潮聖 (已結業)

呢間餐廳門面認真夠細2個鋪面: 1邊廚房+收銀；1邊得3個位既枱經過2-3次都有留意過，一開始以為賣台灣野今次下午茶時間終於一試💪🏼衝住手打牛肉餅而黎，所以當然要叫佢拉🍜手打牛肉餅河粉+凍檸茶🍜($28+$3)1碗有6-7粒“牛肉餅”講真，同我想像既有啲唔同本身以為係炸既🙈湯底幾普通牛肉餅幾彈牙爽口有啲似牛丸🤔除左牛肉餅之外都一般，腸粉應該會好食d？應該主要做街坊/工廠生意(?)我4點幾食完無耐就落閘了

今日諗住叫佢個外賣試下，叫了個招牌手打牛肉餅米粉， 點知打開比佢嚇一嚇，完全唔得，白烚米粉+牛丸，  求其淥熟就算，個湯係有色而無味，總知成兜野都冇味.... 分量仲要少得可憐！ 之前仲見有報道話佢好食， 都唔明點解有人話好食其實有啲懷疑係比錢人講大話定係見附近係老邨同工廠區多道隨便整！ 如果身邊朋友再有人講想食哩間野我一定，馬上阻止佢做哩件傻事！ 好彩係無係咁肚痛！ 真係只此一次唔希望再有人中伏！如果店主見到個post 就唔該正視一下啦

潮聖石磨腸粉Signature Steamed Rice Rolls (HK$23)Rating: 4/5 ⭐@chiusingtw腸粉都幾滑，材料都幾豐富，有雞蛋，豬肉碎，加埋菜脯魷魚乾蝦乾，幾有口感。小店喺愉景新城落橋就到，喺南豐紗廠附近，幾有屋村特色，但就得一張枱仔可能要企喺度食啦。The rice rolls are quite silky, there are plenty of ingredients to go with it too, eggs, minced pork, dried squid and dried shrimps, bursting with different flavours. This corner shop is right below the D Park mall, also just 5 mins walk from the Mills, but there is just one small table in the shop, so you might need to stand there to finish that yummy

有日在香車街街市買野，發現有間小店，寫著石磨腸粉，好吸引，但因晚上，決定找日早餐試試。今晚和愛人又再路過，告知這食店有石磨腸粉，愛人看著說想吃豬手飯⋯⋯於是便決定試試。店子細細，一人主理，㕑房只在後方，一簾之隔，年輕小伙子非常落力，熱情款待。小店只得三張枱，分別是兩張門口走鬼枱，另一張是自成一格的 VIP 房。幸好早到，二人便成為潮聖VIP 。看著餐牌，晚上時段也有石磨腸粉，原來店員說由於相當受歡迎，故此晚間也供應。背頁是早餐和下午茶，如果住在附近，這個價錢，外賣同樣吸引。潮聖石磨腸粉$23~生菜、菜脯，肉碎、菇絲，香口惹味，石磨和潮州仔有點相似，如再熱一點和添加多一點甜豉油的話，就更完美。整體來說，早餐推介之選。淨牛肉餅$42/12粒~手打紮實，有潮州風味，濃味者喜，配上葱花、生菜，味美。招牌手打牛肉餅米粉$28~四粒牛肉餅配米粉，還有半隻滷水蛋，一個人吃這個，少少的分量，女士們剛剛好。潮聖大碗飯$48~包括有豬手、肉燥、煎蛋、咸酸菜、生菜。原先是有豬大腸的，但店員說由於太多功夫，而食客喜好參半，故此已暫停供應，筆者覺得實在太可惜了，因為豬腸正是靈魂所在。只是豬手味道偏鹹，其他都做得

上次去，員工話炒米粉只早餐有．今日中午經過，另一個員工來的，多口問下有冇炒米粉，佢話有，即炒真係炒米粉…冇味冇色冇料只有一粒粒蛋和火煺粒．太少太細粒…吃不出感覺來．

淨牛肉餅：其實係牛丸甘，只係扁身D．好彈牙．大約有十粒左右（冇數過，大约估計）湯底有芫荽和葱味，牛夠入味．魚肉燒賣：好味．吾會似街邊個D太縮水．魚蛋:本人吾太喜歡．太細粒．外觀又「找」皮．豬手飯 $38：好抵食．飯夠多，又有一隻煎蛋．豬手有4件．汁夠多，但咸左D．腸粉:好特別，有蛋、芽菜...等．口感吾似平時酒樓D腸粉．吾係滑溜溜既粉，係不滑的,但另有特式，好味．平想試炒米粉，但staff話炒米粉只早餐供應.想試既朋友注意．另滿$50 以上可外賣送货．would come again

