漢發麵家 (大南街)

营业中

休息中

深水埗文青區一帶除咗有好多Cafe之外，仲有一間馳名深水埗，很多明星都曾來過幫襯的漢發麵家🍜，漢發麵家最出名的當然是豬膶麵，當天來到，門口已是長長的人龍了，等了大概20分鐘左右才能進去，點了豬膶麵和他們亦很出名的西多士再配一杯紅豆冰。他的豬潤十分肥厚，有淡淡的酒香，另外最令我的驚喜是他的西多士，店員說西多士是不可以後加的食物，因為製作時間需要大約20分鐘，他的西多士之所以那麼受歡迎，因為他很像日本的如此鬆軟，完美媲美日本的空氣疏乎厘般。

食物一般無咩特別，安排入坐混亂，等三個人枱，個待應出黎叫 no. 話執緊台比我，轉個頭就叫左2位加1位入左去，2位個 number 前過我，一位個 number 後過我，咁算啦，之後佢又叫左5位入去，個 number 後過我，嬲到我，同佢講點解唔叫3+2入去，要比5位遲黎先入，個女人好似失憶咁完全唔記得話執緊台比我，之後叫又碗潤牛面，原來只係梳打牛梳打豬潤加出前一丁湯底，完全唔對路，難食到，同維記完全兩回事，雖然已經 blacklist 左維記，食完仲要係咁過黎收野趕客，埋單個收銀仲黑面，唔會再幫襯佢

想試好耐，但佢早收舖，難得附近做野先有機會試。名物西多，無餐，加杯凍檸茶，$60，係比較貴。賣相靚，金黃色，漲卜卜咁，真係唔捨得切落去。好期待，但期待換黎失望，真心，佢係好鬆軟好鬆軟，但佢完全無蛋味，佢應該係多蛋白打到起晒泡嗰隻做法，食多兩啖，好啖口，中間花生醬亦完全無味，加埋糖漿，好似食緊啲單一好甜嘅海綿，佢連快餐店大xx嗰啲都比唔上。真係唔好食，我最後食淨1/3，西多咁易ko嘅我都食唔落，唔好食嘅就算對唔住係浪費我都唔想對唔住我嘅胃。

早上獨自到深水埗行下，經過大南街，想起未試過這間漢發麵家。於是排隊試下，其實這家麵家仍在大排檔時，我都試過，不過入咗舖後就未，今日終於有機會試下味！早上11:00都很多人，等了15分鐘。叫了一杯奶茶，一碗豬膶牛肉麵。奶茶很好味夠茶味，茶餐廳來說是中上啦！期待的膶牛麵來到了，豬膶好大片，亦有很多片，有很重的酒香，新鮮冇異味，不過太大片反而有根，牛肉沒有太多梳打粉味道唔錯！但豬膶有少許失望，不過下次再試下其他食物啦！

呢間漢發麵家有好多明星食過，佢坐落係有大量文青cafe既大南街中，感覺好似格格不入，但係次次經過總係會見到好多捧場客，出面好多人等緊位。最多人推薦既一定係佢既豬潤麵，另外西多士都好多人話好食～今次就試曬兩樣最出名既野食😋1⃣️豬潤米粉（$46）  呢度既明星產品🤩豬潤每一塊都好厚身，厚得黎一啲都唔會鞋口，食落係爽口唔腥，好正～唔怪之得咁多人推薦。  2⃣️豬扒出前一丁（$48）呢個係我預料以外既好食😳豬扒好厚肉，而且好大塊！食落啖啖肉既感覺好正～肉質一啲都唔韌唔乾，都真係幾高質！除左豬潤麵之外都可以黎試下呢度既豬扒。  3⃣️法蘭西多士（配煉奶）（$40） 個樣好特別，同平時食開既西多士唔同，佢係圓圓地既，而且好高食落好鬆軟，蛋香味都足夠🤤佢面頭有一大塊溶緊既牛油加埋煉奶，入面夾層係花生醬，完全係超級邪惡既組合，但係又真係好吸引😍黎到一定要食埋呢個西多！

本身對於豬潤唔算好鍾意。但朋友介紹呢間非常出名好味，於是就跟佢黎食。早餐時段都幾多人，要等十分鐘左右，睇嚟好多人都慕名而來，坐低後個個都叫豬潤出前一到，當然我都唔執輸，叫埋一份😋。一於試試呢到既豬潤有幾吸引。黎到賣相豬潤都幾大件而且好厚，一咬落去！就明白到點解咁出名咁多人黎食！口感超好 硬度適中而且唔算好粉質！令人急不及待食完再食下一啖！😛😛😛有驚喜！而因為飲品係另外散叫，價位廿零蚊杯凍檸茶，正常無特別。總括而言，係要慕名而來一試！

