影片
附加资料
營業時間: 11:00am - 12:00mn
以上资料只供参考，请与餐厅确认详情
我第一次去呢間潮州邨(銅鑼灣廣場一期6/F)食野！雖然價錢比一般潮州打冷貴D，不過都唔緊要啦！自己都想試下嘛……咁我地5個人去都唔算太肚餓，所以就只叫左5 碟菜同埋1 窩湯 4 碗飯。唔知係唔係我地張單唔貴( 6百幾蚊)！有個阿叔既待應全程好串同好無禮貌咁對待我地，我先聲明(佢每次幫我地做任何野我都有唔該前唔該後架！！) & (當時唔係爆晒場踢晒腳架！) 係唔係我地食得少，D待應就可以咁樣對待D客人先！咁我地食完就當然馬上埋單啦，我唔係食完賴皮唔肯走個 D人黎架！我比張信用卡佢，轉頭佢連埋張簽名收據拎返過黎，我本身都唔諗住比小費，不過我都係做呢行，我都想D客會比小費，所以最後我都比左$10 小費佢地！不過到最後，最嬲個個就咪係我自己囉！簽卡係有倆張紙，佢比我簽個名個陣都分開左架啦同埋連埋張卡放晒係張檯度，之後我簽完名，佢竟然單手羅返張收據一粒聲唔出轉身就走左去！如果係我無禮貌先既，我無話可說！我以後有人請我都唔會再去呢間咁既潮州邨啦！！！！食物質數：一般
继续阅读
琴日去咗銅鑼灣廣場一期6樓間「潮州邨」，食物麻麻，服務態度極差！佢D侍應強迫我哋叫貴價，我地都覺得有D唔對路，覺得好似唔係好唔底食。我地諗住散叫，可以試下唔同的食物。雖然個侍應不斷叫我地食Set Dinner，都係小心D，逐樣餸叫。其實我地都叫o左唔少餸，但係佢地上菜o個時，不斷講冷嘲熱諷，真係好無禮貌。埋單個時仲報錯單，真係食到成肚氣！
继续阅读
今天忽地想吃潮州菜，人在銅記，所以也拉了女友來這兒一起試試看，也是頗晚的才來，但也很快被安排入座。甫入座，發現隔枱全是年輕人，還要是在慶祝某君生日，正奇怪現今年輕一輩竟然不吃西餐，而來吃潮州菜作慶生飯，後來發現原來其中一位原來是太子爺，而老闆看樣子也似是潮州人，心想質素應該有保証吧。又想喝湯，又想吃鹵味，又想吃蠔餅，所以最後也真的點了煎蠔餅、鹵水鵝片大腸雙拼及大芥菜骨煲，然後來個潮州粥清清口，兩個人吃很夠了吧。先來的是煎蠔餅，煎蠔餅理應主要是以蠔仔、鴨蛋、番薯粉等煎餅而成，但問店員，店員竟說是用雞蛋的，但我堅信是鴨蛋，因為吃得出是鴨蛋來的，似乎店員們真的要惡補一下潮州菜的知識了，煎蠔餅煎得香脆，只不過稍為油了一點，而蠔仔也多而肥美，而且無沙無異味，加上吃起來有鴨蛋香，也不錯，魚露算是有鹹鮮的，伴着潮州粥吃，也算是可以的。白粥雖然也是夾起有米飯的，但米水的感覺過份漿糊，感覺好像做了點手腳，不是太潮州的，普通貨色而已。再來的是鹵水雙拼，價值一百零八元，好像是貴了一點，若是有質素的我不介意，份量不多也罷，也不介意，但最令人憤怒的是，除了鵝片是較有鹵水味外，豬大腸及墊底的豆腐也是冇味的，看圖也可知一二，白白的，不要以為它是用了白鹵水，是白開水才真，雖然豬大腸有咬口而無異味，鵝片軟腍不嚡口，但眾所周知，鹵水乃一潮州酒家的生命之源，乃其命脈，今天吃到的，是差差差差得不知怎去形容。最後才來這個有湯喝的大芥菜骨煲，芥菜好軟身，也沒有苦味，吸了湯是好吃的，淮山是新鮮貨，粉粉的，也好吃，而豬骨是先醃過的肉，但吃起來不夠軟身，湯內也有點黃豆，煮得軟身，滿有豆香，不錯，加上一口鹹鹹而帶有微量的胡椒味的湯，也吃得過。兩個人吃光枱上的食物，也很飽了，但在精神上，是絕對不大滿足的，因為在潮州館子吃不到好吃的鹵味，好像是沒有吃過潮州菜般的，真失望。
