漢堡博士 (已結業)

今晚食自己，得我一個食晚餐，懶得出去又懶得煮，就叫咗外送Dr. Burger 係 專門賣漢堡包的店，我叫咗個漢堡包餐，除咗漢堡包外包一款小食同飲品。本身個餐係煙肉芝士蛋堡、細薯寶同汽水。加錢可轉其他口味漢堡包、小食、飲品。我無加錢轉。因為第一次食。試下最普通嘅先呢間餐廳距離我屋企都唔遠，10至15分鐘左右。由我叫外送到外送員送到只係25分鐘。都幾快煙肉芝士蛋堡內嘅煙肉唔會好油，醬汁味道不錯。芝士味可以再重多少少至於個細薯寶完全係失望之作夠脆。但係。。係凍嘅好明顯係整定咗唔知幾耐個包都仲係暖暖地微熱，咁好肯定唔關送餐員送得慢嘅問題，而且送得好快。所以個薯寶真心失望食物係凍嘅扣哂分。希望下次會有改進

建議：去前記得睇睇舖頭個社交平台 / 打去問問營業時間 終於係 #試伏專員 O君 多次力推後，黎到屯門食🍔😂 係出發前，O君已經多次話要 check左開唔開門先好去 (因為唔係太近西鐵站 F出口，大概行15分鐘左右) 係出門口前見到Dr Burger 仲未update 當日營業時間😂 所以就打去問，老闆娘超chill 話 「暫時估計開到6點喇~」🤭終於經過一番車程終於到新墟，再行過去。試左O君推薦既 磨菇牛堡+薯波 $42+20磨菇牛堡🍄🐮：個包唔錯，唔係用嘉頓👍 兩面都煎過，個口感唔錯。不過啲蘑菇比較少 同埋 塊牛食落去比較林，如果鍾意漢堡扒既人，應該會唔係太鍾意🤔 薯波配蜜糖芥末醬：偏咸，不過夠熱又夠脆。個醬不得了❤️ 好好食，酸帶少少甜👍 中和番啲咸味堂食座位好少 (5個)，相信係主要做外賣同街坊生意。比完個餐我地之後，老闆 (廚師) 同老闆娘(收銀)講想食蛋撻😂 兩個一起出左舖頭，直到有另一張單就番黎繼續煮😌❤️其實自己生意甘樣都幾sweet 又夠chill，享受最緊要呀嘛😉👍

好少寫食評，但真係有驚喜！呢間burger一直想試但都冇去幫襯，今日突然心血來潮好想食包。超juicy patty!!!仲要係用羽衣甘藍做沙律菜! 可惜叫外賣拎走,如果唔係一定會問佢個brioche bun 係咪homemade😋😋薯條正常，係我鍾意嘅straight cut! 今次自製套餐，蘑菇芝士牛堡加薯條加汽水，$65，非常抵食！不過鋪位比較少位同窄，都係嗌外賣去公園食舒舒服服仲正！超高質黃店！為紅橋黃色經濟圈自豪！

間鋪服務態度其實幾差下 西口西面😅😅😅😅 蘑菇芝士牛堡$42好濃既牛肉味同芝士味！大大個😆係非常classic 既味道黃金蝦堡$45我認為麻麻🧐普普通通特色炸薯條$20薯條即炸好熱好脆，由於冇鹽所以好濃薯味，想要調味就要配翻番茄醬～但我就鐘意有鹽既薯條多啲🥱

見食論好多人話態度唔好 就特登黎去試下 入去前都好擔心係澳牛feel 前後買左兩次 有一次女收銀行開左 男廚師幫我落單 第二次女收銀幫我落單 態度都非常好，可能佢地都有睇OpenRice ，有改善。野食都十分好食，食左兩次兩次都跟小食，薯波薯條都炸得好好，同d汁都非常match. 雖然我兩次都食同一個包，但兩次水準都keep到 塊肉好多汁，d料都好足，外賣返到去都熱辣辣好味。有機會都會再去食。唯一不足係好多餐都停售，我另一半無乜可以選擇，希望之後多d選擇。

雖然想撐黃店，但都冇得盲撐...起初以為只係個別 事件或者我問題，但見都有幾個人咁寫間野態度差，睇黎我都冇怪錯女店員態度太差,普通落個單都唔耐煩,問多句好似得罪佢咁。而且餐廳太窄得一張bar枱,枱又油淋淋,,後面半個身位就開放式廚房,食得好唔舒服,又大油煙。而且轉身拎野好易整跌其實野食係幾好食，有啲特色，不過態度太差，只係普通落個單都好似有仇咁,點好都冇用, 想撐都撐唔落，我寧願煩啲搭車去食嘉寶都唔會再黎.

