潮民

营业中

休息中

     昨晚在朋友的介绍下，我们来到天后潮民打邊爐，一早听问呢间铺都吾平，心怎唔通又好似个间（）禁又貴又普通？      我地六条友先坐低睇menu，看呢到乾乾净净又播英文歌，心念吾知係吾係吃环境呢！後來我D在待應哥哥积极推介下就叫左個番茄蟹湯底一試，只蟹出来时好新鲜，膏又好多當湯刚滚開想放吃物时，有個待應哥哥走过来同我D講，要不要先整碗原味嘅茄湯试一试呀!禁我D就講好啊～當我D慢慢品尝时，發觉個茄湯真的很好饮所有味道都刚刚好，有D大自然清新气味，仲有好多细细粒番茄仔在湯面上在鍋里捞上吃物时 聊著聊著 吾记得點调味料就一口吃下去，正發觉吾使调味料，D吃物经個湯泡了一陣己经有好浓厚的鲜茄味在上面了真的好好吃...虽然有D人話呢到有D贵，但我D覺得D水準真係值li个價钱讚！！！

去完会展睇新車,開車去左大坑吃飯,原本想去勝手但冇開,所以去左這街边打边爐湯底牛尾湯,几粒牛尾但湯底系好味既,198元去百利巳经好靚湯底了手切本地牛,吾錯既2百几,份量小聖子皇78只,ok la,普通蝦滑也是好普通,2支啤=1000找几＋元所有食物冇驚喜,冇乜特別只是得貴字,如果貴得黎系好味滿足,我相信任何人都吾会介意貴,願意比.但甘既質素真系冇可能再有好印象去

呢間火鍋店請我都唔會再去，湯底冇特式，價錢又唔平，如果要雙併湯底伙記話收二個鍋錢，嘩，如果叫個駌鴦鐘分分鐘成$500 ，心諗，我坐街邊咋，況且佢D湯底不外乎係皮旦元茜 ，魚頭豆腐，番茄蟹湯，而且湯鍋size係細過正常size,值唔值呀？鱔片一碟六塊又薄又唔肥美 什麼本地手切肥牛又肥又冇冇味，枉信伙記極力推介！鮑魚仔好一般，一碟得二隻 ，墨魚滑好普通唔鮮味，炸響鈴同菜亦一般 ，二人埋單$977，以我咁多年打邊爐經驗，呢餐收我咁嘅價錢，我再幫襯都對唔住自己，錢唔係問題而係根本唔值而且冇質素，我聽老闆同隔離枱講，佢唔會理網上D人寫乜，而且暗示話上得網搵野食嘅人都唔方係食家喎@@又係果句，如果比呢個價錢得到咁嘅質素，我再幫襯佢都對唔住自己！

之前聽過朋友介紹過，所以就決定嚟呢間店試一試實力啦，點知出晒事 甫坐下，店員大叔已經不停推介貴價食物，如象拔蚌，番茄蟹鍋...等等，一睇張點菜紙，即時汗顏，貴到點唔落手=.="，最後當然無點店員大叔推介嘅食物啦，點咗碟極上黑牛片，墨魚滑，海蝦，再加的丸類，餛飩同菜啦，點完菜我哋無即時入單，因為仲有朋友未到，所以就叫咗D飲品飲住等啦，到差不多時間我哋就入單，之後位店員大叔睇完我哋張點菜紙，忽然間同我哋講兩個鐘後要交枱，我同D friend你眼望我眼 我同店員大叔講我訂位果陣無人同我講會限時喎，佢仲話而家開始打，打到9點半夠晒啦~ (註: 當時仲有位朋友未到) 嘩~~ 果一刻心入面團火即時燃燒起上嚟，心諗擺明係因為我哋無點貴價食物就要我哋兩個鐘後要交枱啦! 當然, 我哋最後都食到11點幾先埋單走人，埋單$1600蚊要我兩個鐘交枱，真係翻佢枱都似。所以話，食物質素有幾好都無用, 呢D咁嘅服務態度真係好趕客囉

唔知幾時開始，打邊爐被畫分成兩個陣營。平嗰啲，肉類無肉味，牛肉又肥到死，四寶丸食完到分唔出味。貴嗰啲，無四五百一位唔好諗住食得飽。呢間潮民就係食貴嗰隻。環境其實似街坊生意，不過儘量做到好企理。侍應亦個個笑面迎人。至於火鍋料，有著有唔著。先講本地手切牛$218，面頭嗰啲幾靚，脂肪均勻，牛肉味濃郁，不過都有少少靭。但下面鋪住嗰啲就唔多掂，脂肪位佔一半以上。同面嗰啲真係差得遠。咁樣嘅presentation 真係覺得揾笨。特上安格斯牛肉粒$128，呢個唔建議柯打，睇見就覺得少得可憐，肉地亦鞋同靭，枉有特上之名，並無特上之實。再舉一個貴到飛起嘅例子，6隻鮮冬菇就收$32，更好食都係街市買到好尋常嘅鮮冬菇啫。最後講埋個湯底，叫咗荽茜皮蛋湯，開始好好食，返到屋企就知死，勁飲兩杯冰水先解到渴。究竟仲有無啲又抵食又好味嘅火鍋店？

