潮豐打冷

营业中

休息中

大約六點半鐘嚟到呢一間餐廳，但已經有好多人。我所試的是北菇滑雞飯，但係雞嘅選材唔夠平均，有一兩舊可算是滑雞，其他都唔夠滑。個飯個質地有啲濕，做唔到粒粒米。冬菇切得太細，份量太少，所以個飯煲起嚟冇乜冬菇嘅味，整個飯都唔夠香。雖然只係需要等5 分鐘，但係質素一啲都唔好。整個製作都好粗糙。唔太用心的煲仔飯。但價錢都算幾抵。服務態度都唔太好。一張細枱都要搭好多人坐。一壼茶放喺度都凍哂。未試過佢其他潮州菜式，可能嗰啲會做得比較出色。

潮豐真係好扺食!!佢d小菜碟碟都好夠鍋氣，落單後吾使等好耐就黎。最中意佢碟蠔餅，好多蠔仔係入面，又煎到好脆口，再整支啤。一絕呀。仲有碟鹵水併盤都好抵食，而且仲好入味。見d煲仔飯都好多人叫，下次試下佢先

天寒地凍就想去食煲仔飯，之前去廟街食開，但又覺得果度多人又污糟，所以我家姐就介紹左我黎食呢間潮豐打冷七星伴月飯抵食好食足料特別呢個墨魚鵝腸，點醋食，停唔到口雖然有點小貴不過可以再食

今晚約咗個舊朋友出來，朋友住觀塘，就佢就去左附近食飯。天氣突然咁凍，最好就係去食煲仔飯。未夠六點去到潮豐，好少人，不過食到咁上下就好多人啦！今晚叫咗個上海大亨飯$78（排骨、瑤柱、蝦干、臘腸) ，同埋蒜蓉炒西蘭花$46。個煲仔飯熱辣辣送上枱，真係好多餸，排到滿曬，D飯硬道適中，仲有好多飯焦。蒜蓉炒西蘭花好好味，蒜蓉好香，西蘭花煮到剛剛好，有D爽口。環境都算好乾淨，服務好好，以呢個價錢真係唔錯，好抵食。

今天晚上六點左右去左官塘潮豐打冷食晚飯，不用等位。上海大享飯78元，上枱時已經聞到香味，店員話要等三分鐘後才可開蓋和落鼓油。元貝和蝦乾好香好濃味，臘腸唔肥唔硬味道唔錯，排骨唔算好肥味道可以，飯粒有少少濕氣啱我口味，飯焦好多。綜合而言，煲仔飯78元，有咁多餸，算好好啦！

今年第一餐生日飯， 同家人食，為了唔想撞之後的生日飯，今餐揀左打冷！闊別三年再次去番潮豐打冷，太耐已經唔記得環境有冇咩唔同😅一樣都係咁多人食，好彩一去到岩岩好有台埋單，唔洗等即入得！腩肉通菜，味道濃郁，菜好淋⋯算係入口即溶（？豬紅好入味，好香口烏頭，夠大條可以啖啖肉，肉質都好新鮮掌翼，比較少肉🙈⋯⋯但好惹味鵝片！打冷必叫，原本以為實安可⋯⋯但三年後一食，今次跌哂watt，好失望😞，完全唔夠入味，口感麻麻⋯即放棄安可⋯⋯蠔餅好大份，好多蠔肉，質素算高三年最大的改變係鵝片同佢有酒牌了，可以直接係店落單，唔洗再出去轉角間七仔買⋯打冷最鍾意食鵝片，因此本身對鵝片期望太高，都因而大失所望😢😢希望下次再去可以食番三年前的味道啦⋯⋯