同事係網上見到這間新的小店舖，係食潮州腸粉，賣相好似幾吸引，今日經過，見到原來好細的，只有一張枱，有個男店員出來問我們食乜，但衣著似廚房，穿對水鞋，衣衫也是有油漆漬，我們想外賣，他隨手給了一張餐紙，同事想試牛肉餅，叫了一碗，原來入面係廚房，隔離間了一間小房，有一張枱。店員還說可以送外賣，他就叫我們把外賣紙拿回去，但那張紙也是有污漬的……回公司就食，牛肉餅原來係咁的，我初初真的以為係淋的餅，感覺係牛丸扁了的，放係麵湯入面，十二粒，湯底有好多葱，味精好重，牛肉餅爽口同彈牙的，俾牛丸更彈。幾唔錯的！

剛響「熟食年宵」食完潮汕牛肉餅，所以好想找其他食肆再食回味一下，剛巧見到飲食雜誌訪問呢間「潮聖」老闆，一個八十後的年青人，令顧客可品嚐他的家鄉菜。而且附近過條天橋就到「南豐紗廠」呢個活化景點，所以特登去荃灣試下呢間小店兼行下紗廠。因5:00 去到可叫下午茶餐（2:30-5:30）先叫我期待的招牌手打牛肉餅米粉$23，再叫正宗豬手飯$35，兩個都包飲品，叫了凍奶茶同凍檸茶。再響隔離鋪位坐，有張二人枱同吧位枱。牛肉餅有6塊，好彈牙呀！牛肉味都好香。係我想食的味道，真係好少店有牛肉餅食，仲要係自製手打的，讚呀。如果用一串串賣比學生，可能成為受歡迎的街頭小食。而米粉份量都多，不過個湯底就冇咩味。但呢個價錢$23已非常超值。另外正宗豬手飯餐$33超大碗，又淋又多肉，仲有隻半生熟蛋同生菜，咸酸菜，好有誠意的菜色。豬手帶咸味，可能用滷水，又好似唔係用南乳整。再單點潮聖石磨腸粉$23，有蝦乾、菜脯、豬肉碎、魷魚乾同蛋來包的腸粉，口感都好滑。荃灣小店推介，有口福喇，支持小店。

今日又食到好嘢我個 friend帶我嚟呢度食石磨腸粉初時以為都係一般貨色但食了一碟潮聖石磨腸粉後實在有驚喜呢個腸粉材料非常豐富除了滑滑嘅石磨粉皮外仲有雞蛋 菜脯 豬肉碎 魷魚乾 蝦乾 ... 等等食落真係與眾不同兩個人食一碟腸粉緊係唔夠喉於是叫多個招牌特式粉麵 - 潮滷風味豬手米粉呢碗米粉除咗有菜同蛋之外仲有4嚿豬手通常外面食嘅都係得 2﹑3嚿啲豬手炆得好腍好入味米粉都爽滑唔知點解會有隻雞蛋可能係潮式啩呢間舖好細得兩張檯我諗都係主要做外賣多見到老闆好後生好有熱誠希望堅持高質素食物荃灣區又多一朝聖食店

知道荃灣開左間新的食店，呢排興石磨腸粉，於是就去試吓。去到只有兩張可以糖食，所以唔想等可考慮外賣。我點左兩個腸粉，一個有蝦乾，一個正常腸粉。再點左個豬手飯，同埋朝聖雜錦飯。原先想叫魚蛋，但冇晒轉叫燒賣。首先是豬手飯，豬手比較特別，因為出邊一般都比較淋，但今次嘅豬手比較爽口。所以我好鍾意食，味道稍為濃味左少少，個雜錦飯有豬手肉碎蛋同埋豬腸，好味嘅，值得一試。至於腸粉，我就覺得一半好味嘅，值得一試。至於腸粉，我就覺得一般，比較淡味同埋粉比較重，所以無特別喜好。個老闆80後好有禮貌，誠意十足，所以值得一試。