星期日早上十點去食早餐,full晒,等了一陣終於有人埋單. 一定要食我至愛的蕃茄鮮牛通,朋友就叫了fusion(這裡的特式. 當然奶茶咖啡不可少 味道不錯,不求其.最好是自己落糖水可以控到甜度 一定會再去~~

今日同老婆拍拖紀念、夜一夜去咗呢間潮民😍個胡椒湯底超正、😍手切肥牛好食又唔係太肥、😍玫瑰雞翼好入味、好香玫瑰露味、😞但個響鈴就麻麻哋啦,😱同埋女王頭訢冇筷子托囉

在紅雨的一個晚上, 我們一行六個女生去了潮民打邊爐.. 大家行到大坑己經濕哂.. @@因為訂了檯, 所以給了我個一張可坐十人的大檯給我們, 很舒服我地叫左最平的湯底 (好似牛骨定豬骨o個個), 同埋以下的菜, 除左’未滾呀!’ 之外, 我地講得最多的就係’ 好好味呀!’本地肥牛 – 幾好食~ 有牛味~~蠔 – 只有五隻!! 唔夠分~ ><魚片頭墨魚滑 – 超好食… 同出面的墨魚滑或者墨魚丸個味唔係好同, 好甜好好味凍豆腐 – 唔知點食… 一舊冰咁上金菇唐生菜 – 食得出係新鮮野~~米粉 – 好食!! 新竹米粉~!烏冬 – 食得出係貴野, 唔粉一個唔知豬肉丸定魚旦的野, 灰灰地色鬆鬆地的丸 – 超超超好食, 我地個個食過都好食… 我覺得似豬肉丸味, 好甜牛丸 – 我d fd話好食但係我麻麻牛丸響鈴 – 唯一一個食淨冇人肯食埋的野…. 我個fd話唔脆愛心餃 – 根本就係韮菜餃… 全隻都係韮菜… 個人超憎韮菜… 食到面都wear埋.. 我個fd鍾意食韮菜但係都話好韮菜 (not in a pleasant way)牛胸口 – 朋友推介, 只灼五秒, 好香的牛味~!!!鱔片 –

食物質素OK亦新鮮, 潮州魚蛋及牛喉,牛心等比較出色, 但5個人食左$1,918, 沒有食海鮮...最貴係$436的牛肉(2碟)及$316的羊肉(2碟). 每人盛惠$420!!這個價錢我PREFER食時代廣場的不倒翁.....環境及服務都好幾倍啦. 另外, 最不能接受的是叫了個鴛鴦鍋, 但價錢是沒有任何折扣, 跟分開叫沒有分別, 那為什麼不出聲或者比番2個鍋都好D......$22罐王老吉, 茶餐廳格局, 5星級酒樓收費!!!

開車上班的一天，若是事情不太多，同事們總事喜歡離開銅鑼灣/灣仔區去找食。是日開了車上班的是我，中午三個人決定逃離銅鑼灣/灣仔，近近地又方便泊車，大坑就是一個好的選擇。本來是找民聲的，誰知民聲的大坑店不開，執筆之日才知道他們先要主力做好筲箕灣店才回來做大坑。沒有民聲，又不想同事陪我去食貴價食品，我們就決定來這一家叫做潮家的東西，因為不想花太多的錢，亦就在眼見到車子的地方，方便為上。潮民，也是一間簡簡單單的茶餐廳，記憶上是頗有小名聲的，不過出名的是什麼就不記得了。三人翻來翻去，我決定食他們的茄汁安格斯牛肉通粉。茄汁味濃香，加有牛肉的味道同洋蔥的味道，令到覺得有點像在吃羅宋湯通粉一樣。牛肉，味道是足，要有這一種牛肉味，的確是只有外國的牛才有這樣的牛肉香，可是我覺得其牛肉片是比較韌了一些，但湯底甜美，牛肉味香挽救了這一點的不足。簡單的吃飽，簡單的一餐，雖知道有同事不太滿意來到大坑吃回普通的東西，但換了這一個味美的通粉....比隔舖的拉麵平一半有多.....另一名同事收入不多....我不好意思要人花7、80元吃個午餐啊...