今日係觀塘行完街，突然想食煲仔飯，就搵到呢間，仲有埋打冷食，滿足我兩個願望！首先係「鹵味拼盤」好麻麻，鵝腸唔爽，食落霉霉地😨鹵水教得唔香同埋濃，令到d配料唔入味。成碟野最多既係豬耳仔，種類有d少。之後係「炸蠔餅」炸粉較厚，又多，同埋炸得唔夠好因為上枱無耐就變到好林，個邊又唔脆，好彩d蠔尚算新鮮既，不過成碟野唔稱得上好食。「椒鹽鮮魷」同樣，炸得唔夠脆，粉好厚，唔夠味，同埋好韌，咬到好攰👎🏿👎🏿最後係「鳳爪排骨煲仔飯」呢個煲仔飯，同我係旺角食既差太遠，d飯完全唔香，無個陣焦焦地既味道，同埋d鼓油又係無乜味，加完等如無加過咁，可以多返幾粒豆鼓，食落無禁寡，不過好多飯焦，好脆，呢樣做得幾好👍🏻

我地沿牛頭角道一直行。想在附近找家餐廳吃晚餐。逛著逛著越感肚餓！想起了這潮州餐檔在附近就行去！餐廳是有室內同室外坐位方便吸煙人仕...服務員都是老伙計。餐廳其實頗為寬敞，我們兩位，天氣清涼服務員為我們安排了坐外面！坐咗張細圓枱，食下嘢飲啤酒好正！食打冷野吾少得鹵水野架啦！豬大腸拼墨魚：大腸爽口彈牙！不過其中一兩件有壓味！墨魚煙韌！鹵水汁清爽唔會死鹹！點埋辣椒油惹味！略嫌辣椒油唔夠香辣！炸蠔餅炸得好鬆脆 ！蛋粉吾係好厚..蠔仔嘅味道亦都好突出 ！而且蠔嘅數量亦都好足 ！值得推介！記得問佢地囉魚露呀，點左更加出色。我地仲叫左鹵水鵝片，碟野頗貴...不過味道都唔錯...鹵水煮過，不會太咸！鵝肉入味又軟稔。慢慢在口中溶化，味道口感佳..整體來講呢間作為打冷真心推介 ！服務亦都好好 份量十足 不過價錢可能就會貴少少 但佢嘅質素亦都值呢一個價...

本來平時做完運動，大家都唔會食咁重味既野 ... 今日應該癲左 !! 哈哈 ~~ 今日同行者話 ... 要打冷 !! 平時行過呢道都好多人，今日試下佢 !! 但我好想食煲仔飯囉 ...要打冷就一定要叫韮菜豬紅啦 !! 韮菜我唔食既 ... 但係個豬紅我覺得一般 !! 好易散 !! 唔入味 !!上次係澳門食左個啫啫田雞煲，今次竟然係道見到 ... 都想試下 !! 點知 ... 田雞太細件...唔係覺佢大細隻問題 !! 係佢切到太細塊 ...味道太咸 !! 好在田雞夠新鮮 !! 送飯都岩既 !!最後叫左個 蒜蓉油麥菜 ... 都真係 ... 屋企既鑊既火氣仲好過佢 !! 少少蒜味都冇 ... 菜又淡得滯 ... 

潮豐食左幾次，一直都保持水準，打冷特別出色，觀塘區多野食，但這間潮豐打冷總會令你想起他。滷水鵝片，必點，非常出色，大大啖肉，肉質非常入味，入口香味漾溢，就是這滷水令人回味。蠔餅，蠔仔新鮮，大大粒，炸得通透，蠔仔平均分佈，足料炸大腸，今次略微炸得不夠乾身，上次食的時候好正，腸皮薄滷水墨魚，爽口，沾滷水汁真係好正份量多，大大碟，每次都係必點，連碟底芽菜都爽口，食光。韭菜豬紅，又係好入味，熱辣辣，最鍾意食豬紅

今晚突然想食煲仔飯，見呢間都幾多人咁就同朋友入左去食，等左20分鐘左右煲仔飯先到。我叫左個咸蛋肉餅煲仔飯，個肉飯都算大塊厚厚地，但就冇乜味😂 自己加左好多鼓油都係唔夠味，又5敢加太多怕個飯咸，所以有d失望。想像中應該好夠味好香架嘛⋯⋯反而個通菜就夠香夠晒味，普通大小。個蠔餅都大大塊，料都有平均分佈，但唔夠香口食落去有d淋淋地。總括黎講，最好食係個菜，其他野真係唔會好想食，價錢都唔平，cp值唔算高。