深水埗漢發由鐵皮屋大排檔做到入舖，由1973經營到依家接近50年，每每去食都要排隊，好多名人藝人就係為左一碗豬膶面揸車去品嚐。同是以豬膶米出色的維記，個人應為漢發的豬膶絕對是 YYDS🏅。🐷豬潤厚切，冇渣彈牙又脆口。另外，識食一定食米粉🍜，湯頭勁重薑味及黃酒香，如果選擇公仔，就會俾佢嘅味精遮蓋左。🐟招牌炸鯪魚球及招牌炸豬扒，鯪魚球炸到金黄色，圓碌碌，脹卜卜，無論味道及口感都好出色，非常彈牙，鯪魚味十足更無腥味，仲有碟蜆介作醬油點一下更令味道昇華更加了點鹹香味。🐷炸豬排厚切，大大塊，厚厚啖啖肉，不得不讚漢發既炸物，對比其他香港地道茶餐廳，絕對無油益味（食物用萬年油炸出來的萬年油味），可以食到食物本質嘅味道。除咗豬膶丶鯪魚球及炸豬扒之外，炸雲吞🥟及西多士🥞都係佢地招牌菜，下次一定要試一試。

大約兩三年前我應該星期日嚟過，當然失望而回啦原來佢哋星期日係休息嘅，這個星期六我就真係特登嚟試下佢哋嘅豬潤麵，嚟到門口好多人，竟然發覺有一個排隊機，咁就攞個籌啦，13:52pm，前面有廿個number播，呢個區而家變咗係文青區域，但亦有很多舊派的鋪頭，左行右行，原來都行咗30分鐘以上，返到嚟的時候剛剛好仲有一個number就到，我都好彩嗱，14:29落單時間，你話我等咗幾耐，我係第一次嚟，嗌咗個豬潤出前一丁，一杯熱奶茶，好彩這碗豬潤麵亦真系值得等一等，其他人食評所講的形容詞都好啱，所以我都不需要重複啦，不過奶茶就一般水準播，不過大家放心絕對合格嘅，那個招牌西多士或者我有機會將來試一試。

大大話話成十年冇嚟過漢發，今日在深水埗工作，突然好掛住佢哋嘅豬潤，於是專程過嚟⋯⋯嘩！太耐冇嚟，原來成條大南街唔同晒，仍然有花邊、布製品店，但夾雜了一間間小小的咖啡店，多了一份年輕感覺⋯⋯漢發明顯地更新了不少地方。先來The GULU 按飛仔入座，幸好一支公，揾食易有位，很快就可以入座。大概中午時間，店內已有很多食客入座。鐵閘裝飾、壁畫創作，更新後多新鮮元素。看著餐牌，多了很多項目，由於一支公，都係專一啲，點了豬潤米便算。筆者打算單點只是吃碗粉，店員也細心地附上熱水一杯，這些細節位，一讚。豬潤米粉$46~多年前由廿幾蚊一碗鐘情於漢發，到現在四十六元一碗，除了價錢增加了，也看到他們更有時代感。一讚。厚厚的豬潤質感，陣陣的薑絲香味，這份味道就是這店的魅力。整體來說豬膶仍保持水準，永遠有其吸引力，多年來這位”豬潤硬漢”沒有變，由於大南街改了不少，他更加了一份柔情，成為文青街中的一個硬漢。

➖ 豬潤豬扒麵睇圖都見到佢果四塊豬潤已經佔左個碗面差唔多一半而且每塊都好厚切食落非常爽口，雖然咁厚但佢既生熟度仍然煮到岩岩好一啲都唔嚡肉質仲好彈牙。湯底感覺好清帶小小薑味，個麵上枱夠硬身慢慢食比佢嗦下啲湯越食越好味，食到尾個麵都仲未嗦到淋哂。豬扒好大塊夠入味夠哂厚，肉質小小淋帶點彈性有咬口，味道、份量同口感三方面都好好🪧 個人認為呢間係同區最好食既豬潤麵，不過代價就係要行遠啲