乘車北上遊玩的早上，仍有一小時空檔，走進「大坑」吃個早餐。大清早的「大坑」不及晚間熱鬧，很多店舖仍未開門，吃早餐的選擇不多，我和太座左看看右看看，結果走進這間「潮民」。早餐的選擇是A+B+C+D，在各款材料中選擇自己喜愛的組合，都是火腿，腸仔，午餐肉，叉燒，牛肉之類，另外又可選米線，通粉，一丁等。我們選了炸魚柳時菜煎蛋米線配鴛鴦，另一份選了番茄煎蛋午餐肉通粉配奶茶。炸魚柳只是一小塊，放有一小堆沙律醬，炸魚是龍利魚，味道普通，因炸得頗乾，早餐有唐生菜則有驚喜，菜蔬新鮮爽脆，煎蛋和米線不過不失，鴛鴦合格，無投訴，茶啡味均衡，奶味OK。番茄切成大大角，頗新鮮，煎蛋可以，午餐肉煎得不夠香，奶茶香味不錯，通粉不太腍，收貨。$44 / 2位

早上忽然黄雨, 但都沒有打消熊媽及熊巨P揾食的雅慶 今次食在大坑就選擇了一間晚間是火鍋店而日間就變身為茶餐廳的食肆, 聽說日間所賣的材料正是晚間火鍋店所賣的生料, 那麽以婆仔性格來說...嘿嘿以小博大少少錢就食到貴價食材不過, 現實就是這樣的殘酷 叫了兩份店家出名的「全港最強安格斯牛肉蕃茄通粉」轉一丁麵及烏冬, 兩碗配料都係有分別蕃茄糊底超杰(所以唔可以叫做蕃茄湯), 是罐裝蕃茄醬再加罐裝蕃茄及新鮮蕃茄煮成(酸味較重), 烏冬索晒蕃茄味, 夠茄夠韌~ 洋葱切得大塊, 煮得不太腍兼有咬口, 安格斯牛肉只得三小片, 有好重的牛肉香兼唔韌。這碗一丁麵的蕃茄湯底是較稀但都有茄味, 因為是用罐裝蕃茄醬再加少許罐裝蕃茄碎煮成, 竟沒有給我新鮮蕃茄 入口首先是一堆乾香草的味道, 再來就是蕃茄味, 好熊家的家常味道 所以感覺沒有驚喜 一丁麵沒有像烏冬般索味, 而那令人矅眼的安格斯牛肉...形狀上已令我們跌晒眼鏡...丁方size 還要是只得三數丁片「全港最強安格斯牛肉蕃茄通粉」加飲品$32(凍飲當然要加$2), 我們叫凍奶茶, 茶味一般但好處是糖漿自己落, 多少就悉隨尊便(熊仔樽)。 當

早前見到有團購飛 $20包一碗通粉+飲品 或者當40現金卷用平時少去大坑一帶 見到期便趕快用埋去星期六晏晝去食 人都不少 看來餐廳人氣頗高 有set lunch 大概三十幾到 有通粉 無謂多唸 當然叫左最出名既安格斯牛肉蕃茄通粉餐台上有供客人取用的餐具 好像不太衛生雖然客人很多 但不消數分鐘就到 賣相很吸引 色澤解艷 上面還有一層香草蕃茄湯底很濃 蕃茄份量很足 用料也很足 牛肉質感嫩滑 肉味香濃 安格斯牛果然名不虛傳通粉唔係普通貨 係用厚蚊坑粒粗個隻 食落去好彈牙 唔會一咬就碎仲有一杯凍飲(+2) 好大杯 足足有十六安士! 就算收正價32都會再離幫襯!

前次過來，是馬拉松的日子。上次過來，跟家人在維園打波後。今次，以上兩項皆是：在馬拉松的日子，跟家人在維園打波，然後過來。見店裡滿座，禁不住妄想：大家一定是看過在下先前的食評，得知這是比賽後早餐好去處，蜂擁而至...早餐大致不變，欲知賣相，翻閱在下去年2月20日舊作即可。外表依舊，內裏卻似早已靜靜革了新。用的依然是厚身坑紋通粉，但湯做得濃一點、熱一點。上次提到通粉不易入味的問題，就解決了。吃到這裡，在下妄想症再次發作：一定是廚師看過在下上次食評，之後努力改進...愛吃通粉的Mark火速吃完後，再來一個。論到吃，小朋友從來直接誠實，愛吃的，盡管吃，反正都是other people's money(一般是家長的)，不愛吃的，隨時罷食，反正不用給煮的留點情面。所以，這個早餐應該好食，我信。

我這個朋友很喜歡穿梭大街小巷，找尋一些特色和出色的小店子，跟他去搵食，實在有尋寶的感覺，是很有趣的飲食經驗。今次來到大坑，目的地是人民聲冰室隔離的那家店，叫潮民。這店子晚上專做火鍋，早上則賣點粉麵，大致都是把湯底和火鍋配料用上，是很聰明的做法。無謂多想，就要其最出名的兩樣東西。其一是安格斯牛肉蕃茄通粉，蕃茄湯底很濃，有頗多的蕃茄在內，足料的。牛肉嫩滑，富肉香，相信是晚上打邊爐的安格斯牛，所以很合心意。另一款招牌食物，係胡椒豬肚湯河。先呷啖湯，有胡椒的辛辣味，感覺對辦。河粉爽滑，咸菜和豬肚均是爽口，肉丸結實，只是蘿蔔稍嫌未夠腍身，但整體來說已經不錯。兩碗粉均令人滿意，下次便要來吃火鍋了。