同班朋友係觀塘放工，行過呢間小店。內面既員工熱情咁招呼我地，希望我地試一下。咁反正未食晚飯，潮州野又岩心水，所以就入左去試下。簡左陣，有個呀叔就介紹我地食乜好，咁我地就任佢發板，韭菜豬血，腩肉春菜，鹵水鵝，蠔仔餅。首先講下，韭菜豬血，唔腥夾落唔散，同勁多韭菜！味道就咸左小小，不過可以既腩肉春菜，性價比都幾高，平令正。必嗌鹵水鵝，呢味就比較少啦，唔係咁底食，味道一般。可以唔叫蠔仔餅，因為食慣九龍城新乜記，所以呢味有那少失色，蠔比較少同細粒。味道都係偏咸既。可以一試總結，食飯既過程，侍應呀叔一直有同我地傾下計，幾好笑。埋單既時間 應該係老闆娘既靚姐都吹到2句，雖然呢食物唔係勁好食，不過環境同價錢都比高分！

行過見好多人，所以入去食。两个人叫咗兩個煲仔飯， 一碟墨魚生腸 ，一碟炒西洋菜。煲仔飯: 飯又唔香 ，豉油又冇味， 又冇飯焦， 好似煮好咗啲飯至 倒落煲度咁。D鱔得7舊，约一元硬幣大，2mm厚，起细件。墨魚生腸: 生腸烚到冇曬味。$85蒜蓉西洋菜： 超細碟 ，四兩菜都冇，$42真真唔明点解仲咁多人食。

成日搭車經過觀塘嘅時候，都會見到潮豐打冷門口有一台又一台嘅凳擺曬出路邊， 一直排到街尾，成條路都係人。而且門口總有一陣陣嘅煲仔飯香味飄出嚟， 有個阿叔係咁煮煲仔飯，似乎非常好賣， 有唔少捧場客。 同埋玻璃櫃入面總會掛住唔同嘅滷水食品，例如鮮橙色嘅大墨魚、大大隻鹵水鵝、豬頭肉、豬耳等等。終於的起心肝去試下，由於唔想坐出街嘅關係，阿姐安排咗我哋喺入面同人搭枱，環境都幾逼，背脊頂背脊咁坐，同埋地下都會有唔同嘅垃圾，例如碎骨同埋紙巾咁，而且檯面都唔係好乾淨，有潔癖嘅朋友就可能要諗諗了。首先嗌咗一個墨魚拼鵝腸， 墨魚有幾塊切片，其他都係一啲頭頭尾尾嘅碎， 而鵝腸就好少少，不過都有啲碎， 同埋都幾多大豆芽墊底，唯一可取嘅係鹵水汁都算入味，而且淋咗少少油都幾香。至於窩蛋牛肉飯，個蛋就畀我一早忍唔住偷偷哋食咗，淨番啲滑牛撈飯， 個飯都算幾乾身，而且配埋啲自家製嘅煲仔飯豉油非常夾，個豉油又唔會太甜亦唔會太鹹， 主要係攞個色， 而牛肉亦都有滲出少少油，令煲仔飯有啲油香。同埋最緊要嘅係呢個煲仔飯個鑊底有飯焦，食到最底嘅時候，就可以用匙羹刮走啲飯焦，夾起來食，非常脆卜卜， 但煲中心嘅飯焦就比較燶， 只能食碗側

潮豐已有多年歷史由格離舊店食到來新店由早餐，午餐，下午茶晚餐，甚至宵夜全年都咁旺經常晚上行過都爆無它，幫襯過此店就知無論煲仔小菜樣樣用料新鮮再加上火氣十足行過被在門口的煲仔飯香味吸引今天六點多店內已經高朋滿坐只有坐在門外，亦有一番風味秋風起叫個煲仔飯暖暖個胃十五分鐘睇住阿叔由爐直接帶來未開蓋已經聞到香味仲聽到茲茲聲響立即開蓋放點鼔油再焗多陣再打開蓋熱辣辣香噴噴簡直係香溢四射排骨本身是已經有味加埋鼓油味啱啱好油份吾多，肉質結實爽口鳯爪吾係多，有咬口飯焦吾算多，剛剛好特別我喜歡吃飯焦的人加埋鼔油食就更加好味