呢間餐廳其實好多明星都黎食過😱，小編嗰日同朋友是撞到一個演員😌，btw小店來講個質素不錯又抵食，難怪咁多人黎朝聖✨ (唔好再話小編食得太貴，等小編po返平民餐廳🦥)：-1️⃣「豬潤出前一丁🍜($46)」(👨🏻‍🍳)超級大碗，最正係d豬潤爽脆，大塊又厚切，仲食到少少薑味，滿足🥰！~Instant noodles with pork liver: the thick-cut pork liver is the signature here, tastes really nice! 👍🏻-2️⃣「法蘭西多士🧈($40)」(👨🏻‍🍳)超好食😋！西多士入口好似棉花咁嘅口感，吸哂d蛋汁，超juicy，淡淡都係牛油、忌廉、煉奶同蛋嘅香味，重點係熱辣辣，即叫即做🔥~French toast: made to order, very fluffy, soaked with egg and cream mixture, served with condensed milk and butter👍🏻-3️⃣「鹹牛肉治🥪($26)」🆕其實係鹹牛肉炒蛋治，又係熱辣辣，而且鹹牛肉同蛋嘅比例啱啱好，鹹香鹹香，食到蛋嘅滑溜~Sa

已經好耐無嚟過漢發，今日去合舍睇完展覽就順便過隔離食個late lunch.  估唔到平日下午2:30嘅時間都要排隊，不過好彩只係等8張檯，大約10分鐘左右已經可以入座。嚟到漢發，一定係叫我至愛嘅豬潤丁。因為始終內臟高膽固醇，年紀有返咁上下都好少食呢樣野。當個麵送上檯，嘩！咁多豬潤嘅？！仲要件件都大大塊又厚切。可能因為對上一次食漢發可能已經有好幾年，只剩下些微印象漢發嘅豬潤麵係比維X好食, 所以見到呢碗麵即刻喺心裡面對漢發再暗暗加分！先試湯底，鮮甜得嚟帶上濃郁嘅薑味，完全係我杯茶，食到底時基本上我係連埋湯一切清晒。帶砂豬潤果然不負所望，有返咁上下厚度而帶來爽脆質感之餘，入面又juicy又滑，而且丁麵底淥到剛剛好唔會過淋，老實講再訪漢發, 就更加唔會再去維X！除左豬潤麵，第一次試飲紅豆咖啡。因為本身飲開齋啡走甜關係，所以特意要求少甜少奶。紅豆起沙又夠淋，咖啡夠濃又唔酸，估計佢只係靠煮紅豆嘅甜而無再額下加上糖水，居然比我想像嘅更少甜，好飲，值得推薦。如果真係要彈，唯一係如果紅豆可以再加多啲最更正喇！😜

平日嚟食終於可以食到，因為放假嘅時候經常出邊都好多人排隊🙄同埋天氣又熱真係唔會想排隊🤯平日嘅下午黎原來係唔會有人第，所以行過就即刻入去試吓先！蝦子香蔥撈麵拼牛肉🦐 🐮🍜$60上枱勁香😋同埋都算幾好食，用鮮牛，所以啲牛肉都幾嫩滑，佢上邊嗰一堆蔥，勁多😂好似啲菜咁豉油汁豬扒飯🐷🙄 $58豬扒超級大快同埋即叫即炸，熱辣辣好好味😋豬扒食落口非常之鬆軟，炸粉嘅粉漿好薄，所以豬扒食入口係脆卜卜嫁！炸雞脾🍗 $40呢隻炸雞髀超級大隻，雞皮炸到好脆，食落都好多肉汁，但係我就覺得呢個係普通啲嘅🤭推薦？🟡🟡🟡🟡⚪️野食好大份價錢唔算貴，基本上食一兜飯或者一兜面一定夠飽，如果下次食我仲想食埋個西多士，因為今次太飽所以冇叫到😆

往深水埗買雜物，路經大南街192號漢發麵店，看見廚窗貼有很多明星相到訪，尢以發哥的相片最觸目，於是入內叫了一碗豬潤麵。店員會問配何種麵，亦主動推介公仔麵。上檯時大大碗裝滿濃湯好有薑味和豬潤味，鮮甜美味，豬潤有五大塊厚切，軟稔無渣，食哂一滴不留，只售四十六元非常超值！再叫多一份西多士，從未見過如此厚身美觀漲起的西多士，為怕超標，於是取走面上的一片牛油，多士內另外藏有蛋和花生醬，咬了一口，既香且甜，不愧是最好食的西多士，只售四十元抵吃，再配上一杯十九元的奶茶，享用了一頓豐富的下午茶。食完剛剛五時，店員要求埋單，原來每天五時收工，星期日休息。

黎到出名西多士既漢發又點可以吳叫呢🤨西多士有得揀奶/糖我就揀左糖首先少有既圓形外表平時正方形就表皮同內面貼D呢個就中空有多一種感覺中間就花生醬可能我落太多糖所以有D heavy結: 麵包因為圓形有個中空感係特別既但$40就吳太值啦🥴#西多士 #漢發麵家 #香港小食#hongkong