继续阅读
5月3日, 因為呀菲嘅姑媽生日, 兼預早慶祝下母親節~ 所以訂咗一張大枱一行9人黎到食潮州打冷. 佢比咗間開放式嘅房我地, 自成一角兼有電視睇. 除咗喺泉章居之外, 都好少喺其他酒樓式嘅地方打冷, 今次都算係特別嘅選擇~ 我地9個人叫咗8個菜, 連埋白飯剛好~::: 蠔仔肉碎粥 ::: 最重要一定係d蠔仔肉, 好彩都算新鮮, d飯好淋, 粥底幾清甜夠味, 肉碎頗淡, 唯獨冇乜胡椒味, 吊唔起整個粥嘅味道~::: 金牌滷水三寶 ::: 講到明金牌, 所以一定要試啦~! 有鵝肝, 鵝片同鵝腸~ 鵝肝份量比較多, 真係第一次咁樣食滷水鵝肝, 質地好潤又肥美, 滿口油香, 十分好味~! 可惜滷水汁只流於表面, 內裡只係好普通嘅鵝肝, 好似同滷水分隔咗… 鵝片同鵝腸份量都唔多, 鵝片切到好薄, 好易入口, 完全唔韌, 亦唔算好肥, 滷水好入味, 幾好~ 不過鵝腸就認真求其, 唔彈牙之餘仲淋pat pat., 仲衰過出面打邊爐嗰d…::: 沙茶牛河 ::: 都算幾正宗, 不過冇乜驚喜~ 沙茶醬, 牛肉, 都係普通同街邊打冷一樣, 河粉略嫌太淋太濕, 有d差~::: 潮和骨 ::: 睇個名好特別, 應該係潮州特色菜, 不過賣相同味道都食唔出有幾潮… 有d似沙拉骨, 醬汁甜甜地, 再滲上芝麻粒, 味道幾醒胃, 不過份量少得驚人, 加上骨多過肉, 只合2人份…::: 腿茸津白 ::: 由相可見, 腿茸少得可憐, 津白有d老, 而油都頗多, 像是油菜一碟…::: 石榴雞 ::: 全晚最為滿意嘅一味, 賣相有心思, 以蛋白做成嘅皮包住雞肉, 形狀似小籠包, 淋上蛋白獻汁, 再以西籣花伴碟~石榴雞味道一流, 雞肉嫩滑, 粉皮包住咗雞汁令到雞味封鎖住喺入面唔會流失, 就算擺咗一陣先食都唔覺凍~ 西蘭花配蛋白獻汁都非常美味, 此味菜為是晚推介菜色!::: 蠔烙 ::: 普普通通, 略為煎得比較薄身, 好處係d蛋漿唔會唔夠煎時間而好似漿糊咁, 不過都係2人份倒, 唔係好夠食~::: 梅子蒸烏頭 ::: 頗為失望嘅! 因為作為潮州菜主食, 呢條魚可謂唔合格, 魚味欠奉, 梅子亦唔夠酸…食完感覺都唔太滿足, 可能真係欠缺咗街邊打冷嘅風味, 菜式亦欠鑊氣… 酒樓其實座位唔多, 大枱更少, 我地訂嘅枱喺正最埋, 冇乜侍應黎服侍, 加茶都要叫3,4次先有人理… 不過好彩有電視睇, 免費電視送飯, 分散注意力對d菜都冇咁失望, 不過睇黎都冇下次架喇…
继续阅读
今天端午節家人睌飯,點了以下菜:鵝肝(在碟底的豆腐比肝還要多,肝十分滑但味不夠濃,還是尚興好吃)鵝肉拼掌(鵝肉還可以但掌只有一隻,又是豆腐有大大件)杏汁豬肺湯(只是有杏汁味,但豬肺不似是一起煲的因仍不夠軟,菜也是後放入湯的,十分似例湯加杏汁,屋企煲的也比佢好,還是陸羽最濃最好味)炒魚麵 (十分咸,冇特別)石榴球 (OK)沙爹牛肉芥蘭(芥蘭十分硬)訂了八點仍要等,訂不訂枱也分別不大。招呼一般,還有用一個似12-15歲之童工,泠氣又不停滴水,食物比其他潮州舖差,不會再來。
继续阅读