潮人飯堂 (已結業)

天氣清朗，陽光普照的星期六，我們相約老媽子去飲早茶食點心，一來問候老媽身體好嗎？談話都不離家事，開心關懷問好是身心的最要美好精神食糧，互相問候及感到心情愉快中飲茶食點心！人生就是這樣簡單生活，一宿三餐就是最基本生活模式！我們以前都經常來潮人飯堂飲茶食飯，今天感覺有些轉變和特別！每次都滿座要等位，今次有多張空枱，人氣銳減，不知甚麼原因？最後我們發現就是其飯堂的茶葉劣質無茶味，水涼茶劣，侍應阿姐工作無精無采，尤其點心質素變差，而附近又新開一間新酒樓，非常影響其生意，不思進取，坐以待斃，聽天尤命，誠希潮店可以振奮改革，為食一族又可再食好味可口水滾茶濃的飯堂！排長龍鮮味豬骨粥加蔥花蝦米腸是飯堂必選點心，粥綿夠味夠熱而料多既鮮！蝦米腸賣相美觀，口感非常，不二之選，正阿！梅菜肉餅蒸飯及真正家鄉咸水角量夠美味滿足味蕾而又夠熱夠飽，非常襯托口味！翠苖蝦春卷是最脆香爽口，點少喼汁就充滿味蕾，值得再品嚐！當然點心必選是饀實肉鮮的原味叉燒包！而其潮州蒸粉果都非常出眾，但皮比較厚身不夠煙韌！翡翠牛肉球就不夠熱度，其味且鮮，肉汁充盈，算好食好味牛肉球！

這裏的叉燒腸没有叉燒味腸粉豉油沒有製作過只是普通豉油，蘿蔔糕咸得過份完全沒有蘿蔔味，煎餃子餡料不多皮不香脆種要油淋淋，而且食品種類不多，只有地方及服務尚可，在西灣河來說不是必選食堂。

在星期日下午茶想食點心，預左很多人排隊，今次同埋家人一齊黎試下間新派d潮人飯館，等左20分鐘左右就有位蝦餃好味！一籠五粒，皮薄, 入面蝦爽口又大粒, 啖啖蝦肉好滿足Xo醬蘿白糕味道係唔錯，不過質地太軟，濕濕地仲有好油淋淋嘅感覺，真係你食埋我嗰份鮮蝦春卷係一驚喜，唔好睇佢賣相咁普通冇咩配料，其實香脆外皮包住粒大大的蝦, 非常香口，蝦又夠爽，口感十足叉燒包外面十分鬆軟，入面叉燒足料亦嫩滑，沒有肥肉岩哂我豉椒牛肉炒河認真失望，青椒又唔新鮮有怪味，牛肉以為係豬肉，河粉又冇炒過，好求奇囉⋯⋯的確係大上大落嘅下午茶....順帶一提, 裝修都幾新潮，服務還可以，食完仲可以係西灣河行下海旁幾咁寫意

潮人飯堂嘅形式同一般酒樓有啲相似，不過特別之處在於佢有唔少fusion菜式，而且食物亦都整得比較仔細。不過我推薦大家喺下午茶時段去飲茶食點心，價錢唔算太貴但食物質素相當有保證。點心之中較為出色嘅係佢嘅鮮蝦春卷，外層炸到金黃色，鬆脆之餘又冇乜油益嘅味，入面嘅鮮蝦亦唔會話好梅。另外，馬拉糕亦都值得一試，大大個籠入面裝住三大舊馬拉糕，鬆軟之餘甜度非常合適！佢亦會推出特別優惠，絕對係附近住客嘅飲茶好去處！

行過見到門面裝修幾靚, 於是就入黎試下.食左唔算太多野, 但都算好味.三式蒸拼盤, 包括牛肉、鳳爪、排骨.排骨肉質ok, 肥瘦適中, 入味得黎唔會太鹹。鳳爪既味同平時酒樓食既有d唔同, 但都幾好味. 牛肉無偷功減料, 有肉味.頭抽皇乾炒牛河.真的少到乾身, 好入味但又唔油膩，炒得好過好多大酒樓.翠苗蝦春卷.皮做得好好, 餡料亦落足料, 蝦都算幾新鮮.梅菜蒸菜心.好味, 梅菜幾靚, 好有味得黎唔會太鹹, 用黎蒸菜心令兩樣野都變得好好味.不過侍應既態度就麻麻, 無乜反應, 愛理不理咁.

要自己refill水, 叫埋單時比經理好"灰"氣搶單據埋單計數! 我相信全港得佢一間餐廳係咁!!????野食又一般....我都幫襯過佢其他分店..就因為佢有個"魚湯蠔仔粥", 我先覺得佢呢味蠔仔粥有D"名副其實"!!! ("潮"人飯堂ma.....), 但我作為正宗潮州人(汕頭出世...)會比ONLY 3分(10分滿分的話)for食物質素.....佢d扮潮州野的"煎粿"......加左粒粒芋頭.....口感差晒......本先潮州人食的"粿"應該係"韌韌地", 但佢就竟然係"硬硬地"....!