最初係因為黃店 所以去支持下幫襯過幾次 漢堡包味道幾香幾好之前只係得個男既廚師 個人都幾niced食物全部新鮮即做 熱辣辣 係好味嘅但後來多左個收錢既女店員 睇下其他comment先知原來係老闆娘態度真係好差我以為自己係要乞求佢賣個包比我落單幫襯都好似做錯事咁雖然之前買過幾次都覺得個女店員態度差但好味有時都會覺得無所謂 會再買今次再買 唔只受氣個包入面塊肉 好似變成肉醬咁 完全無口感拎住個包係手 d肉醬都係周圍走哂出黎連質素都變差 應該真係唔會再幫襯唔知你捱得幾耐呢

見網上好多人話態度好差今次我第一次食我都覺得麻麻地至少一定稱唔上係態度好呢間真係小店 鋪面唔大疫情下更加要隔得開最多都係得六個位置坐 講返個漢堡 我覺得味道算唔錯幾足料 而且有手套提供唔會食得好狼狽價錢一般 但漢堡既選擇比想像中少整體我比6.5/10

路經屯門，特登過嚟試下。點知一入去點餐，個收銀女人已經黑口黑面，問佢跟餐同唔跟餐有咩分別，已經好悔氣，講多半句都唔願。坐低左，天氣又熱，想叫佢先上一罐罐裝可樂，唔想等到餐齊先上，換黎嘅係再黑面，加“嘭”一聲大力將罐可樂放喺收銀枱上，呢種係咩待客之道？等左十分鐘野食黎，咬落去牛肉爛叭叭，完全冇咬口同肉味，雖然生菜同蕃茄尚算新鮮但都救唔番一個差劣嘅漢堡。如果你想花錢去接受一啲唔合理嘅惡劣服務同食一啲漢堡形狀嘅食乜，我概極力推介你試下。

呢排食開漢堡，就搵下有邊間舖頭既漢堡好食。幫襯前無仔細睇食評，只睇左Menu就打去買個外賣自取，點知打去落order，個女店員啲態度差到不得了，完全覺得係受氣，收線後，幾乎係想即時打返去叫取消，唔要。再仔細睇個Menu，有個包仲話要過一百，我自問要俾錢，又要受氣，我就一定唔會試。再睇下啲食評，原來啲態度差到不得了係個女東主。去到舖頭，個女店員啲眼神我俾完錢，未食個包，都真係想俾個忠句老細，啲員工既態度差到不得了，就算啲野食真係好食先算，都唔會有人幫襯。我去到舖頭既時間，鋪頭係完全無客，拍緊XX，真係距離xx既終點不遠了。利申，啲漢堡既質感麻麻，唔會再幫襯。以同一樣既價錢，我寧願去遠啲，葵涌既嘉寶漢堡！

敢用博士稱謂自己，但卻找不到任何勝人之處，反之卻是陳腔濫作、沒有熱誠對待食材質素的餐廳。恕我膽大，倒不如改稱Burger Apprentice「漢堡學徒」作為店名更為貼切。招牌設計方面，這是香港恆久現象。大家總走不出想像的枷鎖，永遠是長形四四方方招牌，然後框內加上文字及圖案，已成多年定制未有突破。但歐美漢堡店，招牌是後現代主義，以意識流創造品牌差異化，店名文字超越正方框架，圖案誇張引人注目，顏色鮮艷再配上璀璨燈光。漢堡學徒招牌十分平淡，未有善用空間，留白位置過多，色差度低，使用沉色為主，讓人感覺較似日式小店，欠缺漢堡激情。店舖位於破舊街道，遠離繁囂地區。車可泊在井財街垃圾收集站外。沿途圍繞輪胎店、寵物美容、裝修、木材、及單車店等。這都是被經濟市場排斥於繁盛地方營業之商戶。漢堡學徒座落於此，本人原本非常期待仰慕。相似於美國最美味最具特色的漢堡小店，都是遠離紐約市中心曼哈頓、選址二線地區法拉盛、或新澤西經營。二線地區租金較低，多為店主親身經營，全情投入創造特色食物，自己按季節及成本調整食材改良食譜，顧客意見也是即時跟進，力臻至美，吸引食客長久光顧。相反，市中心租金昂貴，漢堡店只得以集團形式

