 配菜仲用上羽衣甘藍 多重口感幾滿足😋的而且確成個漢堡芝士味唔算突出 食果陣都冇乜點留意中間有冇爆芝添🙈爆醬薯蛋 $32金黃既外殼包住滿滿既薯蓉 仲混入左薯仔粒 充滿口感 裏面仲有芝士醬 半生熟既蛋汁同煙肉 果然真係爆醬 超豐富😈😈😈

呢間漢堡小店開咗都一段時間，一直都冇時間試😖入面嘅位置唔多，住附近可以外賣返屋企食😙英式炸魚堡嘅麵包烘到脆脆地😆一望落去已經見到塊魚柳好大，個皮夠薄脆，入面肉魚仲係好滑😙個醬酸酸地咁幾開胃，仲有生菜同蕃茄，食落去就冇咁油膩😚.芝味風酥雞一共有8件雞😚食落去不過不失🤣個皮炸得有小小硬😖.購買漢堡配小食，加$2有汽水🥤

屯門區專食漢堡包嘅舖頭唔多，喺FB上面搵到Dr. Burger；今晚晚餐就嚟試試先。店家可能主力做外賣，所以店內坐位不多。幸運地今晚人唔算多，所以馬上可以入座。我地點咗Dr. 大胃王漢堡，爆芝墨籽漢堡；加點了一份炸薯條。炸薯條先上，新鮮熱辣唔係翻炸；好味。Dr. 大胃王漢堡，如果隻蛋可以做成流心感覺會仲正。用料好足，果然對得住個名；整體感覺好好。爆芝墨籽漢堡，個芥辣醬同墨魚餅好夾；雖然芝士味唔夠出但個墨魚餅好味。配菜都用上羽衣甘藍，CP值高的小店；值得再去幫襯。小店加油。

早幾日去左一間唔太起既漢堡包店，食左個美味晚餐。其實都好易搵，只係需要搭西鐵去到兆康站再免費轉輕鐵去景峰站，然後步行5分鐘就到。店舖唔大，堂食只有7個座位而店舖就只有兩個職員，一個廚師一個侍應，我地兩個人食左兩個漢堡包(1)鵝肝安格斯牛板肩$98(2)龍蝦漢堡$318，套餐加配珍寶珠脆雞(2隻)$12，汽水$2，柚子茶$5，另外再單點薯條$20，芝士炸雞$30，就係咁加加埋埋竟然食左$485蚊，以漢堡黎講一啲都唔平，但真心講食物質素同味道都的確幾好既!!!!下次會再試其他漢堡，不得不讚廚師好用心製作~~~最讚係個芝士炸雞，雖然一丁點芝士味都無，但係鮮嫩多汁，外脆內軟。薯條係即炸，新鮮熱辣。同埋順帶一題，好多人外賣自取，客源不絕。

聽朋友講虹橋出左間平靚正既漢堡店，吹到好大，就放假落街食，行到見到個menu，有平民價既包，又有貴價既包(>$150)，咁小弟較窮，就叫左個芝士牛堡餐配風穌雞。第一啖食個牛堡，個牛堡漏哂汁落對手度，冇諗過食個包會咁搞成咁，唯有問老闆娘拎多兩張紙巾。個包老闆有煎過下，塊牛又高質，$38 一個包係超抵，出面食呢個質素起碼過$90，但$38食到係冇得輸。配左風穌雞，原本以為係同d 台式鹽穌雞一樣味，但風穌雞個味係想像中淡，但炸夠嫩，係一個唔錯選擇，個醬就唔記得係咩名，配風穌雞係幾好食。間舖而家仲玩d 新漢包，老闆娘會用心介紹，下次會試下其他包。 間舖只係差在難搵同座位太少，anyway ，keep 到質素係最緊要

burger餐廳有好多，開喺屯門價錢又街坊嘅可能真係得呢間。今次係小弟第一次幫襯，我揀左餐牌上比較貴嘅一款黎試，Dr.至尊漢堡加20蚊可以有埋野飲同薯條除左呢個包，其他款式都非常街坊價講返個包，今次係外賣，事關堂食真係比較細同窄打開個包見到2樣餸，味道都算ok，2片包好明顯有烤過，其他配菜都係正路野，值唔值呢個價就見仁見智。下次會試下其他選擇再同大家分享。