🇭🇰#香港捐窿捐罅記 小店係由一個八十後既老闆開🙂食物 送外賣 落單都係由老闆一手一腳做👍 而且都睇得出 老闆好有心機做🙋🏻‍♂️ 支持小店 打敗地產霸權 一直都係我宗旨之一 🙂 就睇下小店食物質素如何🤤🤤🤤🤤-🐮淨牛丸🐮（$40/12粒）佢唔係傳統果隻球形既牛丸🐮 而係好似牛肉餅咁係一片片 老闆自己手打既☺️ 食落口 超爽口彈牙 而且牛肉味夠☺️ 係招牌之一 必食🤤🍙潮聖石磨腸粉🍙（$23）係近排好興既潮州腸粉🤤 蒸得幾滑 雖然加左蛋之後口感厚左少少 但由於有蝦乾同魷魚乾既關係 所以好香🤤 做早餐一流🐽👋淨豬手🐽👋（$55/8件）老闆話佢同其他豬手唔同既地方係 會先炸之後先蒸 所以口感唔會好似出面咁 得個淋字 反而會更有口感 食落去都係既 不同個汁就比較咸 不過老闆同我講係因為方便撈飯 😂都合理😂總結來說 食物質素對得住個價錢 而且味道都唔差😂 再加上老闆咁有心 冇理由唔去試🤤-🎈荃灣海壩街2-14號海壩樓地下A6號鋪-平均傷害：$59好味值：6.5/10

身為荃灣人既我 行行下見到有新開小店🎊除咗賣下d燒賣魚蛋之外 仲有石磨腸粉同牛肉餅😯兩樣都未食過 所以決定試一試佢☺️第一次食石磨腸粉🤩又幾足料喎真係食到好多蝦乾同菜脯🦐仲有大大塊爽甜生菜係底一定要落埋佢地自製既豉油 好好味😂好想叫佢地試下就咁出一樽樽豉油俾人買🤣食落塊幾滑 略嫌油咗少少同可以多返d蛋.食落同牛丸有幾分相似🤤師傅話打成餅係因為咁樣會彈牙啲相反牛丸既話就會係著重多肉汁呢個又真係幾彈牙 而且幾重牛味😋推介.小店位置有限 我覺得外賣食會好d🤔同師傅嗲咗幾句覺得佢地幾有心做要繼續加油 帶多d潮汕野食俾荃灣人呀🤪

推薦佢地嘅招牌手打牛肉餅!好爽好彈牙 咬落去肉汁四濺下次去會再encore!!我亦試左佢地嘅豬手啖啖肉而且吸收哂湯嘅精華好似細細個食👴🏻🧓🏻整嘅味道咁好懷念啊古法石磨腸粉 $18佢地嘅石磨腸粉亦係一大賣點每朝由店長們親手用米漿磨成再加埋菜脯, 蛋, 豬肉碎等材料食落層次豐富得黎唔會油膩好適合當早餐或午後小食😋Taste: 👅👅👅1/2Value for Money: 💰💰💰1/2(on a scale of 0-5 emojis)潮聖 地址：荃灣海壩街2-14號海壩樓地下A6號鋪

之前食過深水埗間石磨腸粉真係難食到呢🙄今次試下荃灣間新嘢先呢間除左腸粉 仲有粉麵的有少量位子 主打外賣的。.2款腸粉都係石磨 好足料wor‼️店主朝朝去買新鮮材料架古法石磨腸粉有雞蛋 菜脯 豬肉碎同新鮮蔬菜🥬而潮聖果款腸粉就多左蝦乾同魷魚碎🦑更香口 醬油唔會太多蓋曬啲原汁原味。.淨牛肉餅係非常推薦俾食牛🐂既朋友係牛丸咁款不過係扁身既非常彈牙 非常有牛味 正過德發牛丸‼️個湯都好正 仲有少少菜 一啖菜一啖肉再飲下個湯 醒神💙.怕唔夠飽就緊係整返個豬手麵我揀左米粉 豬手有成4隻咁多 仲有隻大煎蛋🍳豬手滷水好入味又夠淋 蛋煎得好靚有流心🤤真係睇返啲相都想再食❤️

近排經過荃灣，見到新開左間石磨腸粉店店員好有禮貌，環境幾的色叫左個腸粉試下，份量唔算大份，不過對於早餐黎講幾好，豉油係自己煮，唔係hea果啲就咁落生抽，咸度剛好同個腸粉好夾，另外傾開兩句知道佢地有自己煮啲香油淋係面，唔怪得咁香，好有家鄉既皺皮腸粉感覺之後店員介紹左幾款招牌野，比我試食佢地有個手打牛肉餅真係出色，牛味好濃，爽口完全唔同平時食一粒粒圓形果啲，試完我都想買啲返去打邊爐總括黎講幾好食，會再幫襯