諗住去紅橋食下好野，點知禮拜三下午3點幾好多餐廳都無開😟唯有周圍兜下，睇下有咩鋪頭有開，結果比我見到呢間漢堡博士‼️見到價錢合理，又係良心小店💛就外賣左去附近親戚屋企☺️1️⃣蘑菇芝士牛堡 x 2 推薦‼️一打開勁香，材料有牛肉番茄蘑菇芝士羽衣甘藍，牛肉唔係結實果種，而係淋淋地幾好咬🐂有樣略嫌不足嘅係麵包因為外賣而焗淋左，堂食應該會好啲😭但整體成個漢堡嘅味道係好夾🤤2️⃣黃金蝦堡因為大家都想試下呢個包，所以決定將佢拆件share食😂😂蝦勁厚身勁有咬口，但我個人覺得佢炸粉味重左啲，蓋過左蝦味，我鍾意牛堡多啲🥳3️⃣特色炸薯波薯波有10粒多少少，無數過😂質感味道係M記薯餅，但連埋送嘅芝士醬係另一種風味，小食嚟講okay!! ✅

Dr.burger既burger一向都好有質素！平時最鐘意食佢既飛毛腿辣雞包，真係超好食！我次次都係叫呢個包，食落酸酸辣辣咁，最緊要係唔漏！而佢個包食落好重既牛油香味，入面個雞腿仲要好juicy，入面仲有啲配菜，羽衣甘藍同蕃茄，簡直係絕配

屯門的隱世小屯門的隱世小店臨立，周圍行下都容易遇到質素唔錯既食店。作為屯門美食集中地之一既紅橋，要突圍而出唔容易。呢間「漢堡博士」就顧名思義，選擇主打賣漢堡包。究竟呢間野實際賣出既包襯唔襯得番個名?答案係「得」。今日下午時段去到，座位唔多，大概5-8位，而且要座高凳，不過以一間咁細既店黎講環境算係唔錯。呢次適逄肚餓，叫左個Dr. 大胃王漢堡套餐 ($110 包薯條同汽水)。雖然係即叫即做，但係都只係等左10幾分鐘左右。考慮到一位老細要同時做幾張外賣單，呢個上餐時間我覺得幾好了。先講薯條，每條都有咁上下粗幼度，連皮炸到金黃色，賣相相當吸引。食落亦都好有薯仔味，香口得黎新鮮又夠熱。不過就鹹左少少。呢個時候就推介點佢個沙律醬，以佢微酸啱啱好中和番，加番啲清新感。終於講到個主題 「個包」。一黎個視覺效果已經好驚人，啲料又厚又多，好吸引。食落第一啖就食到啲蘑菇洋蔥汁個味。雖然啲菇睇落冇其他啲漢堡店咁烤得焦啲，但係個汁既味調教得好好，好搭佢個兩塊肉質結實又幾夠牛肉味既牛肉。煙肉方面都夠煙肉味，不過個人覺得可以再烤得耐啲，出番個焦香味會好啲。蛋雖然唔係得咩流心蛋，但勝在夠大塊，又有啲焦邊香口啲。個包

想吃美食漢堡，屯門也不多。漢堡博士一直都想食，耐何堂食坐得唔舒服，要等外賣先買。好多選擇，全部都係即叫即製，大概等10至15分鐘左右就有得食。咁先叫英式炸魚煲，值得讚嘅地方係，佢麵包有煎過下，雖然煎得耐少少，但食落口感一流！ 舊魚即炸，所以仲好香口好多汁，咬落舊魚度有口感，再加埋蕃茄生菜，水感足。個醬汁系幾好味，我下次會再去食。餐廳仲有好多選擇，雞牛魚羊都有。由於係小店，如果要堂食嘅我就唔係太建議，因為實在太大油煙。