雖然近期仍是忙碌不已，但所謂吊勁都要透透氣，幾經掙扎決定拋開一切，讓自己奢侈地放半天假，走到港島東蘇豪嘆番個下午茶。屢屢追不上時代尖端的我，竟然選擇了「潮人飯堂」開餐，觀感上有點格格不入，但這兒其實除了裝修摩登，擺設較花心思外，食物款式又算不上怎樣新奇有趣。侍應先把水仙花茶送上，與舊式酒樓不同的是，眼前的透明壺架著茶隔，好處是防止茶葉連水倒出，方便客人飲用；而熱滾水則由鐵壺盛載，並點了蠟燭保持溫度，非常體貼。柯打了一款名為三式蒸的點心，其實就是牛肉、鳳爪、排骨拼盤，並以正方型的點心籠奉客，相信又是另一花臣搞作。味道方面，以排骨較為取勝，肉質腍滑之餘又不會過肥，而且份量亦算不賴。鳳爪則顯得有點過鹹，醃料與普通酒樓有點差異，說不出是甚麼但個人不太喜歡。切開的牛肉呈粉紅色，但每客只得一小件呢。乍看頭抽皇乾炒牛河以為份量很少，原來是碟子的設計令人產生錯覺。這碟乾炒牛河的色澤沒想像中深沉，但最厲害之處是不油不膩，河粉炒至乾爽分明，只有極少數黏在一起，而且每條均勻地沾上醬油，味道恰到好處。牛肉沒被鬆肉粉洗禮，無渣卻又未算非常嫰滑，而且稍欠肉味。香煎韮菜角炸得極之香脆，只是輕輕一咬，耳邊便響起「垃垃

陳金:其實都食過幾次,覺得放好多心機係門面,菜牌同餐具上面,不過食物質素只係一般.一哥桂花炒魚肚:蛋炒到很老,魚肚和銀芽本身係無乜味嘅不過,所以個蛋整得唔好,根本就唔會好食.上湯雞:都OK,食唔到肉嘅香味不過都幾滑.梅菜蒸菜心:呢個幾好,我好怕梅菜太咸但呢個味道剛剛好,賣相亦幾靚.不過似乎係服務方面要改善多D….其實附近好多選擇,多去幾次係食多幾樣嘢先俾COMMENTS係想FAIR D, 但幾次去都係門口冇人理你,坐低之後態度愛理不理…..潮還潮,有D基本嘢都要做好嘅…

以前還覺得不過不失的一家餐廳，現在的食物和服務都變差了。10點半來到，無人帶位，要自己去找，轉了一圈沒找到，再等安排吧！入座後，點心來得特別慢，必須追。有一個腸粉是追了幾次到1小時後買單都沒來。買單時見到另一枱的女士跟男經理在投訴單有問題，我看了下單，果然計錯數。算了，從男經理的態度就了解為什麼這家的服務越來越差了，以後不會再來。

普利完全唔同味, 唔係高级又要辨高级，隻杯太细平, OK 嚎油味，好怪普通, OK 用沙津source更好燒賣散出水，好唔得唔好睇佢咁長，吃下去全部都係絲，再望下個碗好多油，跟住大家就開始抽絲，千絲冇呃人抽了成分鐘，得返四分一份量，再吃下去全部雜果，咁說好了旳鵝肝呢? 圢開一看得手指尾指甲咁薄咁多的鵝肝醬，實在貼題..裝修好食物差都冇用.

新年要做節，阿哥介紹呢間，因為之前同阿媽飲過茶，覺得幾好。那裡有個男服務員，嘩，熊度差到呢，有d狗眼看人低咁。我地之前飲過花茶，所以阿媽叫花茶，個男服務員只答「冇」。我問咁有咩茶呀？佢話普通果d。心想，頂你呀，你係咪玩野，答左等於冇答。我又問，咁即係有d咩茶呢？我地以前都飮過？佢答，而家冇花茶架啦。我話，咁菊普啦。佢答，冇。咁我又問，咁有d咩？佢答，普＂梨＂等等。唉，同佢講野，又唔願望你。又搞到我好似要你套料咁，引你講野。到點菜，果menu全部都係d新年菜名，什麼發財大利等等。咁咪選d有意頭架啦。d野食呢，真係好難食，所以我地食剩一半，d飯又硬，d菜又冇味。見d飯菜唔得，我地再叫推介馬拉糕。嘩，果糕到左，重未蒸透。上層果d蒸開左，但低層重未。到埋單，好在現在習慣左check單。點解收多左四個白飯？我地只叫炒飯，冇叫白飯。咁就叫服務員來啦。佢之後解釋話，另一張枱架，前後單，所以入左去你地度。全場十幾張枱，果晚冇乜人，大約有幾張枱，你地都做到咁，人多果時，你地會點呢？後記，幾個服務員當中有一個女仔最年輕，佢就服務最好，最有禮貌。我想了幾天，原因可能係佢對每個客人都好，而比較年長多果d，因為