朋友話想食漢堡 屯門好少地方會有呢種食店 所以就遠遠地去再入D既地方食 因為係同朋友去 所以諗住會有地方傾下計 食下野咁 可惜地方有點窄 有點失望 座位一排過我們4個人就叫左4種唔同既漢堡 雖則佢地係即叫即整 加上佢地係開放式廚房 所以等待時間都幾大油煙味至尊漢堡($98) 內有鵝肝同安格斯牛板腱 比想像中份量較少 但都算好食既黃金蝦堡($42) 因為是即叫即炸 所以係幾好食 而且蝦亦新鮮飛毛腿辣雞堡($38) 好好食 自己最鐘意食呢款  雞扒整到好入味 有驚喜龍蝦漢堡($128) 原隻龍蝦 第一次試呢種龍蝦漢堡 龍蝦新鮮味道可以另外加20元就變成套餐 包括有汽水同薯條或薯波總括黎講 味道是還可以的  不果佢地既地方的確有點窄 像是趕客似的 但因為佢地係即叫即整是抵讚的

屯門送外賣的食店不多，所以近排經常叫網上外賣平台，貪佢有免運費。今次點了這間漢堡店。點了一個特濃芝士牛肉漢堡配薯寶和汽水要$80,另外單點一個特濃芝士牛肉漢堡。黎到嘅時候仲係熱辣辣，薯寶都脆口。佢包裝包得唔錯。漢堡好足料，芝士淡淡地，幾好味，唔會太滯。食漢堡嘅時候，牛肉汁湧出來，幾juicy，不過略嫌鹹咗少少。堂食$38/個，我覺得係值既。但外賣要$52/個就貴左少少，如果平返$10我會再encore 。

其實已經係第二次泥食，之前係朋友介紹話呢到有好味漢堡包所以泥試下。我今次再帶其他朋友來試食。今次叫左「特濃芝士漢堡」雖然無影到好靚既相，因為太肚餓既關係，但咁樣先真實痳，先講賣相唔係特別靚，但咬落去第一口肉汁流曬出泥漢堡扒靈魂做得相當出色，芝士味好似唔夠香，如果用隻再香d既芝士就一流，個包上下都有烘底好脆身，所以成個包食曬都咁好味，唔會覺得好似食麵包咁飽飽濟濟，加$20跟餐我就叫左炸薯波都幾好味，因為影個陣佢未炸起之後上忘記左影。同場女友叫左「英式炸魚堡」食左佢幾啖，一樣好味，炸魚柳大件魚有魚味！下次會再進軍其他漢堡。總結💪，鋪仔細細但更易睇得出廚師既用心制作，絕對好食過老麥個件無味雜肉扒。

最近紅橋好多食市進註，吾愁無好野食簡。 Dr.budger 以buger 為主，有幾款fusion buger 選擇。當日點菜時無留意到 有原隻龍蝦包，見到隔離枱隻龍蝦包 貌相吾錯，下次可以一試。薯波薯條先上。 即炸 熱辣辣。味道中規中矩。左為爆芝墨籽漢堡 右為 蘑菇雞堡蘑菇雞堡 多蘑菇 雞肉都嫩滑爆芝墨籽 味道有驚喜 。 芥辣沙律醬加蟹籽 味道不錯。中間的墨魚堡（蝦堡？） 應該係手打，好有咬口。這個價錢有手打漢堡，性價比都算高吧。但有唯一一個問題就是....中間的芝士流心太熱，我無唯意係流心....食到中間時，手指和嘴角都辣到紅了... 下次侍應應提客人留意中間流心會好熱...整體來說，鋪面細小，環境乾淨，工作人員有禮，味道價錢不錯。

絕對物超所值，即叫即整嘅手打漢堡勁厚又juicy，咬一口肉汁激射出嚟，麵包焗得香脆，生菜夾番茄再加上自製嘅千島醬，配搭起來非常美味，可能係我食過最好食嘅漢堡包👍👍店面雖然細小但乾淨企理，老闆及老闆娘態度親切又健談，下次有機會一定要試一試龍蝦包同埋至尊漢堡。希望老闆多啲新款創作，可以作多方面嘗試，如果可以配合埋飲品就更加圓滿了，不過都明白到兩小口子經營嘅餐廳仔唔係乜嘢都能夠做得到，不過都係果句啦希望你地會努力繼續做好佢，加油💪

Dr. 至尊漢堡朋友知我仲意食漢堡就帶左我去依間新開又好似好穩世嘅漢堡包小店到試試，店內得幾個位，好多人都會外賣番去食，但係漢堡包緊係堂食好味啦，一睇個menu就俾個至尊漢堡吸引住，因為係安格斯牛同埋香煎鵝肝，重要係即叫即整，熱辣辣嘅漢堡果然好味， 入面仲有香茹同埋老荀，用料一d都唔孤寒，一咬落去個口感好豐富，不過就唔夠juicy，有D乾，鵝肝係好味，但牛肉就無咩肉料同埋就有D overcook，食一啖要飲番啖可樂先得~