觀看渡海泳之前，走來嘆個特價早茶。特價點心選擇不多，試了牛肉、豬骨粥、叉燒包及鳳爪排骨蒸飯，水準一般，無咎無譽。不過此店攪了些花臣：例如用特小有耳杯飲茶；蠟燭加熱金屬滾水煲；一籠4個叉燒包；以及正方型的點心籠。務求讓你感覺特別。可是對我倆來說，還是點心質素重要一些。

本來諗住去隔離京城囍饍飲茶不過見到咁多人排哂長龍等位,我地又趕時間所以費事等過咗黎潮人飯堂飲茶以為都要等一陣位點知一入到去就有位食完終於明白點解唔駛等都有位真係求我都唔會再番去食廿!!!我相信冇人會願意一路食一路受氣難聽d講句大排檔都好服務過佢!!!首先講講d食物先,我地叫咗碟瑤柱蛋白海皇炒飯,炸明蝦角,蘿蔔糕+芋頭糕,三式包碟碟野食都係縮水版,唔知仲以為去咗小人國....最離譜係碟明蝦角,奉勸大家真係唔好試,食皮多過威蝦,我真係冇誇大,佢地用蝦毛黎包嫁!我地仲諗住叫咗個三式包,可以3種唔同味既包個個都試下,點知....不但只個包細到好似縮咗水咁,包功超差,d餡擠哂出黎,個包身又硬入面d餡全部肥膏多於义燒!!野食麻麻都算,D服務真係差到唔可以原諒!!!我地諗住揮手叫個侍應過黎幫我地加一加水,點知個女侍應一黎到就勁惡咁叫咗聲"要咩廿!!!!!!!"D態度真係差到!大佬我家下殺咗你全家咩!我前世欠咗你既咩....我俾$黎唔係黎受氣嫁!本身我地個水煲係擺喺埋面,因為d野食都多到冇地方擺,d侍應碟又唔收,搞到冇哂位加完水番黎,個女侍應喺我地面前又搞個蠟燭又搞黎搞去,都唔知點咁!跟住冇擺番個壺入

一行七人在九月十三日訂了位飲茶, 去到侍應說要等兩張枱才輪到, 換言之訂了枱都不能即時入座. 問了侍應三次, 才拿到點心紙. 叫了十樣點心, 份量偏小. 生煎包竟有黑椒, 有一款點心叫”三式蒸”, 有一粒小牛肉, 數粒肥排骨和一隻鳳爪腳; xo 醬腸粉好辣. 店的推介雞包, 一碟四小個, 並不出色. 侍應不主動加茶同收點心碟, 舉手示意才不情不願去收, 毫無招呼可言, 埋單簽賬時亦欠笑容, 一聲多謝都無!.

喝茶，大家都會想起一家人同桌的溫馨場面。今次小弟一反常態，單身寡佬勇闖酒樓，實行做一個潮人。生活在西灣河，茶樓選擇特別少，即使吃個早餐也要徒步走出大馬路，質素更不太理想，但潮人飯堂在此刻為我提供了新選擇。鯉景灣不甚早餐供應，但地處臨海，吃個西式早餐也要接近3位數字，但今天6款點心連茶芥是$52+$4(貼士)!!長話短說，茶樓新開張，摩登裝修已勝於普通茶樓。由於地段屬中產區域，早上喝茶的人流較少，不用等位又是一絕。跟經理說說小弟是入門食評家，便被安排到雅座，服務親切，更容我拿下相機拍了幾幅。茶水令我大感意外..地好! 眼見別人的茶壺下有火光，原來是貼心的將熱滾水和茶壺分開，茶水十分講究。更提供了不少獨特的選擇，如玄米綠茶等，適合一眾西化日本化的香港潮人品嘗。盛茶的茶壺亦貼心地提供茶隔，既不令茶變得過濃外，亦防止沖茶時一併把茶葉倒下。而熱滾水由鐵壺盛著，更由蠟燭把水保持溫度，可在需要時加進茶壺內，一流。玄米綠茶：比較清淡，且香誠意可加! 值得一提是茶跟水的份量剛剛好，走時剛喝剩最後一口。原來一個人喝早茶的原因，是由於價錢異常吸引。星期一至五的8點-11點提供超值早茶，大多數點心